ألم غريب في الصدر ؟

[دانة الأحرار]

السلام عليكم ورحمة الله


أخواتي صار لي أسبوع تقريبا و صدري يوجعني ومقدر المسه !!
لا مسكته او ضغطت عليه اوجعني خصوصا من أعلى يعني كأن عضلة الصدر مشدودة ولاضغطت عليه احس متكور من داخل

وطبعا منتفخ وكبران بشكل منرفزني فجاة انا خايفة يكون هرمون حليب ؟!!
او شيء اخطررر والله يستر


آخر دورة 30-10-2012 وطول دورتي 35 يوم تقريبا

طبعاً عندي الم في الظهر اسفله بشكل فضيع ويزيد مع الحركة والوقفة !
وبطني منتفخ و كان فيه ألم بطن بس خف ولله الحمد باقي الصدر و الظهر !!


هل هذي أعراض حمل ؟
خصوصا اني متوقعة نزول الدورة ولانزلت !!

مين قد مرت بمثل حالتي أرجوكم تساعدني .. انا خايفة يكون ألتهاب او مرض !



الله يوفق كل وحدة ترد و تفيدني وتفيد غيري و يرزقها بالحمل السليم المعافى و يجعل ذريتها مباركة !


بإنتظاركم

[شوق*]

هذي اعراض حمل ياقلبي
حللي بكره دم بالمستوصف الخاص وبشرينا

[ahlam-f]

يعني موعد دورتك امس او اليوم....عادي يمكن يكون علشان الدوره قربت...واذا اول مره تصير معك ان شاء الله اعراض حمل...

[دانة الأحرار]

شوق : آمين الله يسمع منك.
زوجي مسافر و بسوي بكرة تحليل منزلي و لا رجع بالسلامة بطلع اسوي فحص فالمستشفى .
أنا بس خايفة لأن الألم طول و اول مرة !!

الله يرزقك و يفتحها في وجهك وين ما رحتي

[دانة الأحرار]

أحلام : ايوا مفروض بس الدورة متأخرة.
والألم أول مرة يصير معي كذا !!

بالعادة ألم الصدر يخف مايطول بس ما يكبر صدري كذا

انا مررة خايفة و لو زوجي فيه رحت حللت لكن بنتظر التحليل المنزلي بكره أخاف احلل الآن ما يكون دقيق يقولون افضل شيء بعد الاستيقاظ من النوم

[ahlam-f]

على الاقل حللي المنزلي الحين واذا رجع زوجك حللي دم. ..وياربتكوني حامل ونفرح فيك نفس باقي البنات...

[دانة الأحرار]

يعني بتطلع النتيجة صحيحة أنا خايفة ومتوترة جدا!

[الحلم اصبح حقيقة]

مرحبا حبيبتي .. انا كل شهر قبل الدورة الم اسفل الظهر والم الصدر من الجوانب ..
لكن في الشهر الي حملت فيه جاني الم اسفل الظهر بشدة ..
والم الصدر شي لايطاق كان الم شديد .. لدرجة فكرت افوت للحملم واسبح بماء ساخن من شدة الم الظهر والصدر حتي انزل الدورة لكن الحمدللة طلع حمل ..
اتوقعج حاااااااااااااامل انشاللة

[star23]

الله يبشرك بالحمل..حللي بول او دم وتاكدي ولاتفكري كتير بالموضوع عشان ع جميع الاحوال تكون نفسيتك تمام

[قوتي بالله]

السلام عليكم
انا عضوة جديده في المنتدى وحبيت اشارك لما شفت موضوعك
لان الاعراض اللي قلتي عنها نفس الاعراض اللي جاتني وانا الحين حامل
وان شاء الله تكوني حامل يارب
لاني من يوم كنت بنت وانا ما احس بالم الصدر حتى اذا جاتني الدورة عزك الله hwaml13
بس اول مره في حياتي احس بالم في الصدر وكان شديد ماحب حتى امسكه
والنتيجه حامل
الله يفرح قلبك باللي تبينه حبيبتي
وانتظر النتيجه hwaml7

[رياحين علي]

دانه الاحرار ان شاء الله تكوني حامل ..

تقريبا نفس الاعراض الي امر فيها هالفترة و باقي ثمان ايام على دورتي ..

الالام قوية تجي لي بالظهر من تحت لفوق و اسفل البطن و الجنب الايسر و الصدر و اشعر بسخونه في جسمي و ريحة البول متغيره و قويه .. ربي يحقق لنا مرادنا ..

ان شاء الله تكون علامات حمل بإذن واحد أحد لي و لكِ ..

دعواتكم ..

ربي يرزق كل محرومه و منتظرة و مشتهيه بالذرية الصالحه عاجلا ..

[صافو]

يا رب تكون عوارض حمل
كل وحدة عن وحدة تختلف بالحمل
انا بس كان عندي الم باسفل الضهر لكن صدري ما وجعني بس امتلأ
اذا حللتي وما في حمل
الافضل تسوي تحليل هرمون الحليب
واذا متاخرة الدورة ف باذن الله بشرى خير
طمنينا عنك يا البي

[دانة الأحرار]

الحمد لله على كل حال !


نزلت الدورة أمس المغرب بس غريبة ! أنا شاكة عندي مشكلة ولازم اسوي فحص


الدورة ألمها أول مرة يكون كذا و بالعادة تنزل فاتحة فالبداية هالمرة كانها كدرة والتحليل سالب و خط واضح :(


ياربي بديت اوسوس دعواتكم يا أخوات