pinkfly
02-28-2013, 03:09 PM
السلام عليكم ورحمة الله وبركاته
النهاردة أخواتي.. حبيت أبشركم بخبر حملي.. ألف حمد وشكر ليك يارب.. ربنا يرزق كل البنات و لا يحرم احد من النعمة دي ابدا..
المهم* انا كنت حابة اتكلم معاكوا شوية.. طبعا كتير منكم مش هيفتكرني لأني لما اشتركت هنا لأول مرة عملت موضوعين كده بس لما حسيت بأعراض غريبة لأول مرة وكلكوا مشكورين رديتوا عليا و في اللي بشرني وفي اللي قالي استنى.. ولله الحمد نزلت البريود في الشهر ده واللي بعده واللي بعده. ومن وقتها كل شهر بيعدي عليا كأنه سنين طويلة لحد ما ييجي موعد البريود وفي الأخر اتصدم.. صحيح اني مش متزوجة من زمان اوي (6 شهور) بس والله الست لما بتستنى اليوم ده ربنا العالم الوقت بيمر عليها ازاي..
وشوفت الأعراض أشكال وألوان بس قررت فنفسي اني معشمش نفسي أبدا إلا لما اشوف الخطين حتى لو البريود اتأخرت.. لأني اصلا متعودة انها مش منتظمة اوي و مش هقدر احكم من خلالها..
مكدبش اني كنت باجي هنا وبدور على اعراض مشابهة ومواضيع للبنات ..لكن قررت اني مكتبش أي موضوع تاني لنفسي لتشابه اعراضي مع ناس كتير هنا و عشان معلقش نفسي وأعلقكوا معايا بأخبار حلوة و بعدين يطلع كله وهم !!
ومع اني كان عندي مليون سؤال.. ومليون حاجة مخوفاني ليكون عندي انا او زوجي مشاكل لا قدر الله تأجل الحمل ..محبتش اشيل همي لحد و لا اخلي حد بعد ما يقعد يقلب 100 صفحة في موضوعي يطلع مفيش حاجة..
هتقولوا اني جاية افيد نفسي وبس ..لكن والله انا صحيح مكنتش برد على مواضيع لحد بس والله والله بدعي من كل قلبي لكل واحدة فيكوا ولكل واحدة بتطلب دعوة حلوة ومعنديش خبرة كبيرة أقدر افيد ناس كتير..
ومش معنى كلامي ابدا اني مش مقدرة احساس كل واحدة بتيجي تطلب مساعدة وبشرى مرة واتنين وعشرة.. لولاكوا ولولا الناس اللي بيطمنونا و يقفوا معانا مكنش هيبقى في منتدى زي ده يفيد ملايين تانيين زيي وزي غيري.
المهم* انا قلت لنفسي مش هرجع ألا لما يكون معايا الحاجة اللي تفيدكوا فعلا ..والحاجات اللي ساعدتني فعلا .. و الاعراض اللي فعلا حسيت بيها ومطلعتش اوهام..
أعذروني أني بطول عليكم بس كان نفسي اشاركوا كل الكلام ده..
دلوقت هقلكوا ايه اللي حصل معايا بالظبط
بالنسبة لأعراضي ..
في يوم من ايام التبويض حسيت (بعد الجماع) بنغزة في جنبي اليمين اول مرة احسها وكأن حاجة بتتحرك لتحت* وبعدها سخنت شوية مكنتش طايقة اتغطى بأي حاجة!!
ومن يومها كل يوم احس بنغزة خفيفة جدا لا تزكر في الرحم.. وهي مرة واحدة وفي اوقات عشوائية.. واستمرت معايا افرازات بيضا خفيفة لحد موعد البريود زااااادت جدا وقلبت بأصفر كمان لدرجة اني قلت خلاص البريود جاية وفوضت امري لله..غير وجع الصدر اللي اكدلي انها جاية جاية * وشوية انتفاخ وغازات..
وفي اليوم ده كان عندي عزومة كبيرة وشلت وحطيت كتير بس برده مجتش.. وانا عارفة انها بتتأخر كام يوم عادي فطنشت.. واستنيتها تاني يوم مجتش برده.. وانا رايحة لأهلي اشتريت في الطريق اختبارين حمل وكانوا بالصدفة من أرخص نوع (2 جنيه مصري) مكنش موجود غيره في الصيدلية.. فقلت اجربه من باب اللعب ومش هخسر حاجة.
روحت عند اهلي وفي وسط اليوم وكنت أكلة وشاربة عادي قلت اجرب واتفجعت لما طلع لي خطين مصدقتش قلت اكيد بايظ وقولت مش هقول لحد لما اتأكد.. مش مصدقة اصلا عشان اقول لحد..
جربت التاني طلع نفس الكلام والخطين اوضح الحمد لله.. بس برده مصدقتش
وفي تاني يوم نزلت قبل ما افطر او اعمل اي حاجة واشتريت من النوع الكويس.. وجربته وطلعلي الخطين ياااااا الله مصدقتش نفسي وطرت من السعادة وقعدت ابكي و اصلي شكر لله.. الف حمد وشكر ليك يااااااااااااااارب انا حامل وهفرح زوجي واهلي اخيرا ربنا ما يحرم حد من اللحظة دي.
وروحت فنفس اليوم لوحدي عملت تحليل الدم واتأكدت الحمد لله و روحت عشان احضر المفاجأة لزوجي
وعلى فكرة من يوم ما عرفت بخبر الحمل واعراضي هي هي زيادة وجع الصدر المستمر وبس.. يعني مش كل الاعراض اللي بيتقال عنها زي الغثيان وكده بيظهر من اول شهر في الحمل مش شرط أبدا.. ولا حتى نزل عليا دم انغراس البويضة في يوم البريود وده دليل برده انه مش شرط خالص..ولا حسيت بوجع بريود في وقتها..
المهم روحت بعدها للدكتور وشوفت الكيس في السونار ما شاء الله وكتبلي على الفوليك اسيد و مثبت دوفاستون.. وكمان علاج لأن كان عندي التهاب وهو سبب الافرازات دي وكنت مقلقة منه لأن جزء منه هو اللبوس المهبلي بس انا واثقة بإذن الله ان الدكتور طالما كتبه بنفسه يبقى عارف هو بيعمل ايه وهو دكتور كبير ومعروف..والحمد لله الموضوع خف بعد انتهاء فترة العلاج (3 ايام).
عملت ايه:
انا كل شهر كنت بقرأ عن حاجة جديدة طبيعية اجربها يمكن تجيب فايدة (قبل ما الجأ للدكاترة)..
وشربت قرفة ايام البريود و أكلت وشربت اناناس والكلام ده الشهور اللي فاتت..ومكنتش برضى اخد ادوية بعد ايام التبويض لدرجة دور برد استمر معايا 3 اسابيع وكنت بموت وزوجي يقولي اخد الدوا وانا مرضاش..عشان لو في حاجة متتأثرش بالادوية .
المهم* الشهر ده اللي عملته اني شربت اناناس ايام البريود و جبت غذاء ملكات النحل ودوبته في العسل وأكلت منه برده لحد بعد البريود بيومين تقريبا.. ومعرفش اذا كان ده ساعد او لا بس هي الصدفة وطبعا مشيئة ربنا عز وجل ..وكنت جايبة بردقوش و ميرامية بس بصراحة مقدرتش اشربهم لأني مليش في شرب الاعشاب خالص.. والحمد لله محتجتلهمش.
واللي عملته كمان الشهر ده ومصدقتش مفعوله هو الصدقة بنية الحمل والله يا بنات سبحان الله لأول مرة اعملها بالنية دي وربنا مخيبش أملي الحمد لله ..وطبعا الدعاء والاستغفار.
بس كان في حاجة كده جربتها الشهر اللي فات وحبيت اشارككوا تجربتي ليها ..ودي جبتها من منتديات اجنبية والظاهر انها منتشرة ومعروفة جدا انا مستوعبتش انها فعلا هتجيب نتيجة لأنها عكس بعض الحاجات اللي احنا كنا فهمنها.. هتفهموا من كلامي انا اقصد ايه..
الحكاية اني لقيتهم بيكتبوا عن (قلب الاناناس) ..اللي هو الجزء اللي في النص اللي غالبا كلنا بنرميه مش بناكله..
والأغرب انهم بياكلوه بعد مش قبل ايام التبويض ب 3 ايام تقريبا..وهو مش هدفه زيادة الخصوبة نفسها..انما هدفه ان لو في بويضة اتخصبت بالفعل يساعد على زرعها في الرحم لأن في مادة معينة بتساعد على كده..والطريقة انهم بيقطعوه لخمس أجزاء وكل يوم يكلوا جزء واااااااااحد فقط مش اكتر لمدة خمس ايام من بعد التبويض ب3 ايام مش اكتر..هي تعتبر زي بتساعد على سيولة الدم (زي البيبي اسبرين).. واللي يحب يدور في الموضوع اكتر يكتب في السيرش :
Pineapple core & implantation
وده معناه قلب الاناناس و انغراس البويضة
تجربتي:
وانا قلت لو الطريقة دي جابت نتيجة معايا فعلا هاجي واقلهالكوا..واهي تجربة مش هتخسر لو محصلش حاجة الشهر ده مش مشكلة.. وصحيح محصلش حمل الشهر ده (ديسمبر).. لكن من تجربتي احب اقلكوا ايه اللي حصل معايا بسببها:
اولا انا جبت الاناناس في ايام البريود وقلت لما اجرب طعم قلب الاناناس ده لقيته مقبول يعني وكله الياف.. المهم انا كنت في اخر الايام يعتبر والدم خف خالص.. فجأة لقيت مغص في بطني و لقيت كتل كبيرة وغامقة (سامحوني في الوصف) بيتنزل كأنها نضفت من جوا!!!
المهم * بعد ما اكلتها بعد التبويض عادي محستش بأي حاجة* لكن لما البريود جت (اخر بريود قبل الحمل) نزلت بوجع فظييييييييييع اول مرة يجيلي لأني مش من النوع اللي بتألم من البريود اوي.. لدرجة مقدرتش اتحمل واخدت مسكنات لأول مرة برده من وجعها.. بس حسيت فعلا انها طلعت كل حاجة مش كويسة ..يمكن مجرد احساس.. بس دي خلاصة تجربتي بكل صدق عشان لو حد جربها يبقى عارف انها مش اكيدة 100 % يعني زي اي حاجة لكن ممكن تساعد والله اعلم.
بس كده هي دي خلاصة تجربتي و قصة حملي.. ربنا يباركلي فيه ويحميه..معلش لو كنت طولت عليكوا
أحساسي
مش مصدقة ولا مستوعبة لسه.. الحمد لله.. وزوجي واهلي طاروا من السعادة لأنهم كمان كانوا منتظريين اليوم ده وكانت احلى مفاجأة بعد ظروف صعبة مرينا بيها..
ربنا ما يحرم حد ابدا
أدعولي ربنا يتمملي على خير و يثبت حملي و يجعله سليم و معافى.. آمييييييييين يارب. ياااااااااااارب ارزق كل اخواتي في الله الذرية الصالحة و بشرهم بالخير عاجلا غير أجل ان شاء الله.
أسفة كمان مرة على الأطالة.. ولو حد محتاج يسألني فحاجة انا موجودة.
hwaml29
أختكم: pinkfly
النهاردة أخواتي.. حبيت أبشركم بخبر حملي.. ألف حمد وشكر ليك يارب.. ربنا يرزق كل البنات و لا يحرم احد من النعمة دي ابدا..
المهم* انا كنت حابة اتكلم معاكوا شوية.. طبعا كتير منكم مش هيفتكرني لأني لما اشتركت هنا لأول مرة عملت موضوعين كده بس لما حسيت بأعراض غريبة لأول مرة وكلكوا مشكورين رديتوا عليا و في اللي بشرني وفي اللي قالي استنى.. ولله الحمد نزلت البريود في الشهر ده واللي بعده واللي بعده. ومن وقتها كل شهر بيعدي عليا كأنه سنين طويلة لحد ما ييجي موعد البريود وفي الأخر اتصدم.. صحيح اني مش متزوجة من زمان اوي (6 شهور) بس والله الست لما بتستنى اليوم ده ربنا العالم الوقت بيمر عليها ازاي..
وشوفت الأعراض أشكال وألوان بس قررت فنفسي اني معشمش نفسي أبدا إلا لما اشوف الخطين حتى لو البريود اتأخرت.. لأني اصلا متعودة انها مش منتظمة اوي و مش هقدر احكم من خلالها..
مكدبش اني كنت باجي هنا وبدور على اعراض مشابهة ومواضيع للبنات ..لكن قررت اني مكتبش أي موضوع تاني لنفسي لتشابه اعراضي مع ناس كتير هنا و عشان معلقش نفسي وأعلقكوا معايا بأخبار حلوة و بعدين يطلع كله وهم !!
ومع اني كان عندي مليون سؤال.. ومليون حاجة مخوفاني ليكون عندي انا او زوجي مشاكل لا قدر الله تأجل الحمل ..محبتش اشيل همي لحد و لا اخلي حد بعد ما يقعد يقلب 100 صفحة في موضوعي يطلع مفيش حاجة..
هتقولوا اني جاية افيد نفسي وبس ..لكن والله انا صحيح مكنتش برد على مواضيع لحد بس والله والله بدعي من كل قلبي لكل واحدة فيكوا ولكل واحدة بتطلب دعوة حلوة ومعنديش خبرة كبيرة أقدر افيد ناس كتير..
ومش معنى كلامي ابدا اني مش مقدرة احساس كل واحدة بتيجي تطلب مساعدة وبشرى مرة واتنين وعشرة.. لولاكوا ولولا الناس اللي بيطمنونا و يقفوا معانا مكنش هيبقى في منتدى زي ده يفيد ملايين تانيين زيي وزي غيري.
المهم* انا قلت لنفسي مش هرجع ألا لما يكون معايا الحاجة اللي تفيدكوا فعلا ..والحاجات اللي ساعدتني فعلا .. و الاعراض اللي فعلا حسيت بيها ومطلعتش اوهام..
أعذروني أني بطول عليكم بس كان نفسي اشاركوا كل الكلام ده..
دلوقت هقلكوا ايه اللي حصل معايا بالظبط
بالنسبة لأعراضي ..
في يوم من ايام التبويض حسيت (بعد الجماع) بنغزة في جنبي اليمين اول مرة احسها وكأن حاجة بتتحرك لتحت* وبعدها سخنت شوية مكنتش طايقة اتغطى بأي حاجة!!
ومن يومها كل يوم احس بنغزة خفيفة جدا لا تزكر في الرحم.. وهي مرة واحدة وفي اوقات عشوائية.. واستمرت معايا افرازات بيضا خفيفة لحد موعد البريود زااااادت جدا وقلبت بأصفر كمان لدرجة اني قلت خلاص البريود جاية وفوضت امري لله..غير وجع الصدر اللي اكدلي انها جاية جاية * وشوية انتفاخ وغازات..
وفي اليوم ده كان عندي عزومة كبيرة وشلت وحطيت كتير بس برده مجتش.. وانا عارفة انها بتتأخر كام يوم عادي فطنشت.. واستنيتها تاني يوم مجتش برده.. وانا رايحة لأهلي اشتريت في الطريق اختبارين حمل وكانوا بالصدفة من أرخص نوع (2 جنيه مصري) مكنش موجود غيره في الصيدلية.. فقلت اجربه من باب اللعب ومش هخسر حاجة.
روحت عند اهلي وفي وسط اليوم وكنت أكلة وشاربة عادي قلت اجرب واتفجعت لما طلع لي خطين مصدقتش قلت اكيد بايظ وقولت مش هقول لحد لما اتأكد.. مش مصدقة اصلا عشان اقول لحد..
جربت التاني طلع نفس الكلام والخطين اوضح الحمد لله.. بس برده مصدقتش
وفي تاني يوم نزلت قبل ما افطر او اعمل اي حاجة واشتريت من النوع الكويس.. وجربته وطلعلي الخطين ياااااا الله مصدقتش نفسي وطرت من السعادة وقعدت ابكي و اصلي شكر لله.. الف حمد وشكر ليك يااااااااااااااارب انا حامل وهفرح زوجي واهلي اخيرا ربنا ما يحرم حد من اللحظة دي.
وروحت فنفس اليوم لوحدي عملت تحليل الدم واتأكدت الحمد لله و روحت عشان احضر المفاجأة لزوجي
وعلى فكرة من يوم ما عرفت بخبر الحمل واعراضي هي هي زيادة وجع الصدر المستمر وبس.. يعني مش كل الاعراض اللي بيتقال عنها زي الغثيان وكده بيظهر من اول شهر في الحمل مش شرط أبدا.. ولا حتى نزل عليا دم انغراس البويضة في يوم البريود وده دليل برده انه مش شرط خالص..ولا حسيت بوجع بريود في وقتها..
المهم روحت بعدها للدكتور وشوفت الكيس في السونار ما شاء الله وكتبلي على الفوليك اسيد و مثبت دوفاستون.. وكمان علاج لأن كان عندي التهاب وهو سبب الافرازات دي وكنت مقلقة منه لأن جزء منه هو اللبوس المهبلي بس انا واثقة بإذن الله ان الدكتور طالما كتبه بنفسه يبقى عارف هو بيعمل ايه وهو دكتور كبير ومعروف..والحمد لله الموضوع خف بعد انتهاء فترة العلاج (3 ايام).
عملت ايه:
انا كل شهر كنت بقرأ عن حاجة جديدة طبيعية اجربها يمكن تجيب فايدة (قبل ما الجأ للدكاترة)..
وشربت قرفة ايام البريود و أكلت وشربت اناناس والكلام ده الشهور اللي فاتت..ومكنتش برضى اخد ادوية بعد ايام التبويض لدرجة دور برد استمر معايا 3 اسابيع وكنت بموت وزوجي يقولي اخد الدوا وانا مرضاش..عشان لو في حاجة متتأثرش بالادوية .
المهم* الشهر ده اللي عملته اني شربت اناناس ايام البريود و جبت غذاء ملكات النحل ودوبته في العسل وأكلت منه برده لحد بعد البريود بيومين تقريبا.. ومعرفش اذا كان ده ساعد او لا بس هي الصدفة وطبعا مشيئة ربنا عز وجل ..وكنت جايبة بردقوش و ميرامية بس بصراحة مقدرتش اشربهم لأني مليش في شرب الاعشاب خالص.. والحمد لله محتجتلهمش.
واللي عملته كمان الشهر ده ومصدقتش مفعوله هو الصدقة بنية الحمل والله يا بنات سبحان الله لأول مرة اعملها بالنية دي وربنا مخيبش أملي الحمد لله ..وطبعا الدعاء والاستغفار.
بس كان في حاجة كده جربتها الشهر اللي فات وحبيت اشارككوا تجربتي ليها ..ودي جبتها من منتديات اجنبية والظاهر انها منتشرة ومعروفة جدا انا مستوعبتش انها فعلا هتجيب نتيجة لأنها عكس بعض الحاجات اللي احنا كنا فهمنها.. هتفهموا من كلامي انا اقصد ايه..
الحكاية اني لقيتهم بيكتبوا عن (قلب الاناناس) ..اللي هو الجزء اللي في النص اللي غالبا كلنا بنرميه مش بناكله..
والأغرب انهم بياكلوه بعد مش قبل ايام التبويض ب 3 ايام تقريبا..وهو مش هدفه زيادة الخصوبة نفسها..انما هدفه ان لو في بويضة اتخصبت بالفعل يساعد على زرعها في الرحم لأن في مادة معينة بتساعد على كده..والطريقة انهم بيقطعوه لخمس أجزاء وكل يوم يكلوا جزء واااااااااحد فقط مش اكتر لمدة خمس ايام من بعد التبويض ب3 ايام مش اكتر..هي تعتبر زي بتساعد على سيولة الدم (زي البيبي اسبرين).. واللي يحب يدور في الموضوع اكتر يكتب في السيرش :
Pineapple core & implantation
وده معناه قلب الاناناس و انغراس البويضة
تجربتي:
وانا قلت لو الطريقة دي جابت نتيجة معايا فعلا هاجي واقلهالكوا..واهي تجربة مش هتخسر لو محصلش حاجة الشهر ده مش مشكلة.. وصحيح محصلش حمل الشهر ده (ديسمبر).. لكن من تجربتي احب اقلكوا ايه اللي حصل معايا بسببها:
اولا انا جبت الاناناس في ايام البريود وقلت لما اجرب طعم قلب الاناناس ده لقيته مقبول يعني وكله الياف.. المهم انا كنت في اخر الايام يعتبر والدم خف خالص.. فجأة لقيت مغص في بطني و لقيت كتل كبيرة وغامقة (سامحوني في الوصف) بيتنزل كأنها نضفت من جوا!!!
المهم * بعد ما اكلتها بعد التبويض عادي محستش بأي حاجة* لكن لما البريود جت (اخر بريود قبل الحمل) نزلت بوجع فظييييييييييع اول مرة يجيلي لأني مش من النوع اللي بتألم من البريود اوي.. لدرجة مقدرتش اتحمل واخدت مسكنات لأول مرة برده من وجعها.. بس حسيت فعلا انها طلعت كل حاجة مش كويسة ..يمكن مجرد احساس.. بس دي خلاصة تجربتي بكل صدق عشان لو حد جربها يبقى عارف انها مش اكيدة 100 % يعني زي اي حاجة لكن ممكن تساعد والله اعلم.
بس كده هي دي خلاصة تجربتي و قصة حملي.. ربنا يباركلي فيه ويحميه..معلش لو كنت طولت عليكوا
أحساسي
مش مصدقة ولا مستوعبة لسه.. الحمد لله.. وزوجي واهلي طاروا من السعادة لأنهم كمان كانوا منتظريين اليوم ده وكانت احلى مفاجأة بعد ظروف صعبة مرينا بيها..
ربنا ما يحرم حد ابدا
أدعولي ربنا يتمملي على خير و يثبت حملي و يجعله سليم و معافى.. آمييييييييين يارب. ياااااااااااارب ارزق كل اخواتي في الله الذرية الصالحة و بشرهم بالخير عاجلا غير أجل ان شاء الله.
أسفة كمان مرة على الأطالة.. ولو حد محتاج يسألني فحاجة انا موجودة.
hwaml29
أختكم: pinkfly