--- الحمدلله أنا حامل ممكن تدخلن ---

[كنكونه]

السلام عليكم ورحمه الله وبركاته


اشحالكن خواتي عساكن بخير

اولا قبل لا تردن عليه ادخلن هالموضوع

http://forum.hwaml.com/t89679-3.html


الحمدلله الحين انا حامل وقبل الحمل 9 شهور اخذ الفولك 5 غرام
وربي رزقني في نفس الشهر اللي فقدت فيه بنتي :)
الدكتوره حولتني على قسم الاجنه بيتابعون حالتي ادعن لي ان ربي يعوضني عوض خير
بس يمكن يسوون لي خزعه المشيميه cvs
امنوه سوتها ..التحليل يخوف يدخلون ابره في بطني اخاف على الجنين :(
امايه قالت لا تسوين وريلي يقول لازم :(
انا متفائله الحمدلله بس فيه خوف على جنيني

انصحني

[اماااني]

الله يثبت حملك ويعوضك بطفل سليم معافي

[كنكونه]

يارب الله يسمع منج
ربي يرزقج باللي تتمنينه ويخلي لج جنينج
مشكوره على المرور

[Dalo]

حبيبتي ماعندي فكره عن هالابره بس حبيت اقولك ان حملي الاول صار في طفلي تشوهات بس مااكتشفوها الا يوم ولدت وجلس ولدي في العنايه لمدة شهر ونص وتوفى كان عنده انحناء في العامود الفقري وثقب بالقلب واشياء كثيره
والحمدالله على كل حال قدر الله وماشاء فعل والحين الحمدالله انا حامل وحملي باذن الله سليم طلبو مني اشاعه رباعية الابعاد وطمنوني ان انشالله كل شي سليم
وانتي قبل لاتسوين اي شي استخيري وشوفي اذا انتي مرتاحه ولا لا
الله يطمن قلبك وقلبي ويرزقك ربي باللي تتمنينه ويعوضك خير انشالله استودعي جنينك ربي كل يوم ومو صاير الا الخير انشاء الله

[الموحده بلله]

ربنا يكملك بخير يارب ويفرحك برؤيه طفلك ااارب

[ام ريتان]

سويها وتوكلي على الله

[محبوبته]

انا ماعندي فكره بس حبيت ادعيلك والحمدلله ان الله عوضك بحمل على طول
استودعيه الله وخليك واثقه ان اللي يرزقك بالحمل ماراح يكتب لك الا كل خير
واسألي دكاتره لهم الخبره واعرضي حالتك على كم مستشفى ويارب يحميك ويخليلك الجنين
الله يثبت حملي وحملك ويسهل عليك ياارب
ويرزق كل محروومه يارب ..

[همسة وهم]

الله يكتب لك اللي فيه خير
ويفرح قلبك باللي يسرك

[امل في الله]

الي اعرفه ان نسبه الاجهاص في (خزعه المشيمه 1 الي 200 )
واي دكتور قبل ما تسويها راح يقولك كل مخاطرها
لكن مادام مهمه ليكي تعمليها ف اتوكلي علي الله ربنا هو الحافط

[بشارة]

الله يثبت حملي وحملك ويسهل عليك ياارب
ويرزق كل محروومه يارب ..

[كنكونه]

تسلمن خواتي على مروركن

[عاشقه الزعيم]

الله يقومك بسلامه ويطمن قلبك وقلبي علي اطفالنا والله انى في قلق ما يعلمه االا الله
طمنينى عنك

[نبع المحبة]

الله يرزقج الحمل السليم المعافى ياارب