هل اترك وظيفتي عشان ما اتطلق ؟

[ساره 9999]

السلام عليكم كيفكم حبايب قلبي
كنت ابي استشيركم في موضوع وظيفتي
انا ليه 9 سنوات متزوجة
وعندي طفلين والحين حامل
ولي 7 سنوات موظفة
عموماً كثرت المشكاكل بيني وبين زوجي
وحكرني في دوامي بعد ماصارت وظيفتي حكومية
اشترط مافي دوام
ويا وظيفتك يا طلاقك !!!
وطبعا القرار قراره هو وأمه لانها قالتلي نفس الكلام
خنقوني
لا ابي عيالي يتشردون
ولا ابي اترك وظيفتي
ايش رايكم ولو في وحده مكاني ايش تسوي
احتاج ارائكم احتاج مشورتكم الله يسعدكم
يا بنات .

[nina MD]

فديتك أكيد ذا الكلام ماقاله الا وقت الغضب

وقت يكون راااايق دلعيه وقوليله ان كل اللي ابيه رضاك واحب اساعدك واشغل وقت فراغي وكيذا عاد انتي ادرى

وحاولي تقنعيه , ممكن تبيني له انك ممكن تتركي الوظيفه بس عشانه لكن مابتكوني مرتاحه ومبسوطه وكذا

[ح ـسسآيف]

وظيفتك لا تفرطين فيها سبع سنوات مداه يتأقلم مع وضعك
وأم زوجك حاولي تهدينها شيء ( تهادوا تحابوا )
وأطفالك اذا صغار حطيهم بحضانة لا تحطينهم عند أم زوجك
واذا كبار مدارس ويروحون البيت لين تجيهم عوديهم الاعتماد على النفس بدري

[ساره 9999]

المشكلة ماتعرفونهم ناس عمري ماقابلت زيهم
ومتشددين ع الوظيفة مرررررررا
والمشكلة انه مايصرف
ويقول معليش تحملي واصبري
لو انه قراره عادي
بس هذا قرار امه
طيب بكره يطلقني
ايش اسوي ووين اروح
وعمري ما ضايقتها او حطيت عيالي عندها
ابداً بس هي كذا
حسسسسسسسسسسسسبي الله عليها ونعم الوكيل .

[شمس الامل]

الله يعينك لأبعد مايصرف مشكلة إذا الأهل تدخلوا بحياة ولدهم ادعي ربك يهدية وكثري الاستغفار وإذا حدت خوذي إجازة ست اشهور بدون راتب وإلا تقولين له وصدقتني راح يمل ويقولك السحبي استقالتك وشرطي علية مصروف وقدرة كل شهر

[سفن بارد]

انا رايي ونصيحه مجرب الحدث

امي مثلك تماما والله وتركت وظيفتها عشان مانتشرد بين ام من جهه واب في جهه
وعشانها خلتها لوجه الله وطاعه لزوجها ورب البيت انها حصلت الدنيا كلها
والله ابوي مليون بالميه اشد من زوجك وحن عليها عشانها شرت حياتها معه وضحت بوظيفتها
اذا تبين نصيحتي بيتك واستقرارك اولى من وظيفتك



حراااااام عليكم يابنات لاتشيلونها تستاثمون فيها وفي عايلتها لاتشردوا والدنيا دواره مثل ماهدمتوا بيتها بجي دوركم
فحذاري حذاري احد يشيلها


ورب البيت يااختي حتى عيالك بيشوفونها لك هالتضحيه عشانهم
للعلم امي وظيفه حكوميه وراتب فوق العشره واستقالة عشانا
جعل عيني ماتبكيها ياااااارب تطول بعمرها بصحه وعافيه
وهذا حنا وابوي ماشاء الله كلنا مكرمينها واذا جاء طاري قالت والله ماتحسفت لماتركت الوظيفه عشان بيتي

استخيري يااحييبتي وربي سبحانه ماراح يضيعك ثقي ثقي ياحبيبتي بربك بعد الاستخاره

اتمنى من كل قلبي لك حياه مستقره هاديه تسودها الحي والموده والالفه اللهم اميييين يااارب

[ام ثابت]

اختي الله يسخرة لك ويهدية لك
انصحك الاتستعجلين بالستقالة استخيري اول وادعي لليل ونهار ان الله يسخرة الك
حابة اسئلك هل انت مقصرة معها بش علشان يقول كذي ولي من راسة
وهل ادوام بلنهار ولليل يعني شكل ادوم كيف

[ام ثابت]

وعذران علي هذا لسوال علشان نقدار نسااعدكي

[ساره 9999]

بالعكس حبيبتي دوامي خفيفالى الساعة 2 فقط
ولاني مقصرة
بس هو ماخذ الموضوع عناد
وتحدي
وماعنده سبب اترك وظيفتي
وكمان وضعه المادي سيء
بس هو عادي عنده

[ساره 9999]

انا بيني وبين الجنون شعره لا اهلي يبوني ولا زوجي متقبلني

[kawaiigirl]

حبيبتي والله لو انا مكانك مااسيب وظيفتي لو يموت مو انتي الي تصرفي اجل ايش يبي يحمد ربو مرتاح من الصرف
وشوفي هذا الفيديو لدكتور طارق الحبيب استشاري طب نفسي

http://www.youtube.com/watch?v=Fdyhnl4hhdw


والله مافي غير وظيفتك الي تنفعك زوجك باين عليه يسمع كلام امو مرره اجل اذا سبتي وظيفتك عشانه وقلبت امو عليك وخلتو يطلقك الحين من جد تتشردي علي الاقل الحين معك راتب تقدري تعيشي في شقه وتصرفي علي عيالك اما بعدين مالك شي

بس انتي استغيري وشوفي

[ام ثابت]

اختي سارة
استخيري اول
واستغفري وادعي لان لقلوب بين اصبعين من اصابع ارحمان يقلبها كيف شاء
بعدين وظيفتك هذي هي امانك بعد الله
ودقي علي استشارات واستشيريهم وهذا رقم استشارات دقي عليهم 920000192

[mermaid]

الله يعينك يا قلبي .... انا كنت متفوقه في دراستي وكان عندي شهادات تقدير وتكريمات لكن للاسف زوجي خلاني اوقف عن الجامعه لمن اسلبت ولاراح قدم عذر وامه ماساعدتني بالطفله اللي محتضنتها اذا رحت اداوم اروح بتهزيء واذا جيت من الدوام بتهزيء وكل اشوي امي ما تقدر على البنت وامي تعبانه وتسبب بطردي من الجامعه والقهر اللي ذابحني ان اخواته يروحوا دواماتهم وعيالهم عند امه عادي جات ع الطفله اللي محتضنتها وعلى حساب دراستي
دحين اتحسر كل يوم على الجامعه وما اقول غير حسبي الله ونعم الوكيل .....استخيري وحاولي اذا المشكله في الاولاد توديهم حضانه واذا في البيت جيبي شغاله واذا على الطبخ جهزي غداكي من الليل لا تحاولي تحتاجيهم باي شي خاصة امه وخليكي دايما قويه وادعيلي لاني سحبت ملفي وبحاول ابدأ من جديد لاني تعلمت الدرس وعرفت ان الناس وقت حاجتهم يحترموكي ووقت شبعتهم يبيعوكي لا تضيعي مستقبلك ابدا وحطي ببالك ان وظيفتك كمان هي مستقبل اولادك عشان لا تكوني ام عاجزه في المستقبل فكري زييييين واستخيري يا قلبي

[همسة دفاء]

حبيبتي حاولي تشوفي حل يرضيهم

ولا تسيبي وظيفتج


دام هو ماخذها سالفة عناد وتحريض من اهله اذا خليتي وظيفتج وصار ش بينكم وتفرقتو وش بيصير فيج وفي عيالج

من بيصرف عليكم خاصه هو وضعه المادي صعب

انا اقول لا تركي وظيفتج دام وضعه المادي صعب

[عفوآ حبيبي]

اختي
لاتفرطي في وظيفتك دام مافي سبب مقنع

وترى الوظيفه اامنلك من الزوج الله العالم الايام ايش كاتبتلك معاه دام يسمح لتدخلات اهله
فالجاي الله يستر منه
واذا لا قدر الله وصار شي وانتي خسرتي وظيفتك عشانه من بيفيدك وانتي تقولي حتى اهلي مابيتقبلوني

الوظيفه امااااان واستقرار وكل شي راجعلك

الله يهديهم لك ويصبرك على مبتلاك

[لهفة حنين]

السلام عليكم ورحمة الله وبركاته
والله أختي مدري إيش أقولك .. بس حبيبتي إنتي شايفه وضعك في البيت وأدرى بيه .. بصراحه الرجال مالهم أمان فلو إنه تعامله كويس ومايسمع كلام الناس فيكي وقايم بواجباته كامله ناحية بيته وأوﻻده .. فمافي مانع تسيبي شغلك عشانه .. لكن إذا كان العكس فلا تسيبي وظيفتك وتحتاجي الناس .. والله الوظيفه الأيام هادي مهمه حتى للمرأه .. وبصراحه أنا مدري بس عن تجربه ﻻقدر الله صار شي بكرا محد حينفعك حتى أهلك ما حيقدروا يتحملوا أوﻻدك .. والرجال يرموا أوﻻدهم وﻻ همهم .. والله أنا مررره ضد إنك تسيبي وظيفتك .. لكن في نفس الوقت أهتمي في زوجك وبيتك وﻻ تخليه يحس بقصور منك .. وقبل كل شي أستخيري الله وبإذن الله ربي يوفقك باللي فيه خير لكي ولأوﻻدك .. الله يوفقك يا عسوله ويسعدك دنيا وآخره ويسخر لك زوجك ...

[أم فروحة]

حبيبتي في هالزمن الناس تدور وظيفة مو تفرط بوظيفة
إياك ثم إياك تفرطين فيها هذي مستقبلك وسندك ووقت الشدة والأزمات تلقينها حتى لو زوجك ضاقت به الدنيا
تكون وظيفتك سند ماتدرين عن الظروف
ودام الموضوع عناد خذيهم بالمسايسة * بالإقناع* ذكريهم بالمستقبل* بهموم ومصاريف الأطفال* أعباء الحياة*
واذا العقدة من أمه فعليك بها* اعتبريها امك ودلعيها وكلميها وأهديها واقنعيها وش تسوين حكم القوي على الضعيف
والمثل يقول: من لم يكن له حيلة فليحتال وانت احتالي عليهم المهم لا تتركين وظيفتك
بعدين غريبة زوجك يخيرك ين طلاقك والوظيفة والله الرجاجيل يستانسون اذا حريمهم موظفات
خلاص انت اقنعيه بالعقل وان وظيفتك هي لمستقبلكم ومستقبل عيالكم لا كبروا وزادت مصاريفهم وطلباتهم
أو واجهتكم مشاكل أو أو أو
المهم زوجك بالاقناع وأمه خذيها بالعوتطف والدلال
والله يسخرهم لك يارب

[ساره 9999]

الله يسعدكم جميعاً ، واحمد الله ان ردودكم جات مطابقة لتفكيري خصوصاً اني استخرت كثير ودائماً أميل لوظيفتي
انا انسانة عاطفية ودائماً امشي ورا عواطفي وبالأخير أندم
لكن هالمره راح امشي مع عقلي ..
انا احب زوجي فعلاً ، واحب اطفالي
لكن الأمان في وظيفتي
يا ماحاولت افهمه وحاولت اقنعه ، لكن للأسف هو حكم الموضوع وانتهى وقرر
كمان هو يكرهني فأقدر مشاعره ... الشخص اذا كره احد يحاول ينتقم منه بأي طريقة
صح ان حصل فراق راح ابكي واتعب لكن انا راضيه بالمكتوب
ولا أنا ولا هو نقدر نرد شي ربي كاتبه
يارب اكتبلي الخير وارضني فيه
انا محتااااااااجه دعواتكم فاذكروني بدعوه في ظهر الغيب .

[سيدة العمر]

الله يعينك ياشيخة... هاليومين هدول لا اهل يفيدون ولا زوج يحس
ماحد بينفع حد غير نفسه

[ورده 2012]

السلام عليكم حبيبتي ،،، عليك بالدعاء في آخر الليل ،،، وعلى العموم اجازة التيرم قربت ،،، واذا اصر عليك خذي اجازه بدون راتب ،،،، وحاولي تكسبينه لصفك حتى الاجازه قبل لاتأخينها استخيري ،،، وشكل ام زوجك غيرانه الله يهديها ،،،، وحاولي معاه بالتفاهم وانك تبغين تساعدينه واصحه يلعب عليك ويشترط يأخذ راتبك ،،، الله يكتب لك الذي فيه الخير واسفه طولت عليك

[ناعسة العين]

لو اناااااااااااااااااااا مكانك ياقلبي معليش يمكن انا قووويه


ماراح اترك وظيفي ياقلبي


انا صديقتي معاها اربع عيال زوجها طلقها لانها قالت تبي تكمل دراستها

والحمدلله كملت دراستها وتوظفت بفضل الله الحمدلله وعيال كبروو

اثنين بنت وولد تزوجو وباقي بنت وولد كبروو مع ابوهم ويزرووون امهم

وهي مبسوطه تقول وش تبي برجال لا يصرف ولا شي ويتحكم ويقول لا تكملين دراستك




قولي له والله وظيفتي الزم لي حتى اموت .. وانتي تعرفي الرجال هالايااام كيف

ولا بعدك تقولي انو ما يصرف وتستشيرررررنا وتقولي اترك الوظيفه .. كله علشان الطلاق

وايش يعني الرجل بحياتنا ما جابه غير الهم والمشاكل وامه بعد وش دخلها

معليش انفعلت بس انقهرت لك والله الله يسهلك طريق الصواب ويهديهم ويسخرهم لك يارب ياكريم

[ناعسة العين]

كيييييييييييف اهلك ما يبونك يعني بيتخلون عنك لا تبالغي

اذا اهلك ما يبونك روحي استاجري يمه بتعيشين محد مات جوع

[غاده2]

انا بيني وبين الجنون شعره لا اهلي يبوني ولا زوجي متقبلني

الله يسخر لك زوجك ادعي الله والجأي لربك بس واستخيري وحافظي على بيتك قدر استطاعتك وابعدي عن الغضب
اسال الله لك التوفيق حبيبتي

[ساره 9999]

كيييييييييييف اهلك ما يبونك يعني بيتخلون عنك لا تبالغي

اذا اهلك ما يبونك روحي استاجري يمه بتعيشين محد مات جوع



اقصد ما يبوني بعيالي ولهم ظروفهم اللي تمنعهم .. فلا تقولي مبالغه !!

[ساره 9999]

مشكورين جميعاً ... ومشكورين على الدعوات انا بتألم من الطلاق ...
لكن لو جلست راح اذوق الأمرين
فوظيفتي هي إماني بعد الله .
جزاكم الله الف خير

[الزنبق الزهري]

الله يساعدك ويكون في عونك وييسر لك الخير انا اشوف مدام السبب امه وهو يسمع لها تقربي لها وكل شهر اهديها شي حاولي تخلينها تحبك وعبري لها انك تحبيها وخليها تتوسط لك عند زوجك انه مايخليك تتركي الوظيفة سوي كل شي تقدري عليه عشان تحافظي على بيتك اولاً ووظيفتك ثانيا خليهم يشوفوا انك نافعتهم بالوظيفة وعبري لها حتي بالكلام انها زي امك وان شاء الله تتعدل امورك

[الدلووووعه]

حبيبتي استخيري احسن لك جاتك استشارات كثيره بس الافضل لك الاستخاره الله سبحانه وحده هو اللي بيدلك للي فيه خير لك ولعيالك ولزوجك الله يسخره لك ويحنن قلب خالتك عليك

[Aybaby]

لو كنت مكانك راح اختار وظيفتي و له دراستي و لاتسمعين كلام اللي يقولج تقربي من امه
هالنوعيه لو بتسوين ايش ماراح يقتنعون
و الرجال طقاق فيه
معليش بس انا هذا رايي الوحده لازم تفكر باللي تبيه و تعيش باللي هي تبيه
مش اللي يبيه زوجها و لا بعض الغبيات يعيشون باللي تبيه ام زوجها
و انتي موظفه حكوميه استاجري شقه لك و لعيالك
صدقيني نوعيه هالرجال بكره لو امه بتعجبه وحده مع انه موظفه
بيقولون ماشا الله عليها و يشوفون انها ماشا الله عليها موظفه بعد

اخر من راح اضيع عمري عشانه الرجال

[أم حنوونه]

هلا اختي ساره دام قلتي عناد ولافي شي نصيحه لاتنازلين عشان وضيفتك قول لو تحبني ماتهدتني بالطلاق وثانيا انا اعرف لك وحده من بنات عمي قالها كذى
ولله وبنهايه طلقها وقهرها لاوضيفه وبنهايه طلاق هالحين اهي كبيره بالسن
فالنصيحه حاولي تدورين حل غير الفصل واتمنى لك التوفيق واكثري من دعاء
لا اله الا انت سبحانك اني كنت من الضالمين

[ساره 9999]

مشكورين جميعاً الله لا يحرمني منكم .. بإذن الله ما حترك وظيفتي
خصوصاً انه كسر فيني أشياء كثيرة
وهاجرني له فوق السته أشهر حتى ما يكلمني
الا اذا يبي مشكلة
والمصيبة لما مرض جا طلبني فلوس
انسان منفصم متناقض !!
عموماً ادعولي قربت ولادتي
وبعد الولادة الله يكتبلي الخير
ويسهل أمري ..

[دروع]

الله يختارلك اﻻبرك يااااارب ويرزقك الشي اللي يكون في صالحك ويرضيك فيه ويباركلك يااارب

[البارقة]

الله يكتب لك اللي فيه الخير

[نبض رو ح]

بالعكس حبيبتي دوامي خفيفالى الساعة 2 فقط
ولاني مقصرة
بس هو ماخذ الموضوع عناد
وتحدي
وماعنده سبب اترك وظيفتي
وكمان وضعه المادي سيء
بس هو عادي عنده


صلي صلاة الاستخارة واطلب الهداية من الله ان يهدي زوججك
وثانياا قبل كل شي الا الوظيفة هي اللي حاتعيشك ودراستك حاتنفعك .. ام الرجل ع قولة لاخوات مايجيب الا الهم والغم وماوراء الا المششاكل

الله يصلحكم ويهديكم لبعض

[ToOfi]

داومي على الاستغفار
والله تفرج من حيث لا تعلمييين
ما واجهت مشكلة ولا شي يضايقني و استغفرت الا وفرجت من عند رب العالميين

اللهم يا مسهل الشديد و يا ملين الحديد و يا منجز الوعيد و يا من هو كل يوم في امر جديد اخرجني من حلق الضيق الى اوسع الطريق بك ادفع مالا اطيق ولا حول ولا قوة الا بالله العلي العظيم

كرريها دايما

الله يفرج همك يا حبيبتي

[الحباة]

والله يا اختي الوظيفة هي اهم شي في حياتك ... وصدقيني مافي حد بتركني له في هذه الحياة بعد الله سبحانه غير راتبك... حاولي اقنعي زوجك با الكلمة الطيبة... وطاعة الزوج واجبة فهو جنتك او نارك فستخيري الله وهو الي بختار لك الخير