المساعد الشخصي الرقمي

مشاهدة النسخة كاملة : نزول المشيمه في الاسبوع 14

روح البنفسج
07-20-2010, 09:04 PM
السلام عليكم ورحمه الله و بركاته



كيفكم يا حوامل عساكم بخير
انا اليوم رحت للدكتوره وسوتي لي
اشعه الترا ساوند عشان تشوف البيبي
قالت لي انو المشيمه نازله شويه
ولازم انتبه على حالي لانها لو نزلت اكتر
بتغطي عنق الرحم وما راح يطلع الولد
وما اعطتني علاج ولا شي بس قالت
لي ارتاحي ومره لا تتحركي ولازم تجيني
اذا نزل معاكي دم
انا قارت موضوعات كتيره عن نزول
المشيمه عشان اعرف ايش صاير معاي
الصراحه مره خايفه ما اتطمنت
انتو ايش رايكم مين صار لها كده
بليز طمنوني اختكم بكريه وما تعرف
اناقمرموتوقهر
07-20-2010, 09:25 PM
والله انا زي حالك والمشيمه مره نازله عندي ونفس الكلم قالولي واحتمال لو مارتفعت بتكوون الولاده قيصريه وانا مابي ومتضايقه حيل
ولمن اتحرك شوي بس يجيني الم شديد في ارحم الله يسهل علي وعليك
وانتبهي لنفسك واحاولي دايم ترفعين رجولك ولاتتحركين كثير والله يتمملك علي خير
يارب عفوك
07-20-2010, 09:30 PM
.~عادي لاتخافي تصير كثير..
انا اختي وصديقتي صار لهم تو
وقالت لهم الدكتوره ارتاحو وخلو مخده تحت رجولكم..
عشان ترتفع المشيمه..
انا اختي البيبي ماخذ المشيمه مخده له ههههه متكي عليها
روح البنفسج
07-20-2010, 09:39 PM
والله انا زي حالك والمشيمه مره نازله عندي ونفس الكلم قالولي واحتمال لو مارتفعت بتكوون الولاده قيصريه وانا مابي ومتضايقه حيل
ولمن اتحرك شوي بس يجيني الم شديد في ارحم الله يسهل علي وعليك
وانتبهي لنفسك واحاولي دايم ترفعين رجولك ولاتتحركين كثير والله يتمملك علي خير



تسلمي حبيبتي طيب انتي باي اسبوع ؟ انا مشكلتي اني ما احس بالم مجرد شد باسفل البطن وحول السره ومو دايما بس اكثر شي الم اسفل الظهر وكمان انا اتحرك كتير
واطلع الدرج على الدور الرابع والله مره خايفه لاني رحت اسالها على سالفه تانيه
ربي يهون علي وعليك ويحفظ لنا مافي ارحامنا
روح البنفسج
07-20-2010, 09:43 PM
.~عادي لاتخافي تصير كثير..
انا اختي وصديقتي صار لهم تو
وقالت لهم الدكتوره ارتاحو وخلو مخده تحت رجولكم..
عشان ترتفع المشيمه..
انا اختي البيبي ماخذ المشيمه مخده له ههههه متكي عليها

تسلمي يا قلبي على الرد
عجبتني سالفة ولد اختك مسويها مخده ههههههههههههه
طيب ايش صار لهم بعدين ؟ يعني اتعدل الوضع ولا لسه ولا خلفواخلاص ؟
بليز طمنيني
روح البنفسج
07-21-2010, 05:06 PM
ليش يا بنات ما تردوا علي ما احد يعرف شي عن هادا الموضوع ويفيدني
يا ريت اللي صار معاهم كده واتعدل الوضع يقولوا لي لاني مره خايفه
استناكم
يارب عفوك
07-22-2010, 03:35 AM
.~صديقتي ولدت وارتفعت المشيمه يوم ارتاحت..
واختي كمان ارتفعت يوم حطت مخده والتزمت الراحه..
بس انتي لاتجهدي نفسك وتطمني هذ1 شي عادي
بس بعض المنتديات تهول الامر
روح البنفسج
07-22-2010, 10:17 AM
.~صديقتي ولدت وارتفعت المشيمه يوم ارتاحت..
واختي كمان ارتفعت يوم حطت مخده والتزمت الراحه..
بس انتي لاتجهدي نفسك وتطمني هذ1 شي عادي
بس بعض المنتديات تهول الامر

شكرا لك طمنتيني يا رب عفوك
ربي يطمن قلبك و يسعدك ويهنيكي