والده من اسبوع وبنتي ما ترضى ترضع مني

[ريما جرادات]

مساء الخير بنات
انا صارلي والدة اسبوع وبنتي ماترضى ترضع من صدري انا حلماتي صغيرة كتير تقريبا مافي
فهي مابتعرف تمسكهم وبحاول استخدم حلمات السليكون وكمان مابترضى ابدا
بشربها حليب صناعي وبشفط حليبي وبعطيها ياه بالرضاعة
اترجاكم اللي تعرف حل تساعدني والله تعبت نفسيتي

[المتأمله خير]

لا يا قلبي ما تخافي هاي حالة كل البكريات
حاولي تدلكيها بزيت زيتون وبعدين نضفيها عشان البيبي هيك بتكوني اعطيتي الحلمه طراوه ومجال انها تتمدد مع الرضاعه
..
نصيحتي من تجربتي
لا تشفطي ولاتحطي سيليكون صدقيني مع كثر الرضاعه بتكبر..لا تظلمي بنوتك خليها تتعود على حلمتك مش على السيليكون
بدها شوية صبر لانها ما بتعرف انتي بدك تمسكيها الحلمه وحاولي تكون كل الحلمه اللي المنطقه الداكنه كلها بفم الطفله

وآخر نصيحه
حذاااااااري من الرضااااعه وانتي نايمه او نعساااانه حتى ما تتعرض الطفله للإختناق

[Dana]

وأنا مع كلام المتأملة خير ... كفت ووفت
وبدك تصبري لحتى تتعود شوي على صدرك

[ريتال أحمد]

حبيبتي دلكيها بالزيت جيدا وحاولي عند تدليكها شدها للخارج كي يستطيع طفلك التقاطها

[ريما جرادات]

والله بحاول معها بس هي الله يهديها يا أما بتصير تبكي او بتنام
رح اضل احاول بإذن الله وادهن بزيت
جزاكم الله خيراااا
شكرا اختي المتأملة ودعواتكم انها ترضى