الجنين النازل

[حبيبة عماد]

السلام عليكم بنات

بصراحه ماعرفت وين اكتب الموضوع فخمنت انه هنا ...

انا في نهايه الشهر السادس كم يوم و اخش السابع...

وراجعت دكتورتي قبل يومين قالت لي الجنين جدا نازل واحتمال ولاده مبكرة راح تجيني قالت ارفعي رجلك ولاتمشين

وبنفس الوقت سمعت ان نومه الظهر مو كويسه للحامل من بعد السادس..فكيف انام على ظهري وارفع رجلي

ارجوووكم الي زي حالتي تفيدني امانه انا بكريه ومررة خايفه :( لدرجه ان ضغطي ارتفع وبس ابكي

ساعدوني بنات الله لايحرمكم اطفالكم

[ضئ عيني]

ماعندي خلفيه الله يطمن بالك

[ام راشد ومحمد]

والله ما بعرف الله يطمنك يا رب

[A3yon almaha]

عادي حبيبتي وااجد صار لهم هالشكل لاتحاتين بس ريحي نفسك وانتي منسدحه مب وانتي نايمه حطي لج مسند ولا مخده تحت رجولج وبيرتفع انشالله
لا تحاتين ياقلبي والله يتمم عليج انشالله

[حبيبة عماد]

تسلمووو ماقصرتو بنات

الله يطمن قلبك عيون المها الله يحفظك ..

احاول اني ارفع رجلي كل شوي وربي يعين ونرتاح من هم الحمل

[اسراء الاحساء]

أنا مثلك والله وحترت نمت اربع أيام وناس أحلتني مؤ زين وموزين ونمت الظهر والله وخليتها علي الله ولين الحين الجنين ما ارتفع بس منسرح وفي لفراش الله يعين

[ام عمر ..]

معلوووووومه خاطئه انا طبيبي استشاااري يقول لي نامي على ظهرك ورفعي رجلينك على شي مرتفع لاني تتنفخ رجولي ويقول انها مافيه منها اي مضررره والله العظيم