خواتي محتاجتكم .............

[ياحلو الكلمة]

السلام عليكم خواتي العزيزات انا مطلقة لي ست سنين ومتلخبط تفكيري وافكر بالماضي ليش صار لي كذا ابلشت اهلي بتذكر طليقي تزوج طليقي وجاب ولديين ولشفت شكلي بالمراية ماني مقتنعة بذاتي هز ثقتي بنفسي بنات عندي سؤال لكن كيف تعيشن يومكن انتظر ردكن ......................ايش تسون باليوم عطوني بالتفصيل .............وطليقي يتذكرن مثل ماتذكرة او العب على نفسي مع انة مقتنعة انة نساني وفرح بزوجتة الجديدة واولادة ليش حياتي يااخوات صارت كذا ...............انتظركن ...........

[طيبتي أكبرهمومي]

يابنت الحلال عيشي حياتك عيشه عزابيه عادي
اهم شئ الصحه والعافيه
كملي دارستك ادخلي دور تحفيظ بين صباحي ومسائي كملي تعليمك ابحثي وظيفه
تعلمي لك اكلات حلووه الاطباق جديده اشغلي نفسك بذكر الله والسنن الرواتب وسماع اشرطه مفيده
في الليل تصفحي النت اقري القرآن صلي ركعتين من الوتر وادعي بقلب خاشع ان الله يفرج همومك ويرزقك باللي احسن منه
وثقي في نفسك ثقه تامه لاتهزين ثقتك بنفسك امام قريب وبعيد
عيشي حياتك بطول والعرض اهم شئ العافيه
تقولي راح فعل جاب عيال خلاص طزز فيه باللي مايحفظه هو عياله دع الخلق للخالق
اذا كان ظالمك وربي حوبتك فيه ماتتعداه والله
والله تتعبي من كثر تفكيرك فيه
مايستاااااااااهلكك يختي
الله يفرج كربتك ويعوضك بااللي احسن منه
ويسعدك حبيبتي
......
وللمعلوميه ترى طليقك نساك لان خلاص ربط نفسه بزوجته وعياله خلاص همه نفسه وعياله بس وماضيك مسحه من ذكرراته لاتزعلي من جد هذا واقع خلاص
انسي انسي
وين البقيه يتفاعلوو اتوقع اني شرحت بتتفصيل والا؟؟

[ياحلو الكلمة]

طيبتي اكبر همومي مشكورة على كلامك ارجو نصير صديقات على طول نتواصل مع بعض غباء افكر بطليقي شوي مو مرة انتي -ياطيبتي اكبرهمومي انتي مطلقة وليش تطلقتي اشوف انا مع البنات في المنتدى ينقطعن ولا يتواصلن مع بعض ,,,,,,,,,,,,,,اتمنى نتواصل وين البنات ابغى ردود منكم ...............

[طيبتي أكبرهمومي]

انا مطلقه حبيبتي وعندي ولد
والله انا مثلك مطلقه اني عايشه حياتي مثل بنات بزبط وش اسوي
عادي والله اهم شئ عندي صحه والعافيه وصحه ولدي والحمدالله
والله كلما افتكرت اقول ادعي عليهم وش بيدي!!!
خلاص مالي الا صلاه وتر والاستغفاررر ودايم اسويها احيانا بعد كل فرض
وادخل نت واكون صداقات عشان انسى
وادعي ربي ان الله يعوضني خيرآ ويرزقني باللي احسن منه
اختي وسعي صدرك ومالك الادعاء
لو جلستي تشتكي للناس بتتعبي
مايفيديونك الادعاااء والكلام الطيب وش نسوي
انا جالسه الحين افكر مستقبلي طموحي بس
وتطلقت لانه رخمه وعديم شخصيه دايم مع اهله بكل شئ يتدخلو بكل شئ والتجسس وقيل وقال وقطع رزقي حافز حسبي الله عليه
بعربي مايحط حد وحق كل من اهله وزوجته
بس مع اهله وبس ومرته بطقاق
حسبي الله ونعم الوكيل

[ياحلو الكلمة]

طيبتي اكبر همومي كم عمرك وشلونك حبيبتي وعزيزتي معك ياحلو الكلمة واللة فرحت فيك عمري 33سنة كم عمرك يالغالية انتي موظفة انا ابحث عن وظيفة واتمنى القى كم لك مطلقة انا 6سنين وانا ياطيبتي عندي كم نقطة متعبتني ودي اقولك ومتى تدخلين النت عشان نتواصل دائما .......................

[طيبتي أكبرهمومي]

الحمدالله تمام جعلك بخير
رديت عليك ترى في الخاص
لاتقلبي موضوعك كله سواليف احسن

[دمعه انكسار]

اولا ربي يعوضك بس انا لاخظت انك كنك ودك بصداقات موتطرحين مشكله صح ولا اناغلطانه
بعدين ست سنين وللحين متخربطه يوةةةة لاتقولينها اجل السنين ماتنسي
لا انشالله انا اتامل اني انسى مع الوقت ولو مونسيان بمعنى الكلمه لا يعني
ع الاقل تجي عندي شغلات اكيد مافي احدة يضل ع حاله دوام الحال من المحال
وانتي انسيه مثل مانساك وخلف
انا شلته من بالي وهو لاتزوج ولاخلف ومالي كثير بس سنه وكم شهر
ياللله ربك كريم
الللهم لاتعلق قلبي بماليس لي

[رواسي]

عيشي حياتك على انك بنوته
انسي انك مطلقه

لاتجيبين الهم لنفسك

والله انا ليله زواج طليقي الله يستر عليه

كنت حاضرة زواج ومستانسه ولا جبت خبر .. وكل الناس مستغربين لانه من الجماعه فالكل يعرفه

وعادي عشت حياتي ولا فكرت فيه

والحمدلله تزوجت وجبت عيال..

[ياحسايف]

انسيه وعيشي حياتك وانا متاكده انه ناسيك ولاهي بدنيته وعياله وزوجته الله يهديك

[ساعة صمت]

انسيه هو ملتهي بزوجته وعياله

[ما اجمل الوعي]

السلام عليكم

انا سجلت بالموقع اليوم بس عشان ارد على موضوعك الحلو، اهنيك انك طلعتي من عزلتك و شاركتينا بالكلام اللي يدور بذهنك، انا معك ان الانسان صعب ينسى، حتى من اساء اليه، النسيان بالنسبة لي هو ان التهي بشيء اخر مهم بحياتي، سوف اتذكر من وقت لاخر اللحظات الجميلة التي مررت بها، و لكن المهم ان اتجاوزها، ايماني بان من يدير هذا الكون هو انسان عادل محب لجميع خلقه هو ما يدفعني بان اؤمن بان ما حصل لي هو من افضل ما يمكن ان يحصل، و لو كنت بالمكان الذي كنت فيه لما استطعت ان اكمل حياتي، و قد يؤدي بي ذلك الى الجنون، او امو اعظم، الحل من وجهة نظري، ان تشكي حالك لله سبحانه، لان ما قد ينفع معي في حل المشكلة قد لا يناسبك، فكل انسان من وجة نظري له مهمة اوكله الله بها في هذه الحياة، قد تختلف من شخص لاخر، فلو كان الناس كلهم في حلقات التحفيظ، لما كان هنالك مدرسين بالمدارس للمواد الاخرى، و لو كان كل الناس مدرسين، لمات الناس من قلة الاطباء، انا اتمنى اولاً ان تعرفي انك لست الوحيدة التي تعانين من هذه المشكلة، و اريد منك ان تبحثي و تقرأي عن المطلقات و عن حالهن، و تجدين ذلك في بعض الروايات، قد يربط البعض بين السعادة وحصوله على شيء من هذه الحياة كالمال و الجاه و الصحة و غيرها، و لكن السعاد اعظم من ذلك من وجهة نظري، السعادة هي بالايمان بقضاء الله و قدره.

أسأل الله باسمه الاعظم الذي اذا سئل به اعطى و اذا دعي به اجاب ان يوفقك لما فيه الخير لك آمين

ما اجمل الوعي

[ياحلو الكلمة]

مشكوريين على ردودكم اتمنى المزيد منكم انتظركم .............

[فاغره]

هذا الشيطان يوسوس لك عشان تحزنين صدقيني انه ما يفكر فيك واكبر دليل زواجه واستقراره معها عيشي حياتك اطلعي خذي دورات ادرسي روحي مشغل غيري من شكلك قصي اصبغي عشان نفسيتك تتغير وربي راح تلاحظين هشي ولا تفكرين بطليقك ولا الزواج واللي ربي كاتبه بيصير صدقيني عيشي حياتك ودلعي عمرك لا تقتلين عمرك بالهم وتدفنين نفسك حيه مافي شي يستاهل كثير اعرفهم تطلقو ولا فكرو بالعكس وهي عند اهلها مدلعه عمرها واللي تزوجت واستقرت ترا الزواج مو كل شي وتفكيرك به ماراح يغير شي وخليك واثقه من عمرك طلاقك ما يعني انك اسوا الحريم في بنات كثيرررررررر جمال وعلم ودين ومطلقه وصدقيني طليقك انسان ما يستاهل تفكرين فيه لانه طلقك وعاش حياته عكسك hwaml15hwaml15hwaml15hwaml15 الله يرزقك يزوج الصالح فيه كل اللي تتمنيهhwaml95hwaml95hwaml95hwaml95

[حياتي مهمه]

زي ماقالن الخوات انسييييييييييييييييه
وشولوه تفكرين بوه

[سيدة الغرام]

سلااام عليكم
ياختي حلوة الكلمه ممكن تمسحي رسايل الي ع الخاص
علشان ابيكي كم كلمتين الله يسعدك ويوفقكك يارب
علشان رسايل لي عندك كثير اعطيني مساحه بارساله

[مرهفة الإحساس]

حبيبتي عيشي حياتك وانسيه متل ما هو نسيك

ولا تفكري فيه عشان لا تتعبي نفسك

وقسمي يومك واشغلي نفسك

[ياحلو الكلمة]

مشكورة يامرهفة الاحساس على كلامك بس مادري لشفت غيري تزوج وجاب اولاد ومشى في الحياة انا ايش بهالدنيا واش وجودي في الدنيا هاذا الي احس فية كيف تفكرون انتم انتظر ردكم ...............

[Oum meryam]

الطلاق فعلا صعب جدا لكن لا تنتهي حياة الوحدة عند الطلاق بالعكس هو نقطة إنطلاقة لحياة أخرى أحسن وأجمل من التي مضت ربما ستقولين الكلام سهل لكن الواقع مؤلم وجارح أنا معك لكن ماعسى المرأة تفعل إدا كان هدا أمر الله وقضائه سوى الرضى والحمد على ماقدر الله.

6 سنوات هي مدة طويلة وكونك لازلت تفكرين فيه لحد الساعة دليل على أنك بقيتي حبيست الماضي وخطأ أن تتقسي أخبار طليقك من بعد طلاقك هدا لعب دور سلبي وجعلك واقفة محلك دون أن تخطي خطوة إلى الأمام.

أول شي إمحيه نهائيا من حياتك لن أقول من داكرتك لأن غير ممكن وإنما من حياتك الحالية وكل من دكره أمامك أرفضي الكلام عنه بحجة أنه ماضي وإنتهى. كوني كالنقطة دائما ترجعين إلى السطر لتبدئي من جديد ولا تكوني كالفاصلة وتستمري في نفس السطر.

أشغلي نفسك بما تحبين إعمري وقتك بجلسات حفض القرآن والدكر إقتربي من الله عز وجل وسأليه العون وأن يضيء لك طريقك من جديد تشبتي بطريق الله فيها خير كتير.

لا تختلي بنفسك وحاولي أن تكوني إجتماعية إبحتي عن أشياء إيجابية مكنونة بداخلك كل منا لديه طاقات بداخله أحسني إستخراجها وأقبلي على حياة جديدة كلها أمل في الله ويقين بأن الغد أفضل وأن كل ما مررت به هو في نهاية الأمر خير لك.

أما عن الصداقات فأهلا وسهل بك أختي وأعتبريني كدلك
.
أسأل الله أن يوفقك لما يحب ويرضى وأن ينير لك طريقك بكل خير أمين.

[♥IcE pRiNcEsS♥]

عزيزتي اللي نساك انسااااه
ابدئي صفحه جديييده في حياتك
هو مع زوجته و عياله و مو هامو شي
و انتي حزينه لييييش
و الله يعوضك باحسن منوو
انتي عندك منو عيال !!!

[ابتسامه رغم الالم]

حبيبتي انتي لازززززززززززززززززززززززززززم تنسيه وتتخيلي ان اللي صار معاك حلم ومالازم تفكري فيه

تخيلي انك لساتك بنت وعيشي يوم وشوفي لك شغل اي شي تقطعي فيه يومك

طبعا هو بيكون انشغل بحياته الجديده الطلاق ياعمري مو نهايه العالم

كل انسان بهالدنيا تقف بوجه معوقات للحياه تجعله انسان حزين ومتألم من الداخل ولكن يجب علينا تناسي وتجاهل الموضوع لاجل انفسنا مو عشان احد

ربي يكون بعونك ويعوضك خير ويرزقنا الصالح يارب

[بشائر الطيبة]

أنا حاسة بك يا أختي سهل الاخوات يقولون لك انسيه لكن الكلام لا ينفع انا ايضا بعد طلاقي من زوجي الاول كنت والا هامني شيء و فرحانة بحريتي اعمل ما اريد و مدلعة فبيتنا و تزوجت مرة تانية من انسان ظننت اني احببته لكن كلما مر الوقت باحس بالندم يسري بعروقي لاني هجرت زوجي الاول المهم ما راح اطول عليكي استعيني بالله يصبرك على بلواك و هو كوني اكيدة انو نساك لان من طبع الرجال انهم يحزنون بالاول يمكن اكتر منا تم تتور كرامتهم و ينسو كل شي كانو عمرو ما كان و احنا العكس حبيبتي راح احاول اشاركك بقصتي بعدين اكتبها كلها بالتفاصيل المملة

[ياحلو الكلمة]

هلا خواتي وشلونكم واش اخباركم انتظر ردودكم خواتي مشكورة عزيزتي على ردك ...............

[طيبتي أكبرهمومي]

كيفك ياحلو الكلمه ان شآء الله بخير عسى امورك تمام ان شآء الله وانتي طيبه ان شآء الله

[ياحلو الكلمة]

هلا طيبتي اكبر همومي وشلونك واش اخبارك انتظر ردك وينك ياسيدة الغرام ايش اخبارك اشتقت لكم مرة طيبتي اسفة ماستمرت معك استنفذت رسائلي كلها كيف نتواصل الا في قسم المطلقات ..............انتظرك عندي كلام كثير ودي اقولك

[طيبتي أكبرهمومي]

تمام الحمدالله اخبارك
امسجي رسائل اللي عندك من الصادره والوراده
ونقدر نرسلك

[ياحلو الكلمة]

اختي عندي سؤال طيبتي كل كلام الكمبيوتر والنت صحيح او كلام فاضي ابكي على طلاقي مادري ماحد خطبني الحين الناس يخطبون الي اعمارهم صغار مايعطون نظرة للمطلقات -وطيبتي اخاف من النقد وتجربة الزواج مرة ثانية ابكي بسجادتي وتهل دموعي على انة كيف الرجال كذا ............انتظر ردك عزيزتي

[ياحلو الكلمة]

وكيف احذف الرسائل علمين الطريقة ماعرف .............ز

[طيبتي أكبرهمومي]

كلام صحيح عادي اللي يطرح في منتديات الدنيا غثى ومشاكل
عزيزتي هذي الارزاق بيد الله عزوجل
مايندرى وش الخيره فيه
يمكن الله سبحانه يكتب لك مع شخص احسن اللي من اللي قبل
خيره
وعسى أن تكرهو شيئآ وهو خير لكم
استهدي بالله وبعكس اذا بكيتي الله سبحانه عالم بنوايا
والله يوفقك ويعوضك خير
شوفي رسائل الخاصه تحت مربع فيه حذف حددي عليه مربعات وسوي حذف

[سوزان الرياض]

اختي عيشي حياتك
ادخلي دورات معاهد طوري نفسك توظفي
ترا الحياه مو واقفه على رجال
لاتسمحين للشيطان يوسوس فيك
عيشي حياتك والدنيا فانيه

[ياحلو الكلمة]

طيبتي كيفك ايش اخبارك وانتي سيدة الغرام عندي كلام ودي اقولكم خواتي ابغى ردكن انا كلمت علينا خطابة جابت رجل متزوج ويبغى يتزوج ثاني مرة انا رفضت ودي تجيب الخطابة رجل مناسب لي ومشكلتي اني اكل حبوب نفسية مشكلة كبيرة متعبتني مادري ايش اسوي علميني ابكي كل شوي احس انة ماحد يبغى يخطبني لشافو حبوبي بيهربون الرجال مشكلة عطوني حل

[طيبتي أكبرهمومي]

تمام الحمدالله
ياقلبي لعل الامر فيه خيره لك
والله يكتب لك اللي فيه الخير
واذا ماارتحتي استخيري

[حنين روحي]

ليش اللحين مضيقه نفسك عادي انا لي 8 شهور متطلقه ونسيت وﻻ يجي في بالي
والحياه تستمر سوى كنتي مضلومه وﻻ ﻻ بس ربي كاتب لك كذا وهو مو منصيبك
هو راح في نصيبه ونسساك وانتي روحي في نصيبك اذا تقدملك احد
وانا داخله تحفيظ قران وشاغله وقتي وطلع وروح واسع صدري
وبلعكس ماخسرت شي انا مدري عن وضعك انا الي عفته مو هو
عشان كذا انا ااشوف نفسي ماخسرت شي
الله يسعدك ويرزقك بلي تتمنين

[ياحلو الكلمة]

سيدة الغرام .طيبتي اكبر همومي . ام مريم كيفكم ايش اخباركم مشتاقة لكم واش مسويين بيومكم محتاجة لكلامكم ...............احس انا ماني ثابتة الكلام يوديني ويجيبني كيف اثبت .................انتظر ردكم

[ريشةبيضاء]

انسيه وعيشي حياتك .....انسيه وعيشي حياتك .....انسيه وعيشي حياتك

[جنوني فنوني]

انا مطلقه لي 4 شهووووور ما زعلت على نفسي لاني انا اللي طلبت الطلاق..

بس زعلت على عيالي ...ولا افكر ارجعله لانه الي ما يسال على عياله فلذه كبده...

ما فيه خير في احد ..ما اقووول غير حسبي الله ونعم الوكيل...

انا الحين سجلت في الجامعه وراح اواصل تعليمي واحقق اللي نفسي فيه انشالله ..


لعل انفصالي بدايه خير ليا يااااااارب...

والله يعوضني بالاحسن انشالله واهم شي عيالي في حضني يسووو الدنيا

وما فيها.....



انسيه انسيه انسيه عيشي حياتك..

[جريحة المحبه]

الله يفرج همك يارب خلي دايم بيدك المصحف وادعي انك تنسينه

عشانك ماتزوجتي راح يظل ببالك بس ان شاءالله اذا تزوجتي وجبتي عيال راح تنسينه

الله يفرج همك يارب العالمين ويرزقك بااحسن الرجال