يومياتي مع رجيم نوع الجسم (التناسلي)

[نسيم الأمل]

السلام عليكم ورحمة الله وبركاته

البارح اشتريت من جرير كتاب اسمه رجيم نوع الجسم
وطلع جسمي من النوع التناسلي
وهذا تكون سمنته في الافخاذ والاردااااف>>> مشكلتي اللي مالقيت لها حلhwaml15

من بكرة السبت ان شاء الله
الموافق 14/3/1434 هجري
رااح ابدأ باتباع حمية النوع التناسلي الموجودة في الكتاب
وبكتب لكم يومياتي وكم انزل بالاسبوع

وزني في صباح يوم الجمعة كان 88

ياااارب اخس ادعوووولي

[نسرين فادي]

اعطينا نظرة عن نوع هدا الريجيم الله يجازيك الخير hwaml8

[نسيم الأمل]

http://forum.hwaml.com/imgcache2/hwaml.com_1359149639_314.jpg

http://forum.hwaml.com/imgcache2/hwaml.com_1359149639_596.jpg

http://forum.hwaml.com/imgcache2/hwaml.com_1359149639_868.jpg

http://forum.hwaml.com/imgcache2/hwaml.com_1359149639_248.jpg

http://forum.hwaml.com/imgcache2/hwaml.com_1359149639_163.jpg

بحثت في النت ولقيت هاي الصور
طبعا هذي اختصار للكتاب في الكتاب جدول اسبوعي وتمارين خاصة
الكتاب جدا جميل صراحة
يوجد في النت اختبارات لتعرفي نوع جسمك
اكتبي رجيم نوع الجسم في قوقل ويطلعلك كل شي
وتدللين يا عيوني

[نسيم الأمل]

نسرين اذا جسمك تناسلي مثلي حياك الله معي
وانا مستعدة اساعدك واتعاون معك عشان ننحف ونقضي ع الافخاذ والارداف

[نسيم الأمل]

طبعا امس كان اول يوم للنظام

فطور كان تفاحة
وغداي شوربة خضار
والعشا كان كباب وبيض وخبز ابيض>>> تخبيص قوي بس يارب ماينعاد :d

وجاتني حالة جوع العصر واكلت زبادي>>>> طبعا غلط المفروض فاكهة

المهم اليوم الاول كان فيه تخبيص قوي بس عوضته بالرياضة
وشربت قبل النوم منقوع البقدونس مع الليمون والثوم

واليوم هو ثاني يوم

فطوري كان 2 يوسفي وكوب نسكافية مع ملعقة شاي صغيرة سكر
وتوني عاملة تمرين ع الدراجة الثابتة مدته 5 دقايق

غداي بيكون ملوخية بلا ملح وتوابل

والعشاء بيكون سلطة تونة ورغيف خبز بر

وطبعا حالة الجوع بين الوجبات فاكهة او ماء

هذا جدول اليوم
اراكم غدا يا حلوين

[عذبوك ياقلبي]

فالج الرشاقه يااارب

[نسيم الأمل]

فدييييتك ي قلبي
والله دعوتك اسعدتني ربنا يسمع منك
ويحفظك ويرزقك من اوسع ابوابه

[نسيم الأمل]

اليوم هو الثالث

الفطور كان حبة كيوي وفنجان نسكافيه

الغداء كان توست مع جبنة فيتا وشريحة طماطم وخيارة

العشاء بيكون صدر دجاجة مسلوق مااصخ من غير توابل طبعا
مع كوسا مقطعه شرايح ومشوية ع الشواية
وكوب حليب قليل الدسم

وكني جعت الحين
بروح اخذلي حبة كيوي ولا يوسفي

[سوما555]

انا جسمي مثلك

تحمست لنوع هالريجيم بس ابخلص الاربعين اول

مشكوووورة اول مرا اسمع فيه عجبني

[نسيم الأمل]

هيييييه واخيرا وحده مثلي عشان تساعدني وتحمسني:d
طيب كم باقيلك على الاربعين؟
اخاف باقيلك شهر وقتها يمكن اكون رشيقة خخخ >>>> جالسه تتحلم

دام انك اول مرة تسمعين فيه راح انزل موضوع عن هالرجيم
لانه صحي ونظام طووول العمر
تصيرين عارفه اللي يسمنك واللي ينحفك
وعلى هالاساس تنظمين اكلك

يلا اشوفك في الموضوع الجديد :d

[نسيم الأمل]

اليوم كلش حلووو
احس اني تعودت ع النظام ونفسيتي حيل مرتاحه

بديت يومي بحبة تفاح اخضر وشاي بقدونس

والغداء كان خضار مسلوقة مهروسة وكاس حليب قليل الدسم

العصر جعت واكلت تفاحة خضراء

والساعة 6 تعشيت طعمية فلافل بالباذنجان والبطاطس>>>> تخبيص خخخ
بس ماراح يأثر حيل لأن وجبتي الرئيسية هي العشاء
وفيها يكون الجسم في حالة نشاط لحرق الدهون

وبقوم الحين اشرب شاي البقدونس عشان يقضي ع الطعمية :d

[نسيم الأمل]

طبعا كالعادة جلست بكير عشان عندي بنت في الصف الاول
فطرت الساعه سبع بنص تفاحة خضراء ويمكن اقل من النص لانها حيييل تشبع!
والحين الساعه 9 حسيت بالجوع وجالسه اكل باقي التفاحه

وصارت حاجة معي حاجة حلووووة طرت من الفرحة
قست خصري اول ماجلست وشفته ناقص انشين وشوي
وطرت للدولاب واخذت جينز صارله سنة في محشور في الدولاب

المهم ماصدقت انه سكر علي!!!!!!!!!
والله كان قبل بين الزر و الفتحة شبر
واليوم طبق علي بس مضايقني شوي يعني يبي انقص انشين بعد ويضبط
لكن شكلي في المراية طلع مرتب
فخوذي المليانين خفوو حيييل بس بقت المؤخرة بارزة لكن شكلها طالع جذاااب
لان الارداف والافخاذ خفت

معقولة كل هالحلاوة صارت في 5 ايام!!!!؟؟؟؟

والله رووووعه انصحكم برجيم نوع الجسم وبقووووة

وان شاءالله اسبوع ثاني ويصير جسمي مرتب حتى لو مكتنز شوي انا قابله
اهم شي يكون مرتب وتختفي هالتضاريس اللي مشوهة الشكل :(

[نسيم الأمل]

الغدا اليوم كان ملوخية مع شوية ملح ( الملح يناسب الجسم التناسلي بس على خفيييف)
يعني ماتحسي بلملوحة بس اهون من انو يكون ماصخ مرره
المهم شربت ورا الملوخيه كاس حليب قليل الدسم
هالكلام كان الساعه 1 م
الساعه 3 حسيت بالجوع واكلت حبة كيوي
والحين الساعه 5 جالسه اشرب شاي البقدونس

والعشا بيكون طعميه نفس البارح:d<<< مستانسه ع البقوليات لانها تناسب نوع جسمي
ووراها بشرب شاي البقدونس عشان يقضي عليها :d

باقي ع الميزان بكرة واللي بعده اوقف عليه
حاسه نفسي خاسه فوق 3 كيلو
لان شكلي والله صار غييييير

[نسيم الأمل]

اليوم الساعه 6 فطرت تفاحة خضرااء
والساعة 1 تغديت توست بر بالجبنة قليلة الدسم مع الخيار و الطماطم
واكلت حبة موزة

ومن شوي اكلت باقي التفاحة اللي من الصباح
الليلة افكر اتعشا سلطة تونا واشرب وراها حليب قليل الدسم

اراكم مع الميزااااااااان

[الانتظار]

جزاااج الله خيرنسيم الامل اني جسمي تناسلي وطبعا سويت الاختبارا اللي كلتي عليها (ريجيم نوع الجسم )ومن اجابتي عن الاختباراات ..اثبت انه جسمي تناسلي...وحمستيني هوااايه لمن كلتي بخمس ايام بين الفرق..ان شاء الله توصلين للوزن المثالي باسرع وقت ..راح اتبع هذاريجيم والله كريم ..وشكرا حبيبتي والله يجعله بميزان حستاتك

[نسيم الأمل]

اهلين الانتظار منووورة

الحمدلله لقيت وحده نفسي عشان نتشجع

طبعا اليوم هو السابع لي وقلت بخليه فررري عشان مايحصل معي ثبات وزن
لكن راح اتقيد بالفترات المحظور فيها تناول الطعام وبين الفترة الفاصلة بين الوجبات
وراح اظل مبتعدة عن الممنوعات...

وقست وزني هذا الصباح

طلعت ناااقصة 3 ك !!!!

استغربت والله لأن شكلي معطيني اكثر من كذ!!!!!!!

خصري و صدري و الطاولة اللي ورا
كلهم صايرين اصغر واحلى خاصة الطاولة خفت وانا ماكان عندي امل انها تتحرك
مع العلم الرياضة ماعملتها الا ثلاث مرات في الاسبوع
وكانت تمرين على الدراجة الثابته مدة 5 دقائق

انا سعيدة بشكلي حيييل
وعندي الشكل اهم من الميزان
ومن يوم السبت برجع للنظام

ويارب يتحسن شكلي اكثر واكثر

ويسعدني لو تنظمين معي يا الانتظاااار
تشرفيني والله

[نسيم الأمل]

هلا وغلا حبايبي
امس الجمعه كان مفتوح

اليوم السبت ابدأ الحمية من جديد
فطوري قبل شوي كان 10 حبات عنب وكوب ميرميه

والغدا كوسه منشششف وسلطة وكوب حليب قليل الدسم

والعشا بعون الله سلطة تونه وكوب حليب قليل الدسم طبعا

وينتهي اليوم على خير

اوقات الجوع فاااكهة

[الانتظار]

اهلين الانتظار منووورة

الحمدلله لقيت وحده نفسي عشان نتشجع

طبعا اليوم هو السابع لي وقلت بخليه فررري عشان مايحصل معي ثبات وزن
لكن راح اتقيد بالفترات المحظور فيها تناول الطعام وبين الفترة الفاصلة بين الوجبات
وراح اظل مبتعدة عن الممنوعات...

وقست وزني هذا الصباح

طلعت ناااقصة 3 ك !!!!

استغربت والله لأن شكلي معطيني اكثر من كذ!!!!!!!

خصري و صدري و الطاولة اللي ورا
كلهم صايرين اصغر واحلى خاصة الطاولة خفت وانا ماكان عندي امل انها تتحرك
مع العلم الرياضة ماعملتها الا ثلاث مرات في الاسبوع
وكانت تمرين على الدراجة الثابته مدة 5 دقائق

انا سعيدة بشكلي حيييل
وعندي الشكل اهم من الميزان
ومن يوم السبت برجع للنظام

ويارب يتحسن شكلي اكثر واكثر

ويسعدني لو تنظمين معي يا الانتظاااار
تشرفيني والله

الف مبروووك يا نسيم الامل على نزول ال 3 كيلو..والله يسعدك دائما ان شاء الله ..شكرا يا عمري على الترحيب والشرف اللي عيوني

[نسيم الأمل]

فديتك حبيبتي هلابك وحياك الله

[الانتظار]

السلام عليكم نسيم الامل ..حبيبتي عندي سؤال شنو هو شاي البقدونس؟ وشلون تسويه ؟

[basouma26]

الله يكون معك برنامج ريجيم رائع انا جسمي مثلك بس ما أقدر اعمل ريجيم لاني بستنى ربي يكرمني بالحمل انشاء الله بس بعدين اكيد راح أطبقه فالرشاقة شيء حلو

[نسيم الأمل]

مرورك الأروع حبيبتي
وربنا يسهل عليك وتولدي وتطلعي من الاربعين بالسلامه بعدين تنحفي من غير شر
هلابك وحياااك الله

[نسيم الأمل]

السلام عليكم نسيم الامل ..حبيبتي عندي سؤال شنو هو شاي البقدونس؟ وشلون تسويه ؟

هلا حياتي انتظاار
وعليكم السلام

هذا الله يسلمك تاخذين شوية ورق من البقدونس وتحطيها في كوب
وتصبي عليها ماء مغلي وتغطيها خمس دقائق
بعدين تشربينه
وهو راائع لانتفاخ البطن
انا اشربه بعد الوجبات لانه يهضم ويحرق دهون الكرش و الارداف

[الانتظار]

هلا حياتي انتظاار
وعليكم السلام

هذا الله يسلمك تاخذين شوية ورق من البقدونس وتحطيها في كوب
وتصبي عليها ماء مغلي وتغطيها خمس دقائق
بعدين تشربينه
وهو راائع لانتفاخ البطن
انا اشربه بعد الوجبات لانه يهضم ويحرق دهون الكرش و الارداف

جزاك الله خير حبيبتي وشكرا جزيلا على الرد ان شاء الله راح اجربه

[نسيم الأمل]

هلاااابك وحيااااك الله
في الخدمة ياعيوني

[نسيم الأمل]

اليوووم الأحد
وهو ثاني يوم من ثاني اسبوع اتبع فيه رجيم نوع الجسم التناسلي

وكالعادة الفطور لاااازم يكون حبة فاكهه
فتناولت نصف تفاحة خضرااء

بعد ساعة رقصت ربع ساعه هههه
وبعدين عملت تمارين ع الدراجة الثابتة مدتها 5 دقايق

وصرت اشرب ماء كثير عشان كذا ماحسيت بالجوع الين الساعه 1 م

والساعه1 وقت الغداء
تغديت كوسه وقرع عسلي مسلوقين في شوية ماء مع قليل من الملح
وجنبهم زبادي مع كيوي وكاس حليب وشرائح من البصل والطماطم و 3 ورقات خس متوسطة

والحين جالسه اشرب ميرميه

العشا بيكوووون صدر دجاجة مشوي منقوع في الثوم والليمون وشووووييية ملح
بعمل جنبه نص كاس معكرونه بالقمح الكامل
وحبة فاكهة و كاس حليييب

وبكذا ينتهي اليوم على خيييير

اراكم غداااا

[نسرين فادي]

اهلا حبيبتي حبيت اسال واش فائدة الميرمية ليش انتي تشربيها

انا بالمشي وزني نقص اكثر من ريجيم الاكل يعني انا خففت اكلي و صرت اكل فواكه

و اشرب زنجبيل كثير و ماء كثير بس ما بمنع حالي من الحلويات بس بكمية قليلة

لانو الجسم يحتاج سكريات ههههههه غشاشة خخخخخ

بس حقيقة لقيت حالي بالرياضة اكثر و بالمشي خاصة

[نسيم الأمل]

اهلييين نسرييين منووورة ي الغلا

المشي فعلا فتاااك وينحت الجسم
ياريت اقدر امشي كل يوووم
بس كني مرتاحه مع الرقص احسه وناسه ويعررق:d
دام نظامك جاب معك نتيجة خليك مستمرة علييه
وحتى بعد الرشاقة لاتقطعين المشي عشان ما يرجع الشحم من جديد
ترى بس عاد زهقنا من المطبات الهوائية نبي جسم منحوت :d

وبالنسبة للميرمية اشربها لانها تنقي الكبد من السموم وبكذا تساعد على حرق الدهون وكمان تسد الشهية جااامد
بس من اليوم بقطعها لأن هالاسبوع بتجيني الدورة والميرميه ماتتناسب معها

وموفقه يالغاليه هلابك وحياك الله

[نسيم الأمل]

اليوم ثالث يوم من الاسبوع الثاني >>> باقي ثلاث ايام ع الميزان وبعده اليوم المفتوووح وبعده بداية الاسبوع الثالث

للان انا راضية عن شكلي لان نزولي بان علي من الجزء السفلي أكثر شي
من الأعلى احس اكتافي خفت .. الحمدلله في أمل يتحسن شكل الطاولة اللي ورا وتكون مصدر جمال بدل ماهي مصدر تشويه شكل

المهم فطرت بحبات عنب مع كوب صغير نسكافية مع نصف ملعقة شاي سكر
بعد شوي بقوم اررررررقص :d

الغدا بيكون توست بالجبن وعلبة زبادي قليلة الدسم
وقطعة فاكهة
والشاي بيكون بذور الشمر >>> عشان تسهيل الدورة لانها ع الابواب

والعشا ااااااء
بيكون صحن فول من اللي يحبه قلبي :d
وقطعة فاكهة وكاس حليب قليل الدسم

وياارب ينتهي اليوم على خير عشان ابدأ يوم جديد

[الانتظار]

جزاك الله خير نسيم الامل يومياتك رائعه وبصراحه اول ما اصحه من النوم اشوف يومياتك بالاكل واطبقها ..هههههههههههه ما اتعب نفسي بالتفكير بوجبات الاكل ...تبا للكسلhwaml03

[نسيم الأمل]

ههههههههه ياقلوووديه

من متى بديتي معي في الرجيم ؟؟؟؟

ههههه ياحلوك ياانتظار
وهالمره مابتنزلين كيلو واحد
بتنزلين 2 كيلو لانك تقلديني لوووول

[نسيم الأمل]

اليوم هو الرابع من الاسبوع الثاني
نفسيتي مش ولابد
والسبب ست الحسن بتشرف بعد اربع ايام
وحاسه بطني منفووخ و سيقاني متورمه
شكلي ماراح اوزن هالاسبوع لان الدورة تزيد الوزن 2ك ونص
وانا مو ناقصة احباطات :d

المهم جالسه افكر نصف تفاحه خضراء
وقبلها شربت كوب منقوع بذور الشمر
وهو عبارة عن ملعقة من بذور الشمر حطيتها في كوب وصبيت عليها ماء مغلي
وغطيتها 15 دقيقة وبعدها شربتها

الغدا بيكون توست بالجبن مع خس وطماطم وعلبة زبادي قليل الدسم
ماراح اشرب كوب حليب طالما بتناول الزبادي
وحبااات من العنب

والعشاااااء
يمكن يكون تونة مع خيار وطماطم وشوية برغل
وكوب حليب قليل الدسم



على فكرة البارح اكلت قطعتين صغار من بسبوسة السميد بالشكولاته هههه
مسموح لنا ان نتناول قطعتين صغيرتين من الحلويات الخفيفة مرتين في الاسبوع
هذا اهم شي لووول
وكوب حليب

[الانتظار]

ههههههههه ياقلوووديه

من متى بديتي معي في الرجيم ؟؟؟؟

ههههه ياحلوك ياانتظار
وهالمره مابتنزلين كيلو واحد
بتنزلين 2 كيلو لانك تقلديني لوووول

ههههههههههههههههه والله احس انك ماشيه مضبوط كثير بالريجيم ما شاء الله عليك ..انا ابتديت الريجيم من 3 ايام ...بس اليارحه العشاء كان ام التخبييييييييييييييص اكلت همبركرhwaml03
مشوي طبعا ..وبعدعا شربت شاي البقدونس وعملت رياضه حسيت بتأنيب الضمير ههههههه
طبعا انا ما عندي جهاز سير بالبيت ولا اكدر امشي برا لانه ابني الصغير معي .بس اسوي تمارين البطن وتمارين المشي يالبيت ..ممتازه هذه تمارين المشي كثير احس فادتني

Walk Away the Pounds with Leslie Sansone 3 Mile Abs 46 min Fitness DVDRip TG - YouTube (http://www.youtube.com/watch?v=GDGFw9Bf6h0) وهذا الرابط اذا حبيتو اتشوفونها

[نسيم الأمل]

ههههههه لازم اول مانبدا رجيم لازم نخبص اول اسبوع
ان شاءالله الاسبوع الثاني تلتزمين اكثر :d

والله تدريبات المشي باين عليها خوووش
بس مدتها طويلة وانا وحده ملوله
انا اخترت الدراجة الثابته لانها من الرياضات العنيفة
اشتغل عليها خمس دقايق بسرررعه وهو يحسب السعرات
وفي 5 دقايق احرق 300 سعرة

انا مثلك بعد ساكنه في شقة صغيرونه
وخاطري اشتري جهاز سير بس زوجي يقول وين بتحطينه:(
فشكلي ببقى ع الدراجة ورب البيت كريم

المهم شدي حيلك وامشي مع الرجيم صح عشان تنزلين صح

وفااالنا الرشاااااقة

[نسيم الأمل]

اليوم الخامس من الاسبوع الثاني

فطوري كان حبة يوسفي
وغداي بيكون توست بالجبنه مع خس وخيار وبندورة وعلبة زبادي قليلة الدسم

والعشا بيكون بيضتين مسلوقتين مع خيار و طماطم

شرابي اليوم بيكون شاي احمر ( كركديه)

ويارب يعدي اليوم على خير

[نسيم الأمل]

اليوم السادس من الاسبوع الثاني
جلست متأخرة اليوم وفطرت الساعه 10
فطوري كان حبة يوسفي مثل امس
الغدا بيكون توست بالجبن وكوب حليب
العشا بيكوون ممممم
الليلة بكون بيت اهلي فمااعرف شنو بتعشا
بس اكيد باكل شي من المسموحات

شرابي بيكون الكركديه

وياارب يعدي اليوم على خير

[نسيم الأمل]

اليوم جلست متاخرة بس ماعليه
واليوم الجمعه بيكون فررري

فطوري كان اربع حبات فراولة

وغداي بيكون نفس كل يوم توست بالجبن مع خيار
العشا بيكون تخبيص خفيف hwaml03

وياارب يعدي اليوم على خيرر

[نسج الخيال]

اهلين اختي ..
انا جسمي مثلكك
وسويت رجيم الجسم التناسلي مع الدكتوره احلام اول اسبوع نزلت 6 كيلو ماشاء الله
لكن ماستمريت عليه لاني كل ما اسويه بنهاية الاسبوع تجي مناسبه واضطر اللخبط
اذا حابه انزلك نظام الدكتوره احلام حاضرين ومايردك الا كيبوردكك
ودي .. <3

[نسيم الأمل]

هلا نسووووجه
فديتك وفديت هالطللله

تصدقين انا انزل 3 كيلو حد اقصى
اشلون قدرتي تنزلين 6؟؟!؟؟؟

واذا ماعليك امر اريد نظامك مع الدكتورة احلااام
وياريت تقولين كم كان وزنك؟؟ يمكن الوزن له دور في معدل النزول
انا اعتقد وزني حاليا اقل من 85 بس مدري كم لان ماقست هالفترة
انتي كم كان وزنك؟؟
ولاتنسين تكتبين نظام الدكتورة يرررحم وااالديك

[نسيم الأمل]

نسيت اكتب يومياتي
السبت كان غداي وفطوري حبات فراولة
والعشا تعشيت بدري يمكن 4:30
اكلت نص كوب رز ابيض مع دجاجه مسلوقه وبطاطس مسلوقه

اليوم الاحد كان فطوري حبات فراولة
وغداي صحن تبولة مع شوية بليله وكوب حليب قليل الدسم

والعشا بيكون تبولة مع شوربة عدس وكوسه

ويارب ننحف من غير شر

[نسرين فادي]

السلام عليكم اختي يا ريت تقولينا شو هو هدا الريجيم الي خلاكي تنزلي 6 كيلو ماشاء الله hwaml03hwaml03hwaml03hwaml03hwaml03[/SIZE]اهلين اختي ..
انا جسمي مثلكك
وسويت رجيم الجسم التناسلي مع الدكتوره احلام اول اسبوع نزلت 6 كيلو ماشاء الله
لكن ماستمريت عليه لاني كل ما اسويه بنهاية الاسبوع تجي مناسبه واضطر اللخبط
اذا حابه انزلك نظام الدكتوره احلام حاضرين ومايردك الا كيبوردكك
ودي .. <3

[الكلمه الطيبه صدقه]

تسلمين اختي على الموضوع الرائع انا جسمي كظري ويارب اسوي الحميه هذي وانتظم عليها

[نسيم الأمل]

هلا وغلا اختي الكلمة الطيبة
انتي النوع الكظري رجيمك سهل ويشبه رجيمي
فقط ابتعدي عن النشويات والملح و اللحوم الحمراء والدهون
اعتمدي على الشوربات و السلطات و الفواكه والحبوب الكاملة و الاجبان والالبان
وبتنزلين من غير شر ان شاءالله
ويناسبك بقوووة شاي البقدوس
لان هو الشاي حق النوع الكظري
بيقضي على بطنك اللي زاعجك
وهلابك حبيبتي

[نسيم الأمل]

عندي ملاحظات هالاسبوعين اللي طافوا

لاحظت محيط خصري نزوله بطيء
لكن المؤخرة نزولها اوك
يعني لو بطني تحرك نص انش اردافي تتحرك انش
لكن مومشكلة دام الارداف جالسه تتساوا مع الخصر
ان شاءالله بعد فترة يبدا الخصر ينزل اسرع
يمكن لان صارلي اسبوع ماعملت رياضه!!!!!!!!

المهم اليوم جلست وشربت شاي الكرفس واعتبرته فطوري
الغدا بيكون تبووولة وحليب
العشا بيكوون معكرونة بالخضار وتبولة وحليب
وبشرب شاي الكرفس العصر كمان وقبل النوم

ويااارب يعدي اليوم على خير

اليوم بعد عملت رياضة على الدراجه مدتها ربع ساعه

[دف القمر]

ربي يوووفقكم يابنات شدووو الهمه ان شاء الله تنزلون اوزانكم
بس ماعرفت احدد جسمي لاني قصيرة كلي مليانه اكثر شي البطن مرة
مطفششششششششششني

[نسيم الأمل]

اردافك وصدرك شنو وضعهم يا القمر؟؟؟؟؟

[دف القمر]

بالنسبه لل ارداف واليدين مليانه بس اكثر منها البطن والصدر hwaml15
وجهي كمان ابغاة ينحف
انا طولي 148
وزني كان 50 مع الحمل والولادة وراء بعض وخمول الحمد لله تعافيت منه الحمد لله وصل وزني لل83 مع محاولات في الرجيم 73 بس مااحس شي نزل لاني قصيرة
ف ان شاء الله معاكم اوصل للوزن المطلوب بس ادعوووووووووولي يابنات ادعوووولي
بالصبر والمواصله وانني انحف بصحه وسلامه

[الانتظار]

hwaml7يعطيكم العافيه نسيم الامل ونسرين واهلا وسهلا بدف القمر بانضمامك للمجموعه انتي والكلمه الطيبه صدقه نورتونا وان شاء الله تحقيق الوزن المثالي...نسييييج الخيااااال وين النظام للدكتوره احلام كلنا متحمسين نشوفه وان شاء الله نجربه ..6 كيلو بالاسبوع ما شاء الله دخيييييلك نزلي

[نسيم الأمل]

الله معك دف القمر واحنا معك وبنشجعك
ياريت تعملي اختبار وتعرفي نوع جسمك
لان رجيم نوع الجسم يحارب المنطقة الاكبر في الجسم وهذا احلى شي فيه
والفرق يبين معك من اول اسبوع
انا كانت الارداف اكبر شي
والله من اول اسبوع خسرت انش من محيطهم
اتمنى لك نزوول حلووو وجسم رشييييق

[نسيم الأمل]

اليوم هو الرابع من الاسبوع الثالث

فطوري كان حبات فراولة
وغداي بيكون تبولة وبليله>>> طبقي المفضل
وعشاي بيكون شوربة عدس وكوسا اموت فيها :d

والحين بقوم اعمل رياضه الخمسه ميل
وبعدها برقص شوي خخخخ

يلا تعدي هاليوم على خير

[نسج الخيال]

سو سو سوري ><"
انشغلت شوي (جامعه وتعب والله يعين)
لكل الي طلب النظام كرمال عيونكم
تنبيه بخصوص النظام

النظام صارم شوي ممكن تحسون بتعب وجوع بداية الاسبوع لكن عشان نوصل للي نبي لازم نواصل ونصبرر
الصببر اهم شي (من صبر ضفر )

يلا ما اطول عليكم

اولا هذا شكل جسمنا

http://www8.0zz0.com/2012/10/16/05/836134779.jpg

http://static.hawaacdn.com/PE/2012/07/09/10/ruk26285-1.jpg


الافطار

خفيف مثل (شاي اخضر او قهوه او حبة فاكه)
وبالنسبه للشاهي المسموح هو الشاهي الاخضر ، الاحمر ممنوع أما القهوه العربيه برضو ممنوعه القهوه المسموح فيها القهوه البلاك المررررره والشاي الاخضر والقهوه كلاهما بدون سكر اذا حابه الزنجبيل والقرفه كمان بدون سكر

من الساعه 11-12صباحاً الأكل في هالوقت ممنوع ومثل هالوقت مساءً


من بعد الساعه الواحده تبدى فترة الغداء

الغداء

الغداء راح يكون كالآتي: أما خضار أو سلطه خضراء أو سلطة فواكه بس مو دائماً سلطة فواكه أذا أخذت سلطة الفواكه
ماراح يكون معها شي ثاني يعني لابيض ولاأي بروتين وسلطة الفواكه مو دائماًعالغداء بس مرتين في الاسبوع اذا بغيتيهاغداء
الشي الثاني ،أذا حابه بروتين عالغداء، يكون يابيض أو سمك أو تونه ، الدجاج ممنوع وقت الغداء
طبعاً المقدار بيضه وحده بالنسبه للبيض اذا أخترتي بيض أما اذا أخترتي التونه فتكون مشخوله من الزيت تماماً وعادي تأخذين مع التونه سلطه خضراء أو خضار سواءً طازه أو مطبوخه بس بدون ملح

العشاء

العشاء راح يكون الوجبه الرئيسيه واللي هي: أما كأس رز بعد السلق ويكون بدون أي أضافات لا ملح ولا بهارات ولا فلفل ولا شطه... نوعيه جسمنا كلنا نحب الاكل الحار والمليئ بالبهارات والدهن والملح ،
، بس كل هالاشياء عدوه لنا ...
الخيار الثاني نصف كأس مكرونه مسلوقه بدون ملح الخيار الثالث 2 توست الخيار
الرابع ربع رغيف لبناني الخيار الخامس كأس ونصف كورن فليكس دايت الخيار السادس ممكن تعتمدين
العشاء سلطة فواكه فقط هذا بالنسبه للنشويات اللي في الوجبه الرئيسيه أما البروتين فأساساً المسموح فيه أربع مرات في الاسبوع ، أربع أيام ، ويبقى في الاسبوع 3 أيام راح يكون العشاء نشويات بدون بروتين
الفطور والغداء أبداً مافيه نشويات

اللبن ممنوع فقط حليب منزوع الدسم أو زبادي منزوع الدسم ومره واحده في اليوم
نجي لنقطه أحب أوضحها واللي هي البروتين أذا حابه تأخذيه غداء ماراح تأخذين وقت العشاء
بروتين مره ثانيه باليوم ما يجي، يعني ياغداء .. ياعشاء رز + دجاج بدون حبة فاكهه خذيها قاعده 4أيام فالاسبوع ، ومره وحده فاليوم...ياغداء ، ياعشاء... ال3 الايام الباقيه بدون بروتين وتكون أحد الخيارات التاليه:
بيضه واحده أو صدر دجاج بدون جلد أو تونه مصفاه من الزيت أوسمك أوجبن شرائح منزوع الدسم حبه واحده ، ومره وحده في الاسبوع.... أوفول أوعدس ،ويعتبر بديل عن البروتين بدون زيت أو ملح أوبهارات ... مقدار 3ملاعق فقط، ويكون مره وحدهفي الأسبوع...
و البطاطا ؛ لأنها تعتبر نشويات ممكن أخذها وقت العشاء بقدار معين (حجم حبه متوسطه) وتكون مسلوقه أو مشويه بدون أي أضافات لا ملح ولا بهارات ولا فلفل ومره وحده في الاسبوع فقط اذا حبيتي مع البروتين المسموح لك ... أيضاً الفاصوليا والبازلاء ؛

الرياضه

اهم رياضه.. المشي لمدة ساعه متواصله لمده خمس أيام في الاسبوع يومين راحه
اذا حابه تضيفي رياضه من عندك كان بها وكثر الله خيرك

الماء

الماء مهم في عمليه أخراج الفضلات من الجسم ، ولعملية أخراج الدهون أيضاً ولترطيب الجسم ويشعرك بالشبع
لكن الماء يكون قبل الوجبه بساعتين او بعدها بساعتين
وممنوع السوائل مع الوجبات لانها تسسبب مايعرف بـ(الكــــــررشـ)




يلا ي بنات وروني همتكم
اذا حابين نسو ي قروب ونحمس بعض عشان نوصل للوزن المثالي

بالنسبه للي سألو عن وزني كان 76 والحمد لله نزل لين 70 تقريبا خلال اسبوع لكن مثل ما قلت لكم مااستمريت
لكن سبحان الله بعد ما خبصت زدت ف وزني لكن ثبت تقريبا على 73 يعني الي يسوي هذا النظام
ما يضر اذا تركتيه ابدا بالعكس ممكن اذا خبصتي يزيد كم كيلو وبعدين يثبت مثلي

ويلا ممكن ابدا معاكم السبت لانكم تحمسون ماشاء الله ^^

[نسيم الأمل]

يااااااه
نظام الدكتورة الصراحه صععععب
الكتاب عندي اسهل بكثييير
والنزول مايفرق واجد!!
وغير كذا اخبص احيانا
انا قابلة نعمل قروب مواااااافقه
بس بمشي مع الكتاب
الصراحه انا احب التبولة حيييل والتبولة ماتصلح الا بشوييييية ملح:d

[نسج الخيال]

امممم احسس رجيم الدكتورا يخسس اكثر
بس انتي والي يريحكك
اناا كنت اول الاسبوع صحيح اعاني بس مع الوقت نتعود

طيب القروب تبغوه هنا ولا على الواتس ؟

[نسيم الأمل]

اليوم هو الخامس من الاسبوع الثالث
فطوري كان كاسين مويه
مدري مااشتهيت اكل شي !!!!!!!

المهم غداي كان شوربة عدس وكوسه وجنبهم علبة زبادي وفاكهة جريب فروت

والعشا كان لذييييذ
تبولة و رز ابيض (الرز مقدار كاس
وكوب حليييب قليل الدسم

واجلت فاكهة العشاء وقررت اكلها الساعه 9 :d
والفاكهة بتكون جريب فروت

يوم الجمعه راح افاجئكم
بنزل مقاساتي بالإنش قبل الرجيم وبعده
الصراحه المقاسات تبشر بالخيييير

[نسيم الأمل]

امممم احسس رجيم الدكتورا يخسس اكثر
بس انتي والي يريحكك
اناا كنت اول الاسبوع صحيح اعاني بس مع الوقت نتعود

طيب القروب تبغوه هنا ولا على الواتس ؟

سوووووري حبيبتي اسفه والله تو انتبه انك رديتي قبلي
معليش ماانتبهت سووووري
وبخصوص لقروب خل ننتظر باقي البنات ونشوف شيقولون
وانا عملت قروب امس مع ثلاث بنات وانا رابعتهم
وراح نمشي على نظام الكتاب
لكن مايمنع ادخل في قروب ثاني معكم عشان اتشجع اكثر لوووول

[نسيم الأمل]

نسيت اقول اني عملت لقروب ع الواتس
وافضل لو بتعملين قروب يكون ع الواتس عشان اسهل واسرع في التواصل

[نسيم الأمل]

اليوم هو السااادس من الاسبوع الثالث
مافطرت لان جلست متاخرة
غداي كان شوربة عدس وكوسه +تبولة+علبة زبادي
والعشا كان توست بالجبن + خيارة+ فاكهة جريب فروت+ نص كاس حليب

ويااااارب ننحف من غير شر

[الانتظار]

جزاك الله خير نسج الخيال على تنزيل النظام...والله يعينك على الدراسه بالموفقيه حياتي ان شاء الله
يا بنات اني بصراحه ما اقدر اعمل معكم كروب على الواتس اب ..اصلا ما معي جوال (شنو هالتخلف )hwaml03 اني ابلد اجنبي انا وزوجي واولادي وطول اليوم بالبيت فما احتاج النقال
المهم حبيباتي اعملوا كروب مع بعضكم ووافوني بالمهم على المنتدى hwaml95

[نسيم الأمل]

خلاص انتظااار حبيبتي
لعيوووونك نعمل لقروب في المنتدى
واحنا ماشاءالله من الحين عاملين قروب
طمنيني عنك انتظار
هل ابتعدتي عن التوابل و اللحم الاحمر ؟؟؟
لانها عدوة الجسم التناسلي اتمنى تكوني ابتعدتي عنها..

[نسيم الأمل]

اليوم هو السااابع يعني اخر يوم من الاسبوع الثالث
وفلتيها شوي ووسعت صدري بالاكل اللي احبه
بس مااااخرجت عن المسموح و الممنوع

فطوري كان كاسين مويه>>>> مدري اشلون صرت مالي نفس افطر!!!
الغداء كان خضار مشويه (بطاطس+كوسا+طماطم+بصل)
وجنبهم تبولة و علبة زبادي

والعشاء كان برضو نفس الخضار المشوية و التبولة وقطعتين صغار من صدر دجاجه
وجنبهم فاكهة جريب فروت...

ان شاءالله يعدي هاليوم على خير
طبعا عملت رياضة ع الدراجة الثابتة 10 دقايق
وقبل النوم بساعه بعمل بعد 5 دقايق

وبكرة باذن الله سيكون الميزان والمقاسات
ونبدأ اسبوع جديييد من النظام الراااااائع

[الانتظار]

خلاص انتظااار حبيبتي
لعيوووونك نعمل لقروب في المنتدى
واحنا ماشاءالله من الحين عاملين قروب
طمنيني عنك انتظار
هل ابتعدتي عن التوابل و اللحم الاحمر ؟؟؟
لانها عدوة الجسم التناسلي اتمنى تكوني ابتعدتي عنها..\

حبيبتي يا نسيم الامل جزاك الله خير يا عمري ..
الحمد لله مبتعده نهائيا عن التوابل واللحم الاحمر
بس مرات اغش واكل حلو بس ما اكثر hwaml03

[نسيم الأمل]

ههههه اذا على الغش كلنا نغش
والحياة حلووووووة
اهم شي الحلو يكون خفيف او معمول من زيت مو زبدة
لان الزيوت القليلة تناسبنا
بس الزبدة لاااا مااحبها كرهتها هي سبب الطاولة اللي ورا خخخ

[نسيم الأمل]

اليووووم السبت
جلست الصباح ودخلت تواليت وانتو بكرامة وبعدهةسييييدا ع الميزان
وكااااانت المفاجئة

صار وزني بعد ثلاث اسااابيييع
من 88 الى؟؟؟

نزلو تحت شوفو خخخ



































82 كللللوووووووش

حيييل مبسووووطة
في ثلاث اسابيع خسرت 6 كيلوووو

والمقاسات كانت
الخصر:37
الارداف:49،5
واصبحت
الخصر:34
الارداف:47

3 انش من محيط الخصر
و 2 انش من الاردااااف
رااااضية عن النتيجة جدا جدا جدا

واليوووم بإذن الله بيكون بداية أسبوع جديد
وهالأسبوع بيكون كمالة الشهر للرجيييم

[الانتظار]

اليووووم السبت
جلست الصباح ودخلت تواليت وانتو بكرامة وبعدهةسييييدا ع الميزان
وكااااانت المفاجئة

صار وزني بعد ثلاث اسااابيييع
من 88 الى؟؟؟

نزلو تحت شوفو خخخ



































82 كللللوووووووش

حيييل مبسووووطة
في ثلاث اسابيع خسرت 6 كيلوووو

والمقاسات كانت
الخصر:37
الارداف:49،5
واصبحت
الخصر:34
الارداف:47

3 انش من محيط الخصر
و 2 انش من الاردااااف
رااااضية عن النتيجة جدا جدا جدا

واليوووم بإذن الله بيكون بداية أسبوع جديد
وهالأسبوع بيكون كمالة الشهر للرجيييم

مااااشاء الله الف مبروك حبيبتي نسيم الامل ..والله فرحتلك هوايه
فعلا نتيجه مرضيه ..والقياسات رائعه
الله ينيطك العافيه ونزول اكثر واكثر لحد ما توصلين الوزن المثالي باذن الواحد احد
وهاي الرقصه الك hwaml81

[نسيم الأمل]

ههههههههههههههههههههه
احلى رقصة من احلى انتظااااار
فديييييتك يا عمري
مشكووورة على وقفتك معاي
وان شاءالله يوم الجمعه نفرح بنزولك ووزنك الجديد
وياااارب تنحفي وانتي بصحه وسلاااامه

[نسيم الأمل]

اليوم الاحد
وهو اليوم الثاني من الاسبوع الرابع لنظام رجيم الجسم التناسلي( الكمثرى)

فطوري كان حبة كيوي

الغدا بيكون تبولة+ بيضة مسلوقة+ حليب قليل الدسم+ جريب فروت

العشاء بيكون تبولة + زبادي+ جريب فروت

لاتستغربون هالاسبوع قررت اعتمد على التبولة لان قرات انها ممتاااااازة

ويارب يعدي اليوم على خيييير

[نسج الخيال]

مبرووك يالغلا ع النزول الف الف مبرووك hwaml7
وعقبال المثالي يارب

فكرة القروب
اوك نسوي ع الواتس قروب وهنآ كمان
لان الواتس اسرع بالنسبه ليا =)




جزاك الله خير نسج الخيال على تنزيل النظام...والله يعينك على الدراسه بالموفقيه حياتي ان شاء الله
يا بنات اني بصراحه ما اقدر اعمل معكم كروب على الواتس اب ..اصلا ما معي جوال (شنو هالتخلف )hwaml03 اني ابلد اجنبي انا وزوجي واولادي وطول اليوم بالبيت فما احتاج النقال
المهم حبيباتي اعملوا كروب مع بعضكم ووافوني بالمهم على المنتدى hwaml95

وياك يارب

ان شاء الله نوافيك بكل الي يصير اخر الاسبوع
ننزل هنا نتائج النزول وكل التفاصيل


الهمه الهمه
والله ينحفنا من غير شر
hwaml12


دمتم بخير

[نسيم الأمل]

تسلمييين حبيبتي نسيييج
منووورة واسعدني تشجيعك
وان شاءالله ننزل يومياتنا واوزاننا هنا وع الواتس
وترقبو نتيجة يوم السبت القادم لووول

[دلوعه عبدالله]

ماشاااء الله عليييك

استمررررري وان شاء الله توصلين للوزن المثالي :)

[نسيم الأمل]

الله يسمع منك دلوووعه
حبيبتي انتي ربي يحفظك ويسلمك من كل شر

[نسيم الأمل]

يووووو
نسيت انزل يوميات الاثنين !!!

معليش
امس مافطرت بس شربت كاسين مويه
وتغديت تبولة+ حليب+ توست بالجبن+ جريب فروت
والعشا كان تبولة+ زبادي+ رز مسلوق+ باذنجان مشوي

[نسيم الأمل]

اليوم الثلاثاااء
اليوم هو اليوم الرابع من الاسبوع الرابع

فطرت بكاسين مويه>> احس نفسي صدت عن الفطور!!

الغدا بيكون ان شاءالله
شوربة عدس وكوسا+ تبولة+ حبة فاكهة+ حليب

والعشا بيكون معكرونة بالخضار + حبة فاكهة+ زبادي

طبعا فاكهتي المفضلة اللي بستر عليها طول هالفترة هي الجريب فروووت
سمعت انها مفيدة لدهون الخصر

ويااارب ننحف من غير شر

[نسيم الأمل]

يووووو نسيتك يا يوميااااتي
لاني انشغلت بقروب التناسلي ع الواتسب خخخ

المهم يوم السبت اللي فات كان نهاية شهر وبداية شهر للرجيم

صباح السبت وقفت ع الميزان
وكاان وزني


80.400 ياسللللاااااااااااام

وقبل شهر وزني كان 88.700

يعني خلال شهر خسرت 8*300 kg

حييييل مبسووووطه وطاير عقلي
ان شاءالله الشهر هذا نفس الخسارة
واكون طيحت 16 كيلو من وزني روووحه بلا رجعه ان شاءالله

والمقاسات ياسلام
خسرت انشات من خصري و اردافي
والمؤخرة صارت مرتبه بس باقي لها شوي

الحين صار عندي أمل ان الطاوله اللي ورا ممكن تنقص:D

[حلة الظل]

مساء الخير نسيم الامل
انا قريت تجربتك مع نوع الجسم وماشاء الله نزلتي عليه نزول حلوووو
ان شاء الله تكوني وصلتي لرقم حلو

انا بديت بهالرجيم من امس وحابه اكمل معاك بهالقروب ياليت ترجعي تكتبي يوميااتك بالقروب
عشان نتشجع وننزل اوزاننا من غير شر
وياليت اللي جسمها تناسلي تنظم لنا ونستمر ...

[حلة الظل]

اليوم .. افطرت نص تفاحه

الغدا .. توست وبيض مسلوق

العشاء .. دجاج مسلوق وتوست وحليب قليل الدسم

الرياضه ايروبيك والاوربتراك

ياليت ينتعش القروب

[نسيم الأمل]

فديتك حبيبتي حلة الظل
والله رجعت عشانك
مدري اذا انت موجودة ولا لا

انا انشغلت ولهيت بالرجيم و البنات في منتديات ثانيه
لقيت مجموعه كبيرة من التناسليات وشكلنا قروب والحمدلله لليوم انا منتبه لجسمي
ومبتعده عن التوابل و اللحم الاحمر والزبدة و الكريمة
بس لازم كل اسبوعين اكل كباب خخخخ عشان مايتعود الجسم ع الحرمان

تركتكم وانا وزني 80.300
وكان قبل شهرين وثلاث اسابيع

اليوم رجعت لكم ووزني؟؟؟؟؟؟؟













71 ياسلاااااام
يعني بعد ثلاث اشهر وثلاث اسابيع
خسرت 17 كيلو و شوي ماشاءالله تبارك الله
حييييل حييييل مبسوطة
وماتتصورون اشقد تغيرت

وراح استمر الين العيد
حتى في رمضان بعملي جدول خاص للوجبات

اريد العيد اكون 58 يااااااااااااا رب

دعواتكم
ان شاءالله لي عودة معكم
فمان الكريم

[حلة الظل]

نسيم الامل ياقلبي انتي
والله فرحت برجعتك
مبرووووووووك الف مبرووووووك الوزن الجديد لك ماشاء الله عليك

صراحه انا مشيت ع التناسلي مدة اسبوع نزلت فيه 2 كيلو بس وقفت ماكان في احد يشجعني ويحمسني

تكفين ارجعي للقروب وخلينا ننتظم

وياليت تنزلين ايش اكلتي فطور وغدا وعشاء لاني بالمرررره توهقت ماعرفت بصراحه الممنوع من المسموح
يعنيكنت مااشيه بالبركه
انا هالاسبوع ماشيه على نظام ياليت يخرجني من ال80 لاني مليت منها الحين وزني 82.3
ان شاء الله هالاسبوع اطلع من ال80 والاسبوع الجاي ابدء في التناسلي

وياليت اللي جسمها تناسلي تنظم لنا عشان ينتعش القروب ويتثبت


والف الف شكر نسيم الامل لتفاعلك ورجعتك للقرووووب وعقبالي ان شاء الله اوصل 71 قريييب يارب

[نسيم الأمل]

|•.. ھـَْـُلاٌٍے وًَ غ̷̷َـٌَلاَّے . حبيبتي

وانا فرحانه عشانك

طبعا انا صرت اغير في النظام بما ان وزني قريب الستينات
هالاسبوع دخلت رجيم الفواكه
اذا نجح معي راح اذكر تجربتي لكم ماببخل عليكم حبيباتي

لكن عشانك راح اقولك اقتراحات للوجبات

الفطور ثااااااابت
فاكهه والافضل موسميه و قهوة او شاي مع ملعقة شاي سكر اذا حبيتي تضيفي

الغداء
لازم يكون خفيييف
لان الحرق في جسمنا احنا التناسليات يكون بطيييئ في النهار
فلازم نتغدا خفيف

العشاء
هو وجبتنا الرئيسية
لان الحرق عندنا في المساء اقوى واسرع
حتى الرياضه المسائية تناسبنا

وهذا جدول اسبوعي
كتبته عشااانك ي الغلا
ان ڜآ۽ٱڵلھٰ تستفيدي منه وتقتبسي اقتراحاته وتعدلي على حسب ميولك

طبعا الفطور مثل ماقلنا ثااااابت
فاكهه + قهوة او شاي
لكل ايام الاسبوع

وجبات التناسلي
يوم السبت:

الغداء
طبق سلطة
علبة زبادي
قطعة خبز او توست
حبة خوخ او برقوق او اي فاكهه موسميه
حليب
شاي بقليل من السكر او العسل

العشاء
دجاج
نص كوب ارز
سلطة خيار مع ملعقة زبادي
حليب
حبة خوخ او اي فاكهه موسميه

الاحد:

الغداء
طبق سلطة
بيضة مسلوقة
قطعة توست او خبز
حليب
نصف حبة بابايا او اي فاكهه موسميه
شاي مع قليل من السكر

العشاء
دجاج مع زبادي مطبوخ من غير زيت
نص رغيف خبز
سبانخ او ملوخيه ( مطبوخه ع البخار)
كوب فراولة او اي فاكهه موسميه
حليب

الاثنين:

الغداء
نص كاس جبن قليل الدسم
نص رغيف خبز
طبق سلطة
حليب
تفاحه او اي فاكهه موسميه
شاي او قهوة مع قليل من السكر

العشاء
بيضتين ( مسلوق او مقلي في ملعقة صغيرة زيت زيتون)
كوسه مطبوخه ع البخار مع بعض الحبوب مثل اللوبياء
كوب عنب اخضر او اي فاكهه موسميه
حليب

الثلاثاء:

الغداء
كوب جبن ابيض قليل الدسم
طبق سلطة
نص رغيف خبز
حبة مانجو او اي فاكهه موسميه
حليب
شاي مع قليل من السكر

العشاء
سمك فيليه مشوي او مقلي في ملعقة صغيرة زيت نباتي
كوب سلطة الكرنب مع ملعقة كبيرة مايونيز لايت
نص كوب برغل منقوع او نص كوب ارز*
كوب كرز او اي فاكهه موسميه
حليب

الاربعاء:

الغداء
زبادي
كوب فراولة او اي فاكهه موسميه
طبق سلطه
قطعة توست
حليب
شاي مع قليل من السكر

العشاء
ربع دجاج
نص كوب ارز او نص كوب ذرة*
تفاحه او اي فاكهه موسميه
حليب

الخميس

الغداء:
بيضه مسلوقه جيدا
قطعة توست
طبق سلطة
حبة موز او اي فاكهه موسميه
حليب
شاي مع قليل من السكر

العشاء
قطعة ستيك من السمك او فيليه سمك ( من غير زيت)
نص كوب رز
حبة كمثرى او اي فاكهه
حليب

الجمعه:

الغداء
نص كوب جبن جاف*
قطعة توست
طبق سلطة
2 حبه يوسفي او اي فاكهه موسميه
حليب
قهوة او شاي مع قليل من السكر

العشاء
فيليه سمك مشوي
نص كوب ارز
2 حبه تين او اي فاكهه موسميه
حليب


ان ڜآ۽ٱڵلھٰ اكون افدتك:)

[~قموووره~]

روووووووووووووعه مرره حبيت تجربتك ومبرووووووك نزول وزنك من جد نتائج مبهره وانا كمان جسمي تناسلي بإذن الله أولد بالسلامه وامشي على رجيمك عجبني ^^
حله ياااااااااااارب ينزل وزنك حبيبتي ويناسبك الرجيم ....

[نسيم الأمل]

|•.. ھـَْـُلاٌٍے وًَ غ̷̷َـٌَلاَّے . قمووووورة منوووره حبيبتي
الله يبارك فيك ويسعدك ويهون عليك وتولدي بالسلامه
ويرزقك بنونو صاحي وسالم ويجعله من مواليد السعادة

بس في تصحيح على كلامي
انا من بدات الرجيم صارلي ثلاث اشهر ونص وهذا الاسبوع الثالث من الشهر الرابع
يعني في ثلاث اشهر ونص نزلت 17 كيلو
بعد اربع اشهر ان شاءالله ان شاءالله اكون تخلصت من 20 كيلو
وصار وزني 68 يارب ياااا رب

[حلة الظل]

نسيم الامل ...
ياحبني لك الله يسعدك ياقمر مشكوووووووره
وان شاء الله من الاسبوع الجاي ابدأ فيييه
وياليت ماتقطعينا سيري علينا من فتره لفتره

اعطينا دفعة حمااس وترفعيمن معنوياتنا


قموره ..الله يقومك بالسلامه ياعمري وتنحفي من غير شر

[نسيم الأمل]

فديتك حبيبتي حلة الظل

ان شاءالله راح امسك بايدك عشان تكملي طريق الرشاقه للنهايةhwaml14

ارسلت لك رسالة ع الخاص ردي عليها لو سمحتي:)

[فديــته الــ غ ــالي]

متااابعه لك وعسسسى فالك الرششاقه ياعمري

[نسيم الأمل]

مشكور حبيبتي من ذوقك
والله يسمع منك واوصل للوزن اللي ابيهhwaml03

انا هالاسبوع غيرت يومياتي

خليت نهاري كلللله فاكهه
فطور فاكهه غدا فاكهه وقت الجوع فاكهه
وقبل المغرب بساعتين اوقف اكل الفاكهه
ومع المغرب بحدود الساعه 5:30 اكل عشاء محترم
ويكون بحدود المسموحات لنوع الجسم التناسلي

مثلا كوسا محشي دجاج مع رز اسمر وسلطه
او
تبولة مع تونه و رز ابيض ( كاس رز بس)
او
توست بزبدة الفول السوداني مع العسل و كوب حليب

يعني من كذا
والحمدلله مرتاحه
وبشوف نزولي مع هالاقتراح الجديد لليوميات خخخخ

[نسيم الأمل]

من السبت ان شاءالله
راح ارجع اكتب يومياتي
انا وحلة الظل
واللي حابة تنظم لنا حياها الله:)

[دلوعه عبدالله]

ماشاء الله علييك نسيم الامل

من جد اصرار وعزيمه وحماااس


مبروووك نزولك يا قمر وان شاء الله توصلي للوزن المثالي قبل العيد

[حلة الظل]

كيفكم بنات

ان شاء الله يانسيم مع التغيرات هذي في الرجيم تودعين ال70
بإذن الله
بس حبيت اسألك تغيرت مقاساتك مع النزول بالخصوص من منطقة الحوض والافخاذ


دلوعة عبدالله ..من جد اللي يشوف يوميات نسيم وكيف نزلت من 88 الى 71 ماشاء الله تبارك الله
يتحمس حيل
الله يجزاها الخير في رفع معنوياتنا وان شاء الله اني الحقها وانحف واوصل لل70 قريبا بإذن الله

[نسيم الأمل]

ماشاء الله علييك نسيم الامل

من جد اصرار وعزيمه وحماااس


مبروووك نزولك يا قمر وان شاء الله توصلي للوزن المثالي قبل العيد

الله يبارك فيك ي الغلا
وماحمسني الا اليوميات
لانها تجربك تلتزمين عشان في ناس تتابعك وتترقب نزولك
فشله بعد هالتعب تكتبين فشلت في الرجيم خخخخ
صدقوني هالنظام نااااجح ومافيه حرمان
كل وحده تعرف نوع جسمها وتنطلقhwaml03

كيفكم بنات

ان شاء الله يانسيم مع التغيرات هذي في الرجيم تودعين ال70
بإذن الله
بس حبيت اسألك تغيرت مقاساتك مع النزول بالخصوص من منطقة الحوض والافخاذ


دلوعة عبدالله ..من جد اللي يشوف يوميات نسيم وكيف نزلت من 88 الى 71 ماشاء الله تبارك الله
يتحمس حيل
الله يجزاها الخير في رفع معنوياتنا وان شاء الله اني الحقها وانحف واوصل لل70 قريبا بإذن الله

|•.. ھـَْـُلاٌٍے وًَ غ̷̷َـٌَلاَّے . حلة الظل
الله يسمع منك ياااا رب

ايوووه حله فرق معي القياس كثييييييير كثير كثير
اردافي من الامام متناسقه مع اكتافي وصار جسمي حيييل متناسق بعد ماكانت اردافي فششششلهhwaml7
لكن من الجنب اشوف الطاولة صارت زحليقه مقبولة بس يبي لها كمان
لكن فرق عن اول والله وين اول ووينها الحين

الحمدلله رب العالمين

وبستمر شهرين كمان وبشوف النتايجhwaml03

السبت ان شاءالله بكون كملت 4 شهور وببدا في الشهر الخامس

والشهر الخماس بيكون معك ي حلة

بس انتي متأكدة انك تناسلي
لازم تتأكدي من نوع جسمك عشان ماتتبعي رجيم غلط
التناسلي و الدرقي يتشابهون في السمنه من الاسفل

بس التناسلي خصرها طويل وسيقانها مليانه وعرقوب القدم عريض
اما الدرقي خصرها قصير وسيقانها مرسومه وعرقوب القدم نحيف

التناسلي المؤخرة في السمنه والنحافه تكون باارزة يعني هالشنطه وراه وراه
الدرقي في السمنه و النحافه تكون المؤخره عاديه بروزها مو ملفت ذاك الزودhwaml14

[ام السوس001]

استنونييييي
ام السوس طاولتها لا تعادلها اي طاوله والافخاذ عندي شغل مصارعين كل سمني بهالمناطق ... ماشاء الله تبارك الرحمن نسيم الأمل مجهود رائع .. استمري << شوف مين بحكي



بشرفني انضم الكم
الاسم : ام السوس
الطول :174.5
الوزن : 86 سابقا
حاليا : 77
نفسي اطلع من السبعينات .. عفكره طموحي 69.5 هههه المهم رقم 7 ما أشوفه عمل عندي عقدي

[حلة الظل]

هلا نسيم ..
ايوه انا تناسلي لان سيقاني عريصه ومليانه
على فكره ارسلت لك ع الخاص وصاحباتي كمان راح ينظمو لنا ع الواتس


ام السووس ..
هلا وغلا ياقلبي الله يحييك
ويارب يكون هذا اخر قروب لنا في الدايت ومانخرج منه الا واحنا نحفنا ووصلنا للمثالي بعد

[ام السوس001]

آمين ..
يلا نسيم ضيفينا يا عسل ع الواتس

[نسيم الأمل]

اوووك ي عسل انتو

بس كيف بخصوص يوميات الموضوع؟؟
اذا رحنا ع الواتس مالو داعي الموضوع خخخ
ولا اشرايكم ؟

[ام السوس001]

مو شرط لأنه مو كل البنات عندهم الواتس .. نحنا بنضل متابعين سوا ع الواتس وبآخر اليوم بنكتب تقرير عن اليوم بالمنتدى

[عروووس لحبيبي]

السلام عليكم
يا صباح الخير ياصباح السعاده ياحظي الحلو اني لقيتكم

انا ابي اسوي هالنظام لان جسمي تناسلي وكنت ابي رفقه عشان التشجيع

تجربتي مع هالنظام
من سنتين قبل زيادة الحمل طبعاااا :(

وزني زاد بعد الزواج مع الغربة والدراسه حطيت طاقتي بالاكل لين انفجرت خخخخخخ
لازم اتدرب في المستشفى فترة شهر عشان التخرج ف بدون قصد صار نظامي
اكل الفطور بيض مقلي او تمر او فاكهه
اتغدى مجموعة فواكهه تمر وخوخ وفراوله اللي يتواجد اكله ما اقصر خخخخ
والعشاء اكل اللي ابيه لين الشبع واتفنن عاد لكن بدري لان انا وزوجي نكون تعبانين
واشرب ماي واجد واشرب اشياء دافيه بعد
خلص هالشهر ونزلت خمسه كيلو بدون تعمد وبدون حرمااان

لكن وزني ثبت فرحت لدكتوره ونزلت وزني بالسعرات الحرارية سته كيلو لكن طولت هالفتره يعني ازيد من شهر لان ما التزمت عدل
رجع جسمي خطييييير ولبست ثيابي اللي ما تهنيت فيها مع ان كان باقي كم كيلو واوصل للوزن الحلم اه
لكن الله انعم علي ورزقني بالحمل وما ادراك ما بعد الحمل رجعنا الكياااااااالو


نزلت وزن وباقي لي 8 كيلو واذا اقدر انزل عشره اوصل للحلم هههههه

استفسار بخصوص نوع الجسم لتاكيد :
انا وزني في الافخاد من جنب لكن ما صار فيي طاولة من ورا الا اختفت من كثر الشحوم اللي حولها وطبعا ما انسى الكروووشه الجميله ،، جسمي تناسلي صح ؟!


واذا اي اتمنى تقبلوني معاكم في القروووب



وي كتبت واجد شكرا لكم ع القراءه

[عروووس لحبيبي]

مساكم خير
كيف الريجيم معاكم ؟
ايش التطورات


انا بدات بجد هالاسبوع يعني من السبت ومرتاحه الحمد لله

لكني ادور الكتاب خاطري اقراااه كله معلومات ازيد واساعد غيري بعد بس مو لاقيته ،، اللي شريتوه من وين شريتوه وعندكم منه نسخة عربي او انجلش ؟
ادري انكم ع الواتس وانه اسرع واحسن من هنا لكن اتمنى تدخلون وتردون عليا ؟؟

[طال@عمري]

عادي ابدا معاك بريجيم التمر واللبن بقروب الواتس اذا ماعندكم مانع قولولي

[ام‏ ‏رهف]

انا‏ ‏عضوه‏ ‏جديده‏ ‏لي‏ ‏الشرف‏ ‏بينكم

[ام‏ ‏رهف]

انا‏ ‏جديده‏ ‏احبكم‏ ‏لا‏ ‏تقولو‏ ‏‏ ‏اانيا‏ ‏مصالح‏ ‏ههه‏ ‏بس‏ ‏انا‏ ‏جسمي‏ ‏تناسلي‏ ‏مكرهني‏ ‏لهذا‏ ‏الاسم‏ ‏ريت‏ ‏المؤلف‏ ‏يغيره‏ ‏المهم‏ ‏وحليت‏ ‏الاسئله‏ ‏وبديت‏ ‏في‏ ‏الريجيم‏ ‏بس‏ ‏انا‏ ‏جسمي‏ ‏قبل‏ ‏ابدا‏ ‏كويس‏ ‏حتى‏ ‏الارداف‏ ‏والافخاذ‏ ‏والمشكله‏ ‏الي‏ ‏ما‏ ‏اسمعكم‏ ‏تذكروها‏ ‏الكرشه‏ ‏ابغ‏ ‏اسال‏ ‏مين‏ ‏عندها‏ ‏كرشه‏ ‏وراحت‏ ‏مع‏ ‏هذا‏ ‏الرجيم‏ ‏ارجوكم‏ ‏ردو‏ ‏اذا‏ ‏تقدرو‏ ‏تضيفوني‏ ‏معاكم‏ ‏في‏ ‏الوات‏ ‏لي‏ ‏الشرف‏ ‏

[الرشيقة 2030]

السلام عليكم ورحمة الله وبركاته
أنا عضو جديد في المنتدى ... جسمي تناسلي
أتمنى أن تضيفوني معكم على الواتس

وزني (خليه سر) أما طولي :164
أريد أن أكون رشيقة ولو لمرة واحدة ...

[ام‏ ‏رهف]

ابغا‏ ‏كم‏ ‏تزودوني‏ ‏من‏ ‏خبرتكم‏ ‏‏ ‏وش‏ ‏الاكلات‏ ‏المسموحه‏ ‏الثانيه‏ ‏مثلا‏ ‏ملوخيه‏ ‏وغيرها‏ ‏والي‏ ‏اشترت‏ ‏الكتاب‏ ‏هو‏ ‏مترجم‏ ‏وبكم‏ ‏اشتريتيه‏ ‏لا‏ ‏تطنشينا‏ ‏

[الرشيقة 2030]

كيف يمكنني الاشتراك معكم بالواتس ؟؟؟
لمن أرسل رقمي ؟

[نسيم الأمل]

السلام عليكم
يا صباح الخير ياصباح السعاده ياحظي الحلو اني لقيتكم

انا ابي اسوي هالنظام لان جسمي تناسلي وكنت ابي رفقه عشان التشجيع

تجربتي مع هالنظام
من سنتين قبل زيادة الحمل طبعاااا :(

وزني زاد بعد الزواج مع الغربة والدراسه حطيت طاقتي بالاكل لين انفجرت خخخخخخ
لازم اتدرب في المستشفى فترة شهر عشان التخرج ف بدون قصد صار نظامي
اكل الفطور بيض مقلي او تمر او فاكهه
اتغدى مجموعة فواكهه تمر وخوخ وفراوله اللي يتواجد اكله ما اقصر خخخخ
والعشاء اكل اللي ابيه لين الشبع واتفنن عاد لكن بدري لان انا وزوجي نكون تعبانين
واشرب ماي واجد واشرب اشياء دافيه بعد
خلص هالشهر ونزلت خمسه كيلو بدون تعمد وبدون حرمااان

لكن وزني ثبت فرحت لدكتوره ونزلت وزني بالسعرات الحرارية سته كيلو لكن طولت هالفتره يعني ازيد من شهر لان ما التزمت عدل
رجع جسمي خطييييير ولبست ثيابي اللي ما تهنيت فيها مع ان كان باقي كم كيلو واوصل للوزن الحلم اه
لكن الله انعم علي ورزقني بالحمل وما ادراك ما بعد الحمل رجعنا الكياااااااالو


نزلت وزن وباقي لي 8 كيلو واذا اقدر انزل عشره اوصل للحلم هههههه

استفسار بخصوص نوع الجسم لتاكيد :
انا وزني في الافخاد من جنب لكن ما صار فيي طاولة من ورا الا اختفت من كثر الشحوم اللي حولها وطبعا ما انسى الكروووشه الجميله ،، جسمي تناسلي صح ؟!


واذا اي اتمنى تقبلوني معاكم في القروووب



وي كتبت واجد شكرا لكم ع القراءه

حبيبي اتوقع نوع جسمك درقي وليس تناسلي
لان سمنت التناسلي تتركز في الارداف والمؤخره واه اه من المؤخره طاااوله
اما الدرقي يتضايق من الارداف اكثر .. يعني يصير عندها العرض اكثر من البروز وهذا اللي حصل معك
فابحثي في قوقل عن رجيم النوع الدرقي وشوفي وزنك كيف ينزل بسررعه

عادي ابدا معاك بريجيم التمر واللبن بقروب الواتس اذا ماعندكم مانع قولولي

مع الاسف قفلنا لقروبات خلاص.. الحمدلله انا وصلت 68 وحملت والحين حامل في الشهر الخامس
ووزني الحالي 69،500 ولله الحمد.. اول مره احمل ومايزيد وزني كثير

انا‏ ‏جديده‏ ‏احبكم‏ ‏لا‏ ‏تقولو‏ ‏‏ ‏اانيا‏ ‏مصالح‏ ‏ههه‏ ‏بس‏ ‏انا‏ ‏جسمي‏ ‏تناسلي‏ ‏مكرهني‏ ‏لهذا‏ ‏الاسم‏ ‏ريت‏ ‏المؤلف‏ ‏يغيره‏ ‏المهم‏ ‏وحليت‏ ‏الاسئله‏ ‏وبديت‏ ‏في‏ ‏الريجيم‏ ‏بس‏ ‏انا‏ ‏جسمي‏ ‏قبل‏ ‏ابدا‏ ‏كويس‏ ‏حتى‏ ‏الارداف‏ ‏والافخاذ‏ ‏والمشكله‏ ‏الي‏ ‏ما‏ ‏اسمعكم‏ ‏تذكروها‏ ‏الكرشه‏ ‏ابغ‏ ‏اسال‏ ‏مين‏ ‏عندها‏ ‏كرشه‏ ‏وراحت‏ ‏مع‏ ‏هذا‏ ‏الرجيم‏ ‏ارجوكم‏ ‏ردو‏ ‏اذا‏ ‏تقدرو‏ ‏تضيفوني‏ ‏معاكم‏ ‏في‏ ‏الوات‏ ‏لي‏ ‏الشرف‏ ‏

اذا انتي تشكين من الكرشه بس
واردافك وافخاذك وصدرك حجمهم كويس ووجهك مليان وعندك زنوود فهذا يعني انك من النوع الكظري وليس التناسلي
ابحثي عن رجيم النوع الكظري وفالك الرشاقه:)

ابغا‏ ‏كم‏ ‏تزودوني‏ ‏من‏ ‏خبرتكم‏ ‏‏ ‏وش‏ ‏الاكلات‏ ‏المسموحه‏ ‏الثانيه‏ ‏مثلا‏ ‏ملوخيه‏ ‏وغيرها‏ ‏والي‏ ‏اشترت‏ ‏الكتاب‏ ‏هو‏ ‏مترجم‏ ‏وبكم‏ ‏اشتريتيه‏ ‏لا‏ ‏تطنشينا‏ ‏

الكتاب اشتريته من جرير مترجم عربي قيمته 35 ريال
انصحكم بقوووه تشترونه

والواتس اب زي ماقلت لكم قفلناه .. بس الدايت سهل وانتو قادرين تعملوه
بس خلو عندكم عزيمه واصرار ومن اول اسبوع راح تنبسطو ع النتايج:)

[نسيم الأمل]

واعتذر منكم عن التاخير في الرد
بس انشغلت كم شهر بزواج اخوي ورمضان والحمل والنساة
الحمدلله على كل حال

اعتذر منكم مره ثانيه :(