اللي خلصت من تجهيزات بنوتتها تدخل ؛؛؛؛

[ام رهــف]

مرحبا ياحلوات

بغيت اسالكم عن منتجات الاستحمام حق الاطفال وش شريتوا اي ماركه
وكمان العطور الخاصه بالاطفال شنو شريتو ومن وين
عشان ابي اشتري منتجات لبنتي ريحتها حلوه ولاتقولولي جونسون لان جونسون اول كان حلو اللحين صاير ريحته مو زينه ماتعجبني




يالله ياحبوبات انتظر ردودكم

[شذى الكون]

هلا والله اختي انا عن نفسي افضل جونسون
لانه الوحيد الي مايسبب حساسيه للنونو
اخذت عطر جوفان اذا تعرفينه روعه ريحنه واخذت
عطر الاسد مع الكريم حقه من شركة فردريك الفرنسيه

[ام رهــف]

يعطيك العافيه يالغلا نوووورتي بس من وين جبتي عطر الاسد بالصيدليات والا محلات عطور

[Marawy]

انا اشتريت ماركة بيجون .. ريحتها حلوه وكل اهلي وصديقاتي يمدحونها وماتسبب حساسيه ..
تحصلينها في ستتربوينت سواء علب كبيره منفصله او طقم شنطه صغيره مثل اللي اخذتها ..

[ام رهــف]

يعطيك العافيه ومشكووووره

[Tota 85]

انا خذت سيباميد لأن اخاف البيبي تطلع بشرته حساسة مثلي بس صح بايجون ريته حلوة

والعطر لقيت في زارا هوم عطر حق الأطفال حلووووو وانا احب الوايت مسك مال بودي شوب

[rawan393]

اخدت لطعمتي ماركة جونسون تعجبني ريحتها ولطيفة علا بشرة الاطفال’’’
اما بخصوص العطر لسى باقي ما اشتريتة ’’’

[ام اليوسف]

واو تفوح ريحه الصفحه نظافه
عزيزتي شذى من وين احصل عطر الاسد فجده
ياليت لو تدعمونا بالصور للعطور الي بتقولوا عليها
شكرا سلفا ,

[روليتا]

حبيبتي افضل ماركه سيباميد لانها طبيه
والعطر فيه كولونيا خاصه للاطفال من جونسون تلاقيه بالصيدليات

[zobaaa]

انا حابة اجهز منتجات جونسون لاني احبهاااا,,

,بس اذا في فضل منها ياريت

[ريمي العالي]

اشكر صاحبة الموضوع والبنات لانو ابغي اشتري حق ابني عطر اطفال واستفدت صراحه مشكورات

[مخاوية الهم]

هذا الموضوع بفيدج ..

http://forum.hwaml.com/t71761.html

[نسمة دفا]

أنا جبت لولدي من بيجون..وفارمسي

العطر واللوشن من فارمسي

البودرة والشامبو من بيجون

[F.A.A]

انا خذت لها سيباميد
و العطر من الصيدلية + مسك من العطار