اهل زوجي !!

[برّو !]

السلام عليكم
شلونكم

بنات عندي مشكلة وباخذ رايكم
الي سويته غلط ولا لا

لي متزوجة سنه وشوي وعندي بنت الله يحفظها

اهل زوجي ماعندهم الا هو مقتدر عشان يعيلهم
واخوانه الثلاث اكبر منه عاطلين
واخواته 2 كبار مو متزوجات وامه وابوه
بيتهم صغير جدا
واحنا ساكنين بمنطقة غير الي هم فيها

بس تخيلو ان العزبة كل شهر 1500 ريال
اخوه العاطل الاكبر ماخذ له سيارة قرض ب 70 الف ريال
واخوه الثاني كل يوم يبي كمبيوترات وجوالات
واخته كذالك

رحنا الحج ذي السنه خمهم معانا كلفته حول50 الف ريال
وبنفس السنه سافرنا برضو وخذهم معانا حول 25 الف.
. السفرة الوحيدة لحالنا هي شهر العسل


تتتتتتعبت منهم لاعت كبدي ميب حالة معاهممن يجي طاريهم
ولا اتصال منهم لازم وراها زعله


الموهيم اني كتبت له مجلد كامل بالي خاطري فيع
ووجهة نظري في اهله ومصاريفهم
وارسلته


خايفة من ردت الفعل الصراحة

انتو شرايكم هل يستدعي الموضضوع اني افتحه معاه
والله حرام محنا عايشين حياتنا زي مانبي
مخاسير مخاسير


شيرو علي

[المستحيله]

شوفي يالغاليه المفروض تفرحين بالي يسويه زوجك الي مافيه خير لاهله مافيه خير لبنت الناس...
حرام عليك بدل ماتساعدينه تزيدينها عليه هذولي اهله واذا هو مقتدر مافيها شي يصرف عليهم يمكن ربي يزيد برزقه بسسب صرفه ع اهله ...
اذا هو مقصر عليك وعلى بنتك اقول معك حق بس مو مقصر عليك ...
وان شاء الله بكرا يتوضفوا اخوانه ويتزوجو خواته ويصير كل الي تعيشينه الحين مجرد سوالف...
اصبري عليه اذا هو يعاملك زين ولا هو مقصر بحقك ..
والله يفرجها عليك ويرزقكم بالرزق الحلال

[لمار الشهري]

ماشاءالله المستحيله ماخلت لي شيء

اتمنى ليكي الحياه السعيده .. اختك لمار

[أم أصيـــل]

طيب أخواته وأمه وأبوه مجبور فيهم**

بس ماقلتيلنا أخوانه شفيهم..؟؟

مرضى..معاقين..في شي يمنعهم مايتوضفون.؟

إذا لا مو من حق أخوانه يطالبونه بالمصروف...ومو لازم يتكلف أكثر من طاقته**

المهم إنتي لاتحطين نفسك بوجه المدفع وتصيرين بجبهة مع زوجك**

خليك ذراعه اليمين >>>مثل المستشار المالي

وإنصحيه بالشي إللي فصالحه من غير ضغوط**

حتى لو مامشى معاك بشورك **إتركيه للزمن يعلمه**

والله يصلحكم ويهديكم......

[برّو !]

والله شقولكم
انا ماعندي مشكلة يصرف عليهم بمأكل ومشرب
بس اخوانه بعد عاطلين باطلين
ويتطلبون اجهزة وجوالات وسيارات
والله شي يقهر

يا ام اصيل اخوانهىمافيهم الا العافية
بس مافيه شهادات ومايبون يتوظفون الا على مكتب

زوجي مقتدر لحد ما
يعني مب قاعد على بنك الراجحي

شوفي هالحين مفلس
ماغير الف ريال
وينتظر ينزل الراتب !!!

[هبهوبة]

بالنسبة الي بنصحك انو ما تدخلي بمصاريف زوجك لأهلو خاصة ازا كان مو مقصر عليكي بشي
بس معك حق انو تنزعجي بانو كل سفرة لازم معكم بس احمدي ربك و شكريه انو ساكنة لحالك و الك حياتك الخاصة غيرك ساكنين مع اهل زوجن و شايفين نجوم الظهر و ساكتين

[Aum Reda]

أنا رأيي من رأي ام أصيل
أمه و أبوه على العين و الراس
خواته ما لهم أحد يصرف عليهم قلنا ما عليه
بس اخوانه ليش ما يتوظفون و يشاركون في المصروف و ما عندهم شهادات و يبون مكاتب و يتطلبون سيارات و جوالات و لابتوبات شنو هالاحساس المعدوم ان شاء الله اذا بيتزوجون بعد بيتكفل بحريمهم و عيالهم
شوفي أنا أقولك كلام الحق و يمكن ما يعجب الناس بس الحق ما يزعل
طالما هم رجال و قوتهم عندهم يروحون يشتغلون بدل ما هم قاعدين عالة على أخوهم لازم يفتح معاهم نقاش في الموضوع و لا اذا هو ساكت بيظلون ينامون لحد الساعة 12 الظهر و المصروف يجيهم لمكانهم زي الأطفال
يعني طالما في أحد يشيل الحمل عنهم ما بيتحركون لكن اذا حسوا انهم بيخسرون هذا المصروف اللي يجيهم كل شهر بيتحركون

[Aum Reda]

أنتي قولي له شرايك تجرب معاهم هالطريقة تقولهم أنا اخذت قرض و أبي أحد يشاركني في مصروف البيت لأن ما بعد القرض ما أقدر أعطي زي قبل

[بيرو المدينة]

نصيحة مني ياسميتي دام زوجك ماشاءالله مقتدر خليه براحته وانتي حفزية على هالشي لانك اولا حتكبري في عين زوجك وبيرضى عليك وثانيا اهله راح يحترمونك ويحبونك يعني لاتقولي له اهلك واهلك وربي انا لي متزوجه اقل من سنه وزوجي ماديته وسط وربي انا دةم اقوله جيب لاهلك وودي ويقولي انتي تحبي اهلي اكثر مني وربي انا حامل دحين بالثامن ولسا ماكملت اغراضي اهم شي مابيه يقصر ع اهله لاني ابي رضا زوجي

[برّو !]

استغفرالله العظيم
والله انهم عالة على قلبي
تحملتهم وضغطت على نفسي
بس احس اني انفجرت خلاص

ام رضا .. المشكلة ان ماخذ سيارة لاخوه بقرض
على انه بيسدد مدري متى وشلون وهو بلا وظيفة !
يلعبون علي


بيرو .. صدقيني يمكن انتي ماجربتي الي انا فيه ههههه
ولاكان غيرتي رايك
الي مثل حمياني يحلق شواربه احسن له ^_^
واخته الكبيرة ماتستحي تتطلب
والله اني قبل اتزوج 10 ريال ماعرف شلون اقول لاخوي عطني

الله المسسسستعان

[قــــــــــمر]

الي المفروض يصير ياحلوة
1- يفتح مع اخوانه موضوع دورو لكم شغل ينفعكم بحياتكم (ومثل ماقالت ام رضى يقولهم راتبي صار ينقص منه ع الاقل 1000 ريال عشان القرض )
2- السفر ينـــــــــــسى موضوع اخذ اهلي معي كلهم؟؟ حج عمره مافيه مشكلة بس بعض السفرات لحالكم افضل اولا عشان تنبسطوا لحالكم ثانيا عشان الصرف مايزيد.
3- يبقى يصرف ع اهله بس يرتب ويقسم الفلوس مثلا امه وابوه كل واحد 500 اخوانه كل واحد 300 خواته كل وحده 150 المجموع يصير تقريبا 2300 كل راتب كذا وطبعا يقول لاخوانه مافيه غيره الا الراتب الجاي تبون زيادة فلوس دورو وظيفة ...
امه وابوه طبعا مايقدر يقولهم لا براحتهم بس خواته مو كل مره يقولهم ايه معي خلي مره يقولهم والله مفلس خليهم يحسون انه مو جالس ع بنك .
وانتي ياحلوه لاتقولين له لاتصرف عليهم ولاحتى كلمة كثير بس قولي له اهم شي مو كل سفرة وهم معنا واخوانك مو كل مره يعطيهم فلوس خلهم يحسون انهم محتاجين فلوس عشان يدورون شغل خلهم...........يحسوووون......... لانهم الحين مايحسون اي شي يبغونه يجيهم .
واخيرا حبيبتي ادعي ربك انه يفرجها عليك واستغفري كثير ودائما قولي له امك وابوك كيفهم يطلبون الي يبغون بس اخوانك مايبون يدورون شغل لانه فيه راتب قاعد يمشي لهم طبعا منك خلهم يعتمدون ع انفسهم ويدورون شغل
والبنات ان شاءالله يتزوجون وتنتهي مشكلتهم .
اسفه طولت عليك بس حابه انصحك ياقلبي واذا هو مو مقصر عليك مو لازم تغيرين كل الامور .
ادعي رررررررررررررررررررررربك.

[فديت اخواني]

سبحان الله كأنك تتكلمين عن اختي
اختي قبل كانت ساكنه في الشرقيه ومرتاحه طلعات هي وزجها ومطاعم
بعدين نقل زوجها في منطقه قريبه من اهله
اخوانه توظفوا واسكنوا في بيته من انها شقه صغيره
واخته تدرس الكليه عنده
واهله كل ماجت الاجازه حضروا عليها ويصرف عليهم وهو عليه اقساط واجار البيت
حتى اخته المتزوجه يصرف عليها هي ولدها
وصاير بيت اختي فندق تطبخ وتنظف تقول خلاص ماعاد فيه خصوصيه تقول مااقدر البس مااقدر اخذ راحتي في بيتي
واهم شئ عندهم يشطبون على فلوس زوجها مايراعون ظروفه

[برّو !]

ميشو والله اني اقوله بالضبط الي قلتيه
اخوانه لا
خواته يعطيهم على قدهم
امه وابوه بكيفه
ياريت طلعو على امهم وابوهم قسم ولا يقولون هات
ولا تطلع منهم هالكلمة كلش


فديت اخواني هههه
لاحول الله
عاد خوات زوجي المتزوجات قصة ثانية
بس نززل الديرة
يصير لهم السواق الخاص لمشاويرهم
سواء خواته او عيالهم مايقصرون بعد

والله حتى احنا اقساط واجار
وغير بيت اهله فواتير ومطالب ووو كل شي

ودي اعرف 12 الف بالشهر تطير كلها
وين ترووووح !
والله اني ماصرف شي


الله يعطيكم العافية
بس اقولكم بعد الرسالة
ماناقشني باي شي يوم جا من الدوام
وداني المجمع ورجعنا هههه
مدري شكلها ترضية غير مباشرة


ماقصصصرتو

[همسة دفاء]

السلام عليكم


هو حلو يساعد اهله لكن انا مستغربه 12000 كيف تكفيكم !!!


خاصه ايجار

واهله واخوانه

12000 يالله يالله تكفيكم بروحكم

[Aum Reda]

يعني اخوانه مو ناوين يتزوجون من اللي بياخذونهم من اللي تبي واحد ما يشتغل
اذا هم ما يفكرون المفروض أمهم أو أبوهم أو زوجك يفهمهم يعني مو بس جاية على خسايركم حتى هم ما بيصير لهم مستقبل و السنين تركض و بيضيع عمرهم
و صحيح 12 ألف ما تسوي شي