طفلي والاكزيما

[بنت القطان]

السلام عليكم
ياصبايا انا عندي ولد الله يحفظه بيخلص الخامس
وفيه اكزيما جربت معاه كل شي مافاد حتى الكورتزون جربته وبس تركته رجعت الاكزيما
المشكله مو عارفه شنو الاكل اللي يناسبه
السريلاك والبسكوت والقمح قطعته عنه
الحين اعطيه حليب حق الحساسيه واسلق له خضار واهرسه

ودي لو احد عنده خبره بالموضوع يفيدني
شنو الاكل اللي يناسبه ؟
واذا عندكم علاج للاكزيما؟
وفيه وانتوا بكرامه سهال كيف اوقفه ؟ ويمكن يكون عشانه قاعد يسنن؟

وياليت اللي تدخل ع الموضوع تدعيله الله يشفيه والله يطلع من ها الحساسيه الدم

[ورردي]

حبيبتي انا ولدي كان زي ولدك بضبط مافي شي فاد معاه
بس الله رزقني بدكتور شاطر وفاهم غير حليبه الى حليب ابتاميل hd للحساسيه وصرف له برهم وقالي لي ابعدي طفلك عن مشتقات حليب البقر يعني اللبنه والقشطه والزبادي والجبنه وبافعل تحسن ولدي وراحت عنه الحساسيه وكل ما كبر راح تروح عنه اكليه خضروااات وفواكه بس لا تكثرين له الموز افرمي له رز والسريلاك والبسكوت والقمح
اتمنى اني افدك
الله يشفي ولدك ويخليه لك يارب

[بنت القطان]

مشكوره وما قصرتي
انا الحين استخدم له حليب بيبيلاك ha
وللحين نفس المشكله
مع اني بس ااكله فواكه وخضروات

[بنت القطان]

المشاهدات وايد ورد واحد بس؟
معقوله محد يعرف شي!

[زهور من نور]

انا اعاني مع بنتي من الاكزيما ومالقيت لها حل الى الان


الله يشفي عيالنا يااارب

[شدى ليبيا]

حبيبتي بنتي نفس الحالة وكانت تستعمل بيبي لاك ha وكل ماتكبر تنقص عنها

[smsma333]

انا نفس الشي عانيت مع ولدي البكر من الاكزيما كثيرررر
بس مع العنايه والاهتمام تخف كل ما كبر شوي
اهم شي تهتمين لملابسه قطن ١٠٠٪
ابعدي عن الصوف والبولستر تمامااااا
لبسيه افرولات كامله دايما
حافظي علي الترطيب
استخدمي منتجات سيباميد صابون وشامبو
وبعده استخدمي زيت الاطفال من جونسون
وبعده كريم الاطفال من سيباميد يرطب كثيرررر

ابعدي عن القمح والموز قبل مايكمل السنه وابعدي عن الاكل المصنع بسكويت سريلاك اكل اطفال جاهز
الاكل اللي ذكرلي ياه دكتور هندي وكنت اعطيه فتره طويله لولدي مفيد جدا
فاكه البابايا هي زي الشمام بس فيها بذور صغيره سودا جوا كل ما كانت ناضجه تختفي الحبوب
اغليها شوي عشان اتخلص من اي مبيدات انرشت عليها واطحنها وافرزلها في قوالب الثلج واسخنله مكعب الي مكعبين كل ما احتجت

والله يشفيلك ايااه يارب وكل عيال المسلمين