ابي مشورتكم يامتزوجات

[حلا الغربية]

انا متزوجة وعندي بنت وادرس في الجامعة وافكر اسحب ملفي من الجامعة وادخل معهد لانو ما انقبلت في القسم الي ابية دخلوني قسم صعب وانا ماقدر اكمل فية وحاولت احول منة بس ربي موكاتب لي احول فا احس ما اقدر علي دا القسم صعب ومدري ايش تنصحوني بسحب ملفي وادخل معهد واي معهد تنصحوني فية ربي يسعدكم وربي جامعة ام القري حطمو احلامي وحطموني ياناس

[om aseel]

ربنا يوفقك ان شااء الله


وان شااء الله بنات السعودية يفيدوكى ....~

[حلا الغربية]

19مشاهدة ورد واحد بس الله يسامحكم

[هبهوبة]

انتي ادرى بمصلحتك .. بس شهادة الجامعة بتفرق من السما للارض عن شهادة المعهد
و الدراسة كلا صعبة و كلا بدا تعب

بالنسبة الي انا كنت استمريت بجامعتي .. الشهادة الجامعية سلاح قوي

إن شاء بنات السعودية يفيدوكي

[حلا الغربية]

بس انا قسمي عقيدة وجدا صعب انا الحين اخدة كم مادة تخصص وربي في مواد حاسة اني راح احملها صعبة احس ما اقدر بصراحة علي دا القسم وتحويل حاولت بس مافي ربي ماكتب لي

[دلؤؤؤؤعته]

حلا الغربية اتوقع اذا كان معدلك كووويس رااح يحولوك بكل سهولة بس اتوقع ان مستواك نازل عششان كذا رفضوا يحولونك نصيحتي لكك حبيبتي كملي دراستك بنفس تخصصك وربي يسهلك ...

[حلا الغربية]

معدلي عالي الحمدلله ثلاثة فاصله خمسة وسبعين بس موراضين يحولو

[حلا الغربية]

تهمني اراء بقية اخواتي الغالياتته

[حلا الغربية]

استغفرالله

[حلا الغربية]

استغفراللهتغفرا

[حلا الغربية]

بس ابي مشورتكم يا اخوات ربي يسعدكم

[ommohsen]

استخري رب العالمين وسلم امرك لﺭب العالمين ساوي صلاة الاستخارة وشوفي الله ﻳﻮﻓﻘﻚ

[حلا الغربية]

جزاك ربي الجنة ياقلبي

[حلا الغربية]

ابي اسمع باقي اراءكم يا اخواتي

[سلمى العمر]

حبيبتي شو جاب المعهد للجامعه معقوله انتي...اكيد ما ايدك كملي بقسمك و صدقيني كله صعب .. انتي بس شيلي الافكار السلبيه من راسك و اقتنعي ان قسمك ممتع و يا انتي يا هو و شوفي كيف رح تمشي... على كل حال اول سنه باي قسم هي الاصعب لان شي جديد ... بالتوفيق يا حلوه

[دلوعه بحياتها]

حبيبتي الجامعة أفضل من المعهد بكثير
أنا مثلك من جامعة أم القرى وكنت عقيدة وبعد ترم قمت بتحويل من العقيدة لتاريخ
بس جامعة ام القرى تعقيد بس حاولي تكلمي احد من الجامعة دكتورة كبيرة لها مكانته يعني واسطة مالك غير هذا الحل وعن تجربة اقولك هذا الكلام حاولي في رئيسة القسم اللي تبغى تحولي له او رئيسة العقيدة نفسها حاولي تشرحي وضعك و لو قدرتي كم دمعة
انا امشي اموري زي كذا في الجامعة وتمشي معي زي الحلاوة

[حلا الغربية]

بي يا اختي سنة انا احاول فيهم واجري وراهم بس مافي اي فايدة ومابي عمري يضيع وانا اجري وراهم وعقيدة بصراحة ما راح امشي فية مابي اضحك علي نفسي لانو قسم صعب ومو رغبتي هوا وغير كدا الخطة المواد كثيييييييييرة اكثر من الاقسام الثانية فا انا بستخير ربي والله يكتب لي الي فية الخيرور

[Orchid109]

حبيبة أولاً سئوالي انتي تدرسين هواية وارضاء لنفسك والا تدرسي عشان تتوظفي بعدين ؟!

فيه جامعة الفيصل تعليم عن بعد انتساب جداً مريح فيه تخصصين ادارة اعمال وترجمة ولغات
وكمان الجامعة الالكترونية السعودية تعليمها مرة قوي صراحة فيه تخصصات صحية وحاسب الي واعتقد ادارة وانجليزي
مرة روووعة وربي

يعني اذا ماتبي تكملي بالجامعة اسحبي وادرسي في هالجامعتين الامتحانات تجيك لاعندك في نفس الحي اللي ساكنه فيه وباي مدينة والقبول مضمون الترم تقرياً ب2500 ماهري خسارةة وربي

لكن احب اقولك شهادة البكالوريوس اقوى من شهادة المعهد هو بتتعبي في البداية بس صدقيني تستاهل التعب والراح الابدية بعد ماتاخذي الشهادة، هذي الشهادة اللي باذن الله لما تتوضفي ماراح تخليك تستلمي خمسة الاف لا 10 الاف ويمكن اكثر
واحب اقولك صار فيه تسكين للرواتب وصار الراتب والترقية مقترن بشهادتك !! فنصيحتي استغلي اي فرصة للدراسة لانها سهله وحلو يكون معك شهادة

[meso]

شوفى حبيبتى الشهادة الجامعية ماكو مثلها لا معهد ولا شى
واذا شايفة القسم صعب حولى قسم ثانى عن رغبة منك ولا تدرسين تخصص انتى مو راغباة نصيحة
ومافى شى صعب*ومافى حلاوة بدون نار *ادرسى وكافحى وان شاء الله بتنجين
واذارفضوا تحويلك اعرفى شنو السبب*وروحى شوفى مشرف الجامعة او العميد او المسؤولين المهم انك تصممى على دراستك
لانها سلاح للمرأة وبيها بتحقيقين ذاتك ونفسك
وتقبلى مرورى

[فنونآ]

حبيبتي نصيحه لا تسحبي شهادة المعهد ماتتقارن أبدا بالشهادة الجامعيه
وأساسا ماعندنا معاهد تنفع ولها مستقبل هيا شهادة الجامعه دحين ماتوكل عيش
و ام القرى اسأليني عنها ليا 6 سنين في قسم الانجلش ولين دحين ماتخرجت بس الشهاده مهمه
يكفي بنتك لما تكبر ويسألوها امك أش شهادتها تفتخر فيك ترى الجيل هدا يهتم بدي الاشياء
أنا من رأيي اذا ماتقدري تكملي بالعقيده حولي اي قسم سهل تاريخ ولا رياض أطفال ولا خدمه وكملي فيه اهم شي
تكون عندك شهاده جامعيه كثير كملو وهما عندهم أطفال لا تخسري مقعدك بالجامعة كثير يتمنو مكانك وما أنقبلو
ربي يوفقك ان شاء الله *