الجنين نزل الحوض وأنا في السابع

[اسراء الاحساء]

هلا أخباركم وأخبار الكتاكيت أنا من ثلاث أيام تعبت وحسيت حركه الجنين اسفل مع نقرات في الرحم ورحت عند الدكتوره وسويت تصوير وقالت أنا الجنين نازل في الحوض وأعطتني مثبت حبتين وحبتين زيت السمك ومنعتني من الحركه والدرج وقالت لي ارفع رجلين لين فوق وأنام علي ظهري وما أنام علي الجوانب وأنا أعاني من إمساك صرفت لي تحاميل وألياف وكنت مستفيديه والحين ما استفيد ولمساك تعبني وأنا خايفه أولد بدري وأخاف النوم علي ظهر تسبب مشكله للجنين ما ادري أروح مستشفي الولاده أو ابقي مع دكتور تي الي في الخاص متابعه عندها من بدايه حملي وآسفه طولت عليكم وكل الي حولي ينصحني أني أروح الحكومة الإسعاف بكره وأخاف اتعب وروح وما استفيد اصبر لين موعدي عند دكتور تي أحسن شو رأيكم في امس الحاجة لكم ما أبي اول وأنا في السابع

[زوجه ظابط]

كم لك ماخذه من السابع وانا مع قرايبك روحي للطوارى الصباح

[اسراء الاحساء]

اليوم آخر يوم في السابع لي أخاف ما احب مستشفي الولاده ليش فيه خطورته علي الجنين

[ايات محمد]

وش هالكلام لاتنامين على ظهرك مب زين للبيبي
روحي الولاده لاتخافين بلعكس بيتهمون فيك اكثر
خالتي نامت على ظهرها بالثامن والتف الحبل السري على البيبي ومات
انتبهي وفي اعتقادي ابرا المثبت كافيه

[ياهم ربي كبير]

وأعطتني مثبت حبتين وحبتين زيت السمك ومنعتني من الحركه والدرج وقالت لي ارفع رجلين لين فوق وأنام علي ظهري وما أنام علي الجوانب

انا مرررة مستغربة من هالنصائح !!

مثبت بالشهور الأخيرة؟!!

و تقول ارفعي رجولك ، كنك بالشهور الأولى؟!!!

وفوق كذا تقول تنامي على ظهرك وانتي بالسابع!!!

والله غريبة !!

النوم ع الظهر مش كويس !! انتبهي!!
لان الثقل رح يئذيكي ويقفل على الاوعية الدموية حقتك
النوم ع الجانب الأيسر هو أفضل وضعيه .. واصلا وضعيات النوم ما تأثر على الجنين او تجيب ولادة مبكرة! استغرب من دكتورتك على هالنصايح

انصحك تروحي ع المشفى او تزوري دكتورة ثانية

وماتقلقي وايد انتي بنهاية السابع ، انا بعد باقيلي يومين من السابع وراس الجنين تحت وماا أحاتي
اللي كاتبه ربي بيصير ..

الله يكتب لنا الخير

[اسراء الاحساء]

وينكم يا بنات المنتدي ما تعطوني نصائحكم محتاجتكم توقفو معي

[بدآيه حلم]

يا قلبي شي طبيعي يكون الراس بالحوض لا تاخفي ولا شي


رواجعي لدكتوره ثانيه افضل لك

[اسراء الاحساء]

والله محتاره الدكتوره تقول لي أنا الجنين ضاقت براس لرحم مع حركته يفتح الرحم وينزل الماء ومع النوم علي الظهر ورفع الأرجل يغير الجنين وضعه ويفر نفسه وحترت أنام علي ظهر أو لا وقررت بكره الروح مستشفي الولاده وشوف وإذا يستقبل نئ أو لا وأبي لتعالج عن لمساك تعبني حيل بس ابكي وما احد عندي يخفف عني وزوجي مايعرف شى ساعدوني وقفو معي مالي الا أنتو من بعد رب العباد صرت ما أثق بكلام الدكاترة

[امرأة الفرح]

حبيبتي بالنسبة للأمساك وعن تجربة انصحك بالرمان
مو عصير لا حب...
والله يطمن قلبك على جنينك

[نورا الامورة]

شوفي حبيبتي لا تخافين انا الحين في السادس وتخيلي من نص الخامس والنونو ضااااغطه اسسسفل بطني وتدق بقوووة لاسفل احس زي الكهرب واحيانا زي النبض من اسفل وفي بدايه السادس صارت تضرب لاسفل بزياده واحس بدفع قوي كاني ابغى الحمام وانتي بكرامه ومره تعبت كثير تشنجات ببطني من جوا رحت لدكتوري قالي عندك طلق مبكر تخيلي والنونو تدف لاسفل وومن غير شي عندي المشيمه نازله الله يعين وعطاني ابره مثبت وفيتامين وقالي بترتاحين عليها اسبوعين وبعدها اذا رجع الالم تعالي وخذي ابره ثانيه وتراه بروفيسوور شاااطر ويعرف شغله قال مادام من الحين وانتي بالسادس كذا الخوف يجيكي ولاده في بدايه السابع عادي اذا عطوك مثبت عشان يبقى الطفل داخل رحمك ويستفييييد قالي كل ساااعه تمر عليك بحملك فيه فااايده عالجنين وقالي ارتاحي بس طبعا ماقالي انام على ظهري ابدا .. انام على جنبي اليمين او اليسار عادي مع اني احيانا اصحى من نومي الا انا على ظهري وعلى طول اقلب على جنبي ... لا تخافين ولاشي ان شاء الله مافيك الا العافيه واذا تبغين تطمنين اكثر روحي لدكتور او دكتورة ثانيه والاهم تكون مجربه وناس تعرفينهم يروحون لها ونصيحه لاي وحده لاتجربي دكاتره الا الدكتووووور مو تقولي بجرب واشوف لا لاااازم يكون ثقققققققه وقرايبين لك مجربييييينهم لاتجربين على نفسك

[اسراء الاحساء]

نورا أختي من وين انتي عشان إذا أقره أروح لنفس دكتورك أنا من الأحساء الهفوف

[نورا الامورة]

غاليتي انا من جده

[غلادنس]

حبيبتي انا صارت لي مةل حالتج

والجنين من الخامس وهو تحت ... وقبل شهر ونص تقريبا كنت جايه من سفر وانفتح عندي الماي وجاتني ولاده مبكره وراس الجنين كان ضاغط تحت وفاتح الرحم
قالت لي الدكتوره ارتاحي لان لسه باقي مويه وماتشكل خطوره ع الجنين ... وهي شاطره حيييل رفعت لي الجنين لفوق عشان مايضل ضاغط تحت ... الحمد الله ارتحت اسبوعين ووقف كل شي .... وتسكر الرحم والحين انا بدايه الثامن ... صج تجيني آلام طلق وولاده بس الراحه ثم الراحه ثم الراحه

ابد ما اجهد حالي بشي ع الاقل ادخل اول اسبوع من التاسع وبعدين اولد حرام اجيبه صغيرون مسكين

انتي بس عليج بالراحه

وابر المثبت ياخذونها اول الحمل من الخامس مايحتاج لان الجنين يكون كبير مايحتج مثبتات مثل لما يكون صغير

وغير كذا النوم ع الظهر يأذيج انتي لانه يضغط ع العروق ومايوصل دم لراسج انا لو انام على ظهري على طول يجيني اغماء

وغير كذا الحبل السري الي يقولون لج يلتف ويموت ومدري شنو ... الحبل السري مايشكل اي خطوره ع الجنين لو التف حوله الا عند الولااااده هنا الخطر ... اما وهو في البطن والتفت عليه مايسبب موت الجنين لان الجنين مايتنفس في البطن كل شي يجيه من الحبل السري ويغذيه ...

انتي بس عليج بالراحه التااااامه .. وعدم صعود الدرج ... ولا تشيلين شي ثقيل .. وتغذي زييين

ربي يتمم لج ولنا على خير