هل ممكن الدكتورة تخطي بمعرفة جنس الجنين ( دعوة للسوالف

[عبيررر]

اهلين بنات كيفكم ؟؟
بسولف معاكم اليوم بموضوع شاغل بالي ذا اليومين
بالنسبة لجنس الجنين !!!
هل ممكن تقولك الدكتورة جنس الجنين شي ويطلع شي ثاني بالرغم انها مأكدة لك
لان اعرف لي قريبة والله يابنات ثلاث مرات يقوولون لها الي في بطنك بنت
ولما ولدت انصدمت اهي وزوجها بأن المولود ولد تخيلوا واعرفها مرررررررررة وقريبة مني
القصة هذي من زمان
عاد بعلمكم بسالفتي الخيالية hwaml7
انا قالت البيبي عندك صبي يعني ولد
ومن كم يوم حلمت حلم زي الهاجس جاني وانا نايمة يقولي الي في بطنك بنت وكأنة يردده ثلاث مرات وقدامي كانت كيكة شوكلاتة بس مااكلت منها

تتوقعون ممكن الدكتورة تخطي بذا الاموور ؟
لان بالرابع قالت 65 % ولد بالخامس قالت 100 % ولد يعني رجعت تأكد لي
انا مااقول لكم ان الواحد لازم تكون احلامها مطابقة بس من باب السوالف عطونا الي عندكم من تجارب

[نجمة السمر]

الله يرزقك ماتتمنين حبيبتي ان شاء الله ولد ماعليك من الاحلام يمكن حديث نفس ارقي نفسك قبل النوم ولاتشغلي نفسك فيها الله يتمك عليك يارب

[قهوة تركيه]

الله يرزقك الخلقه التامه والله ذي اهم شي ثاني شي الحمل بولد اعلمك بمواصفاته اول شي يجيك الم بالورك مايخلك ترتاحين ويكون البطن مدور طبعا من خلاتجربتي اما البنت ماعرف لها بس اسمع انها تكون البطن مسطح ولايبرز والبنت تاخذ زين امها يعني تغير ملامح المرة
وبس تقبلي مرررروري

[marem80]

تصير حالات غلط بنوع الجنين بس مو دائما

[مريم العنزي]

انا دكتورتي قالت فيني ولد ورحت لدكتوره ثانيه قالت معك ولد ورحت المره الثالث قالو ولد بس كل وحده غير الدكتوره بعيااي ماعمر غلط معي

[ريحانة الجنة]

مافي شي مؤكد بالسونار كله مجرد تخمين على اقرب هيئة
لكن المهم اختي انه الجنين بخير سليم الخلقة معافى من العيوب
الله يقر عينك ويرزقك بما يسرك

[توكلت علي ربي]

هلا حبيبتي انا في حملي الاول والثاني قالت الدكتورة اكيد بنت وطلع فعلا بنت في الاول والثاني والان في حملي الثالث قالت بنت بس مش اكيد قالت ارجع في الشهر السابع عشان اتاكد بس خلاص انا راضية بما كتبة لي رب العالمين هو اعلم وادرى بما هو خير لي عشان كذا بروح علي اول التاسع التاكد من وضع الجنين بس

[زوجة ياسر]

انا رحت كشفت اخر مره قالت لي كانوا مبين معاكي بنت بس مو اكيد المره الجايه اللي تجيني اكدلك ان كانت بنت ولا لا..طبعا اهم شيء الجنين يكون بخير والخلقه التامه يارب..الله يتمم على كل حامل يارب حملها يارب

[اشكرك ربي]

احيانا مايصدق انا لمن الشهر الخامس
والدكتوره تقول لي شي ويوم دخلت السادس قالت غير
ورحت لدكتوره ثانيه وقالت لي نفس اللي بالشهر السادس
واللحين اهملت الموضوع المهم تمام الخلقه والسلامه بس
الله يقومنا بالسلامه ياارب