محتاجه نصيحتكم خواتي

[أم مهاري]

السلام عليكم ورحمة الله وبركاته

طبعا حامل في بداية الرابع يعني تعرفون نفسية الواحد كيف ؟
عندي بنت وولدين اليوم رحت اخلص كمن مشوار مع بنتي لما رجعت ولدي يقول لي ماما بابا مسافر مع عمتي يعني مخي قفلhwaml15 hwaml15

واخت زوجي هاي الانسانة انا ما اواطنها بعيشة الله دايما تتدخل بحياتي وتحاول تبعد عيالي وريلي عني
مع اني ما ضريتها بشي

اتصلت لزوجي طبعا كان في الدوام والوقت ما كان مناسب بس شو اسوس بعمري تعرفون الحامل كيف تكون ما تتحمل شي قلتله بو الشباب يقولون انت مسافر كيف جذا وانا اخر من يعلم قال هي بسافر مع اختي فيها شي قلتله هي فيها شي الريال ان بغى يسافر سافر بحرمته وعياله لو اختك مريضة محتاجتلك بنقول هي ن واجبك تروح وتساندها بس رايح سياحة هاي انا ما ارضاها

تتدرون اني من سنتين اقوله ابي اروح لأهلي في قطر قال والله ما يعطوني اجازة كيف الحينه بيطلع اجازة
طبعا اجازاته كل سنة ياخذها في الشتى لأنه راعي بر ورحلات

قولولي شو اسوي بعمري الحينه يقول انه بيرد بيتفاهم يعني بنتكلم عن الموضوع الله العالم اني معصبه ولابقة ومت من كثر الاستغفار

نصايحكم خواتي

ودعواتكم

ما اقول غير حسبي الله عليها

اسمحولي ما عندي اسلوب في الكتابة اتريى ردودكم
على فكرة قبل بعد صار معي نفس الشي وصارت مشكله كبيرة وانا طلبت الطلاق منه وبعدين هون عن السفر الله العالم اني مو متحمله اللي يصير يعني تسع سنين وانا متحمله هاي الانسانة ما اعرف شو اقول ان دعيت عليها قالولي حرام تتدعين شو اسوي على فكرة تسوي ها كله بس عشان تغايضني ومسويه عمرها جدام اخوانها الطيبه الحنونة اللي ما تغلط ابد

حن ثلاث متعذبات بسبتها انا واثنين من حريم اخوانها

[سموة الشوق]

أخته هذي متزوجة ولا شو؟؟

حبيبتي لاتعصبين


هدي بالك

وريحي أعصابك

عشان صحتك وصحة البيبي

ناقشي الموضوع واياه بهدوء
وفهميه إنك صعبة تعيشين بعيدة عنه

ومن هالكلام الحلو

وفهميه كيف إنت تستمتع وتسافر وحنا هلك وأولادك هنا

مالنا حق عليك


خلينا نروح واياكم نستانس ونغير جو

والله يعينك على أخته

وش قصدها من هالحركات


شكلها ناقصة حنان
أو إنها تغير منكن

الله يصلح حالكم ويفرح قلبك ويجمعكم بالود يارب..

[Mقمة البرااااائهM]

رقعيهاااااا بتيلفوووون وقفيهاااااا عند حدهاااااا.....وقوليلهااااا ماتخااافين من رب العاااالمين....ماتخااافين من دعاااوي النااااس عليج....جانج قويه فيه إللي أقوى عنج رب العااالمين إللي مايخيب رجااااا حد......
والدنياااااا مافيهااااا خير.....خافي باجر من القبر إللي بتنحطين فيه...ومن الحساااب والعقااااب....راجعي نفسج.....مرررره لاااااتسكتين عنهاااااا......حشااااااا كلن العرب خاااااواااات الريل هب حاله هذي......

[أم مهاري]

متزوجة وعندها عيال

شاكره مرورج

[أم مهاري]

رقعيهاااااا بتيلفوووون وقفيهاااااا عند حدهاااااا.....وقوليلهااااا ماتخااافين من رب العاااالمين....ماتخااافين من دعاااوي النااااس عليج....جانج قويه فيه إللي أقوى عنج رب العااالمين إللي مايخيب رجااااا حد......
والدنياااااا مافيهااااا خير.....خافي باجر من القبر إللي بتنحطين فيه...ومن الحساااب والعقااااب....راجعي نفسج.....مرررره لاااااتسكتين عنهاااااا......حشااااااا كلن العرب خاااااواااات الريل هب حاله هذي......

تتدرين ان مره صار هالشي ع الموبايل زوجي شو قال لي قال انتي قلبج اسود وحاقده على اختي تخيلي

وهي ولا حست باللي قلتله اقولج خاطري احرق عمري عشان ارتاح من اللي فيني

[الحب لك وحدك]

الله يكوون بعونك اختي
مثل ماقالت طيف تفاهمي مع زوجك
بالاحسن مو بالصراااااخ والمخانق
والله يسوي اللي فيه الخير

[أم مهاري]

الله يكوون بعونك اختي
مثل ماقالت طيف تفاهمي مع زوجك
بالاحسن مو بالصراااااخ والمخانق
والله يسوي اللي فيه الخير


لما انا اكلمه بالتفاهم يصارخ بويهي يقول والله ما خاف منج بسوي اللي اباه انا الريال

[الحب لك وحدك]

طيب مثل مااخته لها حق
انتوا بعد لكم حق فيه
قوليله خلينا نسافر مع بعض

[زهرة اللوتس]

الله يعينك ويريحكم منها مرررره انقهرت عليك

[أم مهاري]

طيب مثل مااخته لها حق
انتوا بعد لكم حق فيه
قوليله خلينا نسافر مع بعض


تعرفين قبل لما صارت مشكلة بينا بسبب سفرته قال لأمي خلاص بنسافر كلنا يعني مع اخته قلتله مستحيييييييييييييييييييييييييييييل اسافر مع هاي

يا نقعد يا نسافر معاها

الله لا يسامحها ولا يوفقها

[أم مهاري]

الله يعينك ويريحكم منها مرررره انقهرت عليك

امين

تبن الصدق اصلا زوجي مافيه خير

[LOOLOO]

حسبي الله ونعم الوكيل الله يكون في عونك من جد تقهررررر

[سندريلا]

الله يعينك اختي ويفك همك بس هي زوجها فين ليش مو هو الي يسفرها

[sweet moon]

حسبي الله ونعم الوكيل

وش تبي ذي

وزوجك الافضل يعرف يتصرف

مو يقول ( اسوي اللي ابيه انا الريال)

مالك الا تدعسينها ببطنها >> انقهر من خوات الزوج

ذكرتيني بسالفه لي نفس هالنوعيه

مدري ذولي الخوات وش يبون بحياتنا

ورى ماتنثبر ببيتها عند زوجها وتكفي الناس خيرها وشرها

http://www.al-wed.com/pic-vb/17.gif

[أم مهاري]

الله يعينك اختي ويفك همك بس هي زوجها فين ليش مو هو الي يسفرها

اللي قاهرني زوجها ما يقول شي اكبر عنها بوايد يعني شايب وهي تزوجت لما كانت صغيرة ع كلامها اكبر ولدها عمره 18 سنه يعني ما تقدر تسافر معاهم اقولج السالفة انها تبي تحرق قلبي الله يحرق قلبها

[أم مهاري]

اشكر خواتي الغاليات اللي مرو بصفحتي

[Mقمة البرااااائهM]

سمعيني أختي....أقري سورة البقره يوميا" مدة 20 يووووووم وبأذن الله بتنحل أموووورج.....

[**سماسم**]

يالغاليه لاتعصبين و تقهرين عمرج لاتتناقشين مع ريلج وهنتي معصبه أو هو معصب ..
ثاني شغله أخذيه بأسلوب المحايل وقولي أي عذر يمنع سفرته تعذري بحملج أو بالعيال وقولي له ماني بمانعه السفر مع أختك لاكن أنت تشوف الوضع ومن هالحجي..
وربي يسخر لج ريلج ويكفيكم شر الحاسدين يارب ..

[أم لأول مرة]

طيب وييين زوجها واولادها ؟؟؟

طيب انتي امسكيها و قولي لها وين زوجك ليش ما تنطقين في بيتك .. والا تبيني ازوجك زوجي ..
وليش زوجك ما يحبك ومن هذا الكلام الي يقهرها << شريرةهههههههه

والله يصبرك عليها

والزمي الاستغفار والله ان الله ما راح يخيب ظنك

وممكن تكون تحب زوجك قبل ما يتزوجك والحين صارت تغار منك

[احبك ماما]

وهذي ليه مصره تساف مع زوجك ليه ماتروح مع زوجهاا؟؟

يشين هالاشكال عديمين الذوووق ..

الله يساعدك ويصبر قلبك والله حاسه فيك ...بس يا قلبي لاتتوترين وانتي حامل هونيهاا وتهوون ...

[صعبه]

وااااااااااااااااااااي الله يكون بعـــــــــــــوونك ويصبرك