الحقووني بسرعة بمشورتكم زوجي بيسكني مع اهلو

[مكاوية7]

السلام عليكم بدخل في الموضوع علا طول لاني مضايقة مرة انا متزوجة ليا اكتر من سنة اعشق زوجي بجنوووووووووووون وعيني معمية عن عيوبوة وبصراحة هوا كمان عامي عينو عن عيوبي بس زوجي دحين يباني اسكن في عمارت اهلو في ملحق مكون من غرفة وحدة ومطبخ وحمام وانتو بكرامة بس مو دي مشكلتي اعيش معاه في علبة تونة عادي لاني اعشقو لكن مشكلتي في السكن مع اهلو انا رافضة تماما من ايام الملكة رفضت لاني حسيت امو قوية ودحين حلفتلو ع المصحف وانا معصبة اني مااسكن عندهم وهوا في البداية قلي نسكن بعيد وخلاني ابيع طقم الماس تبع دبشي عشان ندفع الايجار لانو دي الفترة يدور عمل وانا ماعندي مانع ابيع الدنيا كلها عشانو مو بس طقم ودحين لقي كم وظيفة بس رافض يبئ شي يليق فية لانو كان في وظيفة حلوة المهم نرجع للموضوع دحين غير رأيو قلي دي اليومين بنقل العفش لبيت اهلي وانتي لو مو حابة تجي معاية روحي بيت اهلك طبعا الكلام دا بعد نقاش طويل ومحاولات اقناع مني ومنو بس لما شاف مافي فايدة قلي كدة ايش اسوي انا مخنوقة والله اهلو ناس مرة متسلطين وبصراحة صارت مواقف خلتني اكرههم رغم اني مرررة محترمة ومااحب ارد علا كلامهمم بعطيكم بعض مواقفهم اولا امو الي انا اعتبرتها امي تمدح طبخ سلفتي قدام زوجي مدح مبالغ وتضايق لما يوديني عند اهلي كتير لانو المسافة بيني وبينهم حق ساعة بسيارة كانت تدق علا تلفون البيت عشان تعرف رحنا او لا وهوا دايما يوديني بس طبعا دحين اتغير بسبب قرب اهلو مننا دي الفترة ومرة قالتلو خلوك ماتسوى ولافلس قصدها اهلي ومرة مرض قالتلو قدامي اهل جدة صابوك عين وقصدها اهلي واخواتو كانو يتريقو علا بطني وانا حامل بطريقةغير مباشرة ولما ولدت هيا وزوجي خلوني انفس عندها في بيتها غصب عني احرجوني انا ماانكر انها ماقصرت معاية وكانت تسويلي الاكل وتتعب بس طبعها مرة زفت مرة مرختني في بطني وانا مو راضية قلتلها ماابئ تمريخ ولعت النور وقالت لازم ورفعتلي البلوزة ومرختني وهيا عارفة اني محرجة من التشققات بعد الولادة بس حسيتها تبئ تشوف وحركات كتير زي كدة وبعد15يوم من النفاس لبست بنطلون وبلوزة قالتلي فسخي والبسي روب عندنا النفاس ماتلبس كدا ب اسلوب مرة يجرح ورحت لبست روب والغريب اني رحتلهم وبنتها نفاس تالت يوم ولابسة بنطلون وبلوزة وسيعة ودحين تبى تسمي بنتي ولما زوجي قلها بغير الاسم زعلت ومرة بنتي كانت عندهم وجات اختها تزورها خلتها ترضع بنتي وبعدين قالتلنا وانا ممرة زعلت بيني وبين نفسي وكمان وانا نفاس عندهم زوجي كان يجلس معايا طول الوقت كانت تقولو اخرج وادخل بس جالس عندها يحسدوني حتى على جلستو معايا وعارفين ماعندي تلفزيون ولا نت كنت اطفش ومرة قلت لزوجي خلاص خلينا نرجع بيتنا زعلت وقالتلي انتي تحرشية وخاصمتني وطول الوقت تدق ب الكلام ومرة اتخاصمنا انا وزوجي قدامها وطولنا السنتنا علا بعض وضربني وسبني انا واهلي قدامها هيا زعلت مني ليش طولت لساني رغم انو واضح انو هوا الغلطان مية في المية ما قالتلو شي بصراحة ندمت اني اتخاصمت مع زوجي قدامها كنت متوقعتها تنصفني لانها تقلي انتي زي بنتي بس لو بنتها ماترضالها كدة ابدا والمواقف كتير مستحيل اجلس معاهم ساعة الا وانجرح واخر مرة رحتلهم اختو قاعدة تقول لزوجي بنتك قزمة بنتك سودة ويعيبو في بنتي قدامي وانا ساكتة ومبتسمة لاني استحي ارد عليهم المهم مو طااااااااااااااايقة السكن عندهم ابدا ابدا نفسيتي بتصير زززززززفت انا افضل اكون بعيدة وزياراتي خفيفة عشان ماتصير مشاكل لاني احس اني بعد كدة برد عليهم لاني صبرت كتير وخليتهم يتمادو عليا بس المشكلة اني مااحب المشاكل وهما عارفين اني مرة طيبة تراني محتاجة رأيكم ايش اسوي دخيلكم اروح بيت اهلي والي يصير يصير ولا ايش ؟؟؟؟؟؟؟؟؟

[شيوخه11]

والله يالغلا دخلت ادعي لك

الله يسخركم لبعض ولايفرقكم وانتي حاولي انو ماتسكنين
واذا الظروف مستعصيه مره الشكوى لله طاوعيه وخليك رسميه مع اهله

[منييرة]

الغالية الله يكون بعونك الصراحة مبين على حماتك من تصرفاتها قوية الله يعينك على السكن معاهم و إبنها يسمع كلامها (مثل زوجي) الأحسن انك ما تسكني معاهم تدرين حتى لو انه أهل الزوج طيبين فالإحتكاك اليومي بيهم يولد مشاكل
و في نفس الوقت ما أنصحك تروحي لبيت أهلك و تخربي بيتك
حاولي تكوني قوية و تحافظي على بيتك و تكسبي زوجك تتجنبي مشاكل اهله و حتى لو اضطريتي للسكن معاهم خلي تعاملك سطحي معاهم و خليك وراء زوجك ليشتغل و تستقلو بحياتكم الله يكون بعونك

[شوق*]

تبين الصراحه
لاتسكنين لو يبوس رجلك ، يكفي انك قضيتي عندها يومين بالنفاس تحكمت فيك وبهذلتك وحاولت اطلع زوجك من غرفه مترين،
أجل لو تسكنون عندها ايش بتعمل ؟
اكيد كل شوي بطق الباب واطلعه وتجلسه معاها
بذات ان الملحق الي بتسكنين فيه مطبخ وحمام وغرفه !!!!!
يعني غرفة النوم هي غرفة الاكل والشرب
اكيد زوجك بيتقرف ويجلس جوا عند اهله كل شوي
وقتها بتخسرين خصوصية حياتك ،
قولي له اني احبك وضحية عشانك وبعت طقمي وحاولت اصبر معاك ،
لكن اطلع من بيتي واسكن عند اهلك مستحيل
وحاولي تفهمين انو حتى لو كانو اهلك انتي مراح ترضين تسكنين ..
لكن تحلمين بالاستقرار معاه وادلعينه وتهتمين في بيتك
وان حلمك بيت اكبر ، كيف يسكنك ملحق غرفه وحمام ..
وقولي له أسكن معاك بخيمه واهاجر معاك لأخر الدنيا
بس نبقى لوحدنا واتهنى فيك ومعاك وخذيه بالكلام
والدلع وحركات النسوان
واذا مانفع كوني حازمه واجمعي اغراضك وروحي بيت اهلك
لانك لو تنازلتي بالبدايه راح تتنازلين كثير بكره
الحين تخرجين بيت اهلك عشان خلاف بينك وبينه
ولايخرجك بكره هو وامه بسبب كيدها وخبثهآ

تخرجين الحين بكرامتك ويخضع لشروطك
ولابكره تخرجين بلا كرامه نتيجة خلاف مع امه ويفرحون هم عليك وتنازلين برضو وترجعين وتكونين خسرتي كثير

[ال ماما نوف]

مانصخك تطلعين وتخلين زوجك عند امه تفر راسه كل يوم وتقنعه يغير نظرته فيك واذا هي خبيته يمكن تخطبله وتزوجه عشان تقهرك

[غفوره]

اعرفي انو لو سكنتي عند اهل جوزك مارح تطلعي منه ابداااااااااااااا

يعني الورطه هيا الورطه يعدين غريبه ليش يسيب وظيفتو او اللي سار سار ليش كدا يساوي مايعرف انو مسؤول عن اسره

بعدين مره حرقت دمي هرجت انها ترضع بنتك بدون علمك خييييير ؟؟

انا ساكنه مع اهل جوزي لكن ام جوزي طيبه حتا لو عليها حركات لكنها طيبه طيبتها اكتر يعني

واعرفي انو لو بتتح.م في بنتك سلام سلام تقدر لانك فوقها يمكن كل شويا تنط لكم او تتصل عليكم انزلو ولو جوزك قللك انزلي ومارضيتي راح تضاربي معاه << حالتي

يمكن انتي تكون حياتك احسن مني بس لو تبغي راايي خليكي مصره على موقفك يشوفلو وظيفه عدله ويسكنك لوحدك كدا مو انصاف يتزوجك وبعدين يقلك ها والله ماعندي فلوس ايجار

اخاف اكون بسلطك لكن اولا واخيرا شوفي انتي حياتك كيف دخلي ابوكي واخوكي بالموضوع وهما يعرفو مصلحتك

الله يعينك استخيريلي الله في النقله معاهم والله راح يبعد عنك الشر باذن الله

[Aum Reda]

صحيح كلام البنات لو تسكنين عند اهله ما بتطلعين و لو بتسكنين عند أهلك بعد يمكن يغيرون زوجك عليك
الله يرزقكم سكن خاص فيكم
ان شاء الله زوجك يشتغل و تفتكون من البهدلة ذي

[طيبتي أكبرهمومي]

انا مع شوق مره
حاولي اكثر من مليون مرره تسكني وحدك والا بتتعرضي لمشاكل اعظم من اللي قلتي لنا
شافوك طيبه وعارفين شخصيتك تمام بتمام
اشتغلو طيبتك وبنفس الوقت بيلعبو في حسبتك زياده
فانتبهي وخلي زوجك يعطي كل واحد حقه
اهله وزوجته
كل منهم لهم حقوق
بلا مشاكل بلا قرف قال ايه قالت لاتلبسي ولاتسوي
بكره تقولك لاتدخلي حمام لاتدخلي هذا
والله مهزله من جد
اطلعي وافتكي من مشاكل وعامليهم باحترام عشان يحترموكي غصب ورى خشومهم

[مكاوية7]

ااااااااااااااااااااه والله قاعدة ابكي من قهري احس زوجي مايسعى لرضايا ويبى يرضي اهلو علا حساب راحتي يمكن مايبى اهلو يقولو حرمتو ممشيتو علا كيفها او حرمتو تتحكم فية تخيلو اليوم قلها مابنسكن عندكم قالتلو عساه بسرطان الي يحرشك وطبعا قصدها انا طيب حتى لو انا حرشتو اني ماابى اسكن عندهم انا حرة حياتي وانا اقرر فين ارتاح عموما دحين قلي لو ماتبي تجي معاية وبتروحي بيت اهلك مابعطيكي بنتك وبنتي عمرها3شهور ايش اسوي اسيبلو البنت عشان مايحس انها نقطة ضعفي او اسويلو جنان واخد بنتي الله المستعان بتصير مشكلة كبيرة حسبي الله في اهلو وفية لانو رضي بظلمي

[شوق*]

لا لاتتنازلين عن بنتك مهما كان
اساسا القضا في صالحك البنت لك ول امك انتي
ماله شغل فيهآ وهي رضيعه اصلن ،
تمسكي في بنتك واخذيها معاك ..

وقولي له هذا جزاي ابيع عشانك ما املك
وقولي له امك مامنعتك منها روحي لها واخدمها وبرها ولاتقصر معاها ..

بس بنفس الوقت لاتظلمني أنا بذمتك وراح تسأل عني يوم القيامه ..

روحي زياره لأهلك ولاترجعي وتمسكي في بنتك لاتضحين فيهآ
عادي هي تبي كذا بتاخذ بنتك وترضعهآ ع مزاجها
دخلي ابوك واخوانك بالموضوع

[شمس الربيع]

اشوف انو زوجك كذلك انحط في موقف لا يحسد عليه يعني ما يبي امه تقولو هي تمشيك على كيفها و هذا شي طبيعي في الرجال عموما ما يحب يكون في موقف ضعف و انو زوجتو تسيطر عليه يعني ارحميه من هذه الناحية

الي بيدك الان اقنعيه يشتغل بسرعة لانه مسؤول منك و من بنته بعدين فهميه انو انتي كثييير بتحبيه و بتحبي امو مشان هيك لازم احترام بينكم لان الاحتكاك اليومي مع اهلو مهما كانوا طيبين ضروري بتصير منو مشاكل

الرجل لازم تعامليه بلين و توصليله الفكرة بطريقة حلوة ابعدي عن الصراخ و التعصيب و الشجار هذا بيخليه يعاند و يسمع كلام امه و المهم ابدا ابدا ما تحسسيه انك ما تحبي امو بالعكس انتي كثييييير بتحبيها و تحترميها مشان هيك لازم العلاقة تبقى على هذا الحال

ماانصحك حاليا تروحي بيت اهلك ممكن المشكل يكبر و يتعقد اكثر و اكثر و انتي في غنى عن ذلك حاولي معاه بطريقة حلوة و قومي الليل ادعي الله بحرقة و ربي يجعل لكي مخرجا و عليكي بكثرة الاستغفار و الذكر و انتي متيقنة ان الله سيجيب دعائك

قال رسول الله صلى الله عليه سلم من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب

[Orchid109]

صدقيني راح يجي اليوم اللي يعرف اهله على حقيقتهم , وخلي زوجك يشوفك انتي الطيبة الحنونة وهم اللي المشاكل ماتجي الا منهم, وبعدين الله يعينك على عمتك هي مو قوية وبس هي عوبة مرة اجل تجي تمرخك بس عشان تشوف التشققات وش قلة الادب هذي اللي فيها .

ولكن انا اشوف انك تعتبريهم حثاله ولاتنزلي نفسك لهم ولا تتخانقي مع زوجك عشان حثاله, توكلي على الله وروحي واسكني معاهم لاني حسب مافهمت منك انك راح تسكني بشقة خاصة فيك خلاص حبي ولاتنزلي لهم كل يوم روحي لهم بالاسبوع مرة وابو عشر ددقايق سوي الواجب وسلمي على عمك وعمتك اهم شي ! ولاتدخلي معهم بتفاصيل حياتك مثل روحاتك مع زوجك واهلك والاسواق والفلوس كذا ترا مهمن كان غيرة وربي ,

انتي حالتك نفس حالتي انا ساكنة مع اهل زوجي بنفس البيت بس لي شقة لحالي اول ماتزوجت كنت ياحبة عيني مغير اروحلهم يوميا بس طبعي غير عن طبعهم وتعرفين كثرة الاحتكاكات تولد المشاكل , فصرت وش اسوي اقلل زياراتي لهم ومازورهم الا في الاسبوع مرة ولو زرتهم عشر دقايق بالكثير وخلاص ! وربي مرتاحة
فانتي استخيري وسوي اللي قلتلك عليه حبي.

[مكاوية7]

والله كلامكم ريححني كتييير الله يجززاكم الجنة بعطيكم جديدي لما زجي شافني مصرة علا بيت اهلي كلم امو وامو كلمتني قالتلي ايش جاكي مني ليش ماتبي تسكني معاية ومن الكلام دا انا مرة استحيت وقلتلها انا عشان ماابغاه يعتمد عليكم في كل شي المهم انا انحرجت منها مرة وبعدين اتكلمت مع زوجي قلتلو اسكن عنداهلك في غرفة بشروط انك اول ما تتوظف ننقل خلال سنة وماتجبرني ازورهم الا برضايا وماتاخدلهم بنتي الا برضايا ومايجوني الا بعد مايتصلو يقولو جايين مو يطبو فجأه لانهم في بيتي الاول كانو يجوني فجأه عشان يشوفو بنتي واكون بقميص النوم واوقات نايمة واصحى علا دقهم وحالتي حالة او تكون عندي مواعين في المجلى ومرة انحرج منهم واني اخد بنتي معايا لما اروح ازور اهلي مااسيبها عند اهلو واحرم اهلي من شوفت بنتي واني انا اسمي بنتي وتقول للكل اسمها الجديد حتى لو امو زعلت شويا مصيرها ترضى وتعرف انو دا شي من حقي انا بس المهم زوجي ربي يحفظو ولا يغيرو عليا وافق وكتبلي ورقة كمان وانا انبسطت انو الموضوع ماكبر ايش رايكم ياصبايا في الي صار

[غفوره]

حبيبتي الحمدلله

جا بصفك كل شي اخر الصبر فرج اسجدي لله شكر وادعيه زوجك مايتغير عليكي ويكفيكي الله شر الناس


لاتزوديها اهم شي ام جوزك اعتبريها زي امك خديها ع قد عقلها لو ضايقتك و اخصريها و شجعي جوزك نفسيا وادعيله يلاقي شغل

يلا ربي ييسر لك حياتك وبحفظلك الاموره بليييييز لاتسميها اسم معوووج زي اسامي اليومين دي سميها اسم له معنى حلوو عشان مايلاقولهم حجه

[شمس الربيع]

حلوووو الحمد لله اذا صار تووافق بينكم انتي و زوجك هذا هو المطلوب ربي يوفقكم و يهنيكم
بس ما فهمت كيف يعني بنتك عندها اسم تبي تغيريه لها كدا يعني

[مكاوية7]

طيب غفورة شو رايك ب اسم غيد

[مكاوية7]

ايوة يا شموسة الربيع ابى اغير لبنتي اسمها لان ام زوجي مسميتها اسم مو حلو

[Orchid109]

حلو حبيبتي
الله يسخره لك يارب وهذا دليل انه شاريك,