باقي على الدوره 5 أيام

[حبيبي غير]

السلام عليكم اخباركم بنات
انا حاسه بأشياء غريبه هذا الشهر وباقي على دورتي 5 ايام

ياليت اللي عندهم خبره يفيدوني هل التغييرات هذي طبيعيه او لا

اول حاجه التعب والارهاق وصرت انام كثير
حبوب بوجهي وبشرتي بهتت وحتى زوجي لاحظ
رحمي احسه مشدود ويألمني مع المشي واحيانا تجيني نقزات فيه
ألم ظهري شديد بالذات نهاية اليوم يكون منهد حيلي
وبس هذا اللي لاحظت للحين ومادري اذا هو حمل لو لا

بحملي اللي اجهضته تأكدت منه لما نزلت مني نقطه دمويه بس الحين لسه ماجا موعدها

ياليت تفيدوني بخبرتكم hwaml95

[ام حسووووون]

والله ما عندي علم
اتمنى احد يفيدك حبيت ادعي لك بالذريه وتطلعين حامل ويرزقني وياك بالحمل السليم
باقي على دورتي 3 ايام وان شاء الله ما اشوفها يارب

[حبيبي غير]

مشكوره ام حسون عادعوه الحلوه

ويارب انا وياك حوامل هالشهر

ياليت اذا تحسي بأعراض معينه تكتبيها

انا كمان تجيني حراره اوقات وتروح وصداع

[قيثاره النور]

اختي اعراضك نفس اعراض حملي الاول بس موشرط تنزل بقعه دم حتى اتكوني حامل انامايصيرعندي هيك
ان شاءالله حامل وتفرحينا الله يرزقك ويرزقني ويرزق كل من تطلب الحمل

[فروووحه a]

اعراضك اعراض حمممل نفس اعراضي
ان شاءالله تكونو حوامل

[حبيبي غير]

قيثارة النور -فروحه

مشكورين حبوبات ويارب يكون حمل نفس ماقلتوا

ويرزقنا جميع .

[شيكامارا 40]

حبيبتي نفس الاعراض عندي ونزل معي 3 بقع دم من يومين فهل ممكن اكون حامل يارب تفرحنا انت وانا وجميع المنتظرات يارب

[محبوبته]

انا مانزل مني نقطة دم يعني مو شرط دليل
الاعراض مثلك تماما وزياده عليها كانت شهيتي مفتوحه للاكل لدرجة مستغربه من نفسي ..
وكان معي مغص مستمر قبل موعده بخمس ايام والغريب ان المغص مستمر
عكس مغص الدورة يجيك دقيقه ويختفي كم يوم
وكان عندي احساس اني حامل لاني قريت بالمنتدى هنا عن اعراض الحمل قبل باسبوع وكانت كلها فيني
لما جا موعد الدوره بنفس اليوم حللت طلعت حاااامل ..
الله يرزقك ويرزق كل اخوااتي المحرومات يااارب

[مي &]

يارب تكوني حااامل يارب

[حبيبي غير]

مشكورات حبيباتي كلامكم طمنني

وبقى شيء ماقلته لكم افرازات شفافه بشكل مو طبيعي

لدرجة احس فيها واروح الحمام الله يكرمكم وتنزل كثيفه

يارب يرزقني ومايكسر بخاطري ...املي بالله كبير

[منوره القلوب]

ان شاء الله تكوني حاااامل ويفرح قلبك

[ЯάŴάи❤]

إمكن يكون حمل وممكن لا أنا دي الأشياء تجيني قبل الدوره hwaml72
ماعادا الإفرازات
بس إن شاء الله تكوني حامل و أشتري تحليل حمل
أنا لو مكانك ما أصبر جلست كل شهر أحلل لأنو الدوره عندي مو منتظمه والشهر اللي ما حللت فيه حمللت hwaml72
بشرينا

[حبيبي غير]

انا دورتي منتظمه وماتجيني اعراض قبل الدوره

ان شاء الله اكون حامل وابشركم

دعواتكم ..بنتظر والله كريم

[حبيبي غير]

ابي اسئل اللي حملوا من قبل لاحظوا افرازات كثير مثل الماي واحيانا شفافه مع حكه في بعض الاوقات قبل الدوره

وهل هي طبيعيه

[حبيبي غير]

للآن الافرازات معاي وزياده بطني من تحت تحجر واحس بدوخه احيانا

واسناني الأماميه تألمني لما ااكل اول مره بحياتي تحصل هل لها علاقه بالحمل؟

وكمان حلمت حلم امس وقالوا لي بشارة حمل

يارب خير وترزقني ياكريم وترزق كل من تتمنى

[الحور ستايل]

ها اختي بشري
*

[اشتياق الروح]

يَ عممممري هاي من علامات الحمل ..

ويـآرب نكووووون انا وياك حوامــــل والجمييع ..

طمنينــــآآآآ يَ حلووهـ ..

[حبيبي غير]

قال لي زوجي بيجيب لي تحليل حمل منزلي وانا من التوتر قلت له مااابي

ودي انتظر ليوم الدوره الجمعه ويمكن اسوي التحليل الخميس

يارب ترزقني الذريه الصالحه

رب لاتذرني فردا وانت خير الوارثين

مشكورات حبيباتي وربي يرزقكم كل ماتتمنون

[ام وليد2005]

حبيبتي ابشري خير حللي وفرحينا وياك

[بنت العوض]

الله يرزقك ان شاء الله أنا نفسك مثل اعراضك رغم اني محلله تحليل منزلي قبل ثلاث ايام ماشفت الا خط واحد وموعدها السبت او الاحد الجاي الله كريم والحمد الله على كل حال بس احس فيه حمل وياااارب مانشوفها الا بعد تسع شهور........

[حبيبي غير]

ام وليد الله كريم يكتب لي اللي فيه الخير وابشركم

بنت العوض يارب انا وانتي حوامل ومانشوفها الا عقب 9 شهور

رب لاتذرني فردا وانت خير الوارثين

[حبيبي غير]

عندي الم غريب في اضلاع صدري جهة اليمين كنت احسب ريح مثل مايقولون

لكن مستمر معاي واليوم خامس لي

وامس دهنته ومافي فايده

وحده مر عليها هالشيء ؟

وهل له علاقه بالحمل ؟

[o فرح عمريo]

ان شاء الله ربي يفرحك بالحمل هالشهر حبيبتي
ويارب تكون هذه اعراض حمل

[حبيبي غير]

يارب شريت التحليل بس خايفه اسويه

وبكره موعد دورتي

[قموزة زوجي]

انتظري لبكره لو ماجات اعملي التست بعد بكره

ويااااارب يفرحك بالحمل


الله يرزقنا ويرزق كل محروومه بالذريه الصالحه يارب ياكريم

[حبيبي غير]

يارب ..مشكوره حبيبتي

وربي يرزقنا وتقر عيونا بشوفت اطفالنا <<انتظر هاللحظه

[وسيمو محمد]

حبيبتي أدعو من الله العلي القدير أن يكتب لك الحمل هذا الشهر
اللهم آآآآآآآآمين يا رب
اعملي التحليل و بشرينا

[حبيبي غير]

يارب مشكوره حبيبتي عالدعوه الحلوه
ولك مثلها ان شاء الله
امس سويت التحليل تسرعت وطلع خط واحد
واليوم موعد الدوره والجديد صدري صار يألمني كثير
وصرت احس بتعب اكثر
يارب ياكريم يكون حمل

[قموزة زوجي]

ياااااررب تكووني حاامل يااررب

ربي يرزقنا ويرزق كل محرومه بالذريه الصالحه يااااارب يااكريم

دعواتك لي اختي

[ام فطومتي]

بشرينا شنو صار معاك ؟؟؟؟؟ عملتي تحليل اخر لو لا ؟؟؟ يالله طمنينا كلنا بالانتظار!!!!!!!!!!! دعواتي من كل قلبي اللهم يرزقك بالحمل السليم المعافى ولا يحرمك منة يارب

[حبيبي غير]

قموزة زوجي -ام فطومتي
يارب اكون حامل وابشركم
ويرزقكم يالغوالي
ماابي اتسرع بالتحليل الثاني بنتظر شويات وبعطيكم خبر
يارب ترزق كل محروم

[حبيبي غير]

الدوره صار لها متأخره ثلاث ايام

وهالفتره صرت احس بعطش مش عالعاده وغازات كثير مضايقتني

يارب ياكريم ترزقني الذريه الصالحه

[جوهرة مسقط]

يارب تكوني حامل

ويرزقنا جميعا

[ام فطومتي]

عملت التيست المنزلي اليوم وطلع خط واحد وموعد دورتي غدا ان شاء الله ......... والله ما اعرف تسرعت لو هو اصلا ما في حمل ؟؟؟؟؟؟

[حبيبي غير]

مشكوره جوهرة مسقط عالدعوه ولك مثلها يارب

ام فطومتي انا نفسك وللحين عملت التست مرتين مره قبل الدوره بيوم والثانيه بعد تأخرها بيومين

توكلي على الله وانتظري

ويارب تبشرينا وابشرك ونكون كلنا حوامل

[ام فطومتي]

ان شاء الله يارب تكوني حامل وتبشرينا بالاخبار الحلوة

[حبيبي غير]

ياربي محتاره متى اعيد التست

زوجي يقول لي صبري للاربعا وانا مافيني صبر شريت جهاز التحليل عندي الحين

برايكم اسويه بكره؟

[حبيبي غير]

مكتئبه كثير

وصار يجيني وسواس انوا متأخره بسبب عارض

شنو اعراض ارتفاع هرمون الحليب

وهل ممكن يكون سبب في تأخير الدوره؟

ياليت تساعدوني

[ربووب]

مكتئبه كثير

وصار يجيني وسواس انوا متأخره بسبب عارض

شنو اعراض ارتفاع هرمون الحليب

وهل ممكن يكون سبب في تأخير الدوره؟

ياليت تساعدوني



نعم اختي ارتفاع هرمون الحليب يسبب تأخر الدورة
انا كان عندي هرمون الحليب مرتفع مرره تقريبا وصل
500 وبعدها استخدمت حبوب وصفتها لي الدكتورة والحمدلله
نزل والدورة اصبحت الان منتظمة والحمدلله

الله يرزقنا جميعا الولد الصالح

[كليوباترة]

يا رب تطلعي حامل يا قلبي

[حبيبي غير]

ربووب -كليوبترا

مشكورات حبيباتي ويارب يكون حمل مو ارتفاع هرمون

بحاول اسوي تحليل بكره موقادره اصبر

دعواتكم

[مي &]

يااااااااااااااااارب تطلعي حاامل يارب

[بنت مكه20]

باقي لدورتي 8 ايام وعندي امل بان ربي يكرمنى بالحمل وعندي مغص خاصة في الصباح ومزاجي متقلب وحرارة بس مو مرتفعه ادعولي حبيباتي

[حبيبي غير]

سويت تحليل دم البارح وطلع سلبي وسوت لي الدكتوره سونار

وقالت معك كيس صغيير واحتمال هو مسبب تأخر الدوره

يااارب تكرمني بطفل انا تعبانه كثير

[حبيبي غير]

جاتني الدوره امس الحمدلله على كل حال

[Dana]

حبيبتي لا تزعلي حالك .. ربنا كريم
الله يرزقك ويرزقني بالحمل السليم آميييييييييييييين يارب العالمين