صاحبات هرمون الحليب و الدونتكس او الدبروجين

[عروستة]

السلام عليكم بنات كيفكم




بنات انا الدكتوره قالت معي هرمون حليب و عطتني 8 حبات دونتكس اخذ نص حبه الاثنين و نص الاحد


استمريت اخذه مدة 3 شهور و الحمدلله ع كل حال ماصار حمل بس خفت عندي اعراض الم الصدر



المهم من خلصت العلبه الحين لي اسبوعين و خايفه يرد يرافع مره ثانيه وش رايكم اكل حبوب دبروجين حبه وحده كل اسبوع عشان يحافظ ع ثبات الهرمون الحليب لين ربي يفرجها علي و احمل






لان قالت دكتورتي اذا ماصار حمل بعد خفض الهرمون الحليب .. نحلل لزوجك السائل و نبداء معك كورس منشطات


و انا نفسيتي زقت معي كل شهر اقول حامل و تنزل الدوره رغم انه كل اعراض الحمل فيني ؟






قولولي اخذ حبوب الدبروجين طبعا بدون استشاره طبيه

[عروستة]

يا فرج الله القريب افرجها علي انا و المنتظرات الحمل ياربي اسئلك و اتوسل اليك من لي غيرك يالله


دعواتكم بنات

[أسيرة زوجي]

الله يفرح قلبك و يرزقك ما تتمنين يا رب

بس نصيحتي لا تستعملي أي علاج من غير استشارة الدكتور و خلي زوجك يحلل عشان تتبين النتيجة يمكن يكون عنده نقص

[عروستة]

مشكورة اختي ربي يعطيك العافيه ع الرد



بنات وشدعوا ردو علي ولو بدعوا انا محتاجه مواساتكم لو ماتعرفون سوالي

[& زهرة حياتي &]

كم كانت نسبة هرمون الحليب قبل متخفضي ؟؟؟
يارب يرزقك الحمل عن قريب يارب

[عروستة]

26 يا اختي و رحت دكتورتين

و قالولي هذه نسبه مرتفعه و تمنع الحمل

[سولآف]

مرتفع شوي عندك لان الطبيعي 20
وعلى فكره هرمون الحليب علاجه بسيط اذا زوجك سليم يتم الحمل
انا كان عندي وكنت اعالج لي سنه وشوي تقريبا كل ماتعدل يرجع
وليش يرجع من النفسيه من تفكير الحمل
اخر شي الدكتوره قالت خلي زوجك يفحص بالرغم من انجابنا قبل ست سنوات طبيعي
فحص زوجي وصار عنده ضعف وماكنا متوقعين ابد انه السبب وانا اللي اعالج لحالي يعني خلي زوجك يفحص قبل
آسفه طولت عليك بالكلام

[عروستة]

مشكوره سولاف بالعكس ماطولتي انت افدتيني كثييير



و انا بديت اشك انه زوجي معه ضعف لأنه من جد خلاص كل مره يتم جماع كامل في ايام التبويض و بتنزل بويضه و لكن مايصير حمل و لان ببداء اراجع مع زوجي لجل نشوف الوضع


ياربي افرجها علينا ياربي و الحمدلله ع كل حال الحمدلله

اللهم لا اعتراض

[سولآف]

الله يكتب اللي فيه الخير وكل شي خيره حبيبتي

[صافو]

حبيبتي لا تاخدي دواء الهرمون بدون استشارة دكتور
وخاصة الدوبرجون لانه قوي
اقوي من الدوستنكس
انا دكتورتي خبرتني انه الدستونكس ممتاز ينزل الهرمون وينشط التبويض
ويزيد من فرص الحمل باذن الله

[عروستة]

حييت اسألك سلاف بنسبة للضعف الزوج فيه له علاج لو طلع بزوجي شي لا سمح الله

[الفردوس المفقود]

الله يعطيكي الصحه والعافيه
وتكوني بالف خير وتحملي يااااارب
بس قولي لي الغاليه
شو اسمه هرمون الحليب بالانجلش

[ahmed 7abebe]

والله ماعندي علم وانا خايفه اصلا يكون مرتفع عندي واخاف اروح احلل وانصدم ربي يرزقك اللي تتمنيه امين يارب العالمين يارب تكوني حامل الشهر هذا انا وانتي وكل مشتاقه امين

[سولآف]

ايه فيه علاج للضعف بس حسب الضعف ونسبته
والسبب الرئيسي للضعف نفسه والعلاج يحدده الطبيب حسب حالته وكم يحتاج من كورس وهل يجدي العلاج اولا
وان شاءالله ان زوجك سليم ومايحتاج كله مسالة وقت وتحملين بآذن الله وابعدي عن تفكير الحمل قد ماتقدرين
انتي كم لك متزوجه

[عروستة]

مشكوره اختي سلاف صارلي 9 شهور


و بديت علاج بعد 6 شهور من تأخر الحمل .. لا تقولي مستعجله انا مو صغيره و زوجي مو صغير و احنا مشتاقين للبيبي و لو علي كان من اول شهر زواج حملت


الحمد لله رب العالمين ع كل حال و ماراح افكر في الحمل ان شالله خير



الجنة المفقودة .. الهرمون الحليب بالانقلش يسمى البرولاكتين

اعتقد كذا prolactin

مشكورين كل الي رديتوا علي و دعيتوا لي ربي يرزقكم وًيرزقني يالله


و بنسبه للأخت الي تقول خايفه يكون فيك افضل لك حللي و تطمني عشان لو فيه تاخذي الحبوب مجرد ما ينزل تحملي بإذن الله


و الله يرزقني و اياكم يالله يا كريم

[سولآف]

انتو سوو اللي عليكم وربي مايخيب رجآكم ان شاءالله
ويارب ماتتمين سنه الا وانتي حامل وتجين تبشرينا

[مادونا سعوديه]

الله يشفيج ويشفي جميع المسلمين والله يرزقج ويرزقني والجميع الحمل السليم
شوفي قبل كم سنه اخوي تزوج زوجته واهي صغيره عمرها 14سنه قعدت ثلاث سنوات ماحملت راحت الطبيب حللت طلع معاها هرمون الحليب مرتفع عطاها الحبوب ماشاء الله ثلاث شهور وحملت وبعد ماولدت حملت مره ثانيه بعد 9شهور بدون علاج وبعد الاربعين بعد حملت على طول مره ثالثه بس انتي خلي اتكالج على الله ولا اتفكرين ومثل ماقالو البنات خلي زوجج يروح يفحص

[عروستة]

فديتكم تسلمًون شجعتوني الله يرزفكم ياربي الذريه الصالحه و يجزاكم الجنه ياربي

[أصآآيل]

الله يسهل امرك وينولك الي تتمني ويوفقك