دورتي متأخرة ، لكن للآسف .....

[دآنه علي]

مساكم الله بالخير حوامل

أتمنى إنكم بصحه و عافيه أنتوا مع اللي في بطونكم

محتاجه رأيكم بشغله و بالخصوص اللي مرت بنفس حالتي تعلمني

أنا متزوجه من حوالي سنه و شهرين و لحد الآن ربي ما أكرمني بطفل

اللي صاير معاي الحين إنه دورتي متأخره علي 38 يوم ، و عندي أعراض مثل الدورة بس على أخف و تروح و تجي ، مثلاً ، آلالام آخر الظهر ، مغص خفيف في البطن ، رجليني تألمني ، و سويت تحليل منزلي كذا مرة و ما ضبط معاي ( سلبي )

البارح سويت تحليل دم و نفس الشي سلبي ، مع العلم إن دورتي منتظمة و ما تأخرت علي أبداً

و اليوم رحت للدكتورة ، و قالت لي لطالما تحليل الدم سلبي ، يعني لحد الحين ما فيه حمل ، بس لو بحال ظلت الدورة مقطوعه عنج للثلاثاء الجاي ، تعالي و سوي تحليل هرموني ، و هذا النوع من التحاليل يبين لنا كل شي

بصراحه إحساسي إني حامل ، بس لحد الحين ما بين معاي
فيا ترى من اللي صار لها مثلي و بعدها حملت ؟

[صافو]

حبيبتي الدكتورة اخبر بتكون شافت فحوصاتك
وبناءا عليه أكدت لك ما في حمل
اعراض الدورة والحمل متشابهة تقريبا
بس اعرف صديقة ما يظهر معها حمل لا تحليل بيت ولا دم إلا بعد شهرين
من حملها
طبيعة جسمها هيك وبكل ولادها سبحان الله
ممكن كل شئ ممكن ألبي
الله يطمنك ويرزقك

[tota_2101]

ان شاء الله حامل ربنا لو شايف ان فيه خير هيرزقك ان شاء الله

[دآنه علي]

الحمد لله ع كل حال

بس بخآطري أصير أم

[عاشقة الأمل]

يارب تطلعين حامل

[شموسه الغاليه]

ان شاء الله يكون حمل انتظري بعد كم يوم ولازم بعدهه تاخذين التراساوند حتى اذا فيه حمل يبين واذا عندك اي مشكله كمان تبين

[حب خالد]

انا مشكلتي نفس مشكلتك
بس متأخره الدورة 14 يوم
وعملت تحليل دم وتحليل منزلي وطلع لي سلبي
واليوم عندي موعد مع الدكتورة
نفسيتي جدا تعبانه وللعلم هذي اول مره بتتأخر معي الدورة
ودورتي منتظمة

ان شاء الله خير
وربي يرزقك الذرية الصالحه المعافاه ويرزقني يارب العالمين

[neeevooo]

الله يرزقك حبيبتي سوي تحللي هرموني

[دآنه علي]

الله يرزقكم الجنه جميعاً

حبيبتي حب خالد طمنيني وش يصير معاج ؟

و بالنسبة للتحليل الهرموني بسويه الثلاثاء الجاي إن شاء الله

دعواتكم

[أحلى عطور]

ماودي احطمك ياقلبي بس نفس سالفتك
صارت لي حللت منزلي وودم وكلها سلبي
جلست شهرين متاخره ودخلت ثالث شهر وسويت
التراساوند ومافي حمل واعطتني حبوب وقالت راح انزلها لك

[دآنه علي]

ما أدري إذا أقول حلمي بالأمومة انتهى أو لا !!
سويت اليوم التحليل الهرموني ، و ما فهمت من الدكتورة شي أبد

هي فلبينية ، و جلست تخربط علي و لا فهمت عليها ، بس قالت لي الهرمون 2 يعني ضعيف
طيب في مجال يرتفع ، ما ردت علي

و بيني و بينكم زوجي مو مقتنع فيها ، و لا يثق بالمستشفى
ويبيني اعيد التحليل مره ثانيه !!

وش تنصحوني فيه ؟

[MS.JOJO]

انا مره صار لي وقالت تقريبا نسبته 4 .. يعني اقل من المستوى الطبيعي ,لازم فوق الخمسه

طبياً ما يتعبر حمل لانه ضعيف ..
يعني يمكن في بويضه ملحقه بس ما لزقت بجدار الرحم .. هذا كان كلام دكتورتي قبل اكثر من ست شهور

[احلا دنيا]

يارب تطلعين حامل ويارب يرزق كل مشتهية ومحروم الحمل

[**لولا**]

يمكن حمل متأخر ومايبان على طول
في ناس يجلسو للشهر التاني ومايبان ابدا سبحان الله
انا برضو بان بعد 4 اسابيع بالتحليل
بس توكلي على الله,,والنفسية لها دووور

[**لولا**]

ما أدري إذا أقول حلمي بالأمومة انتهى أو لا !!
سويت اليوم التحليل الهرموني ، و ما فهمت من الدكتورة شي أبد

هي فلبينية ، و جلست تخربط علي و لا فهمت عليها ، بس قالت لي الهرمون 2 يعني ضعيف
طيب في مجال يرتفع ، ما ردت علي

و بيني و بينكم زوجي مو مقتنع فيها ، و لا يثق بالمستشفى
ويبيني اعيد التحليل مره ثانيه !!

وش تنصحوني فيه ؟


ايوا عيدي بعد اسبوووع,,ياقلبي انا لمدة اسبوعين كان صفررر,,وبعدها باسبوعين صار فوق الفين سبحان الله ولا يظهر,,,فممكن حملتي قبل الدورة,,احتمال كبير تبويض يتقدم ويتأخر
مع انو انا كان مبكر جدا وماظهر الا بعد شهر,,,يارب حامل وتبشرينا
ولو نزلت الدورة ربي يكرمك الشهر اللي بعدو

[دآنه علي]

مس جوجو
ربي يزرقج الذريه الصالحه

أحلى دنيا
الله يسمع منج

لولا
إن شاء الله أكون مثل حالتج ، بس أنا اللي مستغربه منه ، اني كلما بحثت بالنت أشوف البنات يكتبون النسبه فوق 1500 ، طيب وش يعني ؟ و كيف أنا 2.39 ؟

وش الفرق ؟

[Nawarati]

انا حاسة فيكي :(
بس لا تحكي جنب زوجك او اهله احسن ما يفكروا انك عم تتدلعي
لما تتأكدي خبريهم لا تحكي قبل