حامل بتوأم وعندي استفسارات

[حنان الهاجري]

السلام عليكم ورحمة الله وبركاته
خواتي انا وزني 44 وعمري 30 وانا حامل بتوأم ببدايه الشهر الرابع تقريبا
س1 تتوقعون اقدر اتحمل وزن التوأم؟
س2 حملي بمشيمة وحدة يعني هل سيكونون نفس الجنس اما اولاد او بنات؟
س 3 هل الافضل اني اربي بعمليه قيصريه تفاديا لاي مضاعفات؟
س 4 متى تنتهي فترة الوحام واللوعه لاني وايد تعبت ودمي ناقص وشهيتي. مسدودة؟
والسموحه كثرت عليكم بالاسئله

[صعبه]

ماشاءالله


اولا الف مبروك الحمل والله يقومك بالسلامه


بالنسبه لوزنك اتوقع يتغير مع الحمل وراح تزيدين واذا مالك نفس في الاكل لا تتركين الفايتامينات والحديد وشوفي كل هذا وناقشيه مع طبيبك والله ييسر لك

[يارب ترزقني بطفل أضمه]

هلا قلبي حنان الله يتمم حملك يارب الله عزوجل هو كفيل بذلك والحمدلله كثير حملوا تؤام ياقلبي والحمدلله اكيد يتحمل الجسم وزن البيبي
بالنسبة للعملية هذا على حسب الدكتور ومتابعة وعلى حسب وضعك الصحي يالغالية
والوحام ياقلبي يخالف من حامل لحامل بعضهم ينتهي بالثالث والبعض بالرابع والخامس
شوفي رابط نجمع التؤام شوفي التجارب واستفيدي يالغالية
http://forum.hwaml.com/t12899.html

[أستاذة ذوق]

أهلين حنان

لاتخافي ياقلبي انا حامل بتوأم ووزني 45 والحمدلله اموري زينه
بس الحين زاد وزني طبعا بس مو كثير

وبالنسبة للولادة الله اعلم لازم يشوفون اول وضعية الأجنة وبعدين يقرروا
انا الحين بالسابع ولسه ماحددولي طبيعي ولا قيصري يبون يتأكدون بالثامن

والوحام خلاص قربتي تنتهين منه مع الرابع يعني الخامس بإذن الله
تنفتح شهيتك للأكل وتتحسن امورك
انا قعدت بالوحام الين الرابع وكرهت الدنيا كلها موبس الأكل
بس بالخامس الحمدلله صرت آكل بشهية ماشاءالله وزاد وزني
بس الله يعينك عاد ع الثقل وآلام الظهر

ونصيحتي اذا عرفتي نوع الاجنة من بدري حاولي تجهزين أغراضهم
بالخامس او السادس لأن بعد كذا بتثقلين مره وماتقدرين ع المشي
اسأليني انتي وزنك قريب من وزني

والله يحييكي معنا في تجمع حوامل التوائم

[حنان الهاجري]

بارك الله فيكم خواتي طمنتو قلبي ونرتوني وان شا الله الله بيسهل لنا جميع يا رب
لا خلا ولا عدم منكم يا رب