أنا أم بالرضاعة

[شوق وحنين]

السلام عليكم hwaml7

قبل عدة أشهر وأنا حامل، وتحديداً وفي تاريخ 7/4/2012 كتبت هذا الموضوع

http://forum.hwaml.com/t149671.html (http://forum.hwaml.com/t149671.html)

وفيه عبرت عن رغبة شديدة في داخلي لرضاعة بنت اختي..

طبعاً أنا تفاجأت من ردود بعض العضوات اللاتي رفضن الفكرة من أساسها

وفيه الي حسو بالقرف!! ولحد الحين ما فهمت ليش ههههههههه

بس بردو قلبي مجموعة اخرى من العضوات أيدو الفكرة باعتبار انها مب عيب ولا غلط.

عموماً أنا كانت نيتي قوية وصادقة وزوجي كان موافق، وعرضت الفكرة على اختي ورحبت بشدة، وكذلك زوجها وافق.. فاشتريت جهاز الشفط وبدأت العملية.

حبيت أبشركم اني ابتداءً من ليلة البارحة صرت :

أم بالرضاعة hwaml03

وصار لولدي اخت..
وصار لبنت اختي اخ ومحارم..

والحمد لله كلنا مرتاحين وفرحانين بالقرار الي خذناه.

مع خالص التحية،،

[المتأمله خير]

ماشاء الله واهم شي تزرعوا فيهم انهم إخوان الى أن يكبروا

وإان شاء الله ربي يرزقكم الذريه الصااالحه اللي تقر بها عيوونكم

[شوق وحنين]

ألف شكر حبيبتي :)

[مريم عبد الله]

حلوا الفكر بس انا في عيلتي ممممممممممممر مرفوضة ماعاد في نسوان ترضع اولاد غيرها حتي لو بيشوفه بيبكي من الجوع بمكن عشان لما يكبروا يقدروا يتزوجوا بعض لو صار في نصيب

[شوق وحنين]

هلا اختي مريم..
حتى في عايلتنا ما قط أحد رضع من أحد.. يعني عيال خوالي وخالاتي واعمامي ما بينهم أي صلة بالرضاعة.. بس أنا حبيت أكون أول وحدة ترضع وخصوصاً إن اختي ما عندها أولاد .. فالحين صار عند البنوتة اخ ومحارم أكثر.
شكراً على المشاركة hwaml7

[ρυяỉтч •]

مبروووك حبيبتي وتتهني بالبنوته يااارب
شي حلو والله .. الله يحفظهم لكم ويخليهم يارب ،
وفعلا اهم شي يكونون عارفين انهم اخوان من الصغر ، وماقدامهم الا العافيه ب اذن الله
بس اهم شي البنت تتعود على زوجك بحكم انه ابوها ، وولدك تعودينه على زوج خالته
صديقتي كذا راضعه مع ولد خالتها بس بالموت تسلم على ابوها من الرضاعه .. تستحي منه ولا تعودت عليه
وهو مرات يزعل منها خصوصا ب الاعياد بنته ولا تسلم خخخ

[مريم عبد الله]

هلا اختي مريم..
حتى في عايلتنا ما قط أحد رضع من أحد.. يعني عيال خوالي وخالاتي واعمامي ما بينهم أي صلة بالرضاعة.. بس أنا حبيت أكون أول وحدة ترضع وخصوصاً إن اختي ما عندها أولاد .. فالحين صار عند البنوتة اخ ومحارم أكثر.
شكراً على المشاركة hwaml7
انا قريت موضوعك الاول وفهمت قصدك وانا اشوق ان قرارك قمحل وبعدين ابنك بيكون اصغر من كل خوات يعني صعب يفكر في وحد منهم حق الزواج فالاحسن ان ايكون اخوهم عن جد عشان يقدروا ياخدوا راحتهم معاه

[فرح الريم]

ماشاء الله عليك
انا عندي بنت ونفسي اجمع لها اخوان هههههههه
اختي بينبع دايم اقلها خليني ارضع ولدك عشان يسفر بنتي بينبع وتستانس
وعندي عيال اخوي نفسي ارضعهم عشان تخرج وتطلع معاهم ولايكون في غطى
بس اهل زوجي رافضييييين

[روعة النسيان]

ماشاء الله على البركه البنوته صرتي ام لاثنين
تحمليني شوي فيه بنات موفاهمين في احكام الرضاعه
انتي لازم تسألين ناس خبره وثقه لان الرضاعه في عايلتي
برد على اختي مريم بعد اذنك

انا قريت موضوعك الاول وفهمت قصدك وانا اشوق ان قرارك قمحل وبعدين ابنك بيكون اصغر من كل خوات يعني صعب يفكر في وحد منهم حق الزواج فالاحسن ان ايكون اخوهم عن جد عشان يقدروا ياخدوا راحتهم معاه

أبنها ماله علاقه بالرضاعه واحكام الرضاعه بس للبنت بحكم انها هي اللي شربت الحليب

تنطبق عليها الاحكام يعني عمانه الولد يصيرو عمانها وجدانه لابوه كمان
اما بقيه خواتها مايصيروا محرم لعيال شوق


تقبلي مروري بغيت افيد اتمنى اكون ماضايقتك

[مناير999]

حلو الرضاعه بس مسؤليه لو صار فيه غلط بعدين
كثير نسمع بقصص اخوان بالرضاعه تزوجوا مادروا يكون رضاعه قديمه

[شوق وحنين]

اختي مريم..
صح كلامج ومثل ما قالت الاخت روعة البنت الي رضعت معاه بس تصير اخته بس خواتها لا. لكن عيالي كلهم بعدين يصيرون اخوان لها hwaml7

بيوريتي:
اي ان شا الله أصلا هذا القصد من الموضوع ان تروح وتييي البنت بدون حرج.

فرح الريم:
انا ما اعتقد ان موافقة أهل الزوج أو أهل الزوجة مطلوب.. المهم انتي وزوجج وأم الطفل وأبوه.. والباقي ما لهم علاقة ^^ إذا بتنتظرين الموافقة من الكل ما بتخلصين.

روعة:
شكرا على التصحيح اختي :*

مناير999:
ما اعتقد ان بيكون فيه خطأ لأن أعلنا للكل، وقرينا أحكام الرضاعة وفهمناها.. فان شا الله ما فيه أي اشكال في الموضوع :)

[أم رؤوم]

جميله الفكرة💝

[ريوف2011]

رووووعه الفكره الله يصلحهم لكم يارب
انا بيني وبين اختي اسبوع لما ولدنا وماكان فيني حليب الاسبوع الاول وكنت تعبانه
اختي رضعت ولدي
وبعدين لما خفيت شوي وجاني حليب رضعت ولدها والحمد لله مبسووووطين مرررره بالفكره وازواجنا راضين
وعيالنا ان شاء الله يكونوا اكثر من الاخوان والله يخليهم لبعض

[اميرة الحنان]

الله يخليلك ابنك و بنتك ان شاء الله و مادام القرار كان عن اقتناع شو المانع ألف مبروك عليك البنت