بنات متضايقه حيل.... ولدي فيه بلغم وكحه .. والدكتور عطاني كثير ادويه

[أبحار]

بنات

اولا الحمدلله الف مره الحمدلله


ولدي عمره 10 شهور

وانا ادري كثير يعانون من هالشي


ولدي فيه بلغم وايد وكحه وخرخشه في صدره يابنات معور قلبي لدرجة الليل انا مانام اقعد مواصله
لان يقعد يصحى متضايق


المهم رحت للدكتور
وصف لي ادويه
تخيلو اعطيه كرتزون لمدة 3 ايام؟؟؟؟؟ حبتين فاليوم
وبخاخ
ودواء كحه
وقطرات انف
وحاله

وانا متردده مابي اعطيه كرتزون واخاف اتزيد حالته
..........


بس ابي نصايحكم

[جروب هنا كروشيه]

فى مرحله لما بتزيد الكحه لازم كورتيزون علشان يعالج ويخفف الأعراض ومش تقلقى هو مش ماشى عليه على طول

[أم البداري]

نصيحه جربي زيت السمسم أدهني صدره وظهره بزيت السمسم (دافي)
وعطيه 2مل بعد الحليب بنص ساعه (3مرات في اليوم)
جربته لبنتي اللي معذبتني بالبلغم والصدر والحكه اللي ماتروح منها بأدويه المستشفيات
والحمد لله يومين وترتاح وتخف كثييير وتغط بالنوووم
والحين زيت السمسم مستحيل يخلص من عندي إلا أشتري واحد ثاني هههههه

[مدام ن]

أنا كمان كنت بنصحك بزيت السمسم اعطيه قبل النوم قطرات لأنه يشيل البلغم اللي تسد تنفسه في الليل وطبقي اللي قالت لك عليه أم البداري شفت غيري جربتها ونفعت كثير الله يشفيه لك

[أم سهيل]

السلام عليكم ورحمة الله
الله يشفيه لك يارب و يرزقك بره
اول ما قريت موضوعك قلت بأنصحك بزيت السمسم فسبقوني الاخوات الله يبارك فيهم
لكن بأقولك شربيه موية كثير لأنها تلين البلغم و كثري سوائل و مشروبات دافية هذا مفيد حتى للكبار واللي عندهم احتقان وجيوب انفية وانا مجربتها
أما في دهان زيت السمسم جربي تحطي معه وهو دافي حبة سوداء أو شوية زنجبيل مطحون حتى ف أسفل قدمه الله يعزكم واكتميها بشراب
و كل يوم دهنيه بزيت دافي ودفي الغرفة برضو وسوي له مساج لظهره وصدره وانت ترقيه بنية الشفاء
أنا بنتي عمرها 11 شهر وعندها كحة وبلغم مثل ولدك فأقولك هذي الأمور من تجربة
الله يوفق الجميع

[ي طفلتي]

الله يجززااكم كل خير

[ي طفلتي]

ي غاليااات ..

حاب اعطي بنتي الحببه السوداء ..

عمرهااا 11 شهر و اسبوعين

ممكن تفيدوني كم مره باليوم وكم عاطيها ومتى ...وووو

لاتبخلون علي بالي تعرفونه من تجاربكم و خدمتك


ربي يوفقك ...

[وضيحى]

انا اقول يمكن لازم بعد جلسة بخار اسألي الدكتور ترى البخار خفيف

[زهرة البنفسج ّ]

السلام عليكم ورحمة الله وبركااته

ماعليه شر ان شاء الله
الله يعطي البنات العاافيه
كان ودي والله افيدك بس ماني مجربه عشان كذا

ومالي غير الدعااء والله يشفيه لكي ياارب :)

[mamt 3ziz]

اضم صوتي للزميلات واقولك زيت السمسم .. وفي كمان دواء اسمه ريناثول لونو احمر مرة ممتاز لطرد البلغم باذن الله

[فوحة الطيب]

نفس حالة ولدي له شهرين والكحه والبلغم معه وماخلى الدكتور علاج ماكتبه له بس قالي تروح ان شاءالله ادا راحت الاكزيما وقال لازم يستخدم البخار

ومثل ماقالن الاخوات استخدمي زيت السمسم وكمان زيت زيتون مع زنجبيل دهني جسمه فيه

[إحساس إمرأة]

حبيبتي وشولة هل ادوية كلة احس لسى صغير على هل ادوية كلة

إذا بناتي تعبو مــ أفكر اعطيهم ادوية كثير يكفي مضاد حيوي إذا كان شي ثاني متل

شراب حرارة إذا كان في حرارة وشراب كحة إذا كان مع كحة بس دكتور ادرة

يمكن ولدك يحتاج ادوية كلة عشان حالتة ما شاء الله البنات ماقصرو معاك ماتشوفون شر إن شاء الله ♥ ♥ ♥

[الخمائل]

اهلين
انا عيالي التوام 10 شهور ونفس اﻻعراض
سويت زيت زيتون وبشرت عليه زنجبيل طازج ودفيته وحطيته بعلبه كل ليله احط ملعقه زيت سمسم ومعلقه زيت حبة سواء وزيت الزنجبيل وادفيه وادهن صدورهم وظهورهم واطفي التكيف والحفهم يعرقون منه وينامون بدون خرفشة بصدورهم