محتاجه مساعده / نزول سائل لزج أصفر في آخر التاسع

[حنيني للأقصى]

السلام عليكم ورحمة الله وبركاته ..
صباحكم ورد ..
خواتي الله يعافيكم محتاجه مساعده من صاحبات الخبرة ..
أنا باﻷسبوع اﻷخير من الشهر التاسع .. ولاحظت من اليوم العصر نزول سائل لزج لونه أصفر ينزل مني على دفعات مو متواصل لكنولما ينزل يبلل الفوطه الله يعزكم ويكرمكم وأضطر أبدالها .. ولحد اﻵن ينزل هذا السائل .. تقريبا كل ربع إلى نص ساعه تنزل دفعه ..
السائل عديم الرائحه وما احس معاه بأي حكه .. ولا أحس بأي طلق نهائي مع أنه من بداية التاسع لحد امس كان معي طلوق خفيفه مثل الالام الدوره بس اختفت اليوم .. واحس اليوم بطني مرره خفيفه كأنه مو حامل ..
والبيبي جدا هادئ .. يتحرك بس بهدوء مو مثل قبل ..
ممكن احد يفهمني ايش معنى نزول هالسائل .. هل هو ماء الحنين .. او السداده .. او ايش بالضبط

للأسف ما أقدر اروح للمستشفى قبل السبت .. ماعندي احد والمستشفى بعيد .. ممكن احد يطمني ..
وشكرا ..

[!راما!]

ماااااا تشوفي شر
ارتاحي وطمني يعني هاذا دليل علا قرب موعد الولاده بس مو الحين راح تالدين يعني لا تخافي هو بس علامه علا قرب موعد الولاده يعني اتوقع بأذن الله خلال هل اسبوع راح تالدي
لأني حملت اربع مرات وبكل مره يحصل كذا معي قبل موعد الولاده بس 8 ايام ينزل ماده صفره
الله يقومنا بسلامه يا رب

[أم مارية و ريما]

مثل ما قالت لك اخت راما
علامات قرب الولاده

[حنيني للأقصى]

الله يجزاكم خير ويفتح لكم أبواب رزقه ورحمته وين ماكنتم ..

[≈ ٵڼفآس آڵۈړډ ♡]

الله يسهلك
انا كانت تنزل معي بيضاء وتحسها شوي غليظه الله يكرمنا جميع
كلها تقاديم ولاده لسا
اهم حاجه تنتبهي من يبدا الشد اخر ظهرك وبطنك
ولا تصغطي ع الحوض بجلستك
ممكن المويه تنفك من خلال الضغط > تتذكر غبائها ههههه
الله يسهل لك^^

[ام اسكندر]

علامات تجي بالتاسع

وربي يسهل اموركم

[حنيني للأقصى]

الله يجزاكم خير ..

السائل الأصفر استمر بالنزول الى اليوم العصر بعدها وقف ..
وعلى الساعه 9 نزلت دفعه بسيطه بس اكثر من اللي قبل وبللت ملابسي الخارجيه .. وعلى الساعه عشر نزلت دفعه بسيطه ثانيه بنفس الطريقه
رحت قبل شوي للطوارئ .. قالت الطبيبه بعد ماكشفت علي بجهاز غريب وطلبت مني اني اكح ..
قالت فيه نسبه بسيطه من ماء الجنين نازل .. بس الرحم عندي مسكر تماما ..
ونبض الجنين تمام .. وقالت مافيه خطوره وطلعت

الحين كيف اقدر افتح الرحم .. المشي ممكن ينزل المويه اكثر وانا ابي اريح لحد بكرا واروح لطبيبتي اللي اراجع عندها..
احد ممكن يفيدني بطريقه تفتح الرحم ..
للمعلوميه هذا حملي الثاني الاول كان قيصري لانه الجنين مقعدي .. وحملت بعد سبع شهور ..
بس وضع جنيني الحالي تمام راسه تحت بس لسى مانزل بالحوض وحااابه اولد طبيعي

[ملكتني بهمسك]

زيت الزيتون مع حبه البركه دفي الزيت ودهني جسمك منه
بعدين حطيلك مويه دافيه جدا او مايله للحراره واجلسي فيها قد ماتقدرين واتروشي بمويه دافيه
وعشان الجنين ينزل للحوض اطلعي وانزلي على الدرج
الله يسهلها لك وتولدي طبيعي بسلامه

[حنيني للأقصى]

الله يجزاك كل خير ويفتح لك أبواب رزقه ورحمته

[حنيني للأقصى]

الحمدلله ولدت امس اخر الليل بعمليه .. كانت المويات الصفراء دليل على بداية تبرز الجنين ..
الحمدلله على نعمته وفضله ..

[!راما!]

الحمد الله علا كل حال
اهم شي انك بخير انتي وانونو
الحمد الله علا سلامتك

[عزف المحبة]

الحمدلله ع سلامتك حمستيني للولادة الله يجيبه ع خير و يسهل و يتمم علينا

مبروووووووك مرررره ثانيه

[لييتا]

مبروك اختي الف مبروك والحمد لله على سلامتك انتي والبيبي
وربنا يرزكق بره ويكون من الصالحين

[حنيني للأقصى]

الله يجزاكم خير ..
احاول اتناسى العملية عشان ما اصاب بأكتئاب .. الحمدلله على نعمة العافية