صار لي عشرة أيام والده..

[الدوحه]

السلام عليكم
شلونكم بنات عساكم بخير

الحقوني انا صار لي اليوم والده عشرة أيام ومن ثلاثة أيام انقطع عني دم النفاس مافي ولانقطه وبعد حليبي قل يمكن يبي يخلص مع ان في البدايه كان وايد صدري محتقن كنت اشفط واكت لان ولدي كان في العناية خمسة أيام
ومادري شنو آكل .. وبعد حق الخياطه ماحطيت ولاشي بس اغتسل بالمطهر وخايفه تنفك الخياطه لأني كنت امشي وايد أروح عند ولدي المستشفى واطلع الدرج شاسوي انا في حيره وجزاكم الله خيرا

[زوجى حياتى*]

السلام عليكم
شلونكم بنات عساكم بخير

الحقوني انا صار لي اليوم والده عشرة أيام ومن ثلاثة أيام انقطع عني دم النفاس مافي ولانقطه

اللى اعرفه انه متى انقطع دم النفاس تطهرى
ومش شرط ابدا 40 يوم اعرف ناس انقطع عنهم بعد اسبوع !

والله اعلم

[Mishael]

حبيبتي انا بكريه وماكنت اعرف شي وحده انصحتني وجربت لادرار الحليب كاس ينسون بالليل وجربتها ومشااءالله يمشي الحليب ودكتوره قالت لي اشربي قبل كل رضعه كاس مويه واذا سويتها يدر شوي الحليب ،،

[الدوحه]

جزاكم الله خيرا ع الرد وان شاءالله راح أحاول اشرب ماي ويانسون ..

[Dana]

الحمدلله عسلامتك ومبروك البيبي
حبيبتي الدم عادي لو إنقطع وممكن يرجع ينزل بس نقط
وضلك غسلي صدرك بمي ساخنة مع تدليك من فوق لتحت لحتى تساعدي الحليب ينزل وكمان إشربي مي كتير ويانسون
وكلي كعك بسمسم وحلاوة طحينية والبقدونس ... كل هدول بكتروا الحليب بالصدر
بحكيلك عن تجربة والله

[زوجه ظابط]

راح ينزل الدم الوضع طبيعي ..

[حنووو مكه]

الحمد الله ع سلامتك عيوني
كل حلاوه طحينيه لادرار الحليب

[فوئة]

الف مبروك البيبي... انقطاع الدم طبيعي لاتخافي


بعدين اشربي اشياء تنظف الرحم..

والاشياء الي تدرر الحليب.... هي حلاوه طحينية... البقدونس.. الماء.. وتغذي عموما بشكل كويس..

[الدوحه]

الله يبارك فيكم ويسلمكم ..

وجزاكم الله خيرا ..

وايد قاعده احاتي قلة الحليب أبي ارضع ولدي طبيعي لانه ضعيف وعنده بصفار ..

والماي أمي تقول مب زين لاتشربين وايد ماراح تنظفين بسرعه وأنا صرت اشرب في اليوم كوب واحد واشرب حسو بس مافي فايده

الله كريم