حوامل جده ممكن,,؟

[سكــــــون]

السلام عليكم

عزيزاتي ياليت تخبروني فين أحصل ملابس سبور للحمل في جده

( بناطيل جينز وتي شيرتات طويله قطنيه ومريحه)

بإنتظار ردودكم الله يرضى عليكم,,,,

[ملكة روحه]

ان شاء الله البنوتات بيفيدوكي حبيبتي

لواني من السعودية لكن ما ئصرت

وان شاء الله البنوتات بساعدوكي

[روح البنفسج]

والله انا كمان ادور عليها
انا من جده اصلا
بس ما قد اشتريت او قضيت للحمل
لان هادي اول مره وما اعرف
اذا سالت وقالوا لي
ارجع ارد لك

[~*روز*~]

في الاندلس مول في كم محل حمل حلو بس طبعا غالي شوي

واذا تبي ارخص تلاقي في الهرم مره روعه بناطيل جينز

[ام جياد]

بنات حتى انا ابغى اعرف ياريت الي يعرف يرد

[sales_and_design]

انا من الرياض بس يوم رحت جده عندكم الهرم رووووعه فيه اشياء مراا خطيرا ومليااان ملاابس كثيير

[ام لمار]

حبيبتي في محلات كتير فيه كم محل في مجمع الشرق وبرضو فيه محلين جنب بعض في الدور التاني في عزيز مول عند الدرج الكهربائي وفيه كمان فيه في الاندلس مول برضو في الدور التاني اخدت من عنده بنطلونين حمل خامتها حلوة الواحد بعد التخفيض ب80 اما بالنسبه للهرم ما اعرف ازا فيه اشياء حمل

[نرسيـــان]

وعنــــــــدك كمـــــــــــــان سيتي ماكس ...فيه قسم حوامل ......وبناطيل الجنز فيه مريحه جداً
وبيجامات الحوامل حلوه ...دوبني امس أقضي من هناك ...
عندك كمان ماذر كير ...بس اسعار الأشياء فيه غاليه شوي ..
وسلامتك

[أم خالد85]

مرحبا حبيبتي ..

أنا من الرياض بس تزوجت وجيت جدة وأول مره حمل سألت وقالوا لي محلات كثيررر في :

سوق النجار 2فيه محلين قبال دوار الدراجة , سوق البوادي في محل بضاعته مره حلوه اسمه ( الحلم الذهبي ) , وفي عزيز موول الدور التاني في تقريبا 3 الى 4 محلات أكثر محل عجبني
مراحل للحوامل بالنسبة لي أفضل محل , وسيتي ماكس اذا تبي بجايم للبيت ....
أتمنى أكون أفدتك ,,,

وبالتوفيق يارب ,,