المشيمة

[Bint alblad]

أنا ف الأسبوع التاسع ولكن اليوم نزل مني إفراز بني
وف المستشفى بعد الفحوص آت الجنين سليم ولله الحمد ولكن جزء من المشيمة سقط
هل صار لاحد مثل ماصار لي وولدت بالسلامة؟
وشو أسباب سقوط جزء من المشيمة؟
خبريني شوي عن احد صار له مثل حالتي

[بنت من البنات]

كيف سقط
يعنى نزلت منكى وشفتيها
وعن السوال والله ما اعرف بس ارتحى
والافضل روحى عند امك لما ترتفع المشيمه
وممنوع الجماع الله يتمم عليكى

[Bint alblad]

لا ماشيتها رحت للدكتوراه وسوت لي سونار وشافت الجزء من المشيمه نازل
ومشكورة على دعائم حبيبتي

[Bint alblad]

تمنيت احد يقولا زياده عن هال موضوع لأني صدق متخوف

[jood]

لاتخافين
انا صار لي ببداية الثالث نزيف قوي من المشيمة
ولي الحين شهر وزيادة نايمة ع ظهري ورافعة رجولي على مخدات
واستخدم مثبت دافستون حبتين باليوم
والحمد لله
خف النزيف بعد اسبوع من بدايته
بس استمرت الافرازات البنية شهر تقريبا

ارتاحي ع ظهرك وارفعي رجولك على مخدتين
وخذي مثبت بعد استشارة دكتورتك
واقري البقرة يوميا
واستغفري كثييييييييييير
واشربي موية اكثر حاجة تتحملينها
يعني 12 كاس باليوم

وثقي بالله ثقه تامة
وماراح يخذلك

[Bint alblad]

شكرًا جود حبيبتي شجعتني
أنا متخوفا كثير لانه أحس بألم وتعبانه وحالتي مايعلم فيها غير رب العباد

[سفن بارد]

ياحبيبتي لااااتخافي ابد الله يتمم عليك ويفرحك
انا ياحبيبتي نزلت المشيمه كلها وانا في الشهر الرابع وصار عندي نزيف شديد وكنت لمااكح او اعطس يطلع من الفوطه الصحيه على ملابسي من قوي النزيف وانت بكرامه وكنت متعلقه في الجنين وادعي ربي واخذت مثبت دافستون ثلاث مرات في اليوم وابر مثبته كل يومين والله كانت نفسيتي تعبااااااانه وكنت اشغل عندي قران وانسدح على ظهري وانا في بيتي وعندي ولدي الله يصلحه متعب وكنت اطبخ اكلنا واطلب ربي قايمه وقاعده واصلي الليل واطول في السجود واطلب ربي يتمم حملي وشهر وحمدالله تحسنت وفي السابع ارتفعت المشيمه اللهم لك الحمد وتم حملي ماشاء الله توكلي على الله ياحبيبتي وفوضي امرك لربك اللي ماراح يضيعك لا انت ولا جنينك الله يتمم حملك ويفرحك يااارب بطفلك

[Bint alblad]

فديت روحه سفن بارد والله ريحتيني عسي ربي يريحج دنيا واخره ويسر خاطرج
انا مثلج متعلقه فيه وايد لاني فقد ثلاثه قبله وماودي افقده هو بعد
صرت اكلمه بيني وبينه رغم انه مايسمع بس كل ما احس بنبضه ابدى اكلمه يعني الي يشوفني بيقول هذي مجنونه رسمي ههههه
وبقولج شي ترى اسمج فتح شهيتي على السفن اب رغم انه شهيتي مسدوده بسبب الوحم خخخخ

[Bint alblad]

باديه احس بالْم شديد بالاسفل
وكان الرحم ينفتح والجنين بينزل
وهذا الام يروح ويرجع خاصه اذا جلست كثير او وقفت

[عزف المحبة]

الله يحفظه لك و يثبته و لا يحرمك منه ي ي رب

[Bint alblad]

اللهم امين ويحفظ لج جنينج يارب وتفرحي بشوفته سليم معافى يارب العالمين