تجمع الحساويات .... حياكم الله ..... يالله ندردش ..(((2)))و((3)).

[يارب عفوك]

توفيه الفوشيه..انصحك بمشفى الهفوف الوطني..عند الدكتوره سلوى مره حلوه

[الحق المبين]

السلام عليكم

[بنت الأزوري]

ألف مبروووووووووك سوسويت نياااااالك شفتي طفلك وصرتي رشيقه عقبااالنااا ياااارب


يتربى بعزك غلااااتي ... والله يرزقك بره وهدااايته آآآآآآآآمين

[مليت فرقاكـ]

كلولوووووووووش مبروك سويويت ..فرحتيني يالنحيفه هع

يتربى بعزك والحمد لله على سلامتك.وعقبالنا

[احبك ماما]

الففففففف مبروك سوسويت والحمد الله ع سلامتك وسلامت البيبي ويتربى في عزك ودلالك ...

ومبروك الررشااااااااااااااااااقه ...وربي يخلي لك عزوز وتبلغين فيه وتزفينه ع عروسسسسسسته ...

[دلوعة]

اااااااااااااااااالف مبروك سوسويت الحمدالله على سلامتك
وسلامة عزوز ويتربى بعزكم،،،،،،،،،وعقبالنا

[توفيه الفوشيه]

بس وحده ردت علي ابي ايش احسن مستشفيات بالاحسا لنساء والولاده
يابنات ردو علي

[مليت فرقاكـ]

توفيه ...انا عندي الدكتوره نانيس فيا لزهراء زينه وهاديه بس اسأليها عن اي شئ تبينه

..
وكمان الدكتوره غاده فيا لفرقدين <جميل خطاب بس زحمه عليها

[منى المحبين]

مبروك السلامه سيوسرت ويتربى بعزكم ياارب

مليت شرايك نلتقي عند نانيس

ونتعرف على بعض ههههههههههههه

[مليت فرقاكـ]

هههههههههههه
انا هالفتره اراجع في المركزي اللي عندنا بطلت خاآص زعلت عليهم خخخخخخخخخخخ بس كلا فلوس هووع

شخبارك

[منى المحبين]

الحمد لله انتي ازيك

جاتني الدوره اليوم

[مليت فرقاكـ]

توها يعني من ولدتي؟؟
وااااااااااااااااو زهق

[منى المحبين]

اي بعد شهرين جاتني حظ منحوس

ولا اول مره 5 شهور وناسه

مدري لان قيصري اول مره فطولت

[منى المحبين]

بس الله يعزك متقطعه والدم عندي قليل

اول مره كذا

تتوقعين مع الرضاعه

[مليت فرقاكـ]

اي يمكن من الرضاعه

يلا عشان تطمنين انك مو حامل

شوفي سويت مفرش نفاس لي وللبيبي نفس الشئ يعني في رسوم اطفال عاديو لا بايخ بصارحه عاد

[منى المحبين]

بالعكس حلو

انا سويت لسرير زينب ومفرشي نفس الشي

[مليت فرقاكـ]

شريتوا عزبة رمضان هههههههههههههههههه

الله يعينا على رمضان هالسنه

[مليت فرقاكـ]

يعني عادي؟؟..
انا كنت مقتنعه بس اليوم مدري شجاني حتى زوجي عصب قال كلا كذا انتي تترددين
في رسوم حقك يعني؟؟

[منى المحبين]

اي شرينا العزبه الخميس الصبح

وخذنا البنات معاي

[مليت فرقاكـ]

زين افتكيتي
انا ماتزيد عزبتي حييل يعني خرابيط بس وهالسنه عاد بخربط عدل ههههه

[منى المحبين]

انا قلت الحين السنه بصوم رمضان كامل لاني ارضع كله
بس مافي فايده لازم ناكل كم يوم
بس في امل يمكن الرضاعه تاخرها وتجي بعد رمضان

يارب

[منى المحبين]

انا احتار مع زوجي مو اي شي يعجبه

شكلي طول رمضانن بسوي مكروينه وبس خخخخخخخخخ

[مليت فرقاكـ]

يؤ انا عكسك مايحب ا لمكرونه حييل ..يزهق من كثر مايسون لهم في العمل يقول
ولجا اكيد يبي خرابيط وانا عاد ثقيله خووش

[مليت فرقاكـ]

البنات هونوا مايدخلون اخر الليل بس انا وانتي خخخخخخخخخخخخخخخخخخ

[منى المحبين]

امه ماتقصر تجيب الهريسه والشوربه

واللقيمات

[منى المحبين]

صج مافي احد يدخل

شكله في رمضان بينقرضون مره وحده

تصدقين زوجي عنده دوام بكره وقاعد يلعب بلياردو هالحزه ههههه

[مليت فرقاكـ]

هههههههههههه
\دخلي لعبي معاه بلياردوا هوع

[الاميره ياقوت1]

سلام شخباركم يا حبايب والللللللللللفففففففف مبروك سويت عقبالي عن قريب قولو امين

[مليت فرقاكـ]

الا بيولدون في رمضان

ببقى انا انتظر موعدي هووع

[منى المحبين]

وعليكم السلام

اخبارك

[مليت فرقاكـ]

آمين يقوته{...
شخبار التعب معاآج؟؟

[مليت فرقاكـ]

سويتي لك جدول نفاس منو؟؟.
ودي اسوي يعني خلطات وخرابيط اشرايش

[الاميره ياقوت1]

نحمد الله ونشكره (عندي سؤال قبل الولاده بكم يوم يجي اسهال؟؟؟؟

[مليت فرقاكـ]

اي ياقوته يجيهم بعضهم اسهال لان يساعد الرحم ينفتح
يارب يسهل عليك

[منى المحبين]

والله ماسويت لابرنامج ولابطيخ خخخخخخخخ

اميره انا يوم الجمعه جاني اسهال وترجيع مو طبيعي

ويوم لسبت جاني طلق

وولدت الاحد

[مليت فرقاكـ]

ربي يسهل عليج يالدووبه وتفش دبتك خخخخخخخ

هانت ماعليش

[مليت فرقاكـ]

ياقوته اشرايش انا سويت مفرشي ومفرشا لبيبي نفس الشئ رسومات اطفال؟؟بصراحه عطيني رايش

[مليت فرقاكـ]

تفش يابنات ردوا بسرعه اهئ

[منى المحبين]

شفيك مليت موسوسه ههههههه

كلها اربعين يوم وتحطينه على جنب

بتروحين مليت عند الوالده

[مليت فرقاكـ]

اي والله هههههه

اي بولد عند امي بس احاتيها كل مشغوله ولااحد يساعدها وخواتي هم وقلتهم بيتهم كلا معفوس وعلى امي

[ام نونو@]

السلام عليكم
شخباركم كرووووووووووووووووشات

[مليت فرقاكـ]

وعليييييييييييكم السلام ام نونو شخبارش؟

شفتي البنات مايدخلون هونا اهئ

[تنهيدة ودااع]

هلا بيكم كروووشات شعلومكم

مبروك عليكم ولادة سوسو


اخبار ميمو عساها ولدت

[منى المحبين]

اي ولدت جابن بنوته

[دلوعة]

السلالالام عليكم كروشاات كيفكم
وكيف التعب معاكم

[منى المحبين]

هلا دلوعه وتنهيده اخباركم

[دلوعة]

الحمدالله تمام بس لازم تعب الحمل تعبانه من ظهري مرررة
انتي كيفك منى وكيف بنوتاتك

[دلوعة]

شكل البنات ماقاموا يدخلون زي قبل

[ام نونو@]

&&&&&&&&&&&&&&&&

[يارب عفوك]

هااااااااااااااااااي
شخباركم؟

[دلوعة]

الحمدالله تمام
انتي اخبارك واخبار فطوم

[تنهيدة ودااع]

ياقلبي ميمو جابت بنوته؟


اخبارك منى والدلوعه وعفوك شعلومكم

[منى المحبين]

الحمد لله انا وبناتي بخير

عفوك اخبار يادوبه

[يارب عفوك]

تمام يالغووووالي..
وش مسوين بالحمل عساكم مفحطين

[دلوعة]

الحمدالله تمام بس تعبانه من ظهري مرة
اااكيد عفوك الكل مفحط مع الحمل

[يارب عفوك]

مابرح ظهرك..الله يعينك..
انا اليوم طلع لي شي جديد فخذي يضرب كأنه احد جالس يضرب فيه..من قوة الالم ابكي والله وش اسوي كله هالبنت ترافس هناك ويألمني..

[مليت فرقاكـ]

انا توني جايه من التفحيط خخخخخخخخخخخخخخخخخخخ
تعبت وربي

[مليت فرقاكـ]

الله يعينك عفوك ...
اشرايكم بنات سويت لي مفرش لبيبي ولي طقم بس في رسوم اطفال تتوقعون يصلح لي؟؟

[دلوعة]

الله يكون بعونك كل شوي طلع لك شي تشتكي منه عفوك وربي مالومك
الله يسهل علينا وعلى اجر انشاء الله

[دلوعة]

مليت من وين فصلتيه وايش الوانه

[تنهيدة ودااع]

مليت عادي انا كنت بولادتي ببنوتي فيه رسومات عادي

[مليت فرقاكـ]

دلوعه كم حددوا موعد ولاتج؟؟..

[يارب عفوك]

اي حلووووو مليت..

انا عندي يوم انا بنت بس ازرق لونه..وفيه ميكي

[مليت فرقاكـ]

انا عاجبني قبل بس وسوست حيل اليوم مدري شجاني

[مليت فرقاكـ]

اي ازرق حتى انا خخخخخخخخخخخخ

يعني مايعايبون هالناس ؟؟؟
عصب زوجي يوم قلت له وسوست مساعه هوع

[دلوعة]

20/10 بشوال

[مليت فرقاكـ]

ليش ماتدخلون مثل قبل هاه؟؟؟؟

البارحه طلعت لي قرون خخخخخخخخخخخخخخخخخ

[يارب عفوك]

الله يعينا بسسسسسسس..
انا قريت بالمنتديات عن الم الفخذ
وقالو البيبي يكون متمركز هناك
وبسبب كبر الجنين لإنه يكبر بالتاسع اكثر من قبل
والله يعين بس

[دلوعة]

ليه دام عاجبك ليه توسوسين وانتي شدخلك بالناس
اهم شي انك مقتنعه

[يارب عفوك]

ههههههههههه انتي مليت مع هالوسواس يبغي لك ضرب محترم
انتي توسوسي وتخليني مثلك

[مليت فرقاكـ]

واو ربي يسهل علييييييييييييييييك
شكلي بضل لعقب العيد حتى انا خخخخ

[دلوعة]

يالله على اجر انشاء عفوك
والله ظروف مااقدر ادخل دايم يامليت

[مليت فرقاكـ]

هههههههههههههههههههههه

شسوي تعبت وانا اوسوس ههههه

[يارب عفوك]

بغير النك حقك..الوسواسيه..شور ايك لايق عليك مو ^^

[مليت فرقاكـ]

ربي يعينك دلوعه

عفوك تحملي ماعليه هانت الحمل متعب والله بس على اجر

[دلوعة]

اقول مليت انتي متى حددوا لك موعد الولاده

[مليت فرقاكـ]

اي حييييييييييييييييييييل ههههههههههههههههه

مدري ليش انا كذا هوع

[يارب عفوك]

انا بولد قبلكم وااااااااااااو وناسه

[مليت فرقاكـ]

الخاص 1 شوال
والحكومه 4 شوال

[دلوعة]

اقول سوسويت ولدت امس ولا لها كم يوم

[مليت فرقاكـ]

هههههههههههه
عفوك بتصيرين ام باذن الله قريب
عاد دخلي كمنينا زين{...

ربي يسهل عليج

[دلوعة]

ليه بعد كلن يحدد على كيفه

[احبك ماما]

السلام عليكم ...
شخباركم المنتدى الحساويات في تناقص مستمر ...hwaml03

[دلوعة]

اقول الا ضناني ولدت

[تنهيدة ودااع]

بنات زوجي مفكر ياخذ له دوره بكندا ويبي يروح بنفاسي ويظل 3 شهور

ومن قالي وانا مختبصه وتفكير وحالتي حاله انا بصراحه ماتعودت على فراقه ولا مره طول على اسبوع حتى كيف الحين 3 شهوور
هو ماخذ رايي بالسالفه بس ما ابي اخرب عليه ولا ارضى لانه هو من زمان وده يروح
وش رايكم وش الحيله

لاتقولون روحي معه ماينفع اروح لانه دوره وكلا ينصحه انه يروح عزابي لانه بيظيتكلم معنا عربي لوكنا معه بس لوكان لوحده او مع عايله يضطر يتكلم انجليش

[مليت فرقاكـ]

خليه يروح تعدي 3 شهور عشان مصلحته

[دلوعة]

وعليكم السلام
الحمدالله احنا تمام وكلن يشتكي للثاني من التعب ههههههههههههههههه
انتي كيفك احبك

[مليت فرقاكـ]

هلو ماما

مدري عنهم بس الخاص 2 قالوا لي 1 شوال
والحكومه 4 مدري من فيهم صح

[مليت فرقاكـ]

متى يجي ولدي بس زهق والله خخخخخخخخخخخخخخ

[يارب عفوك]

ان شاء الله مليت بدخل مااقدر ع فراقكم..
.
.
هلا احبك منووووره يالغلا..

اتوقع ضناني ولدت من شربت الخروع مالها حس هههههههه
.
.
تنهيده.. ياقلبي عليك الله يصبررررررك والله
بس ليه مايروح اذا خلص نفاسك احسن

[دلوعة]

يلا هانت مليت غمضي فتحي الا تعدي الايام بسرعه
الله يسهل علينا

[يارب عفوك]

مليت عادي مافي فرق..!!

احسن من غيرك بالاسابيع فرق

[تنهيدة ودااع]

عفوك هو كان بيروح برمضان بس اجله

ومو على كيفه على ظروف شغله
وعلى المعهد اللي بياخذ فيه دوره لهم تواريخ محدده

[يارب عفوك]

يالله..~_~
طيب كم بياخذ يوم من نفاسك وبيروح..

[دلوعة]

االله يكون بعونك تنهيدة والله شي يحير

[مليت فرقاكـ]

اي اهم شئ نولد نفتك ياربي يسهل على الجميع ويرزق المحرومين

[مليت فرقاكـ]

صدقينيا لشهور تعدي بس فرقاه صعب يالغلا
انا زوجي اول ماشتغل 40 يوم وزهقت بس تحملت

[تنهيدة ودااع]

مدري بس بيحظر ولادتي يمكن يحظر اسبوعين وبعدها يمشي

واذا راح مشكله مادوي اروح اقعد ببيت اهلي زهق مافيه احد كل خواتي متزوجين وببيوتهم

وببيت اهله برضوا بزهق كلا قاعدين بالبيت ولابغيت اروح جمعة خواتي من يوديني

والله اني مكتئبه حددددي

[مليت فرقاكـ]

حتى انا بيت اهلي زهق والله حييل شوفيني لراح اضل بيتنا اريح واحاتي نفاسي لان زهق هناك بس شسوي

[تنهيدة ودااع]

مليت انا مو ذابحني الا فراااقه مامره سافر بدوني

[يارب عفوك]

الله يكون بعونك جد
فراق الزوج صعب وبالذات وانتي والد
خاطرك كله جنبك..
انا متشوقه ابغي اشوف وش بيسوي اذا ولدت

[تنهيدة ودااع]

انا ما احاتي نفاسي لني بكون ببيت اهلي لانه تقريبا نهاية رمضان وعيد وخواتي يجون يباااتون بيت اهلي ووناسه

المشكله لاراح هو وهم راحوا لانهم بالدمام

[دلوعة]

الله يكون بعونك من جد فراقه صعب
طيب ياجل السفرة لوقت ثاني عشان تروحين معه

[يارب عفوك]

اي صح ملل بقوه..
بس اكيد يجون لك ضيوف مابتزهقي

[مليت فرقاكـ]

انا ليومك لراح ازهق حيييل وكلا اقوله تعال زهق

[احبك ماما]

تنهيده انتي عندك بيبيات ؟؟؟

[دلوعة]

ايه الله لايحرمنا من ازواجنا ويخليهم لنا
جد الوحدة من دون زوجها ملل

[تنهيدة ودااع]

دلوعه ماينفع اروح معه الحين والا بعدين بالدوره

هو يقول اذا قبلوه انه يدرس عندهم سنتين بعد الدوره بيجي ياخذني

[يارب عفوك]

انا زوجي كان بالجبيل كنت اصيح لازم اذا مشى..
وبعدين اسكت اضل يومين بكي متواصل..
وتعودت قمت بس اصيح يوم المشيه لإنه يضل اسبوعين ماشوفه

بس يوم نقل احس يوم بالجبيل احلى تحسي تشتاقي له وهو كمان
وعندكم سوالف اللحين كله ساكتين وملل

[مليت فرقاكـ]

ماما وين رحتي ؟؟..

[تنهيدة ودااع]

ماما عندي بنت والثاني بالطرييق

[ام نونو@]

اخباررررررررررررالجميع انشاء انكم بخير

[مليت فرقاكـ]

انا ابيه يمي هو زوجي من النوع الصامت هههههههههههههههههه
تعودت عليه هووع

[مليت فرقاكـ]

انا بخير بس لازم من هالتعب

[يارب عفوك]

بخير ام نونو انتي كيفك غلاتي..
.
.
مليت مو حلو الساكت انا من النوع احب الهذره وهو ساكت زهق

[تنهيدة ودااع]

عفوك حتى انا ناقلينه كان بالجبيل وسويت الهوايل صياااح والنفسيه زفت مع انه ماياخذ اسبوع حتى هناك حده 5ايام بس انا حيل متعوده عليه ولاجااا يروح يصيح من صياحي اكسر خاطره

كيف الحين 3 شهور متواصله

[ليونيته]

هلا كروشات اخباركم

[دلوعة]

حسيت بشعورك تنهيدة وربي معاناة
الله يصبر قلبك

[مليت فرقاكـ]

ليون هلا
اي يزهقني ساعات بس شسوي وانا هذاره حدي مافي فايده تعبت معاه هذا طبعه

[دلوعة]

انا الحمدالله تمام انتي ليونيته كيفك

[ليونيته]

اخبارك حبيبتي عفوك يجيك الطلق ولا لا

[تنهيدة ودااع]

هلا وغلا ام نونو نورتينا اخبارك

[مليت فرقاكـ]

انا هذا كل ماراح ازهق واتعب من التفكيرو احاتيه حييل بس شسوي هذا شغله

[يارب عفوك]

هلا ليوووووووون منوره يالغلا فديتك والله وحشتيني اوي اوي..
ازيك..؟
.
.
تنهيده.. اي صعب فراق الزوج وبالذات اذا كان حنون
وطيوب مو نشز ^^

وبعد اذا كان عندك اولاد حلو يكون زوجك جنبك عشان اذا مرضو لاسمح
الله..

[يارب عفوك]

هههههه ليون لاوالله ولاشي,,

بس الم الظهر وبعض الاحيان تجي لي نغزات من (تحت) مثل السكين تروح وتجي
وانتي؟

[احبك ماما]

هذانا مليت
اليوم رحت الممشى ومن الحره قمت اركض لاشعوري

ابي اولدددددددددددددددددددددددددددددد خلاص استوى اشبقى بعد ...استغفر الله

[مليت فرقاكـ]

بنات اذن يلا سي يؤ...
لنا لقاء ودحلوا عاد

[تنهيدة ودااع]

اخبارك ليونته

[ام نونو@]

تمام بس احس هاليومين الم بجنبي

انتي اخبارك واخبارالبيبي

[مليت فرقاكـ]

ههههههههههههههههه ماما كثري رطب وتمر واقري سورة مريم

[مليت فرقاكـ]

بقوم اصلي واحتمال ارجع لكم
بااايؤ اللحين

[تنهيدة ودااع]

وانا بعد بصلي وبرجع

[يارب عفوك]

يلا هانت ماما ماباقي شي..
بس جد عيال هالايام اشك في شي بالبطن يخليهم مايطلعون..!
مايصير عاد كذ1

[ام نونو@]

عفوك ذكرتيني بايام الاربعين
كان زوجي موطيقه

[يارب عفوك]

تقبل الله منكم جميعآآ
وانا طالعه واذا بترجعو برجع.. اذا راح زوجي العمل الساعه 4 ونص
انتظروني والإ.....








ببكي ومايصلح لي البكي انتبهو خخخخخخخ

[ام نونو@]

موطايقه من سرعه كتبت غلط

[احبك ماما]

صحيح مليت التمر والرطب يجيب راس ........

قسم لااكل نخلت ابوي اجل ..........ابي اشوف بيبيااا في اقرب وقت

[ام نونو@]

يلا بروح اصلي يمكن ارجع

[تنهيدة ودااع]

بااااااااااااااااك

[دلوعة]

باااي اشوفكم على خير

[احبك ماما]

يالله بصلي وبرجع

[ليونيته]

هلا تنهيده انا الحمد الله والله اني مثلك بضبط ياعفوك بنات تحطيم محد ولد انا حتى بطني مانزل غريبه

[ليونيته]

يؤ حرام مسكينه احبك ماما انا في الاسبوع 36 وزعلانه وابي اولد اليوم قبل بكرا وانتي ياحرام 38 اللخ يكون في عونك امشي واجد ماتحسين باءلم

[ام نونو@]

الله يهون عالجميع وتجيبوا بالسلامه
انا في ولادتي الاولي طوفت علي موعد الدكتوره 8ايام

[احبك ماما]

ليونته الا المممممم ونغزات وثقل وحاله....بس الم دووره لا مايجيني ..

ولمن يتحجر بطني احس كانه حاجه بتنزل وضغط قوووووووووي من تحت اذا كنت جالسه اقوم اوقف من الالم والضغط....

[ليونيته]

شلون يعني طوفت ولدتي بعد التاسع

[ليونيته]

طيب يا ماما وش قالو لك المستشفى بعضهم ما يجيهم الطلق نهائي اخاف البيبي يتعب كذا ويقولون اذ تيبس البطن يقل المويه عند الطفل انتبهي

[احبك ماما]

شوفي انا في حملي الاول كنت اراجع في الولاده وولدوني بطلق صناعي لاني عديت التاسع وخت 10 ايام من العاشر ...وتعذبت زلزل ظهري تزلزل ...ولين الحين وظهري يالمني ..

والحين اخاف اروح لهم ويحجزوني عندهم ويحطون لي طلق صناعي لانه على حسابهم انا كل تاريخ 12/11 اخلص شهر وادخل شهر جديد يعني ع حسابهم اليوم اخر يوم لي بتاسع ....

[ام نونو@]

ايه طوفت التاسع
بعده8ايام

[يارب عفوك]

بآآآآآآآآآآآآآآآآآآآآآآآآآآآآآآآك

ليون حنا تو بدري علينا نفكر بشي اسمه ولاده

[مليت فرقاكـ]

انا باك خخخخخخخخخخ
اي ماما يسهل
حتى خالي مساعه يقول اكلي رطب قلت لين ادخل التاسع هووع

[مليت فرقاكـ]

ترى مو شرط دامكم دخلتوا التاسع هانت اي لحظه توقعوا

[مسك الجنه]

مررررحباااااااااااااا

هااا وش الأخبار من ولد ومن جاب البنوته وومن جاب الصبي مافيه اخباااار حلوه ...؟؟

[يارب عفوك]

!احلى باااااااك مليت..
تبغين احسبك بفطوري خبز بالجبن من المخبز..
يعني خبر من المخبز ويطون فيه جين ويكون ضعيف وطويل غرفتيه

يكون مثل الصاج..
..
امممممم صح كلامك متى مالله اراد حنولد

[يارب عفوك]

!هلا مسك منوووووووووووره فديتك

والله الحمدالله ولدو 3
ميمو..بنوته
شموخ الكون.ولد
سوسويت ..ولد
والفال لنا

[مليت فرقاكـ]

نمتوا شكلكم هاه؟؟
لو داريه مادخلت هووع

[مليت فرقاكـ]

يسلمو عفوك
اي ابي يممممممممممممممي بالعافيه عليك وعلى فتومه

[يارب عفوك]

!لا مانمنا..

بس هم كذ1 .. يكتبو بالدردشه ويروحو مواضيع ثانيه وينسونه هع

[يارب عفوك]

!ربي يعافيييييك..
والله جايعه من عشا البارح اللي مااايشبع عصفور للين اللحين

[مسك الجنه]

يارب عفوك شخبارك
والحمد لله على سلامتهم وعقبال التواسع

بنات انا من شوي قمت ارتب البيت ولما خلصت بدت تجيبي الام مثل الام الدوره على جانبي بطني هل هذا طبيعي او من التعب او ايشششش؟؟؟

[مليت فرقاكـ]

صاجه..هووع

ياختي زهق بقوه

[مليت فرقاكـ]

من التعب مسك لاتجهدين نفسك

[مليت فرقاكـ]

البارحه رتبت المخزن وتعبت حدي تحسفت اني رتبته ههههههههه

[مليت فرقاكـ]

مشتهيه رز تحت القدر ههههههههههههههههههههههههههههههههه بس شيسويه هالحزه

[يارب عفوك]

!بخير يالغلااااا..
لا لاتخافي هذ1 من التعب.. بس لاتجهدي نفسك مره ثانيه

[يارب عفوك]

!مليت اوما رز هالحزه هههههههههااي

الناس هالحزه تشتهي بيض جبن حليب مو رز خخخ

[مسك الجنه]

مليت الظاااهر كذااا هذا انا برتااااح

[يارب عفوك]

!يالله بطني يألمني حيييييييييييييييييييل وش اسوي ويخف

[مليت فرقاكـ]

روحي الحمام..ههههههههههههه

انا بعد كلا بطني يالمني

[ليونيته]

اهئ اهئ اهئ لا تحطميني يا عفوك ابي اولد قبل اخلص التاسع

[مليت فرقاكـ]

يمكن بتولدين عفوك..؟

مغص ولا كيف؟

[ليونيته]

انا توني مخلصه فطور كنت اكل كورن فلكس وماعزمتكم ههههههههه

[يارب عفوك]

!لا مو حمام بس احس متحجر ويألمني اهئ اهئ..اوف
..

هلا ليوووووووون
ان شاء الله بس اللي يشوف هالمنتدى والناس اللي حامل فيه ماتتفائل كلن يخلص التاسع

[مليت فرقاكـ]

اي حتى انا اتوقع هالمره بخلص العاشر هاهاي

من كثر هاللي هنا محد ولد....الا بعد تفحط لوول

[مليت فرقاكـ]

انا كلا احس يرفس في جوانب رحمي يعني من تحت اشلون كذا

[يارب عفوك]

!لامليت لاتخوفيني اهئ
واصلن انا مو عارفه المغص كيف اهئ اهئ..

ليون عليك بالعافيه يالدووبه البخيله خخخخخ

[يارب عفوك]

!هم يقولو اللي تحس الرفس تحت يعني الجنين مقعدي..
واللي تحس الرفس فوق الصدر يكون قلب..
والله يستر بس

[مليت فرقاكـ]

المغص مثل تبين الحمام وغازات..

ربي يسهل ماتدرين والله
كم لك بالتاسع؟

[يارب عفوك]

!تصدقون طاف ع موعدي يومين ولارحت خايفه تقول الجنين لسى مقعدي وانصدم

[مليت فرقاكـ]

مايندرى والله من التعب مانتحرك ربي يستر

[مليت فرقاكـ]

روحي يالدووبه اللي الله كاتبه بيصير يعني لجلستي كذا ماراح يتغير شئ روحي تطمني

[يارب عفوك]

!اها لا انا احس كأنه انتفاخ وبطني مشدود حيل.. ويألم..

انا بالسونار لي بالتاسع اسبوعين والشريط اسبوع واشوي

[ضناني الشوق]

السلام عليكم وصباح الخيرااات والليرات وان ماكبرت ماراح تصغر .....

[مليت فرقاكـ]

ربي يسهل علييييييييييييييييييك يارب

وتجبين فتوومه

كشخه لوول

[مليت فرقاكـ]

خخخخخخخخخخخخخخخخ

ضناني عسى.........................
يلا هانت هووع

[مليت فرقاكـ]

جوعوني هاالبنات بس شيقومني هالحزه اسوي لي فتوور

[ضناني الشوق]

والله ما سوى شئ غير ذبحني بالمغص وقله النوم حالفه هالبنت ماتخرج ....

[يارب عفوك]

..هلا ضناني.. منوره
والله فكرتك ولدتي اووف..
ربي يسهل عليك..

واليوم شكل شريطك بوقف خلاص
لإنك بالاسبوع 39 و7 ايام

[مليت فرقاكـ]

قايله من قبل لاتشربونه بس ماطاوعون

هو يرخي الامعاء

[ضناني الشوق]

ماشاء الله يارب خلاص انتي بالتاسع الله يسهل علينا بس ياويلك تولدي قبلي ....

[يارب عفوك]

..ههههه مليت قومي سوي لك شي ع الطاير^^***^^

[مليت فرقاكـ]

ربي يسهل وخلوا الخروع مناااااااااااااااك
اللي ربي كاتبه بيصير
زكل شئ بوقته حلو
تعالي عفوك من زمان ملوكة ماشفتها

[يارب عفوك]

..هههه ضناني لا وش اولد قبلك

انا بس حامل بداية ذو الحجه اتوقع يعني شعبان بولد..
يعني حملي مو متأخر عن موعد اخر دوره

[ضناني الشوق]

ياربي يعني خلاص انا دخلت الشهر العاشر ...

مليت وش اساوي الدكتور من جهه وزوجي من جهه غير انو عندي زلال الحين والبيبي ماشاء الله حجمه كبير وعطاني فرصه لحد الاحد عندي موعد بكرا وقالي لوماولدتي قبله راح اديك طلق صناعي ...

[يارب عفوك]

..اي من زمان مااشفتها
اتوقع مشغوله بزواج اخوها..

وغنوجة خالد حيل مشتاقه لها ..لها شهر مادخلت ان شاء الله خير

[ليونيته]

ضناني للحين ماولدتي ياويلي شكلي بطلع ماراح اكلمكم لين اولد اي وحد تدخل هذا التجمع تولد في العشر لالالالالا ماصدق ياربي والله تعبانه تخيلو خاطرت وشربت خروع وجاتني دوخه ورجعت ولا جاني الطلق تخيلو الحمد الله والشكر

[يارب عفوك]

..شروقايه كمان اختفت ان شاء الله ولدت..

ياقلبي انتي ضناني ربي يسهل عليك
بس ليه دامك تعرفي الجنين كبير ليه ماسويتي طلق صناعي بدري
عشان مااتتألمي

[مسك الجنه]

يؤؤؤ باااااااك رحت عالمسن ونسيتكم ههههههههههههههههههههههه

[يارب عفوك]

..ليون افا اخذتي خروع من اللحين
شكلك مره مستعجله ع البنوته خخخخخ..

المهم ليون سمعت الخروع ينفع للي تعدو التاسع..

لإنه يجيب لهم اسهاال وولاده ع طول مثل عمتو
.
.
ليون شورايك افتح لي ولك بس دردشه عشان نولد بسرعه<<اي هين ^_^

[ليونيته]

والله شموخ اولدت مبرووووووووووووووووك عليها وش جابت

[ضناني الشوق]

هلا ليو وانا كمان شربت الخروووع وما استفدت شئ غير رايحه جايه ع الحمام الله يعزكم وحاسه ريحته بجسمي الى الان ووووووووووووووووووووووووووووع خلاص لاعت كبدي الله يصبرنا ...

[مسك الجنه]

ماشاءالله في وقت قصير صارو ثلاث صفحات الله يزييييد

[مليت فرقاكـ]

ولكم باك مسك

ضناني توكلي على الله وصناعي ماعليه ربي يسهل \
تفألوا مايصير هيك

[يارب عفوك]

..احلىىىى باك مسك نورتِ..
.
.
ليون ايوه ولدت بعمليه مسكينه بس ماادري ليه عمليه
وجابت ولد

[مليت فرقاكـ]

شكلي بولد قبلكم خخخخخخخخخخخخخخخخخخخخخخخخخخ

تحطيم لووول

ربي يسهل وبكرا كلكم والدين

[ليونيته]

لا مش مساءله مستعجله تعبانه واجد ورجلي تعورني وكل شي فيني

[مليت فرقاكـ]

تبون خبز وجبن؟؟...

جعت وسويت ...

يبي لنا نروح لهم نتحمد السلامه اشرايكم

[يارب عفوك]

..اي والله تعب حيييييييييييل والرجول مااقدر اضغط عليها بالارض صارت وارمه..الله يعينا بس..

عليك بإلف عاااااافيه مليت

اي نزورهم بس المشكله مين يودينا

[مليت فرقاكـ]

الله يعينكم والله انا بالثامن وتعبانه حييييل اشلون انتوا
وبطني يتحجر وحالتي حاله وسواد ومتن صرت كلش والمشكله يعايبون مايقولون حامل اهئ

[ضناني الشوق]

نبي سياره قربوووعه من شان تولدنا من الهز خخخخخخ....

[يارب عفوك]

..هههههههههههه مليت
انا اليوم رافعه يدي وشفت اباطي وتخرعت منه بسرعه نزلته يخوف صار اسوووود

وجسمي متيييييييييييييييييييييين

وانا اول وزني 49

[مليت فرقاكـ]

كل وحده بجهه عاد شموخه الرياض وميمو حفر الباطن

مافي الا سويت وشرقاويه الرياض

[يارب عفوك]

..ههههههههههههههه ضناني..

اجل نشوف وانيت

[مليت فرقاكـ]

ياختي اباطي شافته خالتي قالت بس ولاتلبسين حفر ههههههههههههههههههههههههههههه

قلت لها ولي بس هووع

ورقبتي ووووي ..والمتن بجهه عاد هووع ..وامي تقول اشحلوش وشزينش صج القرد بعين امه ...............................خخخخخخخخخخ

[ضناني الشوق]

ههههههههه حلوه سوداء يعني زي ايش خخخخخخخ ...

انا بس رقبتي واباطي تغير لونهم ...

واخوات زوجي يقولي ماااره متغيره ومسمره >>>>تحطيم

[مليت فرقاكـ]

ماعليه هانت ههههههههههههههههههههههههه سود سود بس خل نولد..
بطقم انا وزوجي كلا اقوله هههههههههههههه

[مليت فرقاكـ]

المهم انا جاني النوم يلا بقوووم
تصبحون على ولاده خخخخخ

[ضناني الشوق]

الله يسمع منك وانتي تصبحي ع تسعه وخير ...

[يارب عفوك]

..ههههههههههههه مليت

انا بطني اسود وفخوذي واباطي وصدري وش باقي؟؟؟

رقبتي بس اللي ماتغيرت هوع

[ضناني الشوق]

اهم شئ الرقبه بصراحه ما اهمه تكون لون وجسمي لون تاني ...

اقولك تعالي نمشي ع السطح قبل تحتر الشمس ...

يمكن ربي يسهلها علينا ونولد مع بعض ..

[يارب عفوك]

..اي انا اخدع كلن من يشوفني يقول ماتغيرتي ههه وهم مايدرون باللي داخل..
.
يلا نروح بس بشرط سوي لنا فطور عشان ناكل ونمشي ولانحس بتعب

[يارب عفوك]

..بس ضناني انتي ماابيطلع هالاسبوع الإ وانتي والد وحتشووفي

[يارب عفوك]

..يلا ضنووو بطارية الاب توب صارة ضعيفه,,

على إني عارفه لوطلعت مافي نوم بس وش اسوي اهئ
.
.
ليون,,احبك ماما,,تنهيده,,مسك,,ضنو..

تصبحون ع خير حبايب قلبي

[ضناني الشوق]

امري وتدللي وش تبين ع الفطور اللي خاطرك فيه قولي >>>>بس لا تزودينها عاد خخخخ


عمتو راحت للعمره وسابت الاندنوسيه عندي وابوك يالدلع ربوع وخميس وجمعه واليوم حتروووح وانا ماااره محتاسه مالقيت شغاله وحالتي يرثى لها هئ هئ هئ ...

الله يسمع منك بكرا يقول بديكي طلق صناعي يعني ممكن اولد بعدها بكم عندك فكرا والا لا ...

[ضناني الشوق]

وانتي من اهل الخير الله وياك ...

انا بنزل تحت اصحي الشغاله تنظف وتكوي قبل تاخذها عمتوووو ...


يالله الله معاكم ...

[ليونيته]

وانتي من اهله حبيبتي عفوك الله يسهل عليك روحي ياضناني ولدي صناعي ياحضك جاك الفرج

[ليونيته]

تصبحون على خير فيني النوم بس ماني قادره انام الله يعيني والله ويسهل علينا يارب

[~*روز*~]

صباح الخير


تحطييييييييييييييييييم

لسى ماولدت hwaml15


ربي يسهلها على الجمييييع

[الام سوسو]

صباح النور روز كيفك اليوم


انا صحيت بدري عندي مقابله اليوم ومن ساعه وربع تقريبا جاني طلق خفيف يجي ويروح كل 10 دقايق


قلت اقوم اسوي حلاوه امكن اولد اليوم ادعولي والفال لكم يا تواسع

[الام سوسو]

الا انتي ايش اخبارك ويا التجارب

[ام دانيال]

صباح الخير حوامل.... اخباركم مع النونو الدميل

[الام سوسو]

بنات انا باذن الله اليوم ولاده تكفون ادعولي واشوفكم على خير حبيباتي

[الحق المبين]

الله يهون عليكي يا الام سوسو وتقومين بالسلامه يارب

[ام دانيال]

يارب هون على الام سوسو وكل حامل
شخبارك الحق؟

[الحق المبين]

الحمد الله بخير

[يارب عفوك]

ياعمممممممممممممممممممري سوسو

ربي يهون عليك وادعي لنا نلحققققققققك

لإني زهقت ومليت
.
.

اخباركم المتواجدين

[الحق المبين]

كيفك يارب عفوك ان شاء الله انتى وراها مباشره تولدين 0

[ام دانيال]

اهللين فيكم شخبارك عفوك؟؟ الله يسهل عليك ما بقى شئ وتقومين بالسلامة
شخباركم
واخبار التجمع بعلمكم
سوسو شكلها اولدت ما تبين الله يسهل على الجميع

[يارب عفوك]

بخير فديتكم...

ان شاء الله ربي يسمع منكمممممممم..

سوسويت ولدت..جابت ولد..

وميمو.. بنوته

[شموسه]

الله يسهل عليج ام سوسو



وعليكم كلكم

يارب عفوك اشلون ظهرج مع لحمل ؟؟؟

[يارب عفوك]

هلا شموووووووووسه نورتِ التجمع يالغلا..

والله يزيد الالم تدرين خلاص قربت الولاده

واللحين احس فخوذي من فوق مشدوده وتألم حيل مااعرف انام منها

[ام شهودة]

مساااااااااااااااااااااء الخير للجميع اخباركم حوامل انشالله بخير

[ام شهودة]

اخبارك عفوك اخبار البيبى

[يارب عفوك]

مساء النور هلا والله ام شهووووووووووده..

ماولدتي ياكروووشه

[يارب عفوك]

انا بخير والبيبي كمان متعبني دعواتك لي بالسهاله اذا ولدتِ قبلي..

انتي اخبارك ماتحسي بإعراض طلق

[ام شهودة]

لا والله اذا ولدتى راح اولد تدرين النغزات زايده عندى وما اقدر اتحرك اخاف اولد ولا احد هون كل لهى بشغله

[ام شهودة]

تعبت وانا احس با اعراض الطلق بس كاذب مو منتظم من كذا مليت

[شموسه]

يارب عفوك


شوفي لازم تمشي كل يوم علشان يروح الشد واخذي بنادول انا كل حمل لي مااستخدم الا البنادول عادي انا من دخلت التاسع وكل يوم بناول حبتين في اليوم

وربي يسهل عليج يالغلا
ووربي يسهل عليج ياعمري

[ام شهودة]

الله يسهل عليك عفوك انتى لازم تتحركى يمكن تجلسين كثير

[يارب عفوك]

انا تجي لي النغزات بس فترات متباعده

بس تألم حيل وتخف..

ويصير بطني مشدود ويتحجر حيل واتألم..بعدين يضل ساعتين ويفك