محتاجة مساعدتكم بخصوص الرضاعة والحليب الصناعي الله يسعدكم

[مغربية4]

السلام عليكن حبيباتي

عندي كم سؤال عن الرضاعة الصناعية
ولدي الله يحفظه عمره الحين تقريباثلاث شهور وهو أصلا منولد وهو بالشهر الثامن
المهم رضعته صدري شهر ونص تقريبا وشفت إنه يبكي من الجوع ومايكفيه الصدر
عطيناه حليب عطوناإياه من المستشفى وعجبو وناسبو
طبعا مع إستمراري في إرضاعه من صدري

عندي شوية أسئلة ياريت تفيدوني جزاكم الله خير
هل أزيد مع الحليب فالرضاعة شوية سيريلاك حاليا والا أخليها بعد كم شهر؟
وثاني شي كنت أستخدم رضاعة صغنونة أحطله مثلا واللي معروف فكل 30 مل ملعقة حليب

قبل يومين غيرت لرضاعة كبيرة طبعا ارقامها بالمليليتر بس لما حطيت 30 مل موية ورجعتها للرضاعة الصغيرة عشان أتأكد إتفاجأت انها قليلة يعني ال60مل بالصغيرة تعطي 30مل بالكبيرة
إحترت مررررة شلون كذا وهما نفس وحدة القياس

وبخصوص وانتو بكرامة برازه أخضر سايل سمعت إنه من البرد والغازات بس أنا حريصة على تدفئته وتجشؤه بعد الرضعة

تكفون اللي عندها أي فكرة تفيدني بها جزاكم الله خير ربي يسعدكم

[ام اسكندر]

البراز الاخضر طبيعي كان مع كل اطفالنا
وسألت الدكتورة قالت طبيعي

اما الحليب ومقدار المويا عادي ممكن تقدريها تقدير ورح تزبطي المقدار ان شاء الله

والسيريلاك لما يكمل 4 شهور عطيه ملعقتين سيريلاك بس باليوم
وزيديها اسبوعيا بالتدريج لين تصير وجبة واحدة باليوم بعمر 6 شهور
وعوديه ع طعم الخضارالمسلوقة من 4شهور كملعقة فقط باليوم
عشان لو ماتعود من بدري حيرفضها بعدين

وربي يحفظه لك

[مغربية4]

مشكورة حبيبتي عالرد جزاكي الله خيرا