دا الاسبوع توصلك ورقتك

[مكاوية7]

السلام عليكم ماعندي احد افضفضلو الا انتو الله وكيلكم حالتي حالة اكتبلكم وانا ابكي حرقة وقهر تخيلو زوجي الي لما اتنومت في العناية كان يقلي اخرجيلي بسلامة والله ماازعلك بكلمة والله من يوم خرجت من المستشفى وحياتي سودا دا الي يقلي مااقدر اعيش بدونك وحياتي جحيم واموت نفسي بعدك والحب الي عيشني اوهام فية صار عدوي الدود اقسم بالله العدو مايكلم عدوو زي ماهوا يكلمني نسي حناني وحبي وصبري علية وعلا ضربو واهاناتو ولسانو الطويل والله ثم والله مستحيل يعدي يوم ماانجرح من لسانو مرتين تلاتة بلقليل نسي صبري علا بيت في جبل وخلا لا جيران ولا معارف ولا احباب ماعندي الا الله ثم هوا الزوج والاب والاخ والحبيب اشوفو الدنيا كلها نسي صبري علا الحلوة والمرة في حياتي معاه والله ماعمرها نفسيتي ساءت لدرجة دي واتوقعتو يواسيني ويكون جمبي ويداريني ويتمسك فيا ونفسيتي تعبانة لكن هوا سوا العكس شال بنتي مني وسابني في بيت اهلي وقدام امي يقلي ورقتك بتجيكي وامي تترجاه يجلس نتفاهم وهوا طنشها وخرج وخرجت وراه لدرجة والله صعبت عليا امي الي تموت فية المهم احس انو ابدا مايحس فية ولا في مشاعري تخيلو وحدة مريضة وبطنها توجعها من الدورة وثار عليها القيلون ونفسيتها زفت ومحرومة شهور من اهلها ولما تجي عند امها مايخليها تزور اخواتها وبناتهم وتغير نفسيتها ويعاملها بجفوة وقسوة دا كلو عشاني ابى غرفة لوحدي ماابى اسكن مع اهلو قالي ماعندي امكانية حاليا قلت خلاص اصبر عليك واروح معاك بيت اهلك بس تكتبلي ورقة اول ماتتوظف ننقل وماتحرمني من اهلي الفترة الي نجلس فيها عند اهلك والله ماكبر عقلو ابدا ومارضي ولا جبر خاطري بالله دي معاملت زوج عمرو33عاقل ذكي شاري زوجتو اخد بنتي وقعد يقلي انزلي بدون اي مفاوضات وبعدها مشي والله ماتوقعتو في يوم يكون اناني ولئيم وظالم لدرجة دي والله اتصلت علية الين طفشت ورسلتلو مليون رسالة اترجاه يرد حلفتو بلي يخليلو بنتو يرد حاولت بكل الطرق كتبت بكل الاساليب مارضي يكلمني الله يخترلي معاه الي فية الخير انا مريضة اليل كنت في المستشفى وبنتي وحشتني وهوا كمان وحشني ماتعودت يغيب عني الله يلعنو من قلب متعلق فية بجنون وهوا زي الجدر الله يحرق قلبو ودمو زي مو حارق قلبي ودمي لسا ماسكنت عند اهلو ويعاملني كدا اجل لو سكنت ايش بيسوي فيا طول الوقت وانا استغفر بنية ان الله يهدية احس اني متعودة علية مرررررة انادي اخواني ب اسمو بس لما اشوف معاملتو معفنة زي وجهو انقهر واقول طز فية ايش يعني لو سابني طالما انو بايعني برخيص ولا كلف علا خاطرو يتناقش او يحط حلول او يتفاوض او يتكلم معايا لوحدنا والله كنت اتمنى يقلي نروح نتغدى في مطعم ونتفاهم ولو بمناسبة السنة الجديدة وكان يقدر يلين دماغي بكلمتين لانو عارفني هبلة ارضى بسرعة لكنو دي المرة في شي في راسو والله حتى شايفني مريضة ماقلي سلامتك ولا اوديكي المستشفى ولا حسيتو خاف عليا ابدا لا المصيبة راسلي بعد اسبوعين بتسمعي اني اتزوجت عشان تعرفي ان البنات مليان يبو زواج والله ماعمري شفتو وقح لدرجة دي اكتر مرة احتجتو جمبي واكتر مرة اتخلا عني لا ويبى يلوي دراعي ببنتي مايعرف انو دعوت المظلوم ممكن تخلي حياتو جحيم يبى يفرح اهلو ببنتي علا حساب مشاعري وحرقة دمي وقلبي قولو لي ايش اسوي اطنشو ولا ايش تخيلو يقلي دحين لو تترجيني تسكني معاية عند اهلي واهلك يجيبوكي لعندي ماابغاكي والله اني ابكي دا كلام الانسان الي بعت كل الدنيا عشانو والله كان يهينني وماارد عشان لا ازعلو والله ماعمري خليتو ينام زعلان مني اوقات ابوس رجلو واقعد اكبسلو الين اسمع منو كلمة راضي عنك والله انو من حبي لية مااصر علية يوديني لاهلي عشان لااتعبو اخلية لين هوا يقلي اوديكي والله يوم اتفصل من عملو ماعمري طلبتو اي طلب حتى لما تجينا فلوس مااطلب عشان لا احسسو انو ناقصني شي ومو قادر يوفرو بلعكس انا الي اقعد اقلو وفر لاتصرف الين تتحسن ضروفنا واطفي لمبات البيت والمكيف والدفاية واي شي اعرف انو بيصرف ع الفاضي والله اوقات اجوع وماارضى اقولو جيب شي ويكون البيت فاضي بس عشان لا اتعبو واوقات الجو يجنن ومطر استحي اقلو نتمشى يعني اسعى لراحتو في كل كل كل كل شي ولا ابى انغص علية والله انو يكون مزعلني وانا الي اراضية مااقدر علا زعلو مرة فتح موقع زواج وبعدين صارحني اكلت في نفسي بس ماحسستو كتير رحت وحضنتو وماكأن شي صار اوجب عند اهلو واحترمهم وانا احس اختو ماتطيقني واقول طز عشان حبيب الروح وماعمري قطعتهم واحرق في نفسي عشانو حرق والله انو فيا طيبة عجيبة لو حرمة تانية اقسم بالله ماتتحمل عشان حياتنا ايش اسوي مع الرجال دا ايش اسوي احس اني اهنت كرامتي كتير احس اني صرت مااسوى عندو نص ريال عندو اطلق وارتاح من العيشة المقرفة دي الي كلها مشاكل وذل وقلة راحة لاني مستحيل اوافق اسكن عند اهلو مستحيل يبغى زوجتو وعيلتو وبيتو يسكني لوحدي مايبغى الله معاه وان شاءالله مااسامحو علا ظلمو ليا اسألكم بربكم اي وحدة تقرا موضوعي تدعيلي ربي يعقل زوجي ويردو ليا ردا جميلا ولا يحرمني لامنو ولا من بنتي او يقوي قلبي ع الفراق الي خلاني لا اكل ولا اشرب ولا اتكلم مع احد وحسبي الله ونعم الوكيل

[شمايل بنت الدمام]

حسبي الله ونعم الوكيل الله يرجع شملكم وتشوفين بنتك و زوجك بس حبيبتي انتي قلتي أن ما عنده فلوس ولا يشتغل ويبغا يتزوج من وين له فلوس للزواج.

[حنووو مكه]

شمايل الرجال ماإقدر يجيب مبخره لبيته جاب عروس
الله يكون بعونك ويهديه الله ويسخره لك انتي صلي وادعي

[مكاوية7]

هوا بس بيهددني بزواج

[غفوره]

ياحبيبة قلبي .. البكا مايفيدك بس يضيق صدرك زياده
بس سؤال رح يضايقك ليه سمحتي له ياخد البنت ؟؟ والله لو انا لا اقطعه باسناني ماعندك اخوان يوقفولك ؟؟؟؟ اتصلي عليه يجيبها او لا كلمي امه قولي لها خليه يجيب بنتي وقولي ان شاءالله اللي يسويه فيا يصير باخواته
والله ياحبيبتي مدري ايش اقلك اهون على نفسي ولا عليكي لكن بالنسبه ليا دعيت ربي من كل قلبي قلت يارب اخرجه من قلبي يارب قربني لك ... حبيبتي اقري قرآن اقري سورة البقره لو شويا قربي من الله وانسي الدنيا حلاوة السعاده بقرب الله
كلي وانبسطي استغفري ولاتبكي شوفي هوايه لكي وسويها انا عارفه انو مالك مزاج لكن حاولي تخرجي من مودك كدا مو بصالحك
الله ياخدلك حقك وحقي يارب ولا يحيجنا لغيره
وياسكر ياااسكر لاتسكتي على اخطاء جوزك اللي بيساويها انتي كدا بتخليه يخطي اكتر تعاليلو بالحكمه او تعاليلو بالمضاربه ليه تسمحيله يضربك ؟ ياخد حبوب مدري ايش مافهمت ؟ تبوسي رجله

ياسكر الرجال يجب البنت الواثقه من نفسها اللي تتغلى عليه

طبعا انا كنت كدا وجوزي كان خاتم بصباعي لما دلعته وشفت خاطره استندل فيا هادي اخرة الدلع والله عمره ماكان كدا

حبيبتي والله ماحبيت اقرا واخرج بدون ما اواسيكي لو قدامي كان حضنتك ادعي الله يفرجها عليكي والله لو الابواب كلها اتقفلت باب الرحيم الغفور مايتقفل قربي من الله وصلي ركعتين اخر الليل اشكي لله همومك وصدقيني راح تنحل كل مشاكلك وربي رح يعطيكي قد صبرك واستخيري الله فيه لو ماله خير فيكي الله يصرفه عنك ويرضيكي ولو فيه خير الله يسخره لكي

بنتك ياقلبي اتصلي على امه او خالته او اي احد واطلبيها كدا حرام الله لايوفق امه ان كانت هيا السبب تشوفها في بنتها ان شآءالله ناس ماعندها رحمه الله يكافيهم يارب

ولو من الاول ماتخليه ياخدها تطلع عينه ولا يمسكها بيده

وخليكي واثقه ان لو طلقك ربنا ابعد شره عنك لان الله ماخلقنا عشان يعذبنا ربنا غفور ورحيم فينا اكتر من امهاتنا ورايد الخير لكي

شايفه حنانك على بنتك كيف ؟؟ ربنا احن منك عليكي وعلى بنتك الله لايوفقهم

[غفوره]

ياقمر تربية البنت لامها اول 7 سنوات .. ازا انتي ناويه شر اشتكي عليه للشرطه او ارفعي عليه قضيه

الله يعينك ويسخره لكي يارب

[Orchid109]

انا استغرب الوقاحة اللي فيه يوم جا لبيت اهلك واخذ بنتك بالقوة ولا قدر وجود ابوك واخوانك ولاحشم امك المسكينة !

ماقول الا الله يكون بعونك لكن زي ماقلتي طز فيه منتي ميته بدونه بيت ابوك موجود واخوانك موجودين وكلهم بيعزونك وبيكرمونك ان شاء الله , اختي في حالة عادت الامور الى مجاريها انصحك تغيرين من تعاملك معاه خلي شخصيتك قويه معاه ولاتسمحيله يمد ايده عليك وشوي شوي ابدي اعزمي صاحباتك لبيتك هذا شخص مايستاهل انك تقطعي علاقاتك مع الناس عشانه !! وتحرمي نفسك من المتعة والوناسة عشان سواد عيونه !

[ninya]

الا بنتك واسفه لكن انت لقوتيه عليكي حلو المعاملة الطيبة لكن بحدود لما يهين كرامتك ويضربك خلااااااص مافي فايده غريبة انك لسه بتحبيه؟ انا لو منك مستحيل ارضى اعيش معو او احبو ,الحب انو الرجال يعاملني بكرم وطيبة واخلاق ممكن اتحمل مزاجيتو ممكن تحمل بخلو بحدود لكن اتحمل يضربني ويهينني واحبو كمان واراضيه لا سامحيني انت السبب والحل انك تحصلي على بنتك والباقي بيرجعلك حبيبتي الله يعينك ويفرجها عنك

[الكاردينيا]

اختي الغالية الصراحة عيوني دمعت من قريت كلامك لان للاسف اكو مثل رجلك وقسوتة والصراحة انتي انطيتي مجال يتمدى وياج الحب والاحترام والطاعة واجبة بس مو لدرجة يهين الكرامة الله يهدي وينور قلبة ويبعد الشيطان منة ويرجع الج ويلتم شملج مع بنتج هذا اهم شي وخلي اخوانج او اي احد كبير يدخل وشنو مرقف اهلة من كل هذا معقولة ميهمهم اختي الله يصبر قلبج ويوكف وياج ويهدي بالج وتكملين حياتج بالسعادة اللهم امين يارب العالمين

[افراح]

حبيبتي مكاويه .......................
الله يعنيك على مابلاك به والله اذااحب عبداابتلاه .....................واناعشت بعضامن معاناتك زوجني اهلي ابن عمي بحكم العادات والتقاليد وكان يقول كلام حب ويحلف انه مايغدربيه ويوم من الايام بعد ماجبت بنت طلقني بسبب مشكله بينه وبين اخواني بغير وجه حق ويعلم الله اني ماغلطت بحقه هوندم بس انا انجرحت منه وانصدمت احسست الرجال اصناف وبعد العدة انخطبت وانجن رغم انها هوتزوج بعد الطلاق ويوم تزوجت اخذبنتي مني .........................كنت ابكي واتحايل اخواني وابوي يرجعونها كان ابوي حكيم جدا قال الحين بنروح ناخذهابحكم الشرع لكن اذاعدت سن 7سنوات بياخذهاغصباعنك بحكم الشرع اتركيهاهوبيمل وبيرجعها وقعدت اعد الليالي والايام وباموت من البكي والحزن عليها وكل مااجي زيارة يجبيها لي ويجيبها لاهلي بالاعياد لوانا ماجيت ولما جاء سن الدراسه اتصلت بامه الله يرحمها رحمة تسع الدنيابمافيها قلت ابيها تدرس مع اختي الصغيرة ووافق والحين بنتي عايشه مع امي وابوي وقبل ماتموت امه اتصلت وقالت لي يابنتي اناماوصيت الاعلى بنتك ومال عندي ابيه صدقه جاريه بكيت منها والله حزنت الله يعين لكن ماتت والى الان بنتي عند امي الله يتمم يارب وماياخذها انصحك ماتاخذين بنتك بالقوة عشان ماتتاثر كلمي امه اوابوه يجيه بالسياسه والله يسيرامورك يارب ويكتب اللي فيه خير لك

[عطر الربيع]

السلام عليكم ورحمة الله

صراحة موضوعك اثر فيا كتير
اسفة يمكن مايعجبك كلامي بالمرة لكن انتي الغلطانة اكيد
حبيبتي انتي اللي دللتيه بزيادة وهو اخد هالشي ضدك مو لصالحك
انتي تنازلتي وتساهلتي وعبرتي عن حبك بس بطرقة غلط!!!! وهو اتاكد انو انتي ماراح تتحملي فراقو ومهما ساوالك واح ترجعيلو والابتسامة على وشك!!!!

خير الكلام ما قل ودل
الله يهديه ويهديكي ويجمع بينكم في خير يااااااا رب

استخيري واكثري من الدعاء في الليل والله يرجعلك بنتك وزوجك ويهنيكم ببعض يا رب

اتمنى اختي ما تزعلي مني لصراحتي بس والله لو ماكنت احبك في الله ما كنت اساسا رديت عليكي

اختك عطر الربيع

[زهره النيل]

والله اختي مشكلتك تقطع القلب انتي بس ادعي بالخير ليكي ولبنتك وكوني واثقه ان شاء الله ان ربنا هيقف جنبك طول ما انتي المظلومه

[طيبتي أكبرهمومي]

الرجال مايملا عينهم الاالتراب هذي طبيعتهم
مهما سويتي وفعلتي وقمتي بواجب وسويتي معه بكل طرق بتعاملك وشخصيتك الحلوه
انكر لك كل شئ عنك وبأفعالك معه ومع بنتك حتى اهله
والرجل يحب الزوجه واثقه بروحها باالحيل وعايشه حياتهاا بكااااااااامل للنفسها ولطفلتهاا
مثل ماقالو البنات فعلا انتي غلطتي مرفوض ماتنزلي نفسك لشخص عديم الرجوله وتعطيه كل شئ له غلط وبنفس وقت رضيتي بشره
لامرفوض من بدايه عطيته ضوء الاحمر طق ماابي وظيفه وو ووو واشياء كثيره من اولهااا والا يستغلك بكل شئ عنك ماعنده فيك
لكن أسأل الله ان يرد لك زوجك ردآ جميلا ان كان فيه خير لك وتضعي شروطك كامله وان كان فيه شر ان الله يصرفه عنك ويبعدك عن كل شرور وينصرك على من عداك
ولاتخافي كما تدين تدان
دام له خوات لاتخافي حوبتك فيهم ماتعداهم
حسبي الله ونعم الوكيل
انتي وعظظظظيييه قل عندك خواااااااااااااااااااات انتبه ترى بيدعي عليهم وانت حر خوفيه

[شموسه 88]

اختي فوضي امرك لله
ربي يصبرك وايفرج همك
ان شالله ربي يهديه

[ام ريتان]

اكثري من التحسب والاستغفار
والتجأي الى الله...يجيب دعاء المضطر...واستودعي الله بنتك..
الله يكون بعونك...لانه هو اعلم منا بحالك..

[ahlam-f]

اعوذ بلله هالانسان مره قاسي حسبي اله ونعم والوكيل عليه...بس اهم شي بنتك اذا كانت لسى رضيع لازم لازم تاخذينه ياقو قلبك شلون صابره.. وتري الرجال ماينفع معه تصير خدامه تحت رجليه لازم يكون لك كيان وشخصيه انتي بشر حالتك مثل حاله مافي احد افضل من احد الرجال يحبون المراه القويه اللي فيها شويه ليونه واصرار...الله يهديه ويصلحه يارب...

[رواسي]

لاحول ولا قوة الا بالله

صراحه شي يقهر .. مدري وش اقول

بس الوحده اللي ترضى الاهانه لنفسها تتحمل مايجيها اعذريني اختي على كلامي

بس اي حب واي خرابيط مع واحد يضرب ويهين ومعاملة زي الزفت ... وبسرعه تنسين كل هذا لا وتبوسين رجوله وتكبسينها بعد
جعلها للكسر ان شاءالله


والله الوحده اللي تذل نفسها بمسمى الحب والله مايحترمها الرجال

اقول خلي اهلك يتدخلون ورجعي بنتك... وعيشي حياتك

وهذا والله مايستاهل دمعه من عيونك