راس الجنين فوق :(

[ام ريونه]

مرحبا

شلونكم عساكم طيبين

انا الحين بنص الثامن بالاسبوع 33

وراس الجنين فوق الكل قال لي عادي مع الوقت بينزل

ويقولون لي اول ما تدخلين التاسع امشي علشان ينزل الراس

ودي امشي من الحين علشان اذا دخلت التاسع يكون جاهز للولاده وما اطول

وبنفس الوقت متردده شنو تنصحوني فيه

هذا اول حمل لي .. الله يسهل علي و على كل حامل

وربي يرزق كل وحده تتمنى الحمل يا رب

[الكاردينيا]

اختي الله يسهل عليج وان شاء الله ينزل راس طفلج والافضل تمشين من تدخلين 9 لان شهر الثامن خطر وحاولي لاتعبين نفسج من خوفي اكلج ارتاحين لان بحملي الاول تعبت بشهر 8 وصارت عندي ولادة مبكرة وراح الطفل ياااارب يسهل عليج وتفرحين بالنونو ويكون باحسن صحة اللهم اميييين ياااارب العالمييين

[ام ريتان]

انتظري للشهر التاسع امشي،
واكلي تمر وحليب ساخن
واحبي زي الاطفال لمدة عشر دقايق
وراح تشوفين راس الطفل ينزل للحوض،
الله يسهلك ولادتك...

[حيآتوو]

تقصدين مقعدي؟؟
والا مانزل للحوض؟

بكلا الحالتين عااادي بدري بس انت ادعي

[عبير 2012]

ياعمري انا مثلك..بس طولي في السجود..انا نزل راسه من يومين..تكفين ادعيلي بولاده ميسرة..وان الله يقومني بالسلامة عشان ابنائي

[دلوعـ زوجي ـة]

انا دخلت التاسع وباقي مادخل بالحوض الله ييسرهاعلينا جميعا

[ام ريونه]

يسلمووووووو حبيباتي ع الردود

والله يسهل علينا اجمعين يا رب


قصدي ان الجنين قاعد راسه فوق و ارجوله تحت

الحين لما اكون نايمه على جنبي احس فيه ينزل تحت

بس اول ما اقوم يرجع يطلع فوق << شكل النونو عنيييد فديت قلبه