اللي معاي اعراض ولاده ؟

[ضوء الفجر]

مساء الخير
ابغى مساعده اخواتي فانا بكريه ولااعرف عن الولاده

مشكلتي باختصار لي كم يوم يجيني الم بظهري واسفل بطني بسيط ويختفي انا في الاسبوع الثالث من الشهر التاسع
اليوم الصباح جاني الم بظهري واسفل بطني بسيط واختفى بعدين حسيت انو ملابسي الداخليه تبللت نزل افراز شفاف والى الان بنزل الافراز الشفاف ياترى هو مويه الجنين والاعراض اعراض ولاده
ساعدوني مااعرف واللي ماتعرف ترفع الموضوع

[أم جنى فديتها]

مادري والله اتوقع اذا اللي ينزل ماي شفاف وصافي وسائل هاذي ماي الجنين
واذا استمر ينزل روحي المستشفى مايصلح يضل ينزل ونتي في البيت ينقص على الجنين
والالم هاذا طلق خفيف اتوقع
االله يسهل لك ويسهل لي ...
رفع

[مريم العنزي]

روحي للطبيب والله يسر لج واذا بقيتي تولدي ادعي حملي يكون بذكر تكفين لان الله يستجيب دعاء اثناء الولاده والله يسهل الولاده عليج

[المغتربه المتفائله]

الله يقومك بالسلامه ويرزقك الولاده السهله

[حبيبة جوجو]

لازم تروحي للمستشفى ماتضلي ع وجعك وتعبك امكن ولاده بس طلقك خفيف


الله ييسرلك

[Zezoo]

الله يسهل لك وتولدي ع خيرررر

[ضوء الفجر]

شكرا لكل من رد علي واللي دعاء لي
الله ييسر ويسهل لكم ولادتكم ويرزقكم الدريه الصالحه واللي تبي

انا نزل على الصباح مويه شفافه مع الام ظهر وبطن خفيفه وبعدين اختفى والظهر لمى صحيت نزل مويه شفافه بسيط
انا قلت ممكن هذا افراز لان صار لي قبل كذا في شهري 7 وقالت لي الدكتورة مو مويه الجنين هذا افراز لعشان كذا مااستعجلت ورحت للمستشفى فيه ناس تقولي الالام هذه تعاديل ومارحت المستشفى
انتم ايش تنصحوني خاصه انو امس ورمت رجولي مررره

الله يفرج عليكم همومكم

[التفاحة البيضاء]

ماي الجنين يبلل ملابسك فورا
و اذا شكيتي تقدري تميزيه له ريحه مميزة
شبيهة برائحة المني جدا
واذا نزل عليكي روحي المستشفى فورا. لا تلتهب اغشية الجنين

[ملكتني بهمسك]

الله يسهل عليك ويرزقك ساعه طيبه يارب

[مريم العنزي]

لاتسكتين مايصير كذا انتي تظرين الجنين بسكوتك

[toq]

اي حبيبتي روحي عشان يمكن يكون ماي الجنين ..

الله يسسهل عليكك

[أم عمر_88]

أختي ماي الجنين لو نزلت عليج يعني تكون بمقدار كوب
او نزلت لين ركبج
اما اللي تقولين عنه افرازات عادية يمكن تكون تسهيلات
والالم لو منتظم كل 10 او 5 دقايق يعني طلق ولادة
غير ذلك يعني كاذب وبدايات تفتح الرحم فقط

ولو مترددة سيري للمستشفى