المشكلة مالقو الكيس ولا الجنين وانا حامل؟؟ساعدوني

[صاحبة السيادة]

بسم الله الرحمن الرحيم
السلام عليكم ورحمة الله وبركاته
يابنات بقولكم سالفتي وانتم شورو علي!!!!

حللت وطلعت حامل تمااااااام ...وبعدين سوت الدكتورة طبعا في المستوصف الخاص لي اشعة سونار وقالت الكيس موجود والجنين ضعيف ولك خمسة اسابيع حامل ومافيه نبض لأنه صغير تماااااااام ...
بعدها بيومين نزل معي دم ورحت لها وعطتني حبوب تثبيت دفستون وحبوب تقلصات المعدة وحامض الفوليك وقالت استمري عليها وارتاحي تماااااااام...

بعدها بيومين ثانيات وانا اموت من الألم مغص فضيع من تحت ووجع في جنبي الأيسر قعدت ثلث ساعة الا وحسيت شي نزل مني يوم رحت لدورة المياه الا وهو دم فقط بدون قطع يوم شفتها وهي تجيني الدوخة وادق على زوجي ويوديني للمستشفى تماااام...
جيت المستشفى سوتلي الدكتورة اشعة قالت الدكتورة انتي متأكدة انك حامل لآن بصراحة مالقيت لاجنين ولا كيس قلت لها يمكن طاح قالت يالله بسوي لك تحليل دم وبول

واخذت التحليل،،،،،،، وتطلع الصدمة اني حامل بس مالقو الجنين تمااااام
قالت الدكتورة خلاص ارتاحي بحط لك مغذي وبكرة نسوي لك اشعة ويمكن يبان شي
جاء اليوم الثاني وجابو اختصاصي الأشعه عشان يتأكدون طبعا وانا حسرانه بول بغيت اموت من كثر مايضغط يدور هالجنين وفي النهاية مالقاه
تماااااااااااااام
ويرتفع ضغطي وانا اعصب عليهم واطلع من المستشفى على مسؤليتي
××××
واروح لدكتورتي في المستوصف الخاص واعلمها بالسالفه
قالت يالله اسوي لك اشعه سونار وسوتها لي ونفس الطريقة مالقت الكيس والجنين
وقالت راح اسوي لك اشعة من تحت جهاز صغير تدخله من تحت وتشوف
قلت خلاص طفح الكيل شوفي الوضع وخلصيني
سوت لي الأشعة وقالت لقيته اخيرا حجمه صغير وبدأ يضعف كان خمس اسابيع
صار حجمه ابو اربع اسابيع وهو مو بخارج الرحم ولا داخله يعني بالوسط
قلت طيب وش اسوي قالت هو كذا كذا في كل الأحوال راح يطيح لآنه ضعيف
لكن راح اسوي لك تحليل دم اذا طلع نسبة هرمون نمو الجنين فوق ال 1000فهو راح يثبت ويرتفع وينمو من جديد واذا كان اقل 400 او 300 فهو راح يطيح لحاله
وقالت وقفي حبوب التثبيت وخوذي بس الفوليك والليله نتيجة التحليل ؟؟!!!
والدم مازال ينزل بين فترة وفترة على شكل قطع صغيرة جدا

وانتم وش رايكم يابنااااااااااااااااات
ومن صار لها كذا وثبت؟؟ واذا بيطيح خلاص وش فيه شي يساعدني على خروجه بسرعة..؟؟؟
انتظركم ياااااااااااااااابنات اختكم الضائعة !!!
hwaml4hwaml9

[صاحبة السيادة]

ولا رد ؟؟؟؟؟؟؟؟

[demoshka]

حبيبتي انتظري نتيجة التحليل حرام تاخدي شي بدون ماتكوني متأكدة من التحليل


يعني صبرتي على كل شي وقفت على النتيجة اذا اخدتي شي وكان التحليل كويس رح تندمي


سلامتك حبيبتي وان شاء الله ربي يثبت حملك ويقويه

[**سماسم**]

ربي يكتب لج إلي فيه الخيره ..
أنتي أنتظري يالغاليه وإن شاء الله خير ..

[مليت فرقاكـ]

الله يكتب لك اللي فيا لخير..
ويتمم لك حملك

[صاحبة السيادة]

اهلين يابنات مشكورات على مروركم يالغاليات
اخذت النتيجة وطلعت ولله الحمد فوق الألف طلعت 14000 ولله الحمد
بس قالت لي الدكتورة لازم اسوي مره ثانية التحليل نشوف النسبة وصلت 28000 اذا تعدت هذا الرقم فالوضع تمااااااام وتقول لازم بكرة اسويه لآن النتيجه ماتطلع الا بعد بكرة
ادعو لي يابنات ان التحليل يزيد مو ينقص وان الله يرزقني ببنت اخت لبنتي
لآن عندي بنت و3 اولاد,,,,,, ادعولي مو تمرون وتطلعووووون

[دلوعة بالحيل]

الله يكتب لك الي فيه الخير
انتي ارتاحي مرا

[ســـدن]

الله يثبت حملك ويفرح قلبك وترتفع النسبه

الله يكتب لك الي فيه الخير

والله يرزقني ويرزق كل مشتهى

سدن

[أم فاطمة]

الله يثبت حملك ويطمن قلبك يارب
صارت لي نفس الحالة بحملي الاول بس الحمد لله ثبت الحمل وجبتها بنوته تجنن واللحين صارت طولي

[هتون]

الله يثبت حملك يارب

[همس الامواج]

الله يثبت حملك..ويتممه على خير إن شاء الله..

[صاحبة السيادة]

يازين كلامكم ياااااااااااابنات يريح الواحد ويخليه يتفائل
ومشكورين على مروركم وراح أوافيكم بالمستجدات بس للأسف اليوم جمعة مافيه
مختبر ...........لكم اجمل التحايا واعطرها

[demoshka]

يارب يثبت حملك وتفرحي فيه وتشوفيه

ويكون من الذرية الصالحة

[عاشقة طيور الجنه]

غاليتي اكثري من الاستغفار

وان شاء الله بكره تبشريننا

[صاحبة السيادة]

مشكورة ياتؤام كوكو على مرورك والله يسمع منك إن شاء الله
جزاك الله خيرا ياعاشقة طيور الجنة لكٍ شكري وتقديري

[صاحبة السيادة]

hwaml9 طبعا اليوم السبت رحت للمستوصف حللت وقالو تطلع النتيجة بكره بالليل
وأأأأأأانا وأأأأأانتم بالأنتظار,,,,,, hwaml16

[« خ ـجل »]

الله يطمن قلبك يارب ويرزقك الذريه الصالحه

طمنينا عنك ياالغلا

[الفراولة الحمرا]

ربي يطمن قلبك ويرزقك ويثبت حملك ....
عليك يكثرة الاستغفــــــــــــار .

[صاحبة السيادة]

مرحبا يابنات الحمد لله على كل حال طلعت النسبة 2500يعني نقصت مرة
وسوولي اشعة وقالو خلاص مافيك شي يعني سقطت وعطوني حبوب تنزل اللي بقى
في ارحامي لآنه مازال ينزل معي دم والله يعوضني خير أن شاء الله
يالله الحياة حلوووووة ولاتضيق صدوركم hwaml16hwaml13

[صاحبة السيادة]

بكرة بروح للمستشفى بيعطوني ابرة فصيلة الدم ماادري ليش ؟؟؟؟
انا يوم اترقد الأسبوع اللي راح عطوني الأبرة وبكرة بيعطونياها لييييييه؟؟؟

[<ام يزن>]

الله يتمم لك حملك وانتي والبيبي بصحه وسلامه

[sam2010]

السلام عليكم و رحمة الله و بركاته
اختي أنا أحس بالذي تحسينه فقد حصل لي ما حصل لكي .فلقد فقدت جنيني بنفس الطريقة و لكن انا من البداية قالتلي الطبيبة ان جنينك ضعيف و هو غير ينمو نمو طبيعي.و اعطتني دواء حامض الفوليك و كذا الأسبجيك.و المشكلة انها لم تشرحلي لماذا اعطتني الدواء هذا و انا لم اضع فيها ثقة فلم أشرب الدواء.و بعد 20 يوما بدأ يخرج مني دم و لكنه بنسبة قليلة جدا فأتجهت الي طبيب آخر.عندها أدركت انني حملي ينمو ببطئ و قال لي الطبيب أنني من المفروض قد شربت الدواء الذي اعطته لي الطبيبة و ان حملي بطيئ جدا فقد كنت في 10 أسبوع و لكن حملي كان في 6 اسبوع أي فارق ب 4 أسابيع فاعطاني حمض الفوليك و الحديد و أعطاني أعلم تحاليل لكي يعرف في أي اسبوع حملي.وقال ارجعلي لي بعد اسبوع لكي ارى اذا فيه تطور للجنين؟ فخرجت من عندهو كلي حصرة كاد يغمى علي.في ليلتها نزل مطر غزير عندها رفعت يدي للخالق البارئ و دعيت ربي اذا كان طفلي سيولد غير طبيعي فأرجوك اجعله ينزل برفق من رحمي .و اذا كان سيولد كامل فارجوك ثبته لي.في الصباح عملت تحاليل و قالت لي المخبرية تعالي غدا خذي النتيجة.و مضى ليلي كالكابوس أدعو ربي تارة و أبكي تارة.و ماكان في الصباح الا الذي رجوت الله فيه.فقد نزل مني دمو كثييييييييييييييييييييييييييييييييرا و بعدها توجهت الر الحمام (اكرمكم الله) و في هذه اللحظة نزل الجنين و احسست نفسي و كانني اخسر روحي.لكن بعد فترة تداركت نفسي و قلت الحمد لله ربي العالمين هكذا أو أكثر الحمد لله ان الله جعلها خفيفة و لم اضطر لكي اذهب للمستشفى.الحمد لله ربي العالمين.
اختى بالنسبة للأبرة التي قالتلك الذكتورة عنها يمكن هي ( ' اونتي د) و هي تأخذ عندما يكون دم الأم سالب و الإبن موجب.

[صاحبة السيادة]

اهلين ياام يزن نورتينا والله يجزاك خير
sam2010 مرحبا بك ونورتي الموضوع...... الغريب انهم يقولون ماعاد فيه كيس ولا جنين
وسوو اشعة لي داخل الرحم وخارجه وقالو طاح وانتي نظيفة خلاص
يوم جاء امس الخميس الصباح وانا احس بمغص يوم رحت للحمام وانتي بكرامة
الا والكيس نازل ...........صعقت يوم شفته قلت وين يقولون بالأشعة خلاص نظيفة ونزل
طبعا كنت قبلها بيوم ماأكله رشاد وهذا مفعول الرشاد نزل البلاوي اللي بأرحامي
حسبي الله عليهم ..........بس الحمد لله على كل حال بس مشكلتي الآن آآآلام بالظهر وصداع
وش الحل يابناااااااااااااات ؟؟

[حامل الله ياجرنا]

الله يثبت حملك وانتي الحين بشرتينا ان النتيجه الهرمون في ارتفاع ان شالله يرتفع اكثر وتبشرينا بولادتك ببنوته زي القمر .

[صاحبة السيادة]

مشكووورة ياحامل الله ياجرنا ومرورك اسعدني