بسافر أمريكا وبولد هناك ساعدوني شو آخذ معي اغراض

[ندو &]

السلام عليكم ورحمة الله وبركاته

ابدخل بلموضوع على طول ياكروشات واتمنى تساعدوني في موضوعي

انا مسافره لاميركا اكمل دراستي بعد اسبوعين وبولد هناك ان شاء الله وطبعا انا بكريه فمو عارفه شو

اخذ معي اغراض لنفاس قبل اسافر

انا ابدي برنامج نفاس يكون بسيط ومفيد خصوصا اني بكون لوحدي ما معي غير زوجي يعني ماعندي

احد يطبخ لي وهيك

تكفون فيدوني ومابي اشياء كثير وهيك لاني انا اعرف نفسي املل ولا اقدر استخدمها

اذا كانت الاشياء كثيره

الله يسعد الي ترد علي ويسر ولادتها وحملها يارب

[المتأمله خير]

هلا حبيبتي اذ قصدك على الاكل والشرب الخاص بالنفاس القرفه واليانسون والكمون مشروبات لا تستغني عنها هناك وما يحتاج تاخذيها من هنا عناك كل شي موجود

وفي الحبه الحمرا روعه اغليها واشربيها هاي اشتريها ما اتوقع موجوده والتمر بعد اللي ببلادنا احسن

والبنااات اذا عندهم اضافه ان شاااء الله يفيدوك بعد

ويارب توصلي وتقومي بالسلاامه حبيبتي

[Mishael]

اهم حاجه شاي الاعشاب اخلطيه فعلبه مكون من ينسون شمر نعناع مجفف وزنجبيل مطحون اغلي مقدار ملقعه مع كاسين مويه كاس الصباح وكاس بالليل

وخذي معك فعلبه ثانيه قرفه مطحونه تشربينها بالعشرين الاخيره
وخذي قشر رمان مطحون معه ارطا اطحنيهم او خذيهم من العطار مطحون وحطي ملعقتين مع اربع كاسات مويه
واغليهم وغسلي فيهم طول النفاس >>هذا اكثر شي استفدت منه طابت خيوطي بسرعه واحس اني نظيفه من بعده
،،
واهم حاجه لاتشلين البنطلون والشراب ولا يدخلك هوا ولاتشربين غازيات او بوارد والمويه عادي لاتحرمين نفسك منها بس لاتكون بارده لاعاديه
ولاتاكلي الحوامض والخيار والموز وكلي شوربة عدس مهمممه للواد لفقر الدم
وابتعدي عن الاشيا اللي تسبب غازات ومساك مثل الفول والفلافل والبصل كلي خس وخبز بر
عادي لو تاكلين نفس اكلك العادي بس اهم حاجه ماتجوعين ولاتاكلي اشيا فيها فلفل لانه يسبب ماغص النفاس
ولالام البطن اشربي ينسون وكمون
والله يقومك ويردك للبلاد بالسلامه ويحفظك يارب