اللي شقرت وهي حامل تدخل تطمني !!

[nwarah]

انا حامل بالشهر الثاني تقريبا
وقبل امس رحت الصالون وسويت تشقير وانا ناسيه بعد ما سويت افتكرت اني حامل

سوالي لكم هل ممكن يضر جنيني ؟؟؟
واللي سوت وهي حامل وما ضر جنينها ياريت تطمني

[LoOoLoOo]

هو المفروض ماتشقرين الا بعد الثالث للاحتياط انا وبنات عمي كذا ..

بس اني مرره قريت بمنتدى وحده تقول انها بكل عيالها تشقر من الشهر الاول لين تولد هي وخواتها والحمدالله مصار للجنين شي

الاخطر الصبغه لان عروق الراس للرحم ع طول بس الوجه والحواجب ماظن ..

الله يتمم لكك حملكك ع خيرر ان شاء الله ...

[قطوة]

لا حبيبتي لا بعد الثالث ولا الخامس اصلا يضر الجنين طول التسع اشهر
انتبهي يا اختي

[االقادم اجمل]

ربي خير حافظ
انا مثلك من يوم حملت وانا اشقرهم

[بحور النشيد]

والله ياختي انا ما أئيده مع ان ودي اشقر بس اخاف يضر الجنين اصبري ياقلبي اهم شي لاتتسببين بضرر لجنينك وتتندمين بعدين

الله يثبت جنينك ويسهل عليك وكل البنات

[nwarah]

انا استودعته الله وان شاءالله ما بيضره شي بقدرة الله عزوجل

[أم الزين]

انا اشقر بكل حماايلي وان شااااء الله مايضر ماضرني

بس انتي لا تشقرين من صدرج لي بطنج


والله الحااافظ

[ام وليدان]

أنا في الشهر التاسع من بداية حلمي وانا اشقر حواجبي عادي لكن اخر مره واااااايد حار ما قدرت استحمل صار على الجفن بنفسجي والحين ابي اشقر حقا العيد لكن متردده

[تفاصيل الهوى]

ﻻ بالعكس بولدي الاول اشقر كل اسبوع مره من أول ماحملت
والحين كمان نفس الوضع بحملي هذا والحمدلله مافي أي ضرر

[أم النجلاء333]

انا اشقر من اول حملي بس بدون صبغ للحواجب فقط تشقير وفي الشهر مره تقريبا
والحمدالله عدت الحملات الاولى على خير وحتى في هذا الحمل شقرت والله يستر

[بنت ابويه]

ان شاءالله مايضرك الله يثبت حمل كل حامل يارب

[سسارونه]

ان شالله مايضر
أنا سالت دكتورتي وقالت أهم شي لاتستنشقين الماااده >>قصدها ريحة البروكسيد <<

والله خير الحافظين

[nwarah]

الحمدلله طمنتوني
ان شاءالله ربي بيحفظه

[ال ماما نوف]

الله يطمن قلبك وانشالله مافي الا الخير

[زوجه ظابط]

>> انا اليوم مشقره ومافيه خوف باذن الله

[ام ميدووو]

عادي انا اشقر واصبغ ما يضر اصلا الصبغه ما تدخل للدم سالت كم دكتورة وانا عندي اطفال والحمد لله ودايما اصبغ

[نورا الامورة]

والله مدري لكن انا ودي اصبغ حواجبي عالعيد بس متردده ..

[نعمة ربي]

الصراحة انا ما استخدم التقشير أبدا

[نعمة ربي]

ليش ما يتغير لي الشريط