استفسار هل اوقف العلاج ام اذهب الى ممرخة

[ماسه]

السلام عليكم ..

بنات انا تعبت نفسياً مع اني للحين أعتبر حالي في بداية العلاج ولكن محتاره كثير بأمور ودي أخذ رايكم فيها بصدق..

أنا ماقدر أستشير أحد يفهم بهالامور غيركم .. لان ماعندي خوات ..وامي الله يخليها لي.. لو بقولها شي بتروح تسويه خبر عاجل لكل خواتها.. من باب تشاركهم التفكير.وانا مابي احد يدري عن مشاكلي ..

..
مشكلتي ببساطة كنت بداية زواجي اخذ حبوب منتع الحمل والمشكله انها بإستتاره طبيه ووقفتها لان صار عندي قرحه في عنق الرحم ..والحمدلله كويتها وكل شي تمام التمام..
..
الان لي اسبوعين اراجع عند مستوصف قريب من بيتي ..واول شي سوت لي تحاليل للغدة الدرقيه وكشفت علي سونار عالمبايض وتحليل لهرمون الحليب .. وتقولي كل شي تمام ماعدى هرمون الحليب..واصل 47..وهو اكيد سبب تأخر حملك..

وقالت لي خذي حبوب اسمها نوربرولاك نص حبه قبل النوم لمدة يومين وبعدين حبه كل يوم قبل النوم ..وحبوب ثانيه اسمها دوفاستون.. حبتين مره صباحا ومره مساء وقالت هذي تهيء جدار الرحم للتبويض ..

المهم قالت لي بعد اسبوع تعالي وجيتها اليوم وقالت لازم نسوي تحليل عشان نشوف فيه حمل او لا ..وبعدها نتكلم ..وانا متأكده مافيه حمل .. لان موعد دورتي اليوم اللي هو الثلاثاء وفوق كل هذا ماحصل جماع الا مرتين بعد مابديت اخذ الحبوب ..
..
انا محتاره بشغله الحين التحليل هذا اللي راح تطلع نتيجته اليوم الثلاثاء ايش فايدته؟؟
..

وشي ثاني مهم .. لما كشفت علي قالت لي ان رحمك راجع لورى شوي وعادي يحصل حمل لكن خلي وضعية الجماع وانتي ساجده ..
..

بنات انا قريت بأكثر من منتدى ان اللي رحمها كذا لازم تمريخ .. وان ماعرف احد بهالسوالف ..

هل تنصحوني ألجأ للتمريخ او استمر بس على حبوب خفض هرمون الحليب وبعدين اشوف ..

تكفون انا محتاره وجد ماني عارفه وش اسوي .. ونفسيتي جدا تعبت خصوصا اليوم حسيت انها تستغلني وبس .. للحين مو مقتنعه بالتحليل اللي سويته اليوم ..؟؟ ولاادري وش النتيجة

نصيحتكم الله يرزقني ويرزقكم كل خيررررررررررررر

[عروسة جديدة]

والله حبيبتي ماعندي علم بس ماحبيت اطلع الا وارد عليكي
اتمنى تواضبي على سورة البقرة يوميا فيها علاج عجيب بأذن الله

[أم عبد الكريم]

الله يرزقك ويرزقنا بالذرية الصالحة السليمة عاجلا غير آجلا أأأأأأمين يارب العالمين
حبيبتي بالنسبة للتحليل ماعندي علم أما الديفستون إلي بعرف أنو بينظم الدورة وبيشد الحمل إذا في حمل
هرمون الحليب حسب ماأعرف إنو مرتفع عندك والحبوب إلي إستعملتها هي "الدوستيناكس"وأحسن شئ البردقوش بينزل هرمون الحليب ويفيد المبايض ومافيه أضرار حتى لوصار حمل
أما الممرخة في ناس بيشكرون فيها وناس مانفعتهم وبعرف وحدة راحت لممرخة وحملت بعد إرادة الله وضع السجود فهو جيد لأي وحدة تريد الحمل وبعدها مباشرة ما تقيفي إلا بعد دقائق وتنامي على ظهرك وإرفعي رجليكي وحطي تحتك وسادة عشان ترفعي منطقة الحوض هذا إلي بعرفو وإن شاءالله ماتولط عليكي وأفدتكيو الله يرزقنا

[demoshka]

الاخت ام عبدالله ماقصرت ماشاء الله

وبقلك مع كلامها انه استمري على العلاج لاتوقفيه

ومعو اذا حابة تروحي عند ممرخة روحي مامنها ضرر

اما استفسارك عن التحليل حبيبتي ممكن الطبيبة بدها تعرف اذا حصل حمل ولا لا كرمال ماتعطيك علاجات على الفاضي وتكوني حامل ويتأثر الجنين

رح تقليلي انه زوجك ماجامعك اكتر من مرتين !! ممكن كتير من مرة تكوني حملتي اذا صادفت ايام التبويض


وانا من كلامك عن الطبيبة حسيتها منيحة ونصيحة كملي عندها


ربنا يرزقك الذرية الصالحة عاجلا ليس اجلا

[ماسه]

شكرا لكم جميعاً ..

اليوم رحت والنتيجة مافيه حمل وقالت لي اوقف الدوفاستين .. وقالت لي اسمتر على حبوب نوربرولاك..

الله يكتب لي اللي فيه الخير بأجل موضوع التمريخ شوي ..

الله يوفقكم ويرزقنا كلناااااااااااا

[ĆǑόҚ ỉĕś]

الله يرزقك ويرزقنا بالذرية الصالحة السليمة
عاجلا غير آجلا
أأأأأأمين يارب العالمين

[سموة الشوق]

الله يكتب لك الخير حبيبتي ويرزقك الحمل السليم بالذرية الطيبة

[طيوووف]

ربي يرزقكـ الذريه الصالحهـ

روح حق ممرخهـ بس استمري في علاج هرمون الحليب ..

وبعد مايصير اوكـي .. اتركي العلاجـ

ومتى مالله كتب راح تحملي

[شجون الروح]

حبيبتى مثل حالتك لابد من التمريخ يعنى لابد من الطب الشعبي لان رحمك يبي تمسيد وتنشيط لابد من حرمة شاطرة ومعروفه تروحين لها وقت الدورة وعلى الريق انا مجربه والحمدللة جاب نتيجه