اللي عنده خبره تدخل !

[لكاعه]

انا أخذت مثبتات مدة شهرين و الدكتور قال احتمال الولاده قيصري لأنك اخذتي مثبت و انا خايفه من كلامه لانه خبير ابسالكم الحين اللي تأكل مثبتات تولد قيصرية او كلام مبالغ فيه ... ابي اتطمن

[ρυяỉтч •]

لا حبوبه كلام مبالغ فيه .. بس ممكن تتاخر ولادتك بسبب المثبت
عموما كلها تساهيل من ربنا وماراح تولدين الا بساعتك سواء طبيعي ولا قيصري
اهم شي الصحه والسلامه

[المتأمله خير]

نفس الكلاام مباالغ فيه

ربي يسهلها عليك حبيبتي وتقومي بالسلامه

[حياه زوجها]

لا مو صحيح يالغلا

بنت خالي هي اخت زوجي خذت مثبتات وولدت طبيعي باول التاسع

الله يسهل عليك حبيبتي

[ريحانة الجنة]

شوفي اختي انا بحملي الاخير
حصل مرض ابوي ووفاته رحمه الله
عليه وانا بأول الحمل
فحصلت لي تقلصات خطيرة بغت
اجهض وأخذت(بمتابعةالدكتورة) ابر
تثيبت وكمان حبوب تثبيت (مع بعض)
وكل اللي حولي يقولوا ماراح تولد طبيعي!
وانا متوكلة على ربي واللي يجي منه حيياه
وقت الولادة سهّل ربي
وولدت بالبيت جبت الدكتورة للبيت
مارحت مستشفى
يعني توكلي على الله ولاتعطي اذنك لاحد
اهم شي انتي بقرارة نفسك لا تكبري خوفك
والله يسهلك ويعين ياااارب

[حِلمْ الأُمـوُمَـهـْ]

لَا بسسم الله علينآ إن شآءالله نولد طبيعي

انآ من الشهر الآول الى الآن آكل مثبتآت ورآح آكمل عليهآ للسآدس بإذن الله

ودكتورتي قآلتلي مآلهآ دخل ماااتخاافي

بس ان شآءالله مآنطول بالتآسع هع

[جمره غضى]

لا كلام مبالغ فيه
ماهو شرط اللي تاخذ مثبت تولد قيصري

[حيآتوو]

مالها دخل
اذا ناوي يولدك قيصري عشان هالسبب غيريه

[Nawra'a]

لا غناتي كلها في النهاية تساهيل من رب العالمين
اختي اخذت مثبتات باول حملها وولدت قيصريه بس مو من المثبتات هي ماعرفت تولد طبيعي واستعجلت تبي عملية
وزوجة اخوي اخذت كمان وولدت طبيعي
وانا اخذت باول شهوري والدكتورة قالتلي لا تخافي ماله علاقة بالعملية

[لكاعه]

الله يعافيكم

[مريم العنزي]

الله يطمنك ولادتك تكون طبيعي انشاءلله