ρυяỉтч •
02-15-2013, 07:22 PM
بسم الله الرحمن الرحيم ..
السلام عليكم ورحمه الله وبركاته ،
ماكانت عندي نيه من اول اكتب اكشن ولادتي ، بس عشان ولادتي كانت غريبه جداً وممكن احد يستفيد من الغلط اللي صارلي حبيت انزلها لكن ..
تستفيدن من تجربتي ، وماتغلطن نفس غلطي ..
ب الاول بعرفكم علي .. انا عندي 3 اطفال يعني مو بكريه وعارفه الالام الطلق وهالسواليف ..
المهم انا من بدايه الحمل عندي مشاكل كثيره يارب لك الحمد .. وكانوا توائم وخسرت اثنين وبقيلي جنين واحد بس
الحمدلله بس كنت طول حملي خايفه لانهم اعطوني احتمال بالشهر الخامس ينفتح الرحم ويطرد واحد من الاكياس ..
لكن ربي ستر علي واعتقد ان المشيمه سحبت الكيس ..
كان عندي بعد ورم بالمشيمه وقالتلي الدكتوره مشيمتك ماراح تستحمل وتوصل لتاسع ..
يعني اعطتني احتمال ولاده مبكره ، وبالشهر الثامن الدكتوره اصرت ارجع للاسبرين
بس انا خفت يجيني نزيف وانا مجربه النزيف فمارضيت اخذ الاسبرين وتوكلت على ربي الحمدلله
الدكتوره كانت دايم تشككني ان عندي سكر ، والسبب ان حجم الجنين من بدايه حملي كان كبير
وزايده الوزن لي وللجنين كانت كبيره ،
لدرجه اني كنت اتوقع اولد قيصري لان الحجم حسب ماإكدوا لي يزيد بطريقه مو طبيعيه .. وهالسبب خلاني بالشهر التاسع اقلل اكلي ،
وبصراحه كانت اول غلطه لي بحق جنيني .. كان المفروض استمر على تغذيتي ولا اصدق السونار ابداً ..
بعد انا كان معي طلق من الشهر الثامن ، صح كان طلق كاذب بس كان على مدار اليوم وبارد
وانا بعيالي متعوده يجيني الطلق مره وحده مو يبدا ويصير حامي وبعدين يبرد !!
دخلت الشهر التاسع وبدا الطلق يزيد وصرت مانام الليل منه ، صابني ارق فضيع واكتئاب حاد وصرت عصبيه جدا وكرهت حتى عيالي
تعبت بقوه وبطني التحجر مايوقف حسيته بينفجر .. ساعات اجلس ابكي عند امي من الم التحجر ..
المهم مثلي مثل اي وحده حامل وطفشت وتبي تفقس وفكرت اخذ محرضات ..
بصراحه مابقا شي مابلعته او اخذته ، بس ابدا ماتإثرت ابدا الا بشغلتين ..
الاولى : كنت اسوي مساج داخلي بزيت زيتون لمنطقه المهبل .. ومن بعد كم مره سويتها المنطقه من تحت تورمت بشكل مو طبيعي ،
وماكنت اعرف ليش صارت كذا ؟ بس قلت اكيد من الثقل ؟؟
الثاني : زيت الخروع .. اخذته مره وحمى الطلق معي وكانوا بيدخلوني التنويم بس للاسف رجع وبرد الطلق معي ..
بعدها بصراحه طفشت .. ولاعت كبدي من هالمحرضات وطعمهن وقررت اني اطنش ولا اخذ شي ابدا ..
فعلا وقفت كل شي ، وصرت احاول اخفف من اكتئابي وانسا سالفه الولاده واعيش طبيعي
والطلق يوميا يجيني ويصحيني وانا اطنشه ولا اهتم به ..
الى ان جا ليله ولادتي اللي هو يوم 3-4 وكنت عند اهلي وزوجه اخوي فيه ..
وطبعا لازم التعليقات ،، انتي حملك حمل ناقه ؟
معطله امورنا ولا ولدتي خخخ .. وانا تطقني الغلقه ويرجعلي الاكتئاب من جديد
قالتلي امي اشربي قرفه يمكن تولدين !
عاد انا الا القرفه مافكرت اخذها ، قلتلها لا لا القرفه تسبب طلق حامي مره وممكن اعرض نفسي للخطر .. بس امي حمستني واللي مكتوب بيصير
وماراح اولد الا بيومي ومن هالكلام ، وقامت تسويلي قرفه
عاد انا قلت بنفسي ليش بعد ماخذ خروع مره ثانيه يعني معي طلق بس لو يحمى بولد خلاص .. عاد امي موصيتني ماخذ خروع
وجبتلي علبه وكنت داستها عنها خخخ
اخذت كاسه وكنت ناويه احط ملعقتين خروع ،
حطيت ملعقه وبعدها ملعقه وبعدين تحسفت واحط ملعقه ونص بعد < العلبه فضت خخخ
وقلبي يرقع واستودع جنيني واحط عصير واغمض عيوني واشربه وارجع لصاله
وامي مجهزه ابريق القرفه وتصبلي كاسه
شربت كاستين وقلت خلاص مابي ، وامي تقولي ماتكفي كاستين اشربي وانا مابي ..
وكانت وحده مكلمه امي وقالتلها امي اني من تحت متورمه مره وماقدر امشي ولا اتحرك
قالت لامي خلاص خليها توقف مشي ولاتسوي شي ، بس تشرب مويه على الريق وتتسهل ولادتها ب اذن الله .. بنتك نازل الجنين مره معها وخمس طلقات بالكثير وتولد ، من تحس بالطلق لاتجلس بالبيت تروح بسرعه
عاد انا صرت اشرب مويه نفس وصاتها ووقفت مشي من وقتها ..
نرجع ليله ولادتي .. من شربت خروع انقلب وجهي وتغيرت معالمي .. وزوجه اخوي كل شوي تقولي تحسين بطلق ؟ وجهك كنك بتولدين
وانا اقول لا ابدا ماحس بشي ومطوله مابي اولد الحين ،
كنت توني مجدده اجازتي حقت الدوام وكان ودي اخذ اجازتي وبعدين اولد بس عاد قدر الله وماشاء فعل
شربت الخروع 10:15 دقيقه بالضبط ، وحسبت لنفسي بيبدا مفعول الخروع كالعاده بعد 6 ساعات
مامدا الساعه تصير 11:45 دقيقه الا يبدا المغص حق الخروع !! بصراحه استغربت وحسيت اني كثرت خروع وخففففت والله ع الجنين مره !!
حاولت اتصبر ماقدرت استإذنت من امي وقلت بروح لشقتي < شقتي فوق اهلي
قلتلها بنام نعسانه .. ولدي وبنتي الصغيره ناموا عند امي .. وبنتي الكبيره راحت معي
جلست من 12 لين 2 الفجر رايحه جايه الحمام ، بغيت اموت انصرعت والله .. وبعدها رحت سويتلي عشا واكلت زبادي واخذت شاور ورحت لسريري بنام
طبعا معي مغص وكذا بس عادي من الخروع
جلست اسولف على الواتس والمغص مقطعني وانا اقول ايه موال كل ليله الطلق يستهبل
وغصبت نفسي وغفيت وكل شوي اصحا وارجع انام
الساعه 7 ارسلتلي امي ع الواتس ايش فيك صاحيه ؟ قلتلها لا تو صحيت وبرجع انام
قالت لو معك طلق علميني .. قلتلها كالعاده طلق وكم ساعه ويروح مثل كل يوم
وارسلتلي ولدي ،،
وانا من 7 احاول انام وكل شوي اقول الحين يخف الطلق الحين يروح
بس ابدا الطلق يزيد وانا قاعده بفراشي مابين مصدق ومو مصدق
لساعه 9 حسيت انه صدق طلق وقلت اقوم اتحرك لو ماخف معناته طلق صدق
قمت حاولت اشتغل ماقدرت الطلق نااار ..
بديت احسب بين كل طلقه وطلقه الا بس دقيقتين ؟؟
امي اتصلت علي يابنت فيه طلق والا لا
قلتلها مدري باخذ شاور لو ماخف برجع اقولك
< الى الان مو مصدقه احس انه بيبرد واروح اتفشل بس
اخذت شاور نااار وارتحت مره وطلعت وانا انتفض مره ، احاول البس عجزت !!
الطلق نار نار نار وانا مو قادره احس بدفع وبس ابي الحمام
خفت وصحيت بنتي وبسرعه نزلت لاهلي ، طبعا امي بكل برود تقولي استني شوي لين يحمى
وانا اتوجع واتألم وامي تجهز بالمطبخ .. واحس بدفع ومدري وش السالفه
والطلق ورا بعض ماوقف وكل شوي اقول يااااربي وامي تقول اذكري ربك بعد
واصررخ خلاص بموت بينزل البيبي ، اول مالتفت امي علي الا عيوني طالعه وجسمي يرجف مره
وراحت تصحي اخوي ، ب الاول ترسل عيالي بس لما شافتني راحت تركض
وانا واقفه بنص الصاله واخوي يتمطط ويقول العاده نوديها ونرجعها خخخخ
ماسمع الا صرختي خلاص بولد اخلصوا علي
طبعا زوجه اخوي كانت بنطلع سمعت صرختي رجعت ع طول انخرعت خخ < حامل بالثامن المسكينه
ركبنا السياره وانا احس بالبيبي بين رجولي !!
قسم بالله يابنات رعب رعب مو طبيعي ، اتنقس بعمق مع الطلق مابي بنتي تنزل وابكي واصرخ الحين تنزل الحين تنزل
واخوي يمسك رجولي تكفين اصبري دقيقه وصلنا
وامي تصارخ لاتقفل رجولها تخنقون البنت ..
المستشفا الحمدلله قريب وانا خلاص ع اخري بولد بتنزل البنت ..
نزل اخوي ركض لطوارئ وامي راحت وراه بتجيب عربانه
وخلوني لحالي بالسياره والطلق جت .. وحسيت بدفع والرعب اكل قلبي وابكي يارب بنتي .. طبعا ماحسيت الا بالانفجار وانكبت المويه !!! انا هنا وقف قلبي وبفتح باب السياره واصرخ ياويلي بنتي ..
اول مره تنكب معي مويه الراس !!!!
اخوي وامي جوو يبون يوقفوني وانا ابكي مااقدر بتنزل احسها بين رجولي خلاص
مدري كيف دخلت قسم الطوارئ قسم بالله .. بيطلعوني السرير مدري كيف طلعت والطلق مشتغل وادفع لا ارادي
جت الممرضه بتركب التخطيط وانا اصرخ اقولها نزلت البنت بين رجولي
والممرضه مو مستوعبه تقولي لازم نتابع النبض اثناء الطلق ..
والدكتوره جت تركض .. طبعا انا بملابسي بعباتي بنقابي بكل شي
الدكتوره مالحقت تحط جل حتى على يديها مالقت الا البنت بوجهها ،،
رفعت عيوني الا بنتي ماسكتها مع رجلينها الدكتوره وتقول للمرضه بسرعه رجعي الدم لسره البيبي .. والممرضه تصرخ ماعرف ارجعه وشلون
وانا انهبل واقوم قلبي بيوقف خلاص ماتت بنتي
تعب تسع شهور راح ... ماعاد احس بالدنيا وقف كل شي لا اله الا الله
شوي الا اسمع صوت صياحها .. هالثواني كانت بالنسبه لي عمر طويل .. اخذت نفس طويل لما سمعت صوتها والله كان عقلي بيطير
شوي الا تقولي الدكتوره يلا ع السرير الثاني
قمت بالموت متفككه ومدري وين بيودوني ؟ انا مفكره خلاص ارجع البيت
قالت لا بنطلعك الولاده ،، والمغص طبعا ابدا ماوقف مدري ليش
بس لما قمت اكتشفت ان الحبل السري موجود لسا والمشيمه مانزلت ..
طلعوني فوق ودخلوني قسم المخاض ونزلوا المشيمه حقت البيبي ونادولي الدكتوره
انا هنا خلاص ولدت وخلصت وماعاد فيه وجع الطلق .. فيه وجع التفكك والدفع بس
قالتلي الدكتوره يلا فحص داخلي بنشوف نخيط او لا ؟
انا هنا انفجعت بتخيطوني بدون بنج ، قالتلي لا الحين ابنجك
واااااااااخ من البنج .. بالعاده ماحس فيه لان يعطون البنج مع الطلق ، ومن وجع الطلق ماتحسين بالابر !!
عاد متخيلين ابر وبدون طلق ولا شي ،،، ااااخ يوجع والله بشكل
حطتلي 20 ml بنج .. رحمتني الدكتوره
وبدت تخيط وانا اتألم واحسب الغرز !!
حسيت الغرز يمكن 10 غرزات ؟؟؟؟
قلت لدكتوره كم بس مارضت تعلمني كم ؟؟
بس اخر شي قالت ممكن 5 او 6 غرز !!
وانا عارفه اكثر .. وشرحتلي ان السبب البنت نزلت وبدون تدخل طبي ، وان انا وقتها كنت احاول اوقف الدفع ..
جابولي عاد بنتي وانا اتخيط ... صغيييييييييييييييييره ياعالم مره صغيره ، ماكملت 3 كيلو والله ..
وانا اطالع فيها ومنقهره من الدكتوره البي كانت تقول ان وزنها مره كبير وخلتني اوقف اكل بالتاسع !!
بس بصراحه شفت المشيمه كبيره كبيره .. حسيت ان هي السبب ..
والله يابنات كان رعب نفسي كبير .. كانت بتجيني جلطه وكانت بنتي بتروح بس ربي ستر ولطف
الحمدلله اني دايم كنت استودع نفسي وبنتي والا كانت سواليف وعلوم ..
عشان كذا انا حبيت اقولكن وش صارلي .. الواحد يحتاط ومن يحس ب اي وجع الافضل يروح مباشره لطوارئ احسن من يصيرله مثلي
وبعد اخذت موقف من المحرضات .. المفروض اني اخذت يا قرفه او خروع لان كلهن حاميات
بس انا اخذتهم سوا واستهنت بالطلق حقهم
اصلا ماتوقعت ابدا ان يكون طلق القرفه قوي كذا ؟
مع اني كنت خايفه من القرفه وسمعت ان طلقها مثل الطلق الصناعي بس قدر الله وماشاء فعل .. والحمدلله اولاً واخيراً
الحمدلله ربي ستر ولطف .. وماضيع تعب تسع شهور ،
وربي يهون علي التعب والرعب النفسي والجسدي اللي ذقته يارب لك الحمد
ويخفف عني مع هالخياطه والغرز وارتاح منهم ومن المغص والتفكك اللي جاني
طبعا ولدت انا بتاريخ 4/4 وماكتشفت ان التاريخ مميز الا بعد ماخيطوني وخلصت ..
الحمدلله يارب ، والله يعوض علي يارب ولن شاءالله ماتمرن باللي مريت فيه ولا تتعذبن هالعذاب ابد ويرزقكن ولاده سهله ميسره ياكريم
السلام عليكم ورحمه الله وبركاته ،
ماكانت عندي نيه من اول اكتب اكشن ولادتي ، بس عشان ولادتي كانت غريبه جداً وممكن احد يستفيد من الغلط اللي صارلي حبيت انزلها لكن ..
تستفيدن من تجربتي ، وماتغلطن نفس غلطي ..
ب الاول بعرفكم علي .. انا عندي 3 اطفال يعني مو بكريه وعارفه الالام الطلق وهالسواليف ..
المهم انا من بدايه الحمل عندي مشاكل كثيره يارب لك الحمد .. وكانوا توائم وخسرت اثنين وبقيلي جنين واحد بس
الحمدلله بس كنت طول حملي خايفه لانهم اعطوني احتمال بالشهر الخامس ينفتح الرحم ويطرد واحد من الاكياس ..
لكن ربي ستر علي واعتقد ان المشيمه سحبت الكيس ..
كان عندي بعد ورم بالمشيمه وقالتلي الدكتوره مشيمتك ماراح تستحمل وتوصل لتاسع ..
يعني اعطتني احتمال ولاده مبكره ، وبالشهر الثامن الدكتوره اصرت ارجع للاسبرين
بس انا خفت يجيني نزيف وانا مجربه النزيف فمارضيت اخذ الاسبرين وتوكلت على ربي الحمدلله
الدكتوره كانت دايم تشككني ان عندي سكر ، والسبب ان حجم الجنين من بدايه حملي كان كبير
وزايده الوزن لي وللجنين كانت كبيره ،
لدرجه اني كنت اتوقع اولد قيصري لان الحجم حسب ماإكدوا لي يزيد بطريقه مو طبيعيه .. وهالسبب خلاني بالشهر التاسع اقلل اكلي ،
وبصراحه كانت اول غلطه لي بحق جنيني .. كان المفروض استمر على تغذيتي ولا اصدق السونار ابداً ..
بعد انا كان معي طلق من الشهر الثامن ، صح كان طلق كاذب بس كان على مدار اليوم وبارد
وانا بعيالي متعوده يجيني الطلق مره وحده مو يبدا ويصير حامي وبعدين يبرد !!
دخلت الشهر التاسع وبدا الطلق يزيد وصرت مانام الليل منه ، صابني ارق فضيع واكتئاب حاد وصرت عصبيه جدا وكرهت حتى عيالي
تعبت بقوه وبطني التحجر مايوقف حسيته بينفجر .. ساعات اجلس ابكي عند امي من الم التحجر ..
المهم مثلي مثل اي وحده حامل وطفشت وتبي تفقس وفكرت اخذ محرضات ..
بصراحه مابقا شي مابلعته او اخذته ، بس ابدا ماتإثرت ابدا الا بشغلتين ..
الاولى : كنت اسوي مساج داخلي بزيت زيتون لمنطقه المهبل .. ومن بعد كم مره سويتها المنطقه من تحت تورمت بشكل مو طبيعي ،
وماكنت اعرف ليش صارت كذا ؟ بس قلت اكيد من الثقل ؟؟
الثاني : زيت الخروع .. اخذته مره وحمى الطلق معي وكانوا بيدخلوني التنويم بس للاسف رجع وبرد الطلق معي ..
بعدها بصراحه طفشت .. ولاعت كبدي من هالمحرضات وطعمهن وقررت اني اطنش ولا اخذ شي ابدا ..
فعلا وقفت كل شي ، وصرت احاول اخفف من اكتئابي وانسا سالفه الولاده واعيش طبيعي
والطلق يوميا يجيني ويصحيني وانا اطنشه ولا اهتم به ..
الى ان جا ليله ولادتي اللي هو يوم 3-4 وكنت عند اهلي وزوجه اخوي فيه ..
وطبعا لازم التعليقات ،، انتي حملك حمل ناقه ؟
معطله امورنا ولا ولدتي خخخ .. وانا تطقني الغلقه ويرجعلي الاكتئاب من جديد
قالتلي امي اشربي قرفه يمكن تولدين !
عاد انا الا القرفه مافكرت اخذها ، قلتلها لا لا القرفه تسبب طلق حامي مره وممكن اعرض نفسي للخطر .. بس امي حمستني واللي مكتوب بيصير
وماراح اولد الا بيومي ومن هالكلام ، وقامت تسويلي قرفه
عاد انا قلت بنفسي ليش بعد ماخذ خروع مره ثانيه يعني معي طلق بس لو يحمى بولد خلاص .. عاد امي موصيتني ماخذ خروع
وجبتلي علبه وكنت داستها عنها خخخ
اخذت كاسه وكنت ناويه احط ملعقتين خروع ،
حطيت ملعقه وبعدها ملعقه وبعدين تحسفت واحط ملعقه ونص بعد < العلبه فضت خخخ
وقلبي يرقع واستودع جنيني واحط عصير واغمض عيوني واشربه وارجع لصاله
وامي مجهزه ابريق القرفه وتصبلي كاسه
شربت كاستين وقلت خلاص مابي ، وامي تقولي ماتكفي كاستين اشربي وانا مابي ..
وكانت وحده مكلمه امي وقالتلها امي اني من تحت متورمه مره وماقدر امشي ولا اتحرك
قالت لامي خلاص خليها توقف مشي ولاتسوي شي ، بس تشرب مويه على الريق وتتسهل ولادتها ب اذن الله .. بنتك نازل الجنين مره معها وخمس طلقات بالكثير وتولد ، من تحس بالطلق لاتجلس بالبيت تروح بسرعه
عاد انا صرت اشرب مويه نفس وصاتها ووقفت مشي من وقتها ..
نرجع ليله ولادتي .. من شربت خروع انقلب وجهي وتغيرت معالمي .. وزوجه اخوي كل شوي تقولي تحسين بطلق ؟ وجهك كنك بتولدين
وانا اقول لا ابدا ماحس بشي ومطوله مابي اولد الحين ،
كنت توني مجدده اجازتي حقت الدوام وكان ودي اخذ اجازتي وبعدين اولد بس عاد قدر الله وماشاء فعل
شربت الخروع 10:15 دقيقه بالضبط ، وحسبت لنفسي بيبدا مفعول الخروع كالعاده بعد 6 ساعات
مامدا الساعه تصير 11:45 دقيقه الا يبدا المغص حق الخروع !! بصراحه استغربت وحسيت اني كثرت خروع وخففففت والله ع الجنين مره !!
حاولت اتصبر ماقدرت استإذنت من امي وقلت بروح لشقتي < شقتي فوق اهلي
قلتلها بنام نعسانه .. ولدي وبنتي الصغيره ناموا عند امي .. وبنتي الكبيره راحت معي
جلست من 12 لين 2 الفجر رايحه جايه الحمام ، بغيت اموت انصرعت والله .. وبعدها رحت سويتلي عشا واكلت زبادي واخذت شاور ورحت لسريري بنام
طبعا معي مغص وكذا بس عادي من الخروع
جلست اسولف على الواتس والمغص مقطعني وانا اقول ايه موال كل ليله الطلق يستهبل
وغصبت نفسي وغفيت وكل شوي اصحا وارجع انام
الساعه 7 ارسلتلي امي ع الواتس ايش فيك صاحيه ؟ قلتلها لا تو صحيت وبرجع انام
قالت لو معك طلق علميني .. قلتلها كالعاده طلق وكم ساعه ويروح مثل كل يوم
وارسلتلي ولدي ،،
وانا من 7 احاول انام وكل شوي اقول الحين يخف الطلق الحين يروح
بس ابدا الطلق يزيد وانا قاعده بفراشي مابين مصدق ومو مصدق
لساعه 9 حسيت انه صدق طلق وقلت اقوم اتحرك لو ماخف معناته طلق صدق
قمت حاولت اشتغل ماقدرت الطلق نااار ..
بديت احسب بين كل طلقه وطلقه الا بس دقيقتين ؟؟
امي اتصلت علي يابنت فيه طلق والا لا
قلتلها مدري باخذ شاور لو ماخف برجع اقولك
< الى الان مو مصدقه احس انه بيبرد واروح اتفشل بس
اخذت شاور نااار وارتحت مره وطلعت وانا انتفض مره ، احاول البس عجزت !!
الطلق نار نار نار وانا مو قادره احس بدفع وبس ابي الحمام
خفت وصحيت بنتي وبسرعه نزلت لاهلي ، طبعا امي بكل برود تقولي استني شوي لين يحمى
وانا اتوجع واتألم وامي تجهز بالمطبخ .. واحس بدفع ومدري وش السالفه
والطلق ورا بعض ماوقف وكل شوي اقول يااااربي وامي تقول اذكري ربك بعد
واصررخ خلاص بموت بينزل البيبي ، اول مالتفت امي علي الا عيوني طالعه وجسمي يرجف مره
وراحت تصحي اخوي ، ب الاول ترسل عيالي بس لما شافتني راحت تركض
وانا واقفه بنص الصاله واخوي يتمطط ويقول العاده نوديها ونرجعها خخخخ
ماسمع الا صرختي خلاص بولد اخلصوا علي
طبعا زوجه اخوي كانت بنطلع سمعت صرختي رجعت ع طول انخرعت خخ < حامل بالثامن المسكينه
ركبنا السياره وانا احس بالبيبي بين رجولي !!
قسم بالله يابنات رعب رعب مو طبيعي ، اتنقس بعمق مع الطلق مابي بنتي تنزل وابكي واصرخ الحين تنزل الحين تنزل
واخوي يمسك رجولي تكفين اصبري دقيقه وصلنا
وامي تصارخ لاتقفل رجولها تخنقون البنت ..
المستشفا الحمدلله قريب وانا خلاص ع اخري بولد بتنزل البنت ..
نزل اخوي ركض لطوارئ وامي راحت وراه بتجيب عربانه
وخلوني لحالي بالسياره والطلق جت .. وحسيت بدفع والرعب اكل قلبي وابكي يارب بنتي .. طبعا ماحسيت الا بالانفجار وانكبت المويه !!! انا هنا وقف قلبي وبفتح باب السياره واصرخ ياويلي بنتي ..
اول مره تنكب معي مويه الراس !!!!
اخوي وامي جوو يبون يوقفوني وانا ابكي مااقدر بتنزل احسها بين رجولي خلاص
مدري كيف دخلت قسم الطوارئ قسم بالله .. بيطلعوني السرير مدري كيف طلعت والطلق مشتغل وادفع لا ارادي
جت الممرضه بتركب التخطيط وانا اصرخ اقولها نزلت البنت بين رجولي
والممرضه مو مستوعبه تقولي لازم نتابع النبض اثناء الطلق ..
والدكتوره جت تركض .. طبعا انا بملابسي بعباتي بنقابي بكل شي
الدكتوره مالحقت تحط جل حتى على يديها مالقت الا البنت بوجهها ،،
رفعت عيوني الا بنتي ماسكتها مع رجلينها الدكتوره وتقول للمرضه بسرعه رجعي الدم لسره البيبي .. والممرضه تصرخ ماعرف ارجعه وشلون
وانا انهبل واقوم قلبي بيوقف خلاص ماتت بنتي
تعب تسع شهور راح ... ماعاد احس بالدنيا وقف كل شي لا اله الا الله
شوي الا اسمع صوت صياحها .. هالثواني كانت بالنسبه لي عمر طويل .. اخذت نفس طويل لما سمعت صوتها والله كان عقلي بيطير
شوي الا تقولي الدكتوره يلا ع السرير الثاني
قمت بالموت متفككه ومدري وين بيودوني ؟ انا مفكره خلاص ارجع البيت
قالت لا بنطلعك الولاده ،، والمغص طبعا ابدا ماوقف مدري ليش
بس لما قمت اكتشفت ان الحبل السري موجود لسا والمشيمه مانزلت ..
طلعوني فوق ودخلوني قسم المخاض ونزلوا المشيمه حقت البيبي ونادولي الدكتوره
انا هنا خلاص ولدت وخلصت وماعاد فيه وجع الطلق .. فيه وجع التفكك والدفع بس
قالتلي الدكتوره يلا فحص داخلي بنشوف نخيط او لا ؟
انا هنا انفجعت بتخيطوني بدون بنج ، قالتلي لا الحين ابنجك
واااااااااخ من البنج .. بالعاده ماحس فيه لان يعطون البنج مع الطلق ، ومن وجع الطلق ماتحسين بالابر !!
عاد متخيلين ابر وبدون طلق ولا شي ،،، ااااخ يوجع والله بشكل
حطتلي 20 ml بنج .. رحمتني الدكتوره
وبدت تخيط وانا اتألم واحسب الغرز !!
حسيت الغرز يمكن 10 غرزات ؟؟؟؟
قلت لدكتوره كم بس مارضت تعلمني كم ؟؟
بس اخر شي قالت ممكن 5 او 6 غرز !!
وانا عارفه اكثر .. وشرحتلي ان السبب البنت نزلت وبدون تدخل طبي ، وان انا وقتها كنت احاول اوقف الدفع ..
جابولي عاد بنتي وانا اتخيط ... صغيييييييييييييييييره ياعالم مره صغيره ، ماكملت 3 كيلو والله ..
وانا اطالع فيها ومنقهره من الدكتوره البي كانت تقول ان وزنها مره كبير وخلتني اوقف اكل بالتاسع !!
بس بصراحه شفت المشيمه كبيره كبيره .. حسيت ان هي السبب ..
والله يابنات كان رعب نفسي كبير .. كانت بتجيني جلطه وكانت بنتي بتروح بس ربي ستر ولطف
الحمدلله اني دايم كنت استودع نفسي وبنتي والا كانت سواليف وعلوم ..
عشان كذا انا حبيت اقولكن وش صارلي .. الواحد يحتاط ومن يحس ب اي وجع الافضل يروح مباشره لطوارئ احسن من يصيرله مثلي
وبعد اخذت موقف من المحرضات .. المفروض اني اخذت يا قرفه او خروع لان كلهن حاميات
بس انا اخذتهم سوا واستهنت بالطلق حقهم
اصلا ماتوقعت ابدا ان يكون طلق القرفه قوي كذا ؟
مع اني كنت خايفه من القرفه وسمعت ان طلقها مثل الطلق الصناعي بس قدر الله وماشاء فعل .. والحمدلله اولاً واخيراً
الحمدلله ربي ستر ولطف .. وماضيع تعب تسع شهور ،
وربي يهون علي التعب والرعب النفسي والجسدي اللي ذقته يارب لك الحمد
ويخفف عني مع هالخياطه والغرز وارتاح منهم ومن المغص والتفكك اللي جاني
طبعا ولدت انا بتاريخ 4/4 وماكتشفت ان التاريخ مميز الا بعد ماخيطوني وخلصت ..
الحمدلله يارب ، والله يعوض علي يارب ولن شاءالله ماتمرن باللي مريت فيه ولا تتعذبن هالعذاب ابد ويرزقكن ولاده سهله ميسره ياكريم