يا ليت تفيدوني بخبرتكم

[ام مبتدئة]

السلام عليكم و رحمة الله و بركاته : بنات أنا بالشهر الثامن و هذا ثاني حمل لي و بولادتي الأولى طلعت من النفاس وأنا معي أصوات مزعجة و محرجة لأن نظامي كان مؤ شئ حتى ادويتي و استمر معي فك الورك إلى حد ما كملت 30 يوم بنفاسي بليز بنات أفيدوني عن أدوية ام عبودي لأني اتصل عليها ما ترد بصراحة مترددة و خائفة يكون نفاسي هذا مثل الأول أمي متوفية و مالي احد يسوي لي نظام أو ينصحني بأدوية ،،، انتظر ردودكم hwaml5

[أم أصيـــل]

مافي نظام ولاحاجه ياقلبي,,

هيا كلها أشياء نعرفها من جداتنا وأمهاتنا,,

تغطي زين وبعدي عن البارد والمشروبات الغازية ولا تطولي بالحمام تحت الدش,,

وإشربي حلبة مع حليب ويانسون ((الحلبة تدر الحليب وتفيدك وتقوي عظمك)) والرشاد إللي هو الثفة

والشمر إنقعية بموية حارة وسكر وإشربية يشد الجسم,,

والقرفة تنظف البطن ..والعويدي إشربية مع القهوة ينظف جسمك من السموم,,

وإشربي مرق لحم مع البصل والبهار وكلي عيش النفاس مع سمن وعسل

وكثري رطب أو تمر المتوفر عندك (( الرطب معروف يقوي عضلات الرحم))

وإدهني جسمك بزيت زيتون ودلكي فيه بطنك وظهرك عشان عضلاتك تلتئم وماتحسي ظهرك مفكوك,,

وكلي خضار وفواكة,,,وبس حبيبتي

الله يقومك بالسلامه....

[ام مبتدئة]

الله يجزاك خير ام أصيل انتي الوحيدة اللي عطيتيني وجه hwaml7

[ام علي وفارس]

انا أول مره يمر علي فك الورك بالنفاس بصراحه لو اقدر افيدك بشي كان قلت لك ..
واذا محتاجة اي استفسارات ثانية انا حاضره ^^

[نانا22]

حبيبتي الله يقومك بالسلامه ان شاء الله في قسم تجهيزات المولود والام بعد الولاده راح يفيدك ان شاء الله وانتي تشتكين من الصوت الي معاكي فاهم شيء انك ماتجوعين ولاتشربين الغازيات والحمضيات وتدفي زين وتلبسين البنطالون والشراب مشان يدفيكي زين وللفطور سويلك الحلبه مع الحليب والمصابيب مع العسل بس الحلبه استخدميه 15 يوم وبعدها بدل الحلبه حطي كوركم مره ممتاز وللغداءوالعشاء مرق الحم اوالحمام مع العدس الاسود او الماش لانه بدر الحليب ويقوي العظام يعد الثقل ولا تنسين عبيط التمر مع الحبه السوداء والرشاد وشوي من الفلفل الاسود والسمنه تقدرين تجهزين كميه و تحفظينه في مكان بارد وكل يوم طلعي شوي بعد ماتحمينه على النار استخدميه مع قهوة القشر لانه والله خلطة التمر والقشر مره ممتازه للرحم تنظف كل الي فيه ونتو بكرامه من الدم والافرازات والرطوبه . . . . وفي كتاب اسرار حريم مره ممتاز وفيه نظام غذائي للنفاس مع لهوم النفاس اتمنى ان اكون افتك بشيء ياقلبي وطمنينى عليكي وتقومين يالسلامه ان شاء الله

[ام مبتدئة]

الله يجزاكم خير الجزاء و يصلح لكم ذرياتكم // يا ام علي فك الورك سببه لي الجفت لان تعسرت ولادتي بعد ما وسعوا لي و شفطوا البيبي و هذا اللي سبب لي الفك ما أقول غير الله لا يجعل مسلمة تجربه خصوصا لما تكون نفاس

[nakhla]

الحلوات ما قصرو
حبيت ازيد لا تحملي ثقيل حبيبتي والله يفوت هالنفاس على خير و يقومنا بالسلامة

[ثقتي بالله وحده]

االله يقومنا بالسلامه
بكريه ماعندي اي خلفيه البنات ماقصروا
بس حبيت اقولك اهم شيء لايدخلك هوااا لانه هو سبب دماار المنطقه
تتدفي زييييييييييييين
الله يسهل علينا يارب