صديقتي بتطلق ساعدوني

[pain]

السلام عليكم ورحمة الله وبركاته

حبيباتي :

انا مزعوجة وايد منشان صديقة مقربة مني والله صايرة معاها قصة غريبة وماعرفت اعطيها اي حل لمشكلتها لأني لو كنت مكانها راح اطلب الطلاق وبدون تردد لكن ماحبيت انصحها بهذا ولا اعطيها رأي بس سمعتلها ودعيتلها, فياريت عندكم حل واللي ماعندها حل ياريت تدعيلها وبارك الله فيكم

القصة هي انها خذت موبايل زوجها من شان تتكلم فيه (ماكان عندها رصيد) وبعد ماكملت المكالمة عادي قالت خلي ادش على الفيس بوك وللأسف ياريتها ما دشت, الصفحة اللي فتحتها كان فيها اخر صفحات دش عليها زوجها وهي صفحات للأسف مريبة جدا (اكيد فهمتوني)

وياريتها جت على كذا وبس

مسكينة انصدمت وبعدها نار قلبها ما خلتها توقف على هذا قالت خلي ازيد افتش تتصور ايش لقت؟؟؟؟
لقت فيديو لأاختها عمرها في حدود ال 10 سنين تقريبا , وهي فاتحة الباب لزوج اختها بس كانت لابسة تنورة قصيرة وهو يصورها وهي ماتدري
ولقت فيديو تاني لأختها وهي ترقص مع صحباتها

قامت وواجهتها وقالتله وايش هالخرابيط اللي في الموبايل في الأول نكر تصوروا ؟؟؟ لين ماوراته الأدلة وبعدها قعد يبكي ويستسمح وباس ايديها ورجولها ويقوللها سامحيني وماعاد اعاودها والتوبة الخ الخ الخ
بس هي راكبة راسها لأنه الموضوع موهين , قالت معاد راح احترمه من اليوم ورايح , وكيف راح تتأمن على بناتها منه؟ , وكيف راح تخليه مع اختها وبيت اهلها عادي؟؟؟

والله قلبي يتقطع وهي بتحكيلي وانا مصدومة وماعرفت ارد عليها ياريت الاقي الرد عندكم لأنها هي عندي وودي الاقي حل او اي نصيحة لأني بصراحة لعند الحسن ما اعرف كيف اتصرف
هي بتقعد معاي الليلة وباكر بتروح لبيت اهلها وبتطلب الطلاق


هيا اخواتي ماتحرموني من حلولكم ودعواتكم لها

[ارق عاطله]

هاذا مريض نفسي وجسدي

وصدق كيف بتامنهً علي بناتها بعد ماصور أختها

[pain]

والله ما ادري يا اختي ياريت تقولي لي او تنصحيني ايش اقولها

خصوصا انه بعتلها مسجات بيقول انه متأسف وانه تاب لله ومعاد يعيدها وكلمها بالتليفون اكثر من مرة و انا مش عارفة بأيش انصحها

[أم فررررررح]

سلام أختي ياريت تنصيحه انها ترجعله بيما انو قاللها توبه حتى الله سبحانه
يقبل توبة عبده خليها ترجعلها واذا كان في شي راح ايبان مثل مايان في الال

[pain]

بارك الله فيك اختي ام فرح والله قلتلها اللي قلتيه لي بس هي متقطعة وتقول انها عمرها ماراح تحترمه بعد كذا , وعمرها ماراح تأمنله على بناتها واخواتها بعد

يعني حياتها راح تصير كلها وجع راس في وجع راس وكلها مبنية على عدم ثقة

والله انها معورتلي قلبي

[لؤلؤ مكنون]

والله زعلتيني لكن انصحها انه لاتفضحه لانه بيضل ابو بناتها وهي الشغلات الناس ما تنساها وتظل محفورة بذاكرة بناتها وحتا اختها اذا عرفت ما تدري كيف تصير لها حالة نفسية وع العموم الله يهديه ويصلحه افضل حل الذهاب لدكتور نفسي ويكون بعلم امها وابوها بالقصة بس والله لو علي يستاهل اكثر من انها تتركه لكن عم تقولي في بنات وانا هاد اللي خلاني اتعقل بردي واذ عاد طبيعي بعد زيارته للطبيب تكون غلطة وتاب منها الله يصلحه واذا شافت منه اي تصرف مخل بالأدب تختار الطلاق ولكن طول فترة مراقبتها له تراقب تعامله مع بناته ولاتحسسه وحتا بناتها لا تحسسهم عشان ما يتأثروا نفسيا واختها لازم ماتبين بقصير والاخص لاتبين كلها يمكن اختها جسمها ملفت للنظر حرررررررررام لساها صغيرة ع هالاشياء واستعيني بالاستغفار وان الله يصلح زوجك وحاولي تسحبي زوجك للامور الدين والصلاة وتعلمه بامور دينه وووعظه وتوعيته هذه غفلة من الشيطان واستودعي بناتك وحصنيهم والله الحامي واتمنا اسمع عنها اخبار حلوة

[قمر جده]

اعوذ بالله ماقول غير لاحول ولاقوه الا بلله والله صراحه انا مانصحها بالطلاق بس الي محيرني بصراحه واحد زي كذا كيف عااد احترمه كيف احط عيني بعينه بجد كيف اامنه على بناتي بجد واطي ومنحط وصل انه يصور اختي بجد مريض نفسيا بس بصراحه لو انا مكانها ماعاد اامنه بشي ارجع ليه بس مجرد عشان العيال ولا كل ماشوفه احقره عشان ثاني مره لايلعب بذيله واذا يبغا يلعب مو عند اختي توصل بنات الحرام ماخلوا لبنات الحلال حاجه هذا مجرد وجهت نظر والله يعينها على مابتلاها

[pain]

شكرا يا اخواتي والله قلت لها كل الكلام اللي قلتوه وهي اليوم قايمة احسن من امس , امس كانت منهارة بس اليوم قايمة قوية اسم الله عليها
انا حسيت انها ماراح تروح حق بيت ابوها اليوم , لأنها امبارح كلمت زوجها ومن خلال الكلام قعد يترجى فيها وقالها انه تايب توبة نصوحة وانه الله يبي بيه الخير انه هي شافت الموبايل عشان يتوب وقالها اعطيني فرصة اخيرة وبعدها لو شفتي مني اي شي مو زين افضحيني سوي في الي تبيه

انا فرحانة لأنها رجعت عن موضوع الطلاق , بس اللي مخوفني انها قالتلي بالحرف : انها ماراح تعامله زين من اول وجديد , وانها راجعة من شان بناتها مو من شانه, وانها قرفانة منه ومعاد تطيقه

بصراحة انا حسيت انها بتضحي رغم انها صغيرة بالعمر وهي ماشاء الله عليها ربي عاطيها جمال في الشكل والجسم ومهتمة بنفسها وبيتها وعيالها ومو مقصرة بحقه حب في حب طول الوقت ماشاء الله بتحبه حب جنون

بس الحين الحب كله تحول الى كره كبير

[(ملاذ الروح)]

لا حول ةلا قوة الا بالله
تصلي صلاة استخاااااااره " ماندم من استخاار وماخاب من استشاار"

[pain]

حبيبتي ملاذ الروح تسلمي يا قلبي والله يكتبلها مافيه الخير لها ولعيالها يارب

[om yosof]

أختي انا عندي نصيحه لك وهي اهم جزء في هالمشكلة ..المفروض اختها تتغطى عن زوجها لانو مو محرم لها ولا يجوز انها تطلع حتى تجلس معاهم وللاسف كثير ناس يتهانوا بحرمة هالشيء بحجة انها صغيرة او انها باقي ما بلغت ترا حررررررررررررررررررام والشيطان موجود..ع الاقل يكون هالامر بمثابة تعويد لاختها ومدري ايش راح تخسر لو تغطت او حتى سترت نفسها..؟؟ وبعدين اكيد ما قدر يصورها وهي ترقص الا اذا كانت قريبه منو!! الرقص ف حد ذاته اغراااااااااااااء تحمد ربها انو وصلت للتصوير بس..والمفروض يتم تعويد البنت انها ما تختلط او تقعد تحكي مع احد غريب عنها عشان حتى ما يقتل الحياء في هالبنت...وياما سمعنا عن تحرش او اغتصاب محارم بسبب هالبلاوي ..الله يحفظنا ويرحمنا برحمتو

[pain]

تسلمي حبيبتي وكلام عين العقل والله راح ااقولها بعون الله تكلم اختها لأنه بها الزمن هذا البلاوي كلها ممكن تصير وربي يباعد علينا وعليكم الشر

[حور الدلع]

الموضوع صعب جدا


بس لاتتهور وتطلق تصبر لاتاخذ قرار الحين مصدومه ومعصبه

[pain]

الحمدلله يا بنات هي رجعت لزوجها , وبتعامله عادي بس حلفتله انه لو كررها لاعاد يشوف رقعة وجهها لا هي ولا عيالها

[meso]

لا حول ولا قوة الا بالله
ترجع لزوجها بشروط وتخليه يتادب ولا تعاملة زى اول لين يتوب ويستغفر الله
بس ماتقدر تثق فية مرة ثانية
اللة اكون فى عونها وخليها تستخير والخير فى ما اراد الله

[أم عوآسي]

السلام عليكم ورحمة الله


نقطة استوفتني...عمر اختها 10 سنوات ولابسة تنورة قصيرة ...!! ياهوو ما يجوز قدها البنت معرسة لو هي فزمن الاوليات.. مشكلتكم تستهينون في هالنقطة بحجة اطفال.... ياهو الطفل اللي رفع عنه القلم مو اللي امرنا الرسول بضربه على الصلاة عشرا... والتفريق في المضاجع قبل هالسن... ويتاسءلون ليش جيلنا مايع...!!

اما للاخت لو بموقفها اكيد الطلاق... مافي خل غيره...اما اللي تقول تاب الريال وما تاب هذا بينه وبين ربه عسى الله يقبل توبته لكني انسانه ما اعلم بالقلوب وما اضمنه لا على عرضي ولا عرض بناتي وعرض هلي...

وبدال ما اعيش فشك ووهم طول اليوم واسبب لنفسي حاله نفسية وعلى حبوب اعيش يعدها اطلب طلاقي ضرا واكسب حضانه بناتي وامنعه من شوفتهم بالدليل...

كذلك ان كانت صاحبة ضمير عليها ان تخبر اهلها بما جرى لان البنت اختها و لها ام واب اي امها وابوها لازم يعرفون لان العرض عرض ابوها اولا واخيرن وهالانسان المفروض ما يدخل بيت اهلها من بعد اللي صار ..


ودمتم سالمين ....


واللي بتقول الطلاق ابغض الحلال .... اقولها استريحي اولا هذا الحديث بعض العلماء نفوا صحته وثانيا كيف يبغض الله شيئا احله... ووضعه حلا لزيجات مثل هذه ..

[مخاوية الهم]

هذا ما يعرف يحافظ على شرفه و عرضه .. و ما يتآمن على شي
بس لأنه قال اسف و ما اعيدها تسامحه ؟؟
اكيد راح يقول هالكلمتين عيل تبينه يقول جب و انا مو غلطان .. ؟؟؟؟؟
كلام مو منطقي

ظروري تخبر ابوها او اخوها ..

اذا مابينهم عيال خل تحافظ لعى نفسها

باجر يصورها و ينشر صورها .. مو بعيدة عنه الخسيس

[pain]

السلام عليكم

بنات غبت عنكم فترة بس لأني الفترة الماضية نسيت بأي موقع نزلت المشكلة

ماراح تصدقوا ايش صار في صديقتي المسكينة


واقسم بالله انه قلبي يتقطع عليها

زوجها توفى تصوروا

وهي حسب ماتحكي انه تاب توبة نصوحة قبل مايتوفى سبحان الله صار يصلي بالجامع والفجر ويقرا قرأن وعاملها احسن معاملة سبحان الله

وتشهد قبل مايتوفى ياسبحان الله

يعني كل اللي صار مقدر من عند الله ولأنه ربي يبيه يتوب قبل ما يموت خلى زوجته تشوف الموبايل

تخيلوا يا اخوات هي تقول : الحمدلله اللي شفت الموبايل وعاتبته قبل مايتوفى
لو ماصار اللي صار كان ممكن يموت على معصية

أسأل الله له الجنة وان الله يتقبل توبته ياااااااااااارب

[قــــــــــمر]

حبيبتي كل انسان له حق ان يعطى فرصه ...
واذا ربنآ خالقنآ يرحم ويسامح من تاب واعتذر له ... حنآ المخلوقات الفانيه ليش مانسامح من تاب واعتذر ونعطيه اقل شي فرصه وحده اخيره ....
حلو ان زوجها اعترف مو مثل بعضهم ينكر عيني عينك ولا واذا ماعجبك طيري !!
خليها تعطيه فرصه اخيره
انتي قولي لها دام انه اعتذر لك عطيه فرصه اخيره كل انسان يغلط والشيطان شاطر فرصه اخيره ماراح تضرها !!
عشان حتى لو تطلقت لاسمح الله منه بعدين تقول انا عطيته فر صتين وتكون ماتندم طول عمرها..
.
.
يمكن زوجها بين يوم وليله يقلب متدين وقريب من ربه اكثر الله يغير من حال الى حال ..
الله يسهلها عليها .

[قــــــــــمر]

معليش اختي تو قريت ردك الاخير ......
سبحآن الله الحمد لله انه توفى ع هالحال الله يرحمه ويغفرله ..
موقف صعب جدا ...
الله يعينها يارب ويصبرها يااارب .

[فاغره]

شوفي حبيبتي اذا هي ماعاد تبيه ولا تثق فيه وتو ما عندها الا بنت وحده وهو عينه زايغه لدرجة صور اختها اسمعي تطلق احسن والله يعوضها احسن من تحرق قلبها ونفسها عنده وتجيب 4 ولا 5 وتقول خلاص ماعاد ابيه انا اعرف وحده قريبه مني قصتها مشابها لقصة صديقتك تقريبا وصبرت لين صار عندها 4 وتطلقت وراحت واصغر عيالها توه بالاشهر واكبرهم 4 سنوات وندمت انها جلست معه وحاولت تصلحه وما فاد و مره زعلت وقال توبه ونفس زوجها يبكي واكشن وترجع تحصله اردا اللي تشوف زوجها لعاب نصيحه لا تقول بصبر وبيتغير صدقيني كله كلام وبتكتشفين بعد فتره انه زي ماهو قولي لها استخيري وتسال امها وابوها واذا هي ماعاد لها رغبه فيه الله يعوضها لا ترجع عشان احد ابدا ابدا ولا تحررق اعصابها قولي لها اللي انتي تشوفيه سويه وخليها برايها تمشي اذا عافته خلاص لا ترجع والله يعوضها بخير منه

[جذور]

مشكلة انه يصور أختها .. ..طيب اذاى الفيديوهات ديه وصلت له اصلا ؟؟؟

الله يهديه .. عالعموم مهما صار أمر الطلاق لا ننصح بيه أبدا ..

وكلنا بنخطأ المهم لا يتكرر الخطأ .. الله يهدي سرها يارب