أنا خايفه ع حملي

[أم البسنت]

السلام عليكم
قلت لكم قبل كذا ان حملي صار بعد انتظار ويقين برحمة ربي وكرمه
ومازلت على يقين ان اللي وهبني هالحمل سبحانه قادر يحفظه لي ويتممه على خير
واحتاج لدعواتكم لي بهالعشر ويوم الجمعه
لي كم يوم ينزل معي افرازات كانت صفراء والحين لها يومين صايره خضراء كأنها صديد
ورحت البارح لطواريء مدينة الملك فهد قسم النساء والولاده بصراحه مافيه رعايه ولا اهتمام بعكس القسم الخاص بالطواريء العامه
جلست يمكن ساعه انتظر احد يعبرني وانا اتوجع ونفسيتي زفت كنت بس ابي احد يطمني ع البيبي بس للاسف ماعطوني وجه حتى يوم اخذوني ع السرير يا دووووووب جت الدكتوره ومالها خلق اصلا حطت السونار ثواني بس وشالته قلت كيف بيبي كويس دكتوره
قالت فيه بيبي بس مافيه نبض << يقالها انها طمنتني كذا
قلت كيف دكتوره يعني
وشرحت لها الافرازات اللي معي وش كان ردها علي
قالت راجعي عيادات انا مافي مسؤول لازم عيادات <<<<< كان خاطري اذبحها وربي جايتها ابيها تطمني زادت حيرتي حيره

وطلعت منهم محطمه كلي خوف وقلق واتصل بدكتور شاطر اتعامل معه من زمان
وشرحت له الافرازات و وضعي
قال لي باختصار انتظري لحد يوم الثلاثاء كاقصى حد لو ما حصلتي نبض الجنين وقفي المثبت لأنه بينزل
وش هالتحطيمات وربي حطموني وضيقوا صدري بس ما راح ايأس من رحمة ربي وكلت امري لله هو وحده العالم باحتياج لهالجنين وطول صبري لين حملت
بنات تكفون ادعوا لي اني بمراجعتي اللي يوم السبت اسمع نبض جنيني واتطمن عليه
نفسيتي مره اندمرت خايفه اخسره
ادعوا لي بيوم هالجمعه لا تنسوني من دعائكم والله والله والله اني انتظرت هالحمل سنييييييييييييين طويله

[أم البسنت]

يوم الجمعه فيه ساعة اجابه
ادعوا لي فيها يمكن دعوه بظهر الغيب تلطف بحالي و تفتح لها ابواب السموات وتكون سبب بعد الله عز و جل في انقاذ جنيني واكتمال حملي على خير وفرحتي بضمة طفلي سليم معافا تام الخلقه بلا زياده ولا نقصان

[أم ح ــنونـہ]

حبيبتي
الله يثبت حملك ويفرح قلبك فيه
وان شاء الله تسمعي نبض البيبي وتفرحي فيه
وما راح انساكي من الدعاء يا قلبي
وربك قادر على كل شي لاتيأسي ابدا واستمري بالدعاء والاستغفار
والله يتمم لك على خير ♥

[حلليمو]

اسال الله العظيم رب العرش الكريم ان يثبت حملك ويرزقك الطفل السليم المعافى

كامل الخلق والخلقه ويجعله ذخر لك ولابووه ...

بس يا اختي انتي الان كم لك حامل؟؟؟؟؟

انا ما شفت نبض الجنين الا في الاسبوع التاسع والاسابيع كوولها يقولوا مافي نبض وممكن ينزل..

.. وبعدين الافرازات الخضراء مالها داعي بنبض الجنين ..هيا عباره عن ميكروبات والتهابات تصيب اي حامل و

لازم تاخذي لها علاجات عشان لا تضر بالحمل مستقبلا .. وانصحك ترووحي الصيدليه وتاخذي دش مهبلي

تتشطفي فيه طوول فترة حملك ..هذا طبعا بعد العلاج للافرازات


ان شاء الله ما عليك شر .وربي يحقق امنيتك ويرزق من حيث لا تحتسبي ...

[أم البسنت]

ام حنونه الله يجزاك خير ويحقق لك اللي تتمنيه
ربي يفرح قلبك ولا يوريك ضيق وكدر

[أم البسنت]

حلليمو
ردك طمني نوعا ما الله يطمن قلبك ويجزاك خير
لاني انا بحساب دورتي المفروض داخل الاسبوع الثامن
بس كل الدكاتره اللي شفتهم وسألتهم حطموني يقولون المفروض من الخامس نسمع النبض
وربي تعبت من التفكير وخايفه كثير ع البيبي
الالتهابات سويت تحليل وقالوا سليمه
دكتوره من اللي سالتهم قالت يمكن الافرازات افرازات طبيعيه لعنق الرحم بسبب الحمل
بس انا اللي خوفني تأخر نبض الجنين

[بيلسان الود]

اسال الله العظيم رب العرش الكريم ان يثبت حملك ويرزقك الطفل السليم المعافى

كامل الخلق والخلقه ويجعله ذخر لك ولابووه

عزيزتي انا متل حالتك وعايشة على اعصابي هده الايام

اخواتي لا تحرمونا من دعوتكن في ظهر الغيب

[سسارونه]

الله يتمم لك يارب ويفرح قلبك بسماع نبض البيبي
بس وش معنى قالولك الثلاثاء ::: والله ياام البسنت لاتتاخرين روحي واكشفي عند عياده ثانيه
واسال الله العلي القدير ان يحفظك ويحفظ اللي ببطنك <<
وطمنينا عنك :-*

[ρυяỉтч •]

ياحبيبتي توك ب الاسلوع الثامن وحطموك كذا ؟ ماعليك منها كلهم دكاتره الطوارئ مايفهمون
ماظن لحقت تشغل جهاز النبض عشان تسمعه ..
عموما الافرازات مالها دخل ابدا بالجنين ، ولعلمك انا نفسك ودكتورتي تقولي اذا مع الافراز حكه معناته التهاب
واذا مافي حكه بس افراز ذا من هرمونات الحمل العاليه
روقي كذا وطنشي كلامهم ، واقري على بطنك
اصلا حتا الوحم لسا مابدا الجنين صغير كيف يحكمون عليه كذا ؟
روحي دكتور ثاني غيرهم لعياده خاصه مثلا واطلبي سونار مهبلي وبإذن الله بتسمعين نبض جنينك
ولو لا سمح الله ماسمعتي لا تستعجلين اصبري يمكن يادوب صغنون لسا
ودام مانزل دم بني او احمر معناته الامور طيبه ب اذن الله

[أم البسنت]

بيلسان الود
اللهم آمييييييييييييييييين
الله يثبت حملي وحملك وحمل كل الحوامل يا رب

[أم البسنت]

سسارونه
والله يا اختي ماددري اشمعنى الثلاثاء
وانا شفت دكتورتين واستشرت دكتور وماودي اكثر دكاتره لانهم يزيدون توتري
ببقى على دكتورتي وانتظر مراجعتي بكره واتوكل على ربي
ان شاء الله اطمنكم واجيب لكم خبر حلو يفرحني ويفرحكم

[أم البسنت]

ρυяỉтч
انا اتابع مع دكتوره بمركز خاص بس لسى موعدي ماجاء ان شاء الله بروح لها بكره عشان تطمني
والسونار المهبلي كثير خوفوني منه بالذات ان حملي مو ثابت حتى الدكتوره تقول ماراح نضطر نسويه وبنخليه آخر شي يعني لو ما لقت نبض لا قدر الله بهالمراجعه يمكن تسوي المهبلي وانا والله خايفه منه

[عزف المحبة]

ام البسنت حبيبتي توكلي ع الله و ما عليك من الدكاترة دام ما نزل دم الحمدلله الوضع مطمن
و بإذن الله تجين تبشرينا ي رب

[أم البسنت]

عزوووفه
ان شاء الله اليوم بطلع لدكتورتي وان شاء الله اطمنكم واتطمن على جنيني
تسلمين قلبو

[نورا الامورة]

حبيبتي خلي ثقتك بالله كبيره وقولي الحمد لله على كل شي
بعدين كييييف قالولك الدكاتره النبض يبدأ في الخامس ؟؟؟؟؟؟؟؟؟؟؟
خطأأأأأأ ماينفخ الروووح في الجنين ويبدا قلبه ينبض الا في الاسبوع السادس ... بالنسبه لي سمعت النبض من الاسبوع السادس وبالمقابل زوجه اخوي ماسمعته الا بالعاشر والسبب جدار البطن سميك والرحم برضو جداره سميك عشان كذا ماسمعته الا بسونار مهبلي ...
يعني مو الكل زي بعض بعضهم يسمعون بدري بعضهم يتاخرون على حسب سمكن البطن والرحم
بعدين الالتهابات الخضراء انتي زي اختي حصل لها كذا بس ماله اي علاقه بالجنين هذه التهابات فيك ولازم تعالجينها لاتستني موعدك كل يوم بيفرق علييييييييك اسالي وروحي لدكتور ثاني عشان يعطيكي تحميلات وعلاج عشان هالالتهابات تروح ولاتشيلي هم
اهم شي لاتستني الموعد روحي اي مستشفى ثاني وقوليلي انتي فين في اي مدينه ؟؟؟؟؟

[نورا الامورة]

ومعليش شطحه على جنب لاحد يخاف من السونار المهبلي سويته كثير والحمد لله كل شي تمام اهم شي مايدخلونه جوا كثير

[دنيتي ابوي]

ام البسنت الله يفرح قلبك ويثبت حملك
ولايحرمك منه ادعي ربي وربي الدعاء يريح القلب
وبآذان الله بتفرحين بشوفه ضناكك

[** ريمة **]

ربي يحفظلك جنينك ويفرحك بيه يارب ويسهلك حمله وولادته يارب

[سوما ليبيا]

ام البسنت اليوم السبت

وانا انتظر تطمنينا علي حالتك

يارب يتبث حملك ياااااااااااااارب

[أم البسنت]

نورا الامورا والنعم بالله متوكلين عليه بس لا بد من القلق والتوتر يا خيتو
ايه بالفعل طلع معي التهابات وعطتني تحاميل بس خفت استخدمها
والحمدلله سمعت النبض بس لسى ما زال الجنين بشهور الخطر تقول لا توقفين المثبتات الا على بداية الشهر الرابع
الحين تقول عمر 7 اسابيع ادعوا ان الله يثبته ويحفظه
جزاك ربي خير وهون عليك

[أم البسنت]

دنيتي ابوي
اللهم امييين و جزاك ربي الجنه خيتو

[أم البسنت]

ريممه

اللهم امييييييييييين وجزاك ربي الجنه خيتو

[أم البسنت]

سوما ليبيا
فديتك يا خيتو رحت للدكتوره الحمدلله سمعت النبض والجنين بخير بس تقول لازم تستمرين ع المثبتات والراحه التامه وعطتني علاجات غسول وتحاميل تقول عشان الالتهابات وسويت فحوصات وتحاليل شامله عشان اتطمن ع الحمل
تسلمين ع سؤالك خيتو

[ملكة الاحساس22]

الف حمد الله ع سلامتك وسلاممة البيبي وبعض الدكاتره مادري كيف مايفكرون ولا يراعون نفسية الواحد وتجيب لك الكشه من التعامل بس مافي اسلوب عموما الحمد لله وانا يا ام البيست زيك بس انا نزل علي مويا وطيران ع المستوصف كشفت علي من تحت وقالت لي المويا مو من عند الجنين فيك التهاب وعطتني تحاميل ولازم تستخدمينها مامنها خوف علشان الالتهاب يضرك ويضر البيبي وبالنسسبه للنبض ينسسمع بالاسسبوع الثامن والبعض يتاخر والبعض لا كل وحده تختلف واعيد عليك لازم تستخدمين التحاميل علشان الالتهاب يروح انا استخدمتها وربي يارب يفرح شوفتك بضناك بصحه وعافيه وطمنيني عنك خيتو واسسفه طولت عليك بس منشان اوصصلك الفكره

[بحيرة عسل]

كلللللللللللللللللللللللووووووووووووووش


فرحت لك من قلبي


ربي يثبت لك حملك ومايطير لك قلب قولي اميييين

[بوح القلم]

ط§ظ„ظ„ظ‡ ظٹط«ط¨طھ ط*ظ…ظ„ظƒ ظٹط§ ط§ظ… ط§ظ„ط¨ط³ظ†طھ ظˆظٹظپط±ط* ظ‚ظ„ط¨ظƒ ظˆظٹط±ط²ظ‚ظƒ ط§ظ„ظˆظ„ط¯ ط§ظ„طµط§ظ„ط*

[نعمة ربي]

ربي يثبته لج ان شاء الله

[أم البسنت]

الف حمد الله ع سلامتك وسلاممة البيبي وبعض الدكاتره مادري كيف مايفكرون ولا يراعون نفسية الواحد وتجيب لك الكشه من التعامل بس مافي اسلوب عموما الحمد لله وانا يا ام البيست زيك بس انا نزل علي مويا وطيران ع المستوصف كشفت علي من تحت وقالت لي المويا مو من عند الجنين فيك التهاب وعطتني تحاميل ولازم تستخدمينها مامنها خوف علشان الالتهاب يضرك ويضر البيبي وبالنسسبه للنبض ينسسمع بالاسسبوع الثامن والبعض يتاخر والبعض لا كل وحده تختلف واعيد عليك لازم تستخدمين التحاميل علشان الالتهاب يروح انا استخدمتها وربي يارب يفرح شوفتك بضناك بصحه وعافيه وطمنيني عنك خيتو واسسفه طولت عليك بس منشان اوصصلك الفكره

ملكة الاحساس
تسلمين يا قلبو والله يثبت حملي وحملك وحمل كل الحوامل
انا بالسونار قالت لي سبع اسابيع واربع ايام بس الدكتوره تقول لا ست اسابيع
ماادري من اصدق فيهم واختي تقول من يوم نزول دورتك اخصمي اسبوعين واحسبي الباقي
وانا دورتي نزلت 1- 10 يوم العيد يعني احسب حملي من اليوم 15 يصير لي سبع اسابيع بالضبط

[أم البسنت]

كلللللللللللللللللللللللووووووووووووووش


فرحت لك من قلبي


ربي يثبت لك حملك ومايطير لك قلب قولي اميييين

بحيرة عسل
تسلميييييييييييييييييييييييييييييين وعسى حياتك كلها فرح بفرح يا خيتو

واللهم اميييين الله يثبت حملي وحمل كل حامل ويرزق اللي يتمنون الحمل

[أم البسنت]

ط§ظ„ظ„ظ‡ ظٹط«ط¨طھ ط*ظ…ظ„ظƒ ظٹط§ ط§ظ… ط§ظ„ط¨ط³ظ†طھ ظˆظٹظپط±ط* ظ‚ظ„ط¨ظƒ ظˆظٹط±ط²ظ‚ظƒ ط§ظ„ظˆظ„ط¯ ط§ظ„طµط§ظ„ط*

بوح القلم
يسلمو ع مرورك خيتو بس الكلام طالع عندي رموز

[أم البسنت]

ربي يثبته لج ان شاء الله

نعمة ربي
اللهم اميييييييييييييين الله يثبت حملي وحملك وحمل كل الحوامل يا خيتو

[نورا الامورة]

مبروووك حبيبتي الله يتمم لك على خير وماعليك من كلام الدكاتره كلهم يقولو الشهور الاولى شهور الخطر مادام تحاليلك سليمه وكل شي تمام لاتخافي لاخطر ولاشي بس استمري عالمثبت تراه جدا ممتاز ان كان للجنين او الرحم يقووويه وان شاء الله ماتحتاجي لللابر المثبته انا جلست عالمثبت للخامس ووقفته بس تعععبت وعلى السادس اخذت ابره مثبته لانه جاني بوادر طلق مبكر الله يتمم لنا كلنا على خير ياااااااارب

[mdam.7ntash]

حبيبتي الله يثبت حملك ويفرحك ويحميكي ويحمي الببو يا رب

[سسارونه]

الحمدلله على سلامة البيبي وسلامتك

وفعلا" المثبتات كويسه الكل يقوله وتوقع ان ثلاثة ارباع الحوامل ياكلونها <<وأنا منهم
أذكر يوم صرفتها لي الدكتوره ركبت السياره مع زوجي وأنا اببببكككككي خفت ووسوست قلت اكيد ان حلمي بخطر وزوجي يهدي فيني بس مافي فايده

ولما رجعت البيت كلمت اختي وطمنتني قالت ان بعيالها كلهم تأخذ مثبتات وارتحت الحمدلله

لازم نحسن الظن بالله ونتوكل عليه ونستودعه أنفسنا وذرياتنا ؛؛ وربي مايخيب ظن أحد فيه

الله يتمم علي وعليك وعلى كل حامل ياااارب
والله يرزق كل محروم

[أم البسنت]

مبروووك حبيبتي الله يتمم لك على خير وماعليك من كلام الدكاتره كلهم يقولو الشهور الاولى شهور الخطر مادام تحاليلك سليمه وكل شي تمام لاتخافي لاخطر ولاشي بس استمري عالمثبت تراه جدا ممتاز ان كان للجنين او الرحم يقووويه وان شاء الله ماتحتاجي لللابر المثبته انا جلست عالمثبت للخامس ووقفته بس تعععبت وعلى السادس اخذت ابره مثبته لانه جاني بوادر طلق مبكر الله يتمم لنا كلنا على خير ياااااااارب

الله يعين يا خيتو ويثبت حملنا جميع
لي يومين معي الدم وامس رحت للدكتوره وقالت لازم تاخذين ابر تثبيت مع الحبوب المثبته وتلتزمين الراحه
الابر مره كل اربع ايام
والله اني صرت خايفه كثير بعد ماصرفتها لي مع الحبوب ومازال الدم كل ما امسح الاقي بقعه صغيره
والحركه بالبيت لازم وش اسوي غصب اقل شي اطبخ وجبه باليوم لزوجي والباقي من برا
ادعي لي الله يثبت حملي ويطمن قلبي
سلاحي الوحيد الدعاء والاستغفار

[أم البسنت]

حبيبتي الله يثبت حملك ويفرحك ويحميكي ويحمي الببو يا رب

اللهم آآآآمييييييييييييييييييييييييين
الله يجزاك خير خيتو ويرزقك من واسع فضله

[أم البسنت]

الحمدلله على سلامة البيبي وسلامتك

وفعلا" المثبتات كويسه الكل يقوله وتوقع ان ثلاثة ارباع الحوامل ياكلونها <<وأنا منهم
أذكر يوم صرفتها لي الدكتوره ركبت السياره مع زوجي وأنا اببببكككككي خفت ووسوست قلت اكيد ان حلمي بخطر وزوجي يهدي فيني بس مافي فايده

ولما رجعت البيت كلمت اختي وطمنتني قالت ان بعيالها كلهم تأخذ مثبتات وارتحت الحمدلله

لازم نحسن الظن بالله ونتوكل عليه ونستودعه أنفسنا وذرياتنا ؛؛ وربي مايخيب ظن أحد فيه

الله يتمم علي وعليك وعلى كل حامل ياااارب
والله يرزق كل محروم


سارونه الله يسلمك
اذا ع الوسوسه يا خيتو ما ننلام والله
الله يطمن قلوبنا ويثبت حملنا جميع