بنتي والترجيع(التطليع)

[Om KHaled]

تكفووووووون ساعدوني
بنتي ددوم باطلع بعد كل رضعة
عمرها 7 شهور وما بتستفيد شيء من حليبها وزنها 8 كيلو وكثير ضعفانه
جربت أعطيها تحاميل ونقط في الفم بس مافي فايدة
أرجوكم اللي مرت بنتها بنفس الاعراض ولقت دواها تفيدني
جزأها الجنة

[فوضت امري لله]

حبيبتي يمكن عندها شي يسمى عظيم

يخلي الطفل يرجع كل شي شي

شوفي اذا النافوخ نازل فهو العظيم

اعرضيها على دكتور يشوفه

[Om KHaled]

ليش هو العظيم وزين موجود
يا ريت يفيدوني البنات

[شمس الربيع]

اعرضيها على دكتور هو يعرف يشخص حالتها

[ابيك اقرب من انفاسي]

عادي حبيبتي انا بنتي 8 شهور اسبوع كامل وهي استفراغ ماتكل شي بعد ماارضعها على طول ترجعه صار وزنها 6 ونص الحمدالله الحين احسن وديتها للدكتور اعطاها دوواء

[Om KHaled]

وديتها للدكتور وكشف عليها وغير لي الحليب وأعطاني شراب وفيتامين وعندي مراجعة الاسبوع الجاي

[مهرة uae]

حبيبتي لاتخافين هذي اعراض طبيعيه طالما انها ف سن التسنين
انا ولدي كبر بنتج- بالضبط ونفس الوزن بعد
عادي كلها اسبوع اسبوعين وبترجع حالتها مثل قبل ان شاء الله
انا الدكتورة نصحتني اني اعطيه الحليب بكميه قليله ب 3 درجات
هذا اذا كنتي تعطينها صناعي
يعني قللي الكميه

تطمني بس عطيهاا الادوية اللي وصفها الدكتور

[مهرة uae]

على فكره خف ترجيع ولدي حالياا
والامور طيبه والحمدلله
بس بالليل مايناام مادري شفيه
الله يعافيهم يارب ويحفظهم ويخليهم لنا

[Om KHaled]

تسلمي لي أختي أنفاس
الحين بعد ما اعطيتها آلدوا حسيت انه التطليع خف شويه
ان شاء الله تتعافى منه كليا
والله بانحرج لما باطلع معها مشوار باتبهدلني واتبهدل نفسها
الله يحفظهم لينا يا رب

[مهرة uae]

كلنا نفس الحاله

[أنثى برائحة الورد]

عندنا وعندك خير
ولدي مخلص تسع شهور والى الان يرجع من يوم انولد بس الحمدلله اخف من اول بكثيييير
شي طبيعي بس ممكن مثل ماقالت الاخت( فوضت امري لله )
ممكن يكون العظيم
العظيم ينحف الطفل ويخليه يرجع كثير وطالما انها بمرحلة تسنين احتمال يكون هذا السبب
الله يشفيها ويعافيها حبيبتي،،،