ساعدوني مرعوبه مو حاسة بحركة الجنين الله يجزاكم الجنه

[سيمفونية الورد]

السﻻم عليكم
اخواتي انا في الشهر السادس واول حمل لي بعد سنوات
كانت حركة الجنين من اسبوع ونص تقريبا مره نشيطه ومن امس الظهر مو نشبطه
بس ممكن ع بعد العشاء حسيت برفره بسيطه
واﻻن مره مرعوبه
طمنوني الله بسعدكم

[درة غالية]

اول شي الف الف مبررروك الحمل حبيبتي الله يتمم لك على خير..
ثانيا لا تخافين ابداااا أن شاء الله ان الجنين بخير بس اكيد نايم او يتحرك على خفيف وانتي ماتحسين في حركاته..كلي قطعة شوكلاتة وبتحسين بالحركة..
والله كان يصير لي كذا واجلس قلقانة الى ان تتحرك بنوتي والحمد لله ولدتها وهي بصحة وعافية ..
واذا قلقانة مرة راجعي دكتورتك ..
وطمنينا عليكم..ربي يحفظه لك ..
ولا تنسين حبيبتي على طوووول استودعي جنينك ربي ..

[ρυяỉтч •]

اهلين حبيبتي .. عادي ياقلبي لا تقلقين
احتمال كبير يكون الكتكوت نايم ..
شوفي جيبي عصير وسنكرز او اي شوكلت وكليهم .. وانسدحي وقفلي عيونك دقايق ويبدا يتحرك
او اسمعي قران وكوني بمكان هادي مافيه صوت ،
عموما الجنين يحس ب الامان اذا سمع صوت امه وكانت تتحرك ينام ع طول ، بس مجرد مايختفي صوت امي وتقل حركتها يصحا ويبدا يدورها سبحان الله
وبعد حاولي بيدك تتحسين بطنك وتدورين النبض ،
واذا مره خايفه روحي الطوارئ يسمعونك نبض الجنين .. وان شاءالله مافيه الا العافيه
وبتلاحظين مستقبلا ان نشاط الجنين من فتره لفتره يتغير وكل ماتقدمتي بالحمل يقل نشاطه

[سيمفونية الورد]

دره وبيوري
يا رب يجزاكم الجنه ويسخر لكم ازواجكم ويبلغكم في اوﻻدكم ماتقر به اعينكم

اكلت باونتي ونمت ع جنبي وجلست ادعي ربي وهديت اﻻ احس بشوي

حركه واﻻن احسها اكثر
يارب لك الحمد والشكر كما ينبغي لجﻻل وجهك وعظيم سلطانك

[درة غالية]

ولك بالمثل يالغالية..
الحمد لله فديت قلبوووو ياناسووو..
ربي يحفظه ويقر عيونك بشوفته قدامك سليم معافى....

[بنت ابويه]

الجنين تجيه فتره يتحرك كثير وافتره تقل الحركه. الله يثبت حملك

[دلوعـ زوجي ـة]

حبيبتي اولا الحمدالله انك اطمنتي ع النونا حقك ياعسوله

ثاني شي بقولك ع حاجه تصير معايا انا لما كنت بالسادس كان اسبوع او 5ايام تقريبا

يكون الجنين مشيط سبحان الله وتجي بعدها من يومين ل ثلاثه ايام يكون وضعه فيها خامل

مايتحزك كثيرر ولما سالت قالو طبيعي يكون واخد راحته بالنووووم سبحانك ربي مااعظمك

فلا تخافي ياقلبي والله يهىنها عليكي ونقوم بالسلامه كلنا ان شاءالله