شلون انظف رقبة ولدي؟

[بارقة أمل]

السلام عليكم
ولدي عمره شهر وايام واحيانا وقت الرضاعة خاصة الصناعي ينزل له حليب يوصل رقبته.. وقت اللي نسبحه نغسل الرقبة بس في الاوقات العادية ابي انظفها بس مرة اقدر وعشر ما اقدر.. شنو اسهل طريقة لتنظيف الرقبة لاني احس راسه ملاصق جسمه ورقبته كلش صغيرونه ما تبين والمشكلة يصير عليها طبقة حليب يتراكم الوسخ.. شلون انظفها بشكل دائم؟

[عيش الحياة]

انت اول ما يخرج على طول امسحي بالمنديل

تقدري تستخدمي مناديل جنسون بس بعض اطفال تعمل لهم تسلخات

وان شاء الله البنات يعطونا نصايح وافكار

[شمعه امل]

عادي ياقلبي كل البيبي هيك
انا كنت انظف رقبته باللوشن الجونسن بحطه ع القطن وامسح بيصير اسهل
وينظف وريحته تصير حلوة

[بنت تبوك]

اجلسي وخلي ولدك بحضنك ويدك تحت ظهره ارفعي شوي وخلي راسه ينزل على ورى من غير ماتمسكيه وبكذا تقدري تنظفي الرقبه بسهوله استخدمي مويا دافيه وبعدين جففيه وحطي بودره أو استخدمي مجموعة سيباميد للاطفال مرررررره حلوه بزيت البيوبرانيل المحارم حقتها حلوه تمسحي فيها الجسم كامل وبعدها بودره ،،

[بنت الأحساء]

اخذيلك قطن وبلليه بالماء وامسحي رقبته كل ماخلص رضاعه

[محبتكم نينو]

و افتكر امي الله يعطيعها العافية لمن يجي وقت رضعة اختي ماتخليني ابدأ ارضعها الا اذا حطيت منديلين تحت رقبتها وملبستها المريله كمان
ربي يحفظ لك ولدك وتشوفيه رجال يمسح الهم عنك ببسمته

[بارقة أمل]

مشكورين كلكم على الردود
وشكرا "محبتكم نينو" على التذكير وعلى الدعوة الطيبة

[مخاوية الهم]

حبيبتي .. جربي طريقتي

ألبس بنتي مال الحليب اللي مثل الفوطة ..
و ما أكتفي فيها
أحط كلينكس تحت الرضاعة مباشرة يعني تحت شفايفها السفلية .. عشان اي تسرب مايوصل لرقبتها
و اثناء الصباحة لما أفركها اخذ شوي رغوة الصابون و ارفع بنتي و بدون ما أمسك راسها عشان ينزل تحت و انظفها بسهولة ..
و على طول أنظفها بماي بأصابعي .. مو بالليفة .. لأن اصابعي بتوصل للخطوط اللي برقبتها عدل ..

ان شاء الله عرفت أشرح