ضروري جداً يا اخوات

[لؤلؤة السعاده]

السسلام عليكم ورحمة الله وبركاته


كيف حالكم خواتي ؟


حابه استفسر عن بعض المستشفيات اللي ترشحون لي اياها في نسبة نجاح الانابيب عندهم
علما اني سويتها مرتين عند الدكتور محمد بدر الدين في المانع بالاحساء ومانجحت


ضروري جداً لأن احتمال ابدأ العلاج في الشهر القادم

[الابذكر الله تطمئن القلوب]

انا ارشح لك مركز ذرية بالرياض فيه عندك الدكتور حمد الصفيان بس مشكلته دايم مشغول وفيه عبدالعزيز الشهراني الكل يمدح فيه بعد الدكتور وليد الشرطان هوا مستشار الدكتور حمد وهوا جديد بالمركز واهم شي استخيري والله يوفقك ويرزقك ومايحوجك لهم

[لؤلؤة السعاده]

جزاك الله خير ماقصرتي يااختي
طيب تكاليف العمليه كم عندهم ؟
في الاحساء مجملها 12000 مع الابر !

[الابذكر الله تطمئن القلوب]

العمليه ب11الف والابر يختلف من وحده لوحده انا كنت اخذ جرعه كبيرة لان عندي ضعف شديد بالتبويض وانا قبل المنشطات سوا لي سحب كيس لان فيني كيس بالمبيض يعني انا كلفت علي كثير انتي ان شا الله مب مكلفه عليك واجد

[لؤلؤة السعاده]

لا سعرها معقول ومااختلفت عن الاحسا الا بألف !
الله يكتب اللي فيه خير وصالح لي ولك يارب

[حامل بطفل]

اسمع بالحبيب دكتور محمد بقنه وربي يرزقك

[لؤلؤة السعاده]

الله يعطيك العافيه
هذا وين في الرياض ؟!
واذا عندك خلفيه كم تكلف العمليه

[سيدة العمر]

يارب تحملى قبل ما تزرعى ياررررررررررررررررررب

[liliaceae]

من خلال بحثي في الانترنت أرشح مركز ذرية والله اعلم استخيري و أسألي

[رقي]

أنصحك بمركز ذرية وماشاء الله في كمان دكتورة ناريمان الطريري كثييير عمليات نجحت على يدها بعد فضل الله
انا مسوية عندها مره قلبها كبير وفاهمه وتجاوب على كل اسئلتك
باقيلي أسبوع وتطلع النتيجة
العملية 11 ألف
والابر مع الاشعات والادوية وسويت الاشعه الصبغية وكل شي. كلفتني كمان اربعه الاف
كلها 15 ألف
وتختلف من وحده لثانية
الله يرزقك وبشرينا ايش استقريتي

[ابتسامه رغم الالم]

انا لو في الرياض ماراح اسوي عمليتي الا بمركز ذريه لانه مركز متكامل والاطباء اللي فيه كلهم كويسين وتعاملهم ممتاز وهم مجرد سبب وربي يرزقكك بالحمل يارب