بالنسبه لموضوع المخده والحمل ابي تجاربكم يابنات

[نسمات الصباح]

السلام عليكم
مسائكم خير وبشائر فرح من رب العالمين
يابنات كثير تردد بالمنتديات وغيره
الي تبي الحمل تنام ع ظهرها وتضع
اسفل ظهرها مخده وترفع رجولها
وتنتظر نص ساعه ،،

طيب فيـه احــد منكم ياغاليات جربت
هالطريقــه وحملت بعد الله تعالى

الله يوفقنا لما يحب ويرضى
ويرزقنا ذريه صالحه طيبه
وجزيتم خيرا

[الحلم المنتظر]

وعليكم السلام
ايه صح انا طبقتها بحملي الاثنين اللي سقطتهم

والحين بعد جربتها والحمدلله حملت

ويفضل انك ماتقومين تنامين واذا صحيتي تتروشين
والله يرزقك يارب

[نسمات الصباح]

الله يثبت حملك ي الحلم المنتظر ويقر
عينك برؤيته سليم معافى
ويرزقني بالحمل السليم يارب
تسليم ع الرد

[شاكيه لله]

ايوه خيتي لاتتحركين وتحطين مخده تحت رجلينك او ترفعين رجليك على الجدار والله انها طريقة مجربه باذن الله وكمتن غيريالوضعية ونامين على بطنك...هاذي نصيحه قراتها من قبل وبعد كرم الله حملت بنفس الشهر

[الحلم المنتظر]

امين اي صح وترفعين رجولك فوق شوي الين يدخل السائل كله داخل وتنامين كله ع ظهرك وتحت رجولك المخده ونامي
امين تسلمين

[نوني الحلوة]

ايه طبقتها اكثر من مره احط المخدة تحت ظهري بس اذا قمت ماتروش ع طول اجلس شوي بعدين اتروش والافضل يكون بالليل وتنامين واذا صحيتي لصلاة الفجر تتروشين ,, الله يرزقك بالحمل السليم المعافى ان شاء الله ,, ولاتنسيني من دعواتك ياقلبي .

[أسيرة زوجي]

حبيبتي بالنسبة للنوم على الظهر ووضع الوسادة تعتبر الطريقة الأضمن لوصول الحيوان المنوي للبويضة و عشان ما بينزل

الله يرزقك ما تتمنين يا رب

[نسمات الصباح]

الله يجزاكن خييييير ويرزقني
واياكن بالذريه الصالحه
ويفرج همومكن
بجد ريحتوني
الله يريحكن دنيا واخره

[أم رولا]

انا جربتها ومازبطت معي ورحت لدكتوره طلع عندي ضعف بالمبايض ووصفت لي علاج وسبحان الله جلست شهرين ماحملت لكن مع العلاج جربت المخده وزي مايقولو الاخوات نامي ولما تصحي اتحممي ادعولي الله يسهل ولادتي

[غربة روح]

انا جربتها وكنت ارفع رجولي ع الجدار وبعدها احط مخده اذا تعبت
وما اتروش ع طول
كمان عدي من اول يوم للدوره لليوم العاشر يعني بعد عشره ايام ابدأي بعدها ووخلي الجماع
يوميا لمدة عشره ايام او يوم ايوه ويوم لا

[بنت ابويه]

الله يرزقك الذريه الصالحه عاجلا غير اجل يارب العالمين

[دلوعـ زوجي ـة]

نفس الشي انا كنت ارفع رجلي على ظهريه السرير بعد الجماع وانتظرررر


الله يرزقك حبيبتي ويرزق كل منتظره

[سلطه]

الله يرزقك بالحمل المعافي عاجل غير أجل ...

[ريحانة الجنة]

هذه طريقة مضمونة بعون الله طبّقيها
وكلك ثقة والله يرزقك بماتتمني
أنه ولي ذلك والقادر عليه

[وصال الفردوس]

حبيبتي انتي جربيها وتوكلي على الله سبحانة قادر على كل شي


يقولون انها طريقة تساعد على الحمل كثيررررررررررررررررر

تقبلي مروري

[نسمات الصباح]

الله يجزاكم خير والذريه الصالحه
ويفرج همومكم ويرزقكم من حيث
لاتحتسبون ،،
انا الحين اجربها خاصه هالايام
لانه وقت التبويض
وان شاالله ربي يبشرني بالحمل
السليم المعافى ..

[نسمات الصباح]

السلام عليكم ورحمة الله وبركاته

اللهم لك الحمد كماينبغي لجلال وجهك
وعظيم سلطانك ..

الحمدلله ابشركم انا حامل بفضل الله تعالى

واشكر جزيل الشكر كل من تفاعل معي
ودعا لي ونصحني ،، ومنسيتكم بالدعاء

لكم شكري ومودتي
واسال الله ان يرزق كل من تتمنى الحمل
ويفرحها به امين

ولاتنسو الدعا اخر الليل والترجي والبكا
واكثار الاستغفار والاعمال الصالحه ،،،،

[نبع المحبة]

الله يرزقج الذرية الصالحة يارب