اعاني بصمت .. اخاف اموت من كثر الحمل و الولاده

[jood36]

مرحبا بنات شلونكم شخباركم
انا عضوه يديده في المنتدى و هذا اول موضوع لي
انا حامل في الشهر التاسع و هذا الطفل الخامس لي
مع ان اكبر اولادي طفل عمره 6 سنين و انا لسه مواليد 88
مشكلتي ان زوجي بيحب الجنس بشكل غير طبيعي و متعبني وياه فانا في الشهر التاسع و يبي على طول يعاشرني ... و ما يخليني استخدم موانع للحمل و الله اللي يشوفني يعطيني اكبر من سني بوايد .. حتى امي و اهلي يقولون لي خلاص ديري بالج على نفسج و على صحتج بس لا اتييبين عيال بس و الله الامر مو بيدي غصبا عني :(
عطوني حل للمشكله اللي انا فيها
و اسفه اني طولت عليكم

[ρυяỉтч •]

لا اله الا الله ، انتي نفس مواليدي ٨٨ .. يعني يادوب عمرك ٢٤ سنه !
ومتزوجه يمكن ٦ سنوات بس .. يعني سنويا تحملين !
والله حرام كيف كذا ؟ انا متزوجه من عمري١٤ سنه يعني من عشر سنوات
وذا طفلي الرابع واكبر اطفالي ٧ سنوات ، وفيه فرقيه بينهم ومع ذلك بتجنن منهم واحس اني استعجلت بحملتي الاخيره
كيف انتي ؟
متى تلحقين شغلك ؟ متى تعيشين حياتك بدون حمل ؟ مو حياه ذي حمل .. ولاده .. نفاس .. وترجعين من جديد حمل
جسمك يبي يرتاح ، حياتك لازم تعيشينها بدون جنين ف رحمك تنقلين همه
لازم زوجك يحس بالتعب اللي تحسيه ، خليه يساعدك بالطفل الجديد وباقي اولاده
لو حس بالمسؤوليه كرهه الحمل وخلاك تاخذين مانع ، وحمل وجنس مره مايجي
الحامل مالها خلق ابدا .. من جد صعب مره
حاولي تفهمينه او تخلين احد يفهمه ، لازم تاخذين مانع لمده طويله ترتاحين وتتفضين له
قوليله حبيبي ابغا اعيش معك بدون جنين مايخلينا ناخذ راحتنا ، على قولتهم كولي بعقله حلاوه
وممكن هو خايف من العقم بسبب الموانع ، جربوا العزل او اللولب امن تقريبا
الله يعينك مره حالتك صعبه

[مرهفة الإحساس]

يا قلبي عليكي اولا نورتي المنتدى حبيبتي ثانيا والله حالك يحزن بس فعلا متل ما قالت العضوة اللي قبلي كلميه بهدوء وفعلا كلي بعقله حلاوة وقوليله انا نفسي ما يكون عندي بيبي عشان اعرف اعيش حياتي معاك على راحتي ولو زاد الامر عنده دخلي اهلك والدك او اخوكي اي حد يكلمه انتي لسا صغيرة على هذه المسؤولية
يا قلبي بسألك ايش جنسيتك وايش هو مؤهلك ؟؟؟؟
اذا ما تبي تجاوبي على راحتك حبيبتي

[مروه الريحانى]

لا حول ولا قوه الا بالله مش عارفه اقولك ايه كتر خيرك طبعا فى سن زى ده اطفال وحمل وولاده وتربيه ورا بعض وكل يوم مسؤليه بتزيد فعلا زى ما قالولك الاخوات لازم يحس بالمسؤليه والتعب معاكى الحياه مش كده كلميه وفهميه وحسسيه بمشاعرك مش هيفيدك الصمت ولو ما جاب نتيجه كلامك معاه حد يتدخل من اهلكم احيانا الزوج يسمع من بره لكن من زوجته لا
وربنا يعينك ان شاء الله وتقومى بالف سلامه يارب ويهون عليكى ياقلبى

[أم عبدالرحمن السلفية]

يا قلبووو..........
المال و البنون زينة الحياة الدنيا أكيد يقول لك كذا ....!!! قولي له نبغى نسافر أي مكان اختاري له و نخلي البزارين عند ماما أو خالتك "أمه ,,,, تجديد مثلا والله يعينك و يرضى

[ام يارا القادمه]

ياأختي كل الرجال يحبون الجنس بس مو ممارسه الجنس تعني لازم نجيب اولاد في طرق كثيره واسهلها الحبوب ليش ماتأخذيها ومو لازم موافقته اتوقع العدد كافي من الأولاد وش هذا اكيد ماراح يحس فيكي ع كذا ماتوصلي الثلاثين الا معاك عشره شي صعب لازم تأخذين قرار بنفسك لأنك لامرضتي وتعبتي وتغير شكلك ع طول بيدور غيرك ولافكر فيك ولا في اولادك والله يعينيك يارب

[منى العين]

الله يهديه بس ما بحس الا لصار شي لا سمح الله طيب ما تعب من مصاريف العيله وما خاف عليك من الحمل والولاده
بعدين وش فيها لو اخذتي موادع دام عندك خير من رب العالمين لين جسمك يصير بصحه وعافيه لك وللعيال قبل الحمل من جديد
اقنعيه حاول ي معه حسسيه ان المسؤوليه كل ما جا لها تصعب اكثر ومصاريف العيال والبيت تبي والتربيه تاخذ منا شبابنا
استخدمي لولب هذا افضل شي امي كانت مثلك كله حمال وولاده لين وقفت عالسادس واستخدمت لولب وبعد اربع سنوات حملت
ومن جاتها البنت خلاص استخدمت لولب على طول وتقول لو ما اخذت الموانع كان صكيت 14 التربيه متعبه للولد الواحد وهذا فما بالك بخمسه كلهم على راسك حاول تقنعينه بشتى الطرق

[النوري84]

اذا تعبانه ومضغوطه خذي مانع حمل وﻻ تخبرين ياختي صحتج اهم حراام..داري نفسج الريال همه نفسه وراحته..ومشاءالله عندج عيال الله يطرح فيهم البركه..

[ريمو&]

الله يقومك بالسلامة ياقلبي

شوفي قولي لزوجك يقرأ هذا التفسير هذا يدل انه الوحده المفروض ماتحمل الا لما يصير عمر ولدها سنتين
دليل من كتاب الله الله يهديه ايش فيها لو اخذتي موانع ولا اقولك دخليه معاكي في الولاده علشان يشوف كيف تعانين منجد احكي

اتفاق مدلول الآيات القرآنية الخاصة بتحديد مدة الحمل والرضاع مع نتائج العلم:

إن الذي لديه أدنى دراية بالقرآن الكريم، يعلم حق العلم أنه لا يوجد أي تعارض بين آياته الكريمة؛ فبالجمع بين آيتي سورة لقمان وسورة البقرة، وبين آية سورة الأحقاف، يدرك أن أقل مدة للحمل هي ستة أشهر، فقوله سبحانه وتعالى:*)وحمله وفصاله ثلاثون شهرا(*(الأحقاف: 15) لا يعرف منه - بانفراده - أقل مدة للحمل، ولكنه بضم بعض الآيات الأخرى إلى هذه الآية، تعلم أقل مدة للحمل؛ لأن هذه الآية الكريمة صرحت بأن أمد الحمل والفصال[1]*معا ثلاثون شهرا، وقوله سبحانه وتعالى:*)وفصاله في عامين(*(لقمان: 14)، وقوله سبحانه وتعالى:*)والوالدات يرضعن أولادهن حولين كاملين لمن أراد أن يتم الرضاعة(*(البقرة: 233)، يبين أن أمد الفصال عامان، وهما أربعة وعشرون شهرا، فإذا طرحتها من الثلاثين بقيت ستة أشهر، فتعين كونها أمدا للحمل، وهي أقله، ولا خلاف في ذلك بين أهل العلم[2].

[صرخة طفل]

زي ماقالوا البنات جسمك محتاج راحه. وممكن زوجك يجامعك بدون مايكون فيه حمل والموانع كثيره

حاولي تقنعيه ان الحمل مايخليك تستمتعي بالجماع لعلك تقنعيه عن طريق هذا الامر

والله يفرجها عليك

[مخاوية الهم]

حبيبتي .. لا تخلينه على كيفه

يعني رقدي وياه محد يمنعج هذا حقه الشرعي ..

بس حطي لولب .. او اخذي موانع .. وليش ان شاء الله حضرته مب راضي ؟؟ لأنه مايتعب فيهم

ان شاء الله بس يعاونج على اليهال ... إيودهم ويسبحهم و يأكلهم .. مو اييب و يقطهم بجبدج !!

حرام !

خلاص قولي كفاية

انتي قدي انا 88

و عندي ولد عمره سنة و3 شهور الله يخليه لي و الحين حامل بالسابع ..

و اول ماعرفت عن حملي صادتني حالة نفسية اول 3 شهور بس الحمدلله على كل حال

الواحد يبي يهتم بروحه خصوصا في هالزمن .. من وين الواحد يقدر يلبي طلبات هاليهال اللي كل شي يبون .. !

و الحياة صارت غالية واااااااااااااااايد وااااااااااايد .. و الواحد مايقدر يكسر بخاطر اليهال

و غير جذي تربيتهم صارت أصعب .. لا يسمعون الكلام و لا شي

حبيبتي .. رحمي نفسج اذا اهو مب راحمج

خلي الدكتورة تكلمه تقوله خطر عليها !

كلمي دكتورتج و شرحي لها وضعج لا تسكتين

[ملكتني بهمسك]

الله يعينك وكل كلام البنات صح اقنعيه انك تبين تلبسين وتتشيكين له زي يوم ماكنتي عروس وان الحمل والولاده ماتخليك مرتاحه بجنس وخذي موانع وهو مايدري لان كثر الحمل والولاده تبهذل جسمك ورحمك ويسير يبغا غيرك ودحين ساكت لكن لو كثرو العيال بسيبك وبيشوف غيرك ويقولك سرت ما ارتاح عندك بسبب العيال وطلباتهم وازعاجهم ويبغا يجيب عروسه تكون متفرغتله لازم تحطي حد الرجال همه راحتهم واجبريه يساعدك صدقيني لو ساعدك بعيال بيسير هو الي يجبلك مانع للحمل واذا ماقدرتي تقنعيه خلي الدكتوره الي تراجعي عندها تقنعه واذا مارضي خلي احد من اهلك يقنعه ان الحياة سارت صعبه وغاليه والاطفال يبغالهم رعايه واهتمام وانكم لسه العمر قدامكم وكثرت العيال مابيخلوكم تاخذو راحتكم وكذا الله يهديه لك ويسخره لك وانتي لو تقدري تاخذي اي مانع من دون مايدري يكون افضل لين ترتاح نفسيتك والان الجماع كويس عشان يحمي الطلق ويعجل بولاده

والله يكتبلك الي فيه الخير لك

على فكره انا لي متزوجه 12 سنه والان عمري 28 بكري عمره 11 سنه والان حامل بسادس مشاء الله تبارك الله

[!راما!]

ونا مثلك والله الحين عمري 20 وحامل بل خامس لي متزوجه 7 سنوات الله يعين ويسخر لنا ازواجنا ويسخرنا لهم

[ام مريم ورحمة]

تركيب اللولب في اي عيادة نسائية ما ياخذ نص ساعة بعد ما تولدي بشهرين روحي ركبي لولب واطلبي من الدكتورة تقصر خيط اللولب عشان ما يحس فيه وبس سلامتك لان في رجال مثل زوجك انانيين مايهمهم غير رغباتهم

[ام قطب الدين]

ربي يهديه ويحنن قلبو عليكي
حاولي تقنعيه بايات القران والله يكون معاكي

[fo0fo0]

بنات الموضوع له سنه !!!!

[ahlam-f]

خلاص حبيبتي خمس كفااايه ماا شاءء الله والمره الجااايه قووليله خلاص بوقف الحمل هذا ارهااق جسدي حااولي تقنعينه ..

[ام وليد2005]

بنات الموضوع له سنه !!!!