ساعدوني ...

[ربي اكرمني ولاتحرمني]

بنات ابي حل ....تكفون *

زوجي مايفهمني ...كل ما قلت شي قال ممنوع ...

مايحسسني اني عروس ...يبيني اقعد بالبيت وماأروح مكان *


اكثر من مره هددني بأنه بيتزوج علي


... مرات ابكي على حالي* ماأدري شسوي ...حتى اذا فكرت اطلب الطلاق امي بتنقهر وبتزعل مني ...

[شيوخه11]

طيب شنو الاسباب
واذا مافيه سبب ليش عايشه بسكن عسكري انتي ؟؟
لاتزعلي من هالكلمه


الله يهديه ويصلحه ادعي ربك
وتفاهمي معاه قولي له لي حق اطلع اسوي مو سجن

واذا دايم يردد عليك بتزوج عليك قولي لاشفت مني نقص وعيب وتقصير تزوج
الرجال الي زي كذا يبي له وحده قويه

[منييرة]

و الله الأخت شيوخة11 معاها ألف حق و لها مني ألف تحية
الرجال يبي له وحدة قوية صدقيني الين ما ينفع معاهم و اسأليني أنا لأني طيبة و قنوعة مع زوجي ما ماخذه منه لا حق و لا باطل متعبني وياه أنا بعد متزوجة من خمس شهور و حامل و هو كل مرة بتزوج عليك طبعا غير التنازلات اللي نقدمها و الشروط اللي ليها اول ما ليها آخر الحين رفعت الراية البيضاء و تعبت معاه مليت
بس أبغاك غلاتي تكوني قوية مع زوجك و ما تتنازلي عن حقوقك و انا بعد راح نغير طريقتي مع زوجي كليا
الحياة بنعيشها مرة و اليوم اللي يروح ما يرجع و الموت موت وحدة و الرجل على حسب ما يتعود فخلينا نعودهم على شخصية قوية و واثقة من نفسها و الله يهديهم يا رب

[مكاوية7]

الله يعينك

[شوق*]

إذا بدري لسى عروس عيب وين تطلعين
حسسيه انه هو اهم واقضي وقتك كله معاه
مامليتي من الناس !!!
الحين خليك بزوجك ماينفع ابد تطلعين ،
وحاولي تعودينه على انك مطيعه واذا عنده اسباب مقنعه بعدم خروجك ماتخرجين ،
واذا العكس خذيه بالسياسه ودمعتين يمكن ينفع معاه
والله الرجال يغثون بالقلب
بس وش نسوي الله يصبرنآآآآآ ويعين
ويسخره لك يارب ويحببه فيك ولا يحرمك من كل شيء نفسك فيه اختي الغاليه

[ربي اكرمني ولاتحرمني]

تفاهمت معاه اكثر من مره ...بس ماينفع
المشكله اني اطلب اني اطلع مع امي او اختي يعني مو احد غريب
ذاك اليوم عندي عرس بنت عمي وقالت امي تروحين قلت بستأذن منه رضى وصرت البس واجهز وبالاخير صار يهاوش وقال ان طلعتي لا ترجعين .
امانه اللي سويته غلط

انا ادور رضاه وهو يزعلني ويبكيني

يعني انحبس في بيت اهلي والحين في بيت زوجي

[شوق*]

يعني عشان منحبسه في بيت اهلك ممكن الحين عندك اندفاع كبير للخروج وكذا ..
حاولي تهدين شوي بما انك عروس
واذا رفض اسكتي لاتبكين وتقبلي رايه
وقولي عشان ولخاطرك أجل مابي اروح
اهم شيء رضاك ياعمرررري انت تسوى عندي هالناس كلها مره ومرتين
وبعدين جربي بهدوء وشاوريه في مشوار
وان شاء الله ، الله يهديه ويسخره لك

[رواسي]

الا هذا اوله ينعاف تاليه

[Orchid109]

حبيبتي
يمكن هو تضايق انكم لسه عرسان وبتطلعين مع اهلك لزواج وشافك اخر شياكة وماحبك تروحين !

طيب انتي دائما يقولك لا والا بس على هالموقف ؟!
اذا دائماً كذا كلميه باسلوب حلو وفهميه انكم انتو لساتكم عرسان ولازم تطلعون وتوسعون صدركم لازم يحسسك وتحسسيه انكم عرسان وهذي ايام ماتنتعوض صدقيني , بكون صريحه معاك اول سنة غالباً تكون المشاكل فيها كثيرة ليش ؟ لان كل واحد متمسك برايه ويبي الثاني يمشي على حسب مايبي ,
وسالفة يهددك بيتزوج عليك قوليله هذا مو حل كل ماناقشتك بموضوع تجيبلي طاري الزواج مو حالة هذي !

يارب يسخره لك

[ربي اكرمني ولاتحرمني]

تسلموووون حبايبي ....

بس والله ماينفع مع زوجي .....

حاسه اني بتطلق قريب

[أم رزاان]

حبيبتي .. هذا شيء طبيعي في السنة الأولى للزواج !
نتيجة إختلاف الطباع بينك وبين زوجك
بتحسي لا أنت فاهمتة ولا هو فاهمك
نصيحة يالغالية اصبري .. وهي فترة وتعدي وراح تفهمي زوجك
وهو راح يفهمك اكثر وتستقر حياتكموخصوصاً لما يجوا اطفال راح تتغير الحياة
وتصبح لها اهداف ويصبح كل منكما حريص على
عبور سفينة حياتكم لبر الآمان !

[اميرة بيتي]

لا بعيد الشر انشالله ما بصير طلاق ... انتي ردي علي وما رح تندمي كل يوم بعد صلاة العشا اقراي سورة المؤمنون وادعي لربنا انو يصب الحب في قلب زوجك ويحنن قلبو عليكي ويا رب ييسر امرك يا رب موضوع الطلعه مو هالموضوع المهم او الكبير عشان تتطلقي كان نص نسوان العرب مطلقات ازا مو اكتر ... زوجك عم يحاول يورجيكي العين الحمرا وكتير في رجال هيك بسنة اولى زواج اول سنة انتي لازم تقولي حاضر وامرك عدين هو صير يعرف قيمتك مرة على مرة بتصيرو تتفاهمو مع بعض الله يسرلك ارمك يا رب

[babybaby]

الله يصبرك حبيبتى ويهديلك زوجك
معلش استحملى شوى
لتعرفى ايش السبب

[ام سوو]

تعاليله بطرق حلوه مثلاً يوم قال ماتطلعين عرس بنت عمك قوليله خلاص لعيونك مابروح بس وش رايك نطلع نغير جو ونتعشاء بره تعاليله بطرق ذكيه