وش رايكم متى اقول للأهل اني حامل

[om feesal]

السلام عليكم والرحمة

أخباركم كروشات :)


أنا أول حمل لي كلن درى بسرعة اني حامل وعلى طول سقطت :(


هذا حملي الثاني ومابعد قلنا لاحد إلا أمي وأم زوجي وأبوه

فيه ناس ماودي يزعلون علي اذا دروا اني حامل من زمان وماعلمتهم
وماودي ينتشر الخبر مره


وش رايكم انا الحين لي 7 أسابيع والحمدالله الأسبوع اللي راح سعت وشفت قلب جنيني ينبض

[يارب ترزقني بطفل أضمه]

شوفي ياقلبي نصيحي انك ماتقولين لاحدبس اذابان عليك الحمل وسالك احد لاتكذبين واستودعي الله جنينك وتوكلي على الله

[بنت الأزوري]

مثل ماااقااالت لك اختي يااارب ^^

واهم شي استودعيه الله والله يتمم لك على خير

[ابتسم وبداخلي مليون طعنه]

لا تعلمين احد حتى يبان عليك الحمل تقريبا في شهر رابع راح يكبر بطنك وكمان اقرائي الاذكار على جنينك والله يثبت حملك يارب ويفرحك بشوفته عيون ناس ما ترحم انا ما علمت احد بحملي هذا حتى اهل زوجي واهلي حتى يكبر شوي ويبان بعدين اخبر الاهل

[demoshka]

حبيبتي بعد 3 اشهر من الحمل قولي انك حامل

بس يلي بسألك قولي مابعرف

[ام حسين الدار]

اني مثلك مرتين حملت واول ناس درو اهل زوجي وصارو اجو يتحسسو بطني وقالو الى الكل وماصار كم اسبوع واسقط والحين هدي حملتي 3الله يثبث الي جنيني يارب فلا اتقولي الى احد اسكتي اني بس اني وزوجي واختي وصديقتي درو وبصدفه صديقتي الثاني حامل وشافتي في المستشفى وعرفت بس من الاهل مااحد يعرف اتوقع اني على رمضان بقول اليهم لان اكيد بطني راح يبرز انتبهي الى نفسك ودوم حطي الله في بالك وخليها قدام اعيونك علشان يحرسك من كل عين ولاتنسي سورة الرحمن بتوفيق وانشاالله اتبشريني عنك بكل خير ياعمري

[Mقمة البرااااائهM]

قوليلهم في الساااادس

[حنين الجنة]

ياريتك تصبري حتى يثبت حملك
الله يثبته لك

[الفراولة الحمرا]

نصيحتي لاتقوليين لاحد على قد ماتقدرين .. لين تخلصين 3 شهور عالاقل

[هتون]

حبيبتى بس امك لازم تدري انك حامل قولي لامك لتعلم احد امك مرح يجي منها ضرر وثاني شي لا تطوليها زي ماقالو الاخوات في الشهر السادس اوالسابع لا ماانصح تكذبين لا ان المدخ طويله خليه في الشهر الثاني لو كثر يكون الثالث وبس وعلمي والله يثبت حملك

[سمو الغيم]

والله انا بودي بالشهر الثالث اقول لهم لكن صعبه بعد شهر بيكبر بطني فقلت اذا تتممت الشهر الثاني على خير ببشر اهلي .. انا الحين امي وخواتي وابوي واهل زوجي بس امه وخواته وانا جدا خايفه الله يثبته لي يااارب

[ريان]

انصحك لا تقولين حتى يبان عليك الحمل

[هنوسه]

الله يثبت حملك احسن شي الشهر الثالث..

[ملكة مملكتي]

كملي ثلاثة أشهروعدي مرحلة الخطر وقولي للي يعزون عليك وماودك يزعلون وقولي لهم انك لهيتي بالوحم عشان كذة ماتكلمتي بدري واما غيرهم جاوبيهم لاسألوا واللة يتمم عليك

[ليلكي]

هلا خيتووو


( التبشيرة ) بعد الثالث

[om feesal]

مشكورات حبيباتي يعطيكم ألف عافية

بس اخاف اطول ماقلتلهم واذا ولدت يقولون مامداها حملت ولدت ومن هالحكي اللي ماله داعي

مشكورات جميعا

[جولييت]

نصيحه لاتعلمين احد صيري مثل حماتي وصلت للشهر 9 واهي تقول كرشه وتنخش في شقتها ولاتشوف احد مع ان عندها طفلين

الله يثبت حملك وحملي ويقومك بالسلامه

[om feesal]

لاعاد الى التاسع قويه

وانا ماعرف اكذب يبان علي على طول :/
مشكوره خيتو

[ام دلولي]

عادي قولي الكذب حرام والله الحافظ

[صعب تنساني]

مثل ما قالوا البنات لا تخبرين احد لحد ما يثبت الجنين لانه عين الناس ما ترحم والحسد مذكور في القرا ن حتى انه في حملي الاول خبروا الفريج كله وصار الكل يسالني في اي شهر ومتى الولاده بنت او ولد وما كمل حتى 2 شهرين وتوقف نبض وطاح انتي اهم شي خبرتي امج وام ريلج
اما الباقي اذا سالوج فيه حمل اولا قولي لهما ان شاء الله والله يتممم لج يار وحي على خير

[~~لحن الحياة~~]

انا رأي من راي البنات
الله يكملك على خير ويثبت حملك يا عمري

[ياويل حاااالي]

الله يثبت حملك لادخلتي الخااامس قووولي...
ا

[الأمل الجديد]

المشكله الي يحرجونك كل مازرتيهم ويسألونك انتي حامل
الله يهديهم بسسس الواحد مو كل شي وده يقوله , لا ويحسبون لك متى الولاده وكل ماشفتيهم سألوك باي شهر ووش جنس البيبي

[جولييت]

الله يثبت حملي وحملك

[abra]

مااعليك من الي يسئلوك اهم شي انتي والبيبي وكل شي بوقته حلوو
وانا رائيي انك مااتعلمين احد كلش ادا انتي خايفه منه لان الناس بعضهم حسودين وغيورين ادا ولدتي الكل بيعرف وخلاص مااحد له دخل فيكي حبيبتي منتي مجبوره اتقولي لااحد اصلن الله يحفظ النونو ويحفظ الكل يارب ويحفظ جنيني

[حياتي عيالي]

عاد مو لذا الدرجه مع تقديري لجميع الاخوات والارا بس يابنات خلوا ثقتكم بالله قويه هو بيده اللي يثبت واللي يسقط يعني لو مادروا العالم وحتى زوجك وربي اراد يصير شي بيصيرلا تكونون موسوسين بالعين لها الدرجه صحيح العين حق بس مو لذا الدرجه علمي الناس وتوكلي على ربي وثقي فيه وخلي ايمانك بالله قوي حبيبتي ....

[ام سالم...]

اول شي الله يثبت حملك انشاءالله
بعدين انا مثلك كل ماحملت طاح على طول من متبشروفي اناس طاح بس انشاءالله اذا الله رزقني هذااشهر راح اسكت ماقول الحد انتي اسكتي لين يطلع لك كرش بعدين قولي

[عاشقة طيور الجنه]

ربي يتمملك على خيرررر

انا بقول مثل ماقالو البنات بالشهر الثالث خبريهم بس لاتقولي بالشهر كم غيري

اسئليني وربي عيون الناس ماترحم 4 مرات اسقط

[زهره الجوري]

عاد مو لذا الدرجه مع تقديري لجميع الاخوات والارا بس يابنات خلوا ثقتكم بالله قويه هو بيده اللي يثبت واللي يسقط يعني لو مادروا العالم وحتى زوجك وربي اراد يصير شي بيصيرلا تكونون موسوسين بالعين لها الدرجه صحيح العين حق بس مو لذا الدرجه علمي الناس وتوكلي على ربي وثقي فيه وخلي ايمانك بالله قوي حبيبتي ....


وانا معك في كلامك

ابغى اعرف الهدف من عدم القول لهم هم بيفرحون لكم وربما تلقون دعوه طيبه
وصحيح كلامكم الناس تخاف من الحسد والعين بس الواحد يحصن نفسه با استمرار مو وقت الحمل بس
ووانا من تجربتي حملي الاول خبرت الكل عليه لانه جاء متاخر بس سقطت
وبعدها حملت مرتين ولا خبرت احد امي وزوجي بس يعرفوا وكنت سكانه مع اهل زوجي والبيت عدد افراده كثير ماشاء الله والشغل كثير وسقطت وبعدها جوا اهل زوجي كلهم يلموني يقولون ليش ما خبرتينا
وبعده حملت وكنت عند اهلي وخبرتهم كلهم ووجبت ولدي
بعدها حمات وكانت عزيمه عند اهل زوجي وجالسين نطبخ في البيت الذبيحه وشلت القدر كبير وثقيل ومن ثاني يوم نزفت وسقطت

وبعدها حملت وانا بييت لحالي وكنت لازم انقل من بيتي واهلي وخواتي بعيد
وانا انقل للبيت الثاني سقطت واهل زوجي كلهم خلو اللوم علي قالوا ليه ماخبرتينا كان ساعدناك
والحين انا حامل لي شهر ونص قلت الامي وام زوجي وخواتي وقلت خلي الكل يعرف بحملي علشان يدعو لي واي احد يسالني اقوله حامل
وام زوجي تقول استعجلي تنشري الخبر كان انتظرتي الين الرابع
هو يمكن كلامكم صح الواحد يخاف على نفسه من العين والحسد
بس انا ها المره حبيت الكل يعرف علششان يراعي ظروفي
ويدعي لي

بنااااااااات لاتزعلو مني لو ماعجبكم كلامي هذه وجه نظر لاغير
معليش طولتها وهي قصيره hwaml5

[نوتيلا]

والله لو مكانك مااقول لاحد الا لامي بس بس زوجي الله يهديه امه وخواته لازم يدرون الله يعين بس بعد التعب والوحم يبين آلا بسالك انتي اخر دوره لك كم لأني لين الحين مادري تميت شهر اولا وباي اسبوع

[سكرهـ مرهـ]

عادي قولي لهم

بس لاتقولين لهم جنس المولود

خليها مفاجئة للكل

[عروسه]

ههههههههههههه
ذكرتيني بنفسي
انا اول حمل لي قلت وسقطت في الاسبوع الخامس
وحملي هذا الله يستر علي يارب ماعلمت بدري غير اهلي فقط حتى اهله ماقلتلهم تقريبا لين دخلت الثالث
حتى لما يسألوني في اي شهر اقولهم مدري والحمدلله
اكيد هما بيفرحولنا بس الوحده فينا لما تجرب تضيع ضناها تصير تبغى تعمل اي شيء عشان تحمي الثاني

[قاضيه الغرام]

احسن حل لا تقولي الا لم بطنك يبرز وقولي كنت احس في تعب بس ما كنت ادري والدورة من زمان تتاخر وقولت عادي ما فكرة وربي يثبت حملك وحملي وكل الحوامل ياااااارب

[دمـوع]

اول ماحملت قلت لامي وخواتي وبنات خالي واخت زوجي وامه قلت بس مابقول للكل لكن اخت زوجي قالت لزوجة اخوها قلت بكمل اقول للكل اني حامل لكن مابقول لاي احد وش جنس المولود واذا حملت مرة ثانية مابقول لاحد اهم شي الاول وخلاص

[عهد الوفاء]

انا اهلي واهل زوجي دروا من البداية اما صحباتي والناس اللي نعرفهم

بعد ماكملت 3 شهووور قلت لهم

[أم أحمد-_-]

الله يحفضلك جنينك يارب

[فدوى عيونه]

انا اول ماتزوجت حملت ع طول وكانوا متزوجين وياي 4 غيري وكلهم يقولون محد حمل غيرهااا

المهم سقطت والله كتبلي احمل في نفس الشهر الحمد لله ... وخفت اقولهم لانه يكفي الي صار

ماقلت لاهل زوجي لانهم وايد يتكلمون قلت بس لامي واخواتي .. وبعد 4 شهور بانت الكرش وعرفوا

يعني لاتتكلمين احسنلج