والدة من شهر وأحس ان المنطقة توسعت والدم ماوقف طمنوني الله يجزاكم خير

[بقايا امل2]

السلام بنات انا صار لي شهر من ولدت في مستشفى بروكير بالخبر حلو صراحه بكل شي بس احس الخياطه موهذاك الزود واحس اني لما اشوف بالمرايا احس ان المنطقه توسعت علما ان ولادتي الثالثه ورحت لدكتوره ثانيه تقول الخياطه زينه والتوسع نتيجة انك طولتي وانتي تدفعين لان ولادتي شوي تعسرت بس الحمدلله الحين خايفه والله من التوسع واحس مثل الشي البارز يمكن المهبل للحين مارجع لوضعه والشرخ اللي جاني بالشرج نتيجة الدفع بعد يعني دم من ورا وقدام الله يعين ودي تطمنوني الله يجزاكم خيرالحين الدم ماوقف بروح ويرجع شالحل خواتي

[مامي]

الله يكون في عونك والحمد لله علي السلامه بس يقولو ان الحرمه ماترد مثل اول اله بعد سنه ونتي ليكي شهر بس يعني تبغي طولي بالك شوي ثاني شي الدم ايش سببه دوره ولا نزيف ولافضل تستشيري دكتوره ياقلبي

[عاشقة طيور الجنه]

دام الدكتوره قالت مافي مشكله لاتخافي

[demoshka]

حبيبتي من الطبيعي بعد الولادة الثالثة يصير في توسع اكثر من الولادة الولى والتانية لذلك انصحك تستني بس تيجيك الدورة وتروحي تعملي تضيق تجميلي عند طبيبة نسائية


اما بالنسبة للدم في نفساء بضل عندهم الدم لبعد الاربيعين لاتخافي

اذا ماوقف بعد 45 يوم من الولادة ساعتها روحي الطبيبة

[ام عبودى]

وانا اختى احس انو توسع بس انا خامس ولادة لى كمان من الدفع تورمت المنطقه كثير وتفجرت لى ان تعسرت الولادة وكانوا يبون يسولى عمليه بس الحمد لله والله انى تمنتها عمليه لى ان المنطقه عندى صارت مثل خريطة اسرائيل بس انتى اهتمى بنفسك بنفاس وسوى رياضه وزى ما قالوا الاخوات عمليه تجميايه

[عاشقة زوجها]

الحمد لله على السلامه والله ماعندي خبره ممكن تنفعكي رياضة كيجل وانتي توك يبغالك 3 شهور عشان ترجعين مثل اول واحسن اهتمي بحالك واستخدمي منقوع الملح وان شاء الله يفيدك

[بقايا امل2]

الله يجزاكم الجنه خواتي ماقصرتوا والله يعين يام عبودي والله ضحكتيني خريطة اسرائيل عاد الله يعين الحرمه شغلاتها واجد. ماقصرتوا